ຄູ່ມືໂສດາບັນ

ບໍ່ອາດແປປ່ຽນ ໒໓

- ບາລີ ມຫາວາຣ. ສັງ. ໑໙/໔໕໗-໔໕໘/໑໔໙໕-໖.

ພິກຂຸທັງຫຼາຍ ! ເຖິງແມ່ນມະຫາພູຕະຮູບສີ່ ກ່າວຄື ທາຕດິນ ນ້ຳ ໄຟ ລົມ ກໍຍັງມີຄວາມແປປ່ຽນເປັນຢ່າງອື່ນໄປໄດ້.ແຕ່ເຫຼົ່າອະຣິຍະສາວົກໃນທັມວິນັຍນີ້ ຜູ້ປະກອບພ້ອມແລ້ວດ້ວຍຄວາມເຫຼື້ອມໃສອັນຢັ່ງລົງໝັ້ນ ບໍ່ຫວັ່ນໄຫວ ໃນອົງຄ໌ ພຣະພຸດທະເຈົ້າ... ໃນອົງຄ໌ພຣະທັມ... ໃນອົງຄ໌ພຣະສົງຄ໌... ຍ່ອມບໍ່ມີຄວາມແປປ່ຽນເປັນຢ່າງອື່ນເລີຍ. ຂໍ້ທີ່ວ່າຜູ້ປະກອບພ້ອມແລ້ວ ດ້ວຍຄວາມເຫຼື້ອມໃສອັນຢັ່ງລົງໝັ້ນ ບໍ່ຫວັ່ນໄຫວໃນອົງຄ໌ພຣະພຸດທະເຈົ້າ ເປັນຕົ້ນນັ້ນ ຍັງຈະມີການແປປ່ຽນໄປເປັນເສຍຢ່າງອື່ນ ຈົນເຂົ້າເຖິງນະຣົກກໍດີ ກຳເນີດເດຣັຈສານກໍດີ ວິສັຍແຫ່ງເປຕກໍດີ ດັ່ງນີ້ນັ້ນ ບໍ່ແມ່ນເປັນຖານະທີ່ຈະມີໄດ້ເລີຍ.

ພິກຂຸທັງຫຼາຍ ! ແມ່ນວ່າມະຫາພູຕະຮູບສີ່ ກ່າວຄື ທາຕດິນ ນ້ຳ ໄຟ ລົມ ກໍຍັງມີຄວາມແປປ່ຽນເປັນອື່ນໄປໄດ້, ແຕ່ເຫຼົ່າອະຣິຍະສາວົກໃນທັມວິນັຍນີ້ ຜູ້ປະກອບພ້ອມແລ້ວດ້ວຍສີລທັງຫຼາຍ ຊະນິດເປັນທີ່ພໍໃຈຂອງເຫຼົ່າອະຣິຍະເຈົ້າ ຍ່ອມບໍ່ມີ

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ຄວາມແປປ່ຽນເປັນຢ່າງອື່ນໄດ້ເລີຍ. ຂໍ້ທີ່ວ່າຜູ້ປະກອບພ້ອມແລ້ວ ດ້ວຍສີລທັງຫຼາຍຊະນິດເປັນທີ່ພໍໃຈຂອງເຫຼົ່າພຣະອະຣິຍະເຈົ້ານັ້ນ ຍັງຈະມີການແປປ່ຽນໄປເປັນເສຍຢ່າງອື່ນ ຈົນເຂົ້າເຖິງນະຣົກກໍດີ ກຳເນີດເດຣັຈສານກໍດີ ວິສັຍແຫ່ງເປຕກໍດີ ດັ່ງນີ້ນັ້ນ ບໍ່ແມ່ນເປັນຖານະທີ່ຈະມີໄດ້ເລີຍ.

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ສິ່ງທີ່ຜູ້ເຖິງພ້ອມດ້ວຍທິຕຖິ (ພຣະໂສດາບັນ)

ເຮັດບໍ່ໄດ້ໂດຍທຳມະຊາຕ ໒໔

- ບາລີ ສັກກ. ອັງ. ໒໒/໔໘໙/໓໖໔.

ພິກຂຸທັງຫຼາຍ !

ຖານະທີ່ບໍ່ອາດເປັນໄປໄດ້ (ໂດຍທຳມະຊາດ)

໖ ປະການເຫຼົ່ານີ້ ມີຢູ່.

ຫົກປະການ ເຫຼົ່າໃດໜໍ ?

ຫົກປະການ ຄື: -

ຜູ້ເຖິງພ້ອມດ້ວຍທິດຕຖິ ບໍ່ອາດເຂົ້າເຖິງສັງຂາຣໃດໆ

ໂດຍຄວາມເປັນຂອງທ່ຽງ;

ຜູ້ເຖິງພ້ອມດ້ວຍທິຕຖິ ບໍ່ອາດເຂົ້າເຖິງສັງຂາຣໃດໆ

ໂດຍຄວາມເປັນຂອງສຸຂ;

ຜູ້ເຖິງພ້ອມດ້ວຍທິຕຖິ ບໍ່ອາດເຂົ້າເຖິງທັມມະໃດໆ

ໂດຍຄວາມເປັນຕົວຕົນ;

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ຜູ້ເຖິງພ້ອມດ້ວຍທິຕຖິ ບໍ່ອາດກະທຳອະນັນຕະຣິຍະກັມ;

ຜູ້ເຖິງພ້ອມດ້ວຍທິຕຖິ ບໍ່ອາດຫວັງການເຖິງຄວາມບໍຣິສຸດ

ໂດຍໂກຕຸຫົລມຸງຄຸນ;

ຜູ້ເຖິງພ້ອມດ້ວຍທິຕຖິ ບໍ່ອາດສະແຫວງຫາທັກຂິເນີຍຍະບຸກຄົນ

ພາຍນອກຈາກສາສນານີ້.

ພິກຂຸທັງຫຼາຍ ! ເຫຼົ່ານີ້ແລ

ຖານະທີ່ບໍ່ອາດເປັນໄປໄດ້ ໖ ປະການ.

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ຖານະທີ່ເປັນໄປບໍ່ໄດ້

ສຳລັບຜູ້ເຖິງພ້ອມດ້ວຍທິຕຖິ (ພຣະໂສດາບັນ)

ນັຍທີໜຶ່ງ ໒໕

- ບາລີ ສັກກ. ອັງ. ໒໒/໔໘໙/໓໖໓.

ພິກຂຸທັງຫຼາຍ ! ຖານະທີ່ບໍ່ອາດເປັນໄປໄດ້ ໖ ປະການເຫຼົ່ານີ້ ມີຢູ່.

ຫົກປະການ ເຫຼົ່າໃດໜໍ ?

ຫົກປະການ ຄື : -

ຜູ້ເຖິງພ້ອມດ້ວຍທິຕຖິ ບໍ່ອາດຢູ່ຢ່າງບໍ່ມີຄວາມເຄົາຣົບ

ຢໍາເກງ ໃນພຣະສາສດາ;

ຜູ້ເຖິງພ້ອມດ້ວຍທິຕຖິ ບໍ່ອາດຢູ່ຢ່າງບໍ່ມີຄວາມເຄົາຣົບ

ຢໍາເກງ ໃນພຣະທັມ;

ຜູ້ເຖິງພ້ອມດ້ວຍທິຕຖິ ບໍ່ອາດຢູ່ຢ່າງບໍ່ມີຄວາມເຄົາຣົບ

ຢໍາເກງ ໃນພຣະສົງຄ໌;

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ຜູ້ເຖິງພ້ອມດ້ວຍທິຕຖິ ບໍ່ອາດຢູ່ຢ່າງບໍ່ມີຄວາມເຄົາຣົບ

ຢໍາເກງ ໃນສິກຂາ;

ຜູ້ເຖິງພ້ອມດ້ວຍທິຕຖິ ບໍ່ອາດມາສູ່ອະນາຄະມະນີຍະວັຕຖຸ

(ວັຕຖຸທີ່ບໍ່ຄວນເຂົ້າຫາ);