ຄູ່ມືໂສດາບັນ

ຫຼືວ່າ (ບາງພວກ) ຍັງບໍ່ໄດ້ເຮັດໃຫ້ເກີດມີ ຍັງບໍ່ໄດ້ແທງຕະຫຼອດ ຊຶ່ງອະນາສະວະວິມຸຕ, ແຕ່ເພາະຄວາມດັບສິ້ນໄປແຫ່ງສັງໂຍຊນ໌ສາມ ເປັນຜູ້ ສັຕຕັກຂັຕຕຸປະຣະມະ ຍັງຕ້ອງທ່ອງທ່ຽວໄປໃນພົບແຫ່ງເທວະດາແລະມະນຸສອີກເຈັດເທື່ອ ເປັນຢ່າງຫຼາຍແລ້ວຍ່ອມເຮັດທີ່ສຸດແຫ່ງທຸກຂ໌ໄດ້.

ພິກຂຸທັງຫຼາຍ ! ຜູ້ປະຕິບັຕໄດ້ພຽງບາງສ່ວນຍ່ອມເຮັດໃຫ້ສຳເລັດໄດ້ບາງສ່ວນ, ຜູ້ຝຶກໃຫ້ບໍຣິບູນກໍຍ່ອມເຮັດໃຫ້ສຳເລັດໄດ້ບໍຣິບູນ; ດັ່ງນັ້ນ ເຮົາຈຶ່ງກ່າວວ່າ ສິກຂາບົດທັງຫຼາຍຍ່ອມບໍ່ເປັນໝັນເປົ່າເລີຍ, ດັ່ງນີ້ ແລ.

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ໝາຍເຫຕຜູ້ລວບລວມ:

໑. ຖ້າພິຈາຣະນາຈົນຈົບເລື່ອງຈະເຫັນປະເດັນແງ່ມຸມຂອງຜົລທີ່ໄດ້ບໍ່ເທົ່າກັນ ເກີດເນື່ອງຈາກຄວາມບົກຜ່ອງໃນສິກຂາບົດເລັກນ້ອຍ (ອະພິສະມາຈາຣ) ຂອງທ່ານຊຶ່ງບໍ່ມີຜູ້ຮູ້ໃດໆ ມາບອກທ່ານເຖິງຄວາມອາພັບຕໍ່ໂລກຸຕຕະຣະທັມ ເພາະການກະທຳນັ້ນ ພວກທີ່ກຳລັງ (ພະລະ) ຍັງບໍ່ແກ່ກ້າຈຶ່ງບໍ່ສາມາດເຮັດໃຫ້ເກີດມີຫຼືແທງຕະຫຼອດຊຶ່ງອະນາສະວະວິມຸຕໄດ້ ຈຶ່ງມີຄວາມຫຼຸດລື່ນກັນອອກໄປໃນລະດັບຄວາມເປັນອະຣິຍະບຸກຄົນ ພຣະອົງຄ໌ຈຶ່ງສະຫຼຸບປິດທ້າຍວ່າ ສິກຂາບົດ ທັງຫຼາຍທີ່ຊົງບັນຍັຕນັ້ນ ບໍ່ໄດ້ເປົ່າປະໂຍຊນ໌ເລີຍ.

໒. ສະແດງເຖິງຄວາມບໍຣິບູນຂອງສິກຂາບົດອັນພຽງພໍຕໍ່ຄວາມເປັນອະຣິຍະບຸກຄົນທີ່ຊົງໝາຍເຖິງ ກໍຄື ປາຕິໂມກຂ໌ (ຄືສິກຂາບົດທີ່ບັນຍັຕເພື່ອເປັນເບື້ອງຕົ້ນແຫ່ງພຣົມມະຈັນ).

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ຄົນຕົກນ້ຳ ໗ ຈຳພວກ

(ລໍາດັບຕ່າງໆ ແຫ່ງບຸກຄົນຜູ້ຖອນຕົວຂຶ້ນຈາກທຸກຂ໌) ໓໘

- ບາລີ ສັຕຕກ. ອັງ. ໒໓/໑໐-໑໒/໑໕.

ພິກຂຸທັງຫຼາຍ ! ບຸກຄົນປຽບດ້ວຍບຸກຄົນຕົກນ້ຳເຈັດຈຳພວກ ເຫຼົ່ານີ້ ມີຢູ່ ຫາໄດ້ຢູ່ໃນໂລກ.

ເຈັດຈຳພວກເຫຼົ່າໃດໜໍ ?

ພິກຂຸທັງຫຼາຍ ! ໃນກໍລະນີນີ້:

(໑) ບຸກຄົນບາງຄົນ ຈົມນ້ຳເທື່ອດຽວແລ້ວກໍຈົມເລີຍ;

(໒) ບຸກຄົນບາງຄົນ ຜຸດຂຶ້ນເທື່ອໜຶ່ງແລ້ວຈຶ່ງຈົມເລີຍ;

(໓) ບຸກຄົນບາງຄົນ ຜຸດຂຶ້ນແລ້ວ ຟູຕົວຢູ່;

(໔) ບຸກຄົນບາງຄົນ ຜຸດຂຶ້ນແລ້ວ ຫຼຽວເບິ່ງຮອບໆ ຢູ່;

(໕) ບຸກຄົນບາງຄົນ ຜຸດຂຶ້ນແລ້ວ ລອຍເຂົ້າຫາຝັ່ງ;

(໖) ບຸກຄົນບາງຄົນ ຜຸດຂຶ້ນແລ້ວ ຍ່າງເຂົ້າມາເຖິງບ່ອນຕື້ນແລ້ວ;

(໗) ບຸກຄົນບາງຄົນ ຜຸດຂຶ້ນແລ້ວ ເຖິງຝັ່ງຂ້າມຂຶ້ນບົກແລ້ວ

ເປັນພຣາມຢືນຢູ່.

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ພິກຂຸທັງຫຼາຍ ! (໑) ບຸກຄົນ ຈົມນ້ຳເທື່ອດຽວແລ້ວກໍຈົມເລີຍ ເປັນແນວໃດໜໍ ?

ພິກຂຸທັງຫຼາຍ ! ບຸກຄົນບາງຄົນໃນກໍລະນີນີ້ ປະກອບດ້ວຍອະກຸສົລທັມຝ່າຍດຽວ ໂດຍສ່ວນດຽວ. ຢ່າງນີ້ແລ ເອີ້ນວ່າ ຈົມເທື່ອດຽວແລ້ວກໍຈົມເລີຍ.

ພິກຂຸທັງຫຼາຍ ! (໒) ບຸກຄົນ ຜຸດຂຶ້ນເທື່ອໜຶ່ງແລ້ວຈຶ່ງຈົມເລີຍ ເປັນແນວໃດໜໍ ?

ພິກຂຸທັງຫຼາຍ ! ບຸກຄົນບາງຄົນໃນກໍລະນີນີ້ ຜຸດຂຶ້ນຄື ມີສັດທາດີໃນກຸສົລທັມທັງຫຼາຍ ມີຫິຣິດີ-ມີໂອຕຕັບປະດີ-ມີວິຣິຍະດີ-ມີປັນຍາດີໃນກຸສົລທັມທັງຫຼາຍ. ແຕ່ວ່າສັດທາເປັນຕົ້ນຂອງເຂົາ ບໍ່ຕັ້ງຢູ່ດົນ ບໍ່ຈະເຣີນ ເສື່ອມສິ້ນໄປ. ຢ່າງນີ້ແລ ເອີ້ນວ່າ ຜຸດຂຶ້ນເທື່ອໜຶ່ງແລ້ວຈຶ່ງຈົມເລີຍ.

ພິກຂຸທັງຫຼາຍ ! (໓) ບຸກຄົນ ຜຸດຂຶ້ນແລ້ວຟູຕົວຢູ່ເປັນແນວໃດໜໍ ?

ພິກຂຸທັງຫຼາຍ ! ບຸກຄົນບາງຄົນໃນກໍລະນີນີ້ ຜຸດຂຶ້ນຄື ມີສັດທາດີໃນກຸສົລທັມທັງຫຼາຍ ມີຫິຣິດີ-ມີໂອຕຕັບປະດີ-

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ