ຄວາມສັນໂດດ

ກິຈທີ່ສົງຄ໌ຈະກະທຳມີຢູ່ໃນສົງຄ໌ ພິກຂຸບໍ່ສຶກສາໃນກິຈນັ້ນຢ່າງນີ້ວ່າ ກໍພຣະເຖຣະຜູ້ເປັນຣັຕຕັນຍູ ບວຊນານ ເປັນຜູ້ຮັບພາຣະ ມີຢູ່ໃນສົງຄ໌ ທ່ານເຫລົ່ານັ້ນຈະຮັບຜິດຊອບດ້ວຍກິຈນີ້ ດັ່ງນີ້, ຕ້ອງຂົນຂວາຍດ້ວຍຕົນເອງ (ສັນຕິ ໂຂ ປະນະ ສັງເຄ ສັງຄະກະຣະນີຍານິ ຕັຕຣະ ພິກຂຸ ນະ ອິຕິ ປະຕິສັນຈິກຂະຕິ ສັນຕິ ໂຂ ປະນະ ສັງເຄ ເຖຣາ ຣັຕຕັນຍູ ຈິຣະປັພພະຊິຕາ ພາຣະວາຫິໂນ ເຕ ເຕ-ນະ ປັນຍານິສສັນຕີຕິ ອັຕຕະນະ ໂວ ໂຍຄັງ ອາປັຊຊະຕິ).

ພິກຂຸທັງຫລາຍ! ທັມ ໗ ປະກາຣນີ້ແລ ຍ່ອມເປັນໄປເພື່ອຄວາມເສື່ອມແກ່ພິກຂຸຜູ້ເປັນເສຂະ.

ພິກຂຸທັງຫລາຍ! ທັມ ໗ ປະກາຣນີ້ ຍ່ອມເປັນໄປເພື່ອຄວາມບໍ່ເສື່ອມແກ່ພິກຂຸຜູ້ເປັນເສຂະ. ທັມ ໗ ປະກາຣເປັນຢ່າງໃດ? ຄື

ຄວາມເປັນຜູ້ບໍ່ຍິນດີໃນກາຣງານ,

ຄວາມເປັນຜູ້ບໍ່ຍິນດີໃນກາຣເວົ້າ,

ຄວາມເປັນຜູ້ບໍ່ຍິນດີໃນກາຣນອນ,

ຄວາມເປັນຜູ້ບໍ່ຍິນດີໃນກາຣຄຸກຄີດ້ວຍໝູ່ຄະນະ,

ຄວາມເປັນຜູ້ຄຸ້ມຄອງທະວາຣໃນອິນຊີທັງຫລາຍ,

ຄວາມເປັນຜູ້ຮູ້ປະມານໃນໂພຊະນະ,

ກິຈທີ່ສົງຄ໌ຈະກະທຳມີຢູ່ໃນສົງຄ໌ ພິກຂຸສຶກສາໃນກິຈນັ້ນຢ່າງນີ້ວ່າ ກໍພຣະເຖຣະຜູ້ເປັນຣັຕຕັນຍູ ບວຊນານ ເປັນຜູ້ຮັບພາຣະ ມີຢູ່ໃນສົງຄ໌ ທ່ານເຫລົ່ານັ້ນຈະຮັບຜິດຊອບດ້ວຍກິຈນີ້ ດັ່ງນີ້, ບໍ່ຕ້ອງຂົນຂວາຍດ້ວຍຕົນເອງ.

ພິກຂຸທັງຫລາຍ! ທັມ ໗ ປະກາຣນີ້ແລ ຍ່ອມເປັນໄປເພື່ອຄວາມບໍ່ເສື່ອມແກ່ພິກຂຸຜູ້ເປັນເສຂະ.

ອັງຄຸຕຕະຣະນິກາຍ ສັຕຕະກະ-ອັຕຖະກະ-ນະວະກະນິບາຕ ໒໓/໒໖/໒໖

ທັມ ໘ ປະກາຣທີ່ເປັນໄປເພື່ອຄວາມເສື່ອມແກ່ພິກຂຸຜູ້ເປັນເສຂະ

ພິກຂຸທັງຫລາຍ! ທັມ ໘ ປະກາຣນີ້ ຍ່ອມເປັນໄປເພື່ອຄວາມເສື່ອມແກ່ພິກຂຸຜູ້ເປັນເສຂະ. ທັມ ໘ ປະກາຣເປັນຢ່າງໃດ? ຄື

ຄວາມເປັນຜູ້ຍິນດີໃນກາຣງານ (ກັມມາຣາມະຕາ),

ຄວາມເປັນຜູ້ຍິນດີໃນກາຣເວົ້າ (ພັສສາຣາມະຕາ),

ຄວາມເປັນຜູ້ຍິນດີໃນກາຣນອນ (ນິທທາຣາມະຕາ),

ຄວາມເປັນຜູ້ຍິນດີໃນກາຣຄຸກຄີດ້ວຍໝູ່ຄະນະ

(ສັງຄະນິກາຣາມະຕາ),

ຄວາມເປັນຜູ້ບໍ່ຄຸ້ມຄອງທະວາຣໃນອິນຊີທັງຫລາຍ

(ອິນທະຣິເຍສຸ ອະຄຸຕຕັທວາຣະຕາ),

ຄວາມເປັນຜູ້ບໍ່ຮູ້ປະມານໃນໂພຊະນະ

(ໂພຊະເນ ອະມັຕຕັນຍຸຕາ),

ຄວາມເປັນຜູ້ຍິນດີໃນທັມອັນເປັນເຄື່ອງຂ້ອງ

(ສັງສັຄຄາຣາມະຕາ),

ຄວາມເປັນຜູ້ຍິນດີໃນທັມເຄື່ອງໃຫ້ເນີນຊ້າ

(ປະປັນຈາຣາມະຕາ).

ພິກຂຸທັງຫລາຍ! ທັມ ໘ ປະກາຣນີ້ແລ ຍ່ອມເປັນໄປເພື່ອຄວາມເສື່ອມແກ່ພິກຂຸຜູ້ເປັນເສຂະ.

ອັງຄຸຕຕະຣະນິກາຍ ສັຕຕະກະ-ອັຕຖະກະ-ນະວະກະນິບາຕ

໒໓/໒໖໖/໑໘໓

ທັມ ໘ ປະກາຣທີ່ເປັນໄປເພື່ອຄວາມບໍ່ເສື່ອມແກ່ພິກຂຸຜູ້ເປັນເສຂະ

ພິກຂຸທັງຫລາຍ! ທັມ ໘ ປະກາຣນີ້ ຍ່ອມເປັນໄປເພື່ອຄວາມບໍ່ເສື່ອມແກ່ພິກຂຸຜູ້ເປັນເສຂະ. ທັມ ໘ ປະກາຣເປັນຢ່າງໃດ? ຄື

ຄວາມເປັນຜູ້ບໍ່ຍິນດີໃນກາຣງານ,

ຄວາມເປັນຜູ້ບໍ່ຍິນດີໃນກາຣເວົ້າ,

ຄວາມເປັນຜູ້ບໍ່ຍິນດີໃນກາຣນອນ,

ຄວາມເປັນຜູ້ບໍ່ຍິນດີໃນກາຣຄຸກຄີດ້ວຍໝູ່ຄະນະ,

ຄວາມເປັນຜູ້ຄຸ້ມຄອງທະວາຣໃນອິນຊີທັງຫລາຍ,

ຄວາມເປັນຜູ້ຮູ້ປະມານໃນໂພຊະນະ,

ຄວາມເປັນຜູ້ບໍ່ຍິນດີໃນທັມອັນເປັນເຄື່ອງຂ້ອງ

(ອະສັງສັຄຄາຣາມະຕາ),

ຄວາມເປັນຜູ້ບໍ່ຍິນດີໃນທັມເຄື່ອງໃຫ້ເນີນຊ້າ

(ນິປປະປັນຈາຣາມະຕາ).

ພິກຂຸທັງຫລາຍ! ທັມ ໘ ປະກາຣນີ້ແລ ຍ່ອມເປັນໄປເພື່ອຄວາມບໍ່ເສື່ອມແກ່ພິກຂຸຜູ້ເປັນເສຂະ.

ອັງຄຸຕຕະຣະນິກາຍ ສັຕຕະກະ-ອັຕຖະກະ-ນະວະກະນິບາຕ

໒໓/໒໖໖/໑໘໔

ກຸສິຕະວັຕຖຸ ໘ ປະກາຣ

ພິກຂຸທັງຫລາຍ! ກຸສິຕະວັຕຖຸ ໘ ປະກາຣນີ້, ໘ ປະກາຣເປັນຢ່າງໃດ? ພິກຂຸທັງຫລາຍ ພິກຂຸໃນທັມວິນັຍນີ້ ຕ້ອງກະທຳກາຣງານ ເຂົາມີຄວາມຄິດຢ່າງນີ້ວ່າ ເຮົາຈັກຕ້ອງກະທຳກາຣງານ ກໍເມື່ອເຮົາກະທຳກາຣງານຢູ່ ກາຍຈັກລຳບາກ ສະນັ້ນ ເຮົາຈະນອນ ເຂົາກໍນອນເສຍ ບໍ່ປຣາຣົພຄວາມພຽນ ເພື່ອເຖິງທັມທີ່ຍັງບໍ່ເຖິງ ເພື່ອບັນລຸທັມທີ່ຍັງບໍ່ບັນລຸ ເພື່ອກະທຳໃຫ້ແຈ້ງທັມທີ່ຍັງບໍ່ກະທຳໃຫ້ແຈ້ງ. ພິກຂຸທັງຫລາຍ ນີ້ເປັນກຸສິຕະວັຕຖຸປະກາຣທີ ໑.