ຄູ່ມືໂສດາບັນ

ຖ້າເຂົາຫວັງວ່າ ຈະເປັນຜູ້ຢູ່ຢ່າງມີຄວາມຮູ້ສຶກວ່າບໍ່ປະຕິກູນ ທັງໃນສິ່ງທີ່ເປັນປະຕິກູນແລະບໍ່ເປັນປະຕິກູນ ດັ່ງນີ້

ເຂົາກໍຢູ່ຢ່າງຜູ້ມີຄວາມຮູ້ສຶກວ່າບໍ່ປະຕິກູນທັງໃນສິ່ງທີ່ເປັນປະຕິກູນແລະບໍ່ເປັນປະຕິກູນນັ້ນໄດ້.

ຖ້າເຂົາຫວັງວ່າ ຈະເປັນຜູ້ຢູ່ຢ່າງມີຄວາມຮູ້ສຶກວ່າປະຕິກູນ ທັງໃນສິ່ງທີ່ບໍ່ເປັນປະຕິກູນແລະສິ່ງທີ່ເປັນປະຕິກູນ ດັ່ງນີ້

ເຂົາກໍຢູ່ຢ່າງຜູ້ມີຄວາມຮູ້ສຶກວ່າປະຕິກູນທັງໃນສິ່ງທີ່ບໍ່ເປັນປະຕິກູນແລະສິ່ງທີ່ເປັນປະຕິກູນນັ້ນໄດ້.

ແລະຖ້າທ່ານຫວັງວ່າ ຈະເປັນຜູ້ຢູ່ຢ່າງເວັ້ນຂາດຈາກ ຄວາມຮູ້ສຶກວ່າປະຕິກູນແລະບໍ່ປະຕິກູນທັງສອງຢ່າງເສຍແລ້ວ ຢູ່ຢ່າງຜູ້ອຸເປກຂາ ມີສະຕິສັມປະຊັນຍະ ດັ່ງນີ້ ເຂົາກໍຢູ່ຢ່າງຜູ້ອຸເປກຂາ ມີສະຕິສັມປະຊັນຍະໃນສິ່ງເປັນປະຕິກູນແລະບໍ່ເປັນປະຕິກູນທັງສອງຢ່າງນັ້ນໄດ້.

ອານົນທ໌ ! ຢ່າງນີ້ແລ ຊື່ວ່າ

ຜູ້ມີອິນຊີອັນຈະເຣີນແລ້ວໃນຂັ້ນອະຣິຍະ.

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ພຣະໂສດາບັນກັບພຣະອະຣະຫັນຕ໌ຕ່າງກັນ

ໃນການເຫັນທັມ ໓໕

- ບາລີ ຂັນທ. ອັງ. ໑໗/໑໙໖/໒໙໖.

ພິກຂຸທັງຫຼາຍ ! ອຸປາທານຂັນທ໌ (ຄວາມຢຶດໝັ້ນໃນທຳມະຊາດ) ທັງຫຼາຍເຫຼົ່ານີ້ ມີຢູ່ຫ້າຢ່າງ.

ຫ້າຢ່າງ ແນວໃດໜໍ ? ຫ້າຢ່າງ ຄື: -

ຣູປູປາທານະຂັນທ໌

(ຄວາມຢຶດໝັ້ນໃນຮູບກາຍ)

ເວທະນູປາທານະຂັນທ໌

ຄວາມຢຶດໝັ້ນໃນເວທະນາ (ສຸຂ, ທຸກຂ໌, ອຸເປກຂາ)

ສັນຍູປາທານະຂັນທ໌

ຄວາມຢຶດໝັ້ນໃນສັນຍາ (ຄວາມຈຳໄດ້ໝາຍຮູ້)

ສັງຂາຣູປາທານະຂັນທ໌

ຄວາມຢຶດໝັ້ນໃນສັງຂາຣ (ຄວາມຄິດປຸງແຕ່ງ)

ວິນຍານູປາທານະຂັນທ໌

ຄວາມຢຶດໝັ້ນໃນວິນຍານ (ຜູ້ຮູ້ແຈ້ງຊຶ່ງອາຣົມ)

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ພິກຂຸທັງຫຼາຍ ! ເມື່ອໃດ ອະຣິຍະສາວົກ ຮູ້ແຈ່ມແຈ້ງຕາມເປັນຈິງ ຊຶ່ງຄວາມເກີດຂຶ້ນ (ສະມຸທັຍ) ຊຶ່ງຄວາມຕັ້ງຢູ່ບໍ່ໄດ້ (ອັຕຖັງຄະມະ) ຊຶ່ງຣົສຍົວະຍວນ (ອັສສາທະ) ຊຶ່ງໂທດອັນຕ່ຳຊາມ (ອາທີນະວະ) ແລະຊຶ່ງອຸບາຍເປັນເຄື່ອງສະລັດອອກ (ນິສສະຣະນະ) ແຫ່ງອຸປາທານຂັນທ໌ທັງຫ້າ ເຫຼົ່ານີ້;

ພິກຂຸທັງຫຼາຍ ! ອະຣິຍະສາວົກນີ້ ເຮົາເອີ້ນວ່າ ເປັນໂສດາບັນ ມີອັນບໍ່ຕົກຕ່ຳເປັນທຳມະດາ ເປັນຜູ້ທ່ຽງແທ້ຕໍ່ພຣະນິບພານ ມີການຕຣັສຮູ້ພ້ອມໃນເບື້ອງໜ້າ.

ພິກຂຸທັງຫຼາຍ !

ອຸປາທານຂັນທ໌ເຫຼົ່ານີ້ ມີຢູ່ຫ້າຢ່າງ.

ຫ້າຢ່າງ ແນວໃດໜໍ ? ຫ້າຢ່າງ ຄື: -

ຣູປູປາທານະຂັນທ໌

ເວທະນູປາທານະຂັນທ໌

ສັນຍູປາທານະຂັນທ໌

ສັງຂາຣູປາທານະຂັນທ໌

ວິນຍານູປາທານະຂັນທ໌

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ພິກຂຸທັງຫຼາຍ ! ເມື່ອໃດ ພິກຂຸ ຮູ້ແຈ່ມແຈ້ງຕາມເປັນຈິງ ຊຶ່ງຄວາມເກີດຂຶ້ນ ຊຶ່ງຄວາມຕັ້ງຢູ່ບໍ່ໄດ້ ຊຶ່ງຣົສຍົວະຍວນ ຊຶ່ງໂທດອັນຕ່ຳຊາມ ແລະຊຶ່ງອຸບາຍເປັນເຄື່ອງສະລັດອອກ ແຫ່ງອຸປາທານຂັນທ໌ທັງຫ້າເຫຼົ່ານີ້ ດັ່ງນີ້ແລ້ວ ເປັນຜູ້ຫຼຸດພົ້ນແລ້ວ ເພາະບໍ່ມີຄວາມຢຶດໝັ້ນ.

ພິກຂຸທັງຫຼາຍ ! ພິກຂຸນີ້ ເຮົາເອີ້ນວ່າ ເປັນະພຣະອະຣະຫັນຕ໌ ຜູ້ມີອາສະວະສິ້ນແລ້ວ ຢູ່ຈົບພຣົມມະຈັນແລ້ວ ເຮັດກິຈທີ່ຄວນເຮັດສຳເລັດແລ້ວ ມີພາຣະອັນປົງລົງແລ້ວ ມີປະໂຍຊນ໌ຕົນອັນຕາມເຖິງແລ້ວ ມີສັງໂຍຊນ໌ໃນພົບດັບສິ້ນໄປຮອບແລ້ວ ເປັນຜູ້ຫຼຸດພົ້ນແລ້ວເພາະຮູ້ໂດຍຊອບ ດັ່ງນີ້ ແລ.

- ບາລີ ຂັນທ. ສັງ. ໑໗/໑໙໖/໒໙໗.

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ພຣະໂສດາບັນກັບພຣະອະຣະຫັນຕ໌ຕ່າງກັນ

ໃນການເຫັນທັມ (ອີກນັຍໜຶ່ງ) ໓໖

- ບາລີ ມຫາວາຣ. ສັງ. ໑໙/໒໗໑-໒໗໒/໙໐໒-໙໐໓.