ພົບພູມ

ສັດທາຂອງເທວະດາໃດນັ້ນ ຕັ້ງໝັ້ນແລ້ວ ມີຮາກຢັ່ງລົງໝັ້ນແລ້ວ ອັນສະມະນະ ພຣາມ ເທວະດາ ມາຣ ພຣົມຫຼືໃຜໆໃນໂລກ ຍ່ອມຊັກຈູງໄປບໍ່ໄດ້ ນີ້ແລເປັນສ່ວນແຫ່ງການຕັ້ງຢູ່ດ້ວຍດີຂອງເທວະດາທັງຫຼາຍ

ພິກຂຸທັງຫຼາຍ ! ເມື່ອໃດ ເທວະດາຈະຕ້ອງຈຸຕິຈາກເທບນິກາຍ ເພາະຄວາມໝົດອາຍຸ ເມື່ອນັ້ນ ສຽງ ໓ ເຍື່ອງຂອງເທວະດາທັງຫຼາຍ ຜູ້ພອຍຍິນດີຍ່ອມເປັ່ງອອກໄປວ່າ

“ແນ່ທ່ານຜູ້ຈະເຣີນ ! ທ່ານຈາກເທວະໂລກນີ້ໄປແລ້ວ ຈົ່ງເຖິງສຸຄະຕິ ຈົ່ງເຖິງຄວາມເປັນສະຫາຍແຫ່ງມະນຸດທັງຫຼາຍເຖີ້ນ

ເປີດທັມທີ່ຖືກປົກປິດ : ພົບພູມ

ເມື່ອທ່ານເປັນມະນຸດແລ້ວ ຈົ່ງໄດ້ສັດທາຢ່າງຍິ່ງໃນພຣະສັດທັມ ສັດທາຂອງທ່ານຈົ່ງຕັ້ງລົງໝັ້ນ ມີຮາກຢັ່ງລົງໝັ້ນໃນພຣະສັດທັມ ທີ່ພຣະຕະຖາຄົຕປະກາດດີແລ້ວ ອັນໃຜໆ ຍ່ອມຊັກຈູງໄປບໍ່ໄດ້ຕະຫຼອດຊີບ ທ່ານຈົ່ງລະກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕ ແລະຢ່າເຮັດອະກຸສົລກັມເຍື່ອງອື່ນທີ່ປະກອບດ້ວຍໂທດ ເຮັດກຸສົລດ້ວຍກາຍ ດ້ວຍວາຈາໃຫ້ຫຼາຍ ເຮັດກຸສົລດ້ວຍໃຈຫາປະມານບໍ່ໄດ້ ຫາອຸປະທິບໍ່ໄດ້ ຕໍ່ຈາກນັ້ນ ທ່ານຈົ່ງເຮັດບຸນອັນໃຫ້ເກີດສົມບັດນັ້ນໃຫ້ຫຼາຍ ດ້ວຍທານແລ້ວ ຍັງສັຕແມ່ນແຕ່ເຫຼົ່າອື່ນ ໃຫ້ຕັ້ງຢູ່ໃນພຣະສັດທັມ ໃນພຣົມມະຈັນ”

ເມື່ອໃດເທວະດາຍ່ອມຮູ້ແຈ້ງ ຊຶ່ງເທວະດາຜູ້ຈຸຕິ ເມື່ອນັ້ນຍ່ອມພອຍຍິນດີ ດ້ວຍຄວາມອະນຸເຄາະນີ້ວ່າ “ແນ່ເທວະດາ ! ທ່ານຈົ່ງມາເລື້ອຍໆ”

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ຄວາມເປັນໄປໄດ້ຍາກ ໑໐໓

- ບາລີ ມຫາວາຣ. ສັງ. ໑໙/໕໘໗/໑໗໙໔-໙໕.

ພິກຂຸທັງຫຼາຍ ! ເຈົ້າທັງຫຼາຍຈະສໍາຄັນຄວາມຂໍ້ນີ້ວ່າແນວໃດ ຝຸ່ນໜ້ອຍໜຶ່ງ ທີ່ເຮົາຕັກຂຶ້ນດ້ວຍປາຍເລັບມືນີ້ ກັບມະຫາປະຖະພີນັ້ນ ຝ່າຍໃດຈະຫຼາຍກວ່າກັນ ?

ຂ້າແຕ່ພຣະອົງຄ໌ຜູ້ຈະເຣີນ ! ມະຫາປະຖະພີນັ້ນແຫຼະ ເປັນດິນທີ່ຫຼາຍກວ່າ ຝຸ່ນໜ້ອຍໜຶ່ງເທົ່າທີ່ຊົງຕັກຂຶ້ນດ້ວຍປາຍພຣະນະຂານີ້ ເປັນຂອງມີປະມານໜ້ອຍ ຝຸ່ນນັ້ນເມື່ອນໍາເຂົ້າໄປທຽບກັບມະຫາປະຖະພີ ຍ່ອມ ບໍ່ເຖິງຊຶ່ງການຄໍານວນໄດ້ ປຽບທຽບໄດ້ ບໍ່ເຂົ້າເຖິງແມ່ນແຕ່ສ່ວນສ້ຽວ.

ພິກຂຸທັງຫຼາຍ ! ອຸປະມານີ້ເຊັ່ນໃດ ອຸປະໄມກໍເຊັ່ນນັ້ນ ສັຕທີ່ຈຸຕິຈາກເທວະດາໄປແລ້ວ ຈະກັບໄປເກີດໃນໝູ່ເທວະດາມີໜ້ອຍ ໂດຍທີ່ແທ້ ສັຕທີ່ຈຸຕິຈາກເທວະດາໄປແລ້ວ ກັບໄປເກີດໃນນະຣົກ ກໍາເນີດເດຣັດສານ ເປຕວິໄສ ມີຫຼາຍກວ່າໂດຍແທ້.

ຂໍ້ນັ້ນເພາະເຫດໃດໜໍ ?

ພິກຂຸທັງຫຼາຍ !

ຂໍ້ນັ້ນເພາະຄວາມທີ່ສັຕເຫຼົ່ານັ້ນ ບໍ່ເຫັນອະຣິຍະສັຈທັງສີ່.

ພຸດທະວະຈະນະ - ໝວດທັມ

ອະຣິຍະສັຈສີ່ ແນວໃດໜໍ ? ສີ່ຢ່າງຄື

ອະຣິຍະສັຈຄືທຸກຂ໌

ອະຣິຍະສັຈຄືເຫດໃຫ້ເກີດຂຶ້ນແຫ່ງທຸກຂ໌

ອະຣິຍະສັຈຄືຄວາມດັບບໍ່ເຫຼືອແຫ່ງທຸກຂ໌

ອະຣິຍະສັຈຄືທາງດໍາເນີນໃຫ້ເຖິງຄວາມດັບບໍ່ເຫຼືອແຫ່ງທຸກຂ໌.

ພິກຂຸທັງຫຼາຍ ! ເພາະເຫດນັ້ນ ໃນເລື່ອງນີ້ ເຈົ້າຕ້ອງປະກອບໂຢຄະກັມ ອັນເປັນເຄື່ອງເຮັດໃຫ້ຮູ້ວ່າ

ທຸກຂ໌ ເປັນເຊັ່ນນີ້

ເຫດໃຫ້ເກີດຂຶ້ນແຫ່ງທຸກຂ໌ ເປັນເຊັ່ນນີ້

ຄວາມດັບບໍ່ເຫຼືອແຫ່ງທຸກຂ໌ ເປັນເຊັ່ນນີ້

ທາງດໍາເນີນໃຫ້ເຖິງຄວາມດັບບໍ່ເຫຼືອແຫ່ງທຸກຂ໌ ເປັນເຊັ່ນນີ້ ດັ່ງນີ້.

ພິກຂຸທັງຫຼາຍ ! ເຈົ້າທັງຫຼາຍຈະສໍາຄັນຄວາມຂໍ້ນີ້ວ່າແນວໃດ ຝຸ່ນໜ້ອຍໜຶ່ງທີ່ເຮົາຕັກຂຶ້ນດ້ວຍປາຍເລັບມືນີ້ ກັບມະຫາປະຖະພີນັ້ນ ຝ່າຍໃດຈະຫຼາຍກວ່າກັນ ?

ຂ້າແຕ່ພຣະອົງຄ໌ຜູ້ຈະເຣີນ ! ມະຫາປະຖະພີນັ້ນແຫຼະ ເປັນດິນທີ່ຫຼາຍກວ່າ ຝຸ່ນໜ້ອຍໜຶ່ງ ທີ່ຊົງຕັກຂຶ້ນດ້ວຍປາຍພຣະນະຂານີ້ ເປັນຂອງມີປະມານໜ້ອຍ ຝຸ່ນນັ້ນເມື່ອນໍາເຂົ້າໄປທຽບກັບມະຫາປະຖະພີ ຍ່ອມບໍ່ເຖິງຊຶ່ງການຄໍານວນໄດ້ ປຽບທຽບໄດ້ ບໍ່ເຂົ້າເຖິງແມ່ນແຕ່ສ່ວນສ້ຽວ.

ເປີດທັມທີ່ຖືກປົກປິດ : ພົບພູມ

ພິກຂຸທັງຫຼາຍ ! ອຸປະມານີ້ເຊັ່ນໃດ ອຸປະໄມກໍເຊັ່ນນັ້ນ ສັຕທີ່ຈຸຕິຈາກເທວະດາໄປແລ້ວ ຈະກັບໄປເກີດໃນໝູ່ມະນຸດມີໜ້ອຍ ໂດຍທີ່ແທ້ ສັຕທີ່ຈຸຕິຈາກເທວະດາໄປແລ້ວ ກັບໄປເກີດໃນນະຣົກ ກໍາເນີດເດຣັດສານ ເປຕວິໄສ ມີຫຼາຍກວ່າໂດຍແທ້.

ຂໍ້ນັ້ນເພາະເຫດໃດ ?

ພິກຂຸທັງຫຼາຍ !

ຂໍ້ນັ້ນເພາະຄວາມທີ່ສັຕເຫຼົ່ານັ້ນ ບໍ່ເຫັນອະຣິຍະສັຈທັງສີ່.

ອະຣິຍະສັຈສີ່ ແນວໃດໜໍ ? ສີ່ຢ່າງຄື

ອະຣິຍະສັຈຄືທຸກຂ໌