ບໍ່ມີຄວາມເຢັນໃນກາມ

ມາຄັນທິຍາ ! ທ່ານຈະສໍາຄັນ ຄວາມຂໍ້ນີ້ວ່າແນວໃດ ຄືທ່ານເຄີຍໄດ້ເຫັນ ຫຼືເຄີຍໄດ້ຟັງແດ່ບໍ ບໍ່ວ່າພຣະຣາຊາກໍດີ ອາມາດຜູ້ໃຫຍ່ຂອງພຣະຣາຊາກໍດີ ຜູ້ເອີບອີ່ມ ພຽບພ້ອມດ້ວຍກາມະຄຸນ ໕ ທີ່ເຂົາໝົກໝຸ້ນຢູ່, ຍັງລະກາມຕັນຫາບໍ່ໄດ້ ຍັງບັນເທົາຄວາມຮ້ອນເອົ້າເພາະກາມບໍ່ໄດ້ແລ້ວ ຈະເປັນຜູ້ປາສະຈາກຄວາມກະຫາຍ ມີຈິຕອັນສະງົບເຢັນຢູ່ທີ່ພາຍໃນ ໃນອະດີຕກໍຕາມ ກໍາລັງຢູ່ໃນປັຈຈຸບັນກໍຕາມ ຫຼືຈະຢູ່ໃນອະນາຄົຕກໍຕາມ ນັ້ນ ມີຢູ່ແດ່ບໍ ?”

“ຂໍ້ນັ້ນ ບໍ່ເຄີຍມີເລີຍ ທ່ານໂຄດົມ !”

ມາຄັນທິຍາ ! ຖືກແລ້ວ, ເຖິງແມ່ນເຮົາເອງ ກໍບໍ່ເຄີຍໄດ້ເຫັນ ບໍ່ເຄີຍໄດ້ຟັງເຊັ່ນນັ້ນມາເລີຍ ວ່າພຣະຣາຊາກໍດີ ອາມາດຜູ້ໃຫຍ່ຂອງພຣະຣາຊາກໍດີ ຜູ້ເອີບອີ່ມ ພຽບພ້ອມດ້ວຍກາມະຄຸນ ໕ ທີ່ເຂົາໝົກໝຸ້ນຢູ່ ຍັງລະກາມຕັນຫາບໍ່ໄດ້ ຍັງບັນເທົາຄວາມຮ້ອນເອົ້າເພາະກາມບໍ່ໄດ້ແລ້ວ ຈະເປັນຜູ້ປາສະຈາກຄວາມກະຫາຍ ມີຈິຕອັນສະງົບເຢັນຢູ່ທີ່ພາຍໃນ ໃນອະດີຕກໍຕາມ ກໍາລັງຢູ່ໃນປັຈຈຸບັນກໍຕາມ ຫຼືຈະຢູ່ໃນອະນາຄົຕກໍຕາມ ດັ່ງນີ້ ແລ.

- ມ. ມ. ໑໓/໒໘໐/໒໘໖.