ຈະເລີນອານາປານະສະຕິໄດ້ຜົນ 2 ຢ່າງ

ພິກຂຸທັງຫຼາຍ ! ເມື່ອອານາປານະສະຕິ ອັນບຸກຄົນຈະເລີນແລ້ວ ເຮັດໃຫ້ຫຼາຍແລ້ວ ຍ່ອມຫວັງຜົນໄດ້ 2 ຢ່າງ ຢ່າງໃດຢ່າງໜຶ່ງ ຄື ອະຣະຫັຕຕະຜົນໃນປັດຈຸບັນ ຫຼືເມື່ອຍັງມີຄວາມຢຶດຖືເຫຼືອຢູ່ ຍ່ອມເປັນ ພຣະອະນາຄາມີ.
ກໍອານາປານະສະຕິ ອັນບຸກຄົນຈະເລີນແລ້ວແນວໃດ ເຮັດໃຫ້ຫຼາຍແລ້ວແນວໃດ ຈຶ່ງຫວັງຜົນໄດ້ 2 ຢ່າງ ຢ່າງໃດຢ່າງໜຶ່ງ ຄື ອະຣະຫັຕຕະຜົນໃນປັດຈຸບັນ ຫຼືເມື່ອຍັງມີຄວາມຢຶດຖືເຫຼືອຢູ່ ຍ່ອມເປັນ ພຣະອະນາຄາມີ.
ພິກຂຸທັງຫຼາຍ ! ພິກຂຸໃນທັມວິນັຍນີ້ ຍ່ອມຈະເລີນ ສະຕິສັມໂພຊຊົງຄ໌ ອັນປະກອບດ້ວຍອານາປານະສະຕິ ອັນເປັນສັມໂພຊຊົງຄ໌ ທີ່ອາໄສວິເວກ ອາໄສວິຣາຄະ ອາໄສນິໂຣດ ນ້ອມໄປໃນການສະລະ...

ພິກຂຸທັງຫຼາຍ ! ເມື່ອອານາປານະສະຕິ ອັນບຸກຄົນຈະເລີນແລ້ວດັ່ງນີ້ ເຮັດໃຫ້ຫຼາຍແລ້ວດັ່ງນີ້ແລ ຍ່ອມຫວັງຜົນ

ໄດ້ ໒ ຢ່າງ ຢ່າງໃດຢ່າງໜຶ່ງ ຄືອະຣະຫັຕຕະຜົນໃນປັດຈຸບັນ ຫຼືເມື່ອຍັງມີຄວາມຢຶດຖືເຫຼືອຢູ່ ຍ່ອມເປັນພຣະອະນາຄາມີ.

- ບາລີ ມຫາວາຣ. ສັງ. ໑໙/໑໘໑/໖໕໕.