ທຸກຂະອະຣິຢະສັດຈະ ຄວາມຈິງອັນປະເສີດຄືທຸກ (ມີ 3 ນິດເທສະ)

ພິກຂຸ ທ. ! ຄວາມຈິງອັນປະເສີດຄືທຸກຂ໌ ເປັນແນວໃດໜໍ ? ພິກຂຸ ທ. ! ຄວາມເກີດ ເປັນທຸກຂ໌, ຄວາມແກ່ ເປັນທຸກຂ໌, ຄວາມຕາຍ ເປັນທຸກຂ໌, ຄວາມໂສກ ຄວາມຮໍ່າໄຮລໍາພັນ ຄວາມທຸກຂ໌ກາຍ ຄວາມທຸກຂ໌ໃຈ ຄວາມຄັບແຄ້ນໃຈ ເປັນທຸກຂ໌, ຄວາມປະສົບດ້ວຍສິ່ງບໍ່ເປັນທີ່ຮັກ ເປັນທຸກຂ໌, ຄວາມພັດພາກຈາກສິ່ງເປັນທີ່ຮັກ ເປັນທຸກຂ໌, ຄວາມປາຖະໜາເຍື່ອງໃດ ແລ້ວບໍ່ໄດ້ເຍື່ອງນັ້ນ ເປັນທຸກຂ໌; ກ່າວໂດຍສະຫຼຸບແລ້ວ ປັນຈຸປາທານະຂັນທ໌ (ຂັນທ໌ຫ້າອັນເປັນທີ່ຕັ້ງແຫ່ງອຸປາທານ) ເປັນໂຕທຸກຂ໌; ນີ້ເອີ້ນວ່າ ຄວາມຈິງອັນປະເສີດຄື ທຸກຂ໌.

- ຕິກ. ອັງ. ໒໐/໒໒໗/໕໐໑.