ການຖືກຢຽບຫຍາມ (ຂາຍ) ໜ້າ ເພາະຕາຍຕາມເບັນຈະຂັນທ໌

ຖືກແລ້ວ ພິກຂຸ ! ຖືກແລ້ວ ພິກຂຸ ! ເຈົ້າ ເຂົ້າໃຈເນື້ອໃນໃຈຄວາມ ແຫ່ງຄໍາທີ່ເຮົາກ່າວໂດຍຫຍໍ້ (ວ່າຖ້າມີອະນຸສັຍ ໃນສິ່ງໃດ ຍ່ອມຕາຍໄປຕາມສິ່ງນັ້ນ; ຕາຍຕາມສິ່ງໃດໄປຍ່ອມຖືກຢຽບຫຍາມ (ຂາຍ) ໜ້າເພາະສິ່ງນັ້ນ), ໄດ້ໂດຍພິສະດານຢ່າງຖືກຕ້ອງແລ້ວ.

ພິກຂຸ ! ຖ້າບຸຄຄົລມີຈິຕເຂົ້າໄປມີອະນຸສັຍ (ຢຶດຖືເຄີຍຊິນ)ໃນ ຮູບ, ເຂົາຍ່ອມຕາຍໄປຕາມຮູບນັ້ນ, ຕາຍຕາມສິ່ງໃດໄປ, ເຂົາຍ່ອມຖືກຢຽບຫຍາມ(ຂາຍ)ໜ້າເພາະສິ່ງນັ້ນ;

ພິກຂຸ ! ຖ້າບຸຄຄົລມີຈິຕເຂົ້າໄປມີອະນຸສັຍ ໃນ ເວທະນາ, ເຂົາຍ່ອມຕາຍໄປຕາມ ເວທະນານັ້ນ ຕາຍຕາມສິ່ງໃດໄປ ເຂົາຍ່ອມຖືກຢຽບຫຍາມ(ຂາຍ)ໜ້າເພາະສິ່ງນັ້ນ;

ພິກຂຸ ! ຖ້າບຸຄຄົລ ມີຈິຕເຂົ້າໄປມີອະນຸສັຍ ໃນ ສັນຍາ, ເຂົາຍ່ອມຕາຍໄປຕາມ ສັນຍານັ້ນ, ຕາຍຕາມສິ່ງໃດໄປ, ເຂົາຍ່ອມຖືກຢຽບຫຍາມ(ຂາຍ)ໜ້າ ເພາະສິ່ງນັ້ນ;

ພິກຂຸ ! ຖ້າບຸຄຄົລ ມີຈິຕເຂົ້າໄປມີອະນຸສັຍ ໃນ ສັງຂາຣທັງຫຼາຍ, ເຂົາຍ່ອມຕາຍໄປຕາມສັງຂາຣນັ້ນ, ຕາຍຕາມສິ່ງໃດໄປ, ເຂົາຍ່ອມຖືກຢຽບຫຍາມ (ຂາຍ) ໜ້າເພາະສິ່ງນັ້ນ;

ພິກຂຸ ! ຖ້າບຸຄຄົລ ມີຈິຕເຂົ້າໄປມີອະນຸສັຍ ໃນ ວິນຍານ, ເຂົາຍ່ອມຕາຍໄປຕາມ ວິນຍານນັ້ນ, ຕາຍຕາມສິ່ງໃດໄປ, ເຂົາຍ່ອມຖືກຢຽບຫຽາມ(ຂາຍ)ໜ້າເພາະສິ່ງນັ້ນ.

(ປະຕິປັກຂະນັຍ)

ພິກຂຸ ! ຖ້າບຸຄຄົລ ມີຈິຕບໍ່ເຂົ້າໄປມີອະນຸສັຍ ໃນ ຮູບ, ເຂົາຍ່ອມບໍ່ຕາຍໄປຕາມຮູບນັ້ນ, ບໍ່ຕາຍຕາມສິ່ງໃດໄປ, ເຂົາຍ່ອມບໍ່ຖືກຢຽບຫຍາມ (ຂາຍ) ໜ້າເພາະສິ່ງນັ້ນ;

ພິກຂຸ ! ຖ້າບຸຄຄົລ ມີຈິຕບໍ່ເຂົ້າໄປມີອະນຸສັຍ ໃນ ເວທະນາ, ເຂົາຍ່ອມບໍ່ຕາຍໄປຕາມເວທະນານັ້ນ, ບໍ່ຕາຍຕາມສິ່ງໃດໄປ, ເຂົາຍ່ອມບໍ່ຖືກຢຽບຫຍາມ (ຂາຍ) ໜ້າ ເພາະສິ່ງນັ້ນ;

ພິກຂຸ ! ຖ້າບຸຄຄົລ ມີຈິຕບໍ່ເຂົ້າໄປມີອະນຸສັຍ ໃນ ສັນຍາ, ເຂົາຍ່ອມບໍ່ຕາຍໄປຕາມສັນຍານັ້ນ, ບໍ່ຕາຍຕາມສິ່ງໃດໄປ, ເຂົາຍ່ອມບໍ່ຖືກຢຽບຫຍາມ (ຂາຍ) ໜ້າເພາະສິ່ງນັ້ນ;

ພິກຂຸ ! ຖ້າບຸຄຄົລ ມີຈິຕບໍ່ເຂົ້າໄປມີອະນຸສັຍ ໃນ ສັງຂາຣທັງຫຼາຍ, ເຂົາຍ່ອມບໍ່ຕາຍໄປຕາມສັງຂາຣນັ້ນ, ບໍ່ຕາຍຕາມສິ່ງໃດໄປ, ເຂົາຍ່ອມບໍ່ຖືກຢຽບຫຍາມ (ຂາຍ) ໜ້າເພາະສິ່ງນັ້ນ;

ພິກຂຸ ! ຖ້າບຸຄຄົລ ມີຈິຕບໍ່ເຂົ້າໄປມີອະນຸສັຍ ໃນ ວິນຍານ, ເຂົາຍ່ອມບໍ່ຕາຍໄປຕາມວິນຍານນັ້ນ, ບໍ່ຕາຍຕາມສິ່ງໃດໄປ, ເຂົາຍ່ອມບໍ່ຖືກຢຽບຫຍາມ (ຂາຍ) ໜ້າເພາະສິ່ງນັ້ນ.

ພິກຂຸ ! ເນື້ອໃນໃຈຄວາມ ແຫ່ງພາສິຕ ອັນເຮົາກ່າວແລ້ວ ໂດຍຫຍໍ້ນີ້ ໃຜໆຈົ່ງເຫັນໂດຍພິສະດານ ດັ່ງນີ້ເຖີ້ນ.

- ຂັນທ. ສັງ. ໑໗/໔໕/໗໘.