ພຣະສູດ 
ຖືກໃຈ 
ປື້ມ 
Video 
ປະຕິທິນ 
ພຣະທັມ 
ຕິດຕໍ່ ຄົນດໍາ ຫຼື ຄົນຂາວ ລ້ວນມີຫວັງໃນນິບພານ
ທໍາໃນເບື້ອງຕົ້ນ
“ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕຊາດ ສະເພາະຢ່າງ ໖ ຊະນິດຄືຊາດດໍາ ຊາດຂຽວ ຊາດແດງ ຊາດເຫຼືອງ ຊາດຂາວ ແລະຊາດຂາວສຸດ.
ຂ້າແຕ່ພຣະອົງຄ໌ຜູ້ຈະເຣີນ ! ໃນການບັນຍັຕ ຂອງປູຣະນະກັດສະປະ ນັ້ນ ເຂົາບັນຍັຕຄົນຂ້າແບ້ ແກະ ຄົນຂ້າໝູ ຂ້ານົກ ຂ້າສັຕ ຊາວປະມົງ ໂຈຣປຸ້ນ ໂຈຣຂ້າຄົນ ເຈົ້າໜ້າທີ່ເຮືອນຈຳ ຫຼືຄົນມີການງານຊັ້ນຕໍ່າ ຢ່າງອື່ນໆວ່າ ເປັນ ຊາດດໍາ.
ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕພິກຂຸ ພວກກັນດະກະພຶດ ຫຼືພວກກັມມະວາດ ພວກກິຣິຍະວາດອື່ນໆ ວ່າເປັນ ຊາດຂຽວ.
ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕພວກນິຄັນຖະ ມີຜ້າຜືນດຽວວ່າເປັນຊາດແດງ.
ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕພວກຄະຣືຫັດ ຜູ້ນຸ່ງຂາວ ຜູ້ເປັນສາວົກອະເຈລະກະ ວ່າເປັນ ຊາດເຫຼືອງ.
ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕພວກອາຊີວະກະ ພວກອາຊີວະກິນີ (ຍິງ) ວ່າເປັນ ຊາດຂາວ.
ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕເຈົ້າລັດທິ ຊື່ນັນທະວັດສະ ກິດຈະສັງກິດຈະ ແລະມັກຂະລິໂຄສາລະ ວ່າເປັນ ຊາດຂາວສຸດ.
ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕຊາດ ສະເພາະຢ່າງ ໖ ຊະນິດເຫຼົ່ານີ້ແລ ຂ້ານ້ອຍ !”
ອານົນທ໌ ! ໂລກທັງປວງ ຍອມຮັບຮູ້ ການບັນຍັຕອະພິຊາດ ໖ ຊະນິດຂອງ ປູຣະນະກັດສະປະ ນັ້ນຫຼື ?
“ຂໍ້ນັ້ນ ຫາບໍ່ໄດ້ ຂ້ານ້ອຍ !”
ອານົນທ໌ ! ຖ້າເຊັ່ນນັ້ນ ມັນກໍເໝືອນກັບ ຄົນຍາກຈົນເຂັນໃຈ ບໍ່ມີຊັບຕິດໂຕ ທັງບໍ່ປາຖນາຈະໄດ້ພູດຊີ້ນ ຊຶ່ງຕ້ອງໃຊ້ຄ່າຊີ້ນຕາມສັດສ່ວນ, ເມື່ອມີຄົນມາກ່າວວ່າ “ບຸຣຸສຜູ້ຈະເຣີນ ! ຊີ້ນນີ້ໜ້າກິນ ແຕ່ທ່ານຕ້ອງໃຊ້ຄ່າຊີ້ນ” ດັ່ງນີ້ ແລ້ວ; ເຂົາຍ່ອມປະຕິເສດ; ເຊັ່ນດຽວກັບ ປູຣະນະກັດສະປະ ບໍ່ໄດ້ຮັບການຮັບຮູ້ຈາກສະມະນະພຣາມທັງຫຼາຍ ແລ້ວມາບັນຍັຕອະພິຊາດ ໖ ຊະນິດນີ້ ມີລັກສະນະເປັນຄົນໂງ່ ຄົນບໍ່ສຽບແຫຼມ ບໍ່ຮູ້ຈັກຂອບເຂດ ບໍ່ສະຫຼາດ ເຊັ່ນໃດກໍເຊັ່ນນັ້ນ. ອານົນທ໌ ! ເຮົາແຫຼະ ຈະບັນຍັຕອະພິຊາດ ໖ ຊະນິດ, ເຈົ້າຈົ່ງຟັງ ຈົ່ງຕັ້ງໃນໃຈໃຫ້ດີ, ເຮົາຈະກ່າວ. ອານົນທ໌ ! ອະພິຊາດ ໖ ຊະນິດເປັນແນວໃດໜໍ ?
ອານົນທ໌ ! ໃນກໍລະນີ ແຫ່ງອະພິຊາດຫົກນີ້ ຄື ຄົນບາງຄົນມີຊາດດໍາກໍ່ໃຫ້ເກີດທັມດໍາ ໑, ບາງຄົນມີຊາດດໍາ ກໍ່ໃຫ້ເກີດທັມຂາວ ໑, ບາງຄົນມີຊາດດໍາ ກໍ່ໃຫ້ເກີດນິພພານ (ຄວາມດັບສິ້ນຣາຄະ ໂທສະ ໂມຫະ) ອັນເປັນທັມບໍ່ດໍາບໍ່ຂາວ ໑, ບາງຄົນມີຊາດຂາວ ກໍ່ໃຫ້ເກີດທັມດໍາ ໑, ບາງຄົນມີຊາດຂາວ ກໍ່ໃຫ້ເກີດທັມຂາວ ໑,ບາງຄົນມີຊາດຂາວ ກໍ່ໃຫ້ເກີດນິພພານ ອັນເປັນທັມບໍ່ດໍາບໍ່ຂາວ ໑.
ອານົນທ໌ ! ຄົນມີຊາດດໍາ ກໍ່ໃຫ້ເກີດທັມດໍາ ເປັນແນວໃດໜໍ ? ອານົນທ໌ !ຄົນບາງຄົນ ໃນກໍລະນີນີ້ ເກີດໃນຕະກູນຕໍ່າ ຄືຕະກູນຈັນທານ ຕະກູນພານ ຕະກູນຈັກສານ ຕະກູລເຮັດຣົດ ຫຼືຕະກູນຖອກຂີ້ເຫຍື່ອ ຊຶ່ງເປັນຄົນຍາກຈົນ ມີເຂົ້າແລະນໍ້າໜ້ອຍ ເປັນຢູ່ຝືດເຄືອງ ມີອາຫາຣແລະເຄື່ອງນຸ່ງຫົ່ມ ຫາໄດ້ໂດຍຍາກ ເຂົາເປັນຜູ້ມີຜິວພັນຂີ້ຮ້າຍ ບໍ່ໜ້າເບິ່ງ ເຕັ້ຍຄ່ອມ ຂີ້ໂຣຄ ຕາບອດ ງ່ອຍກະຈອກ ມີໂຕຕະແຄງຂ້າງ ບໍ່ຄ່ອຍຈະມີເຂົ້າ ນໍ້າ ເຄື່ອງນຸ່ງຫົ່ມ ຍານພະຫະນະ ດອກໄມ້ຂອງຫອມ ເຄື່ອງລູບທາ ທີ່ນອນ ທີ່ຢູ່ ແລະປະທີບໄຟ ໂຄມໄຟ ແຕ່ເຂົາກໍຍັງ ປະພຶດກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕ ຄັນປະພຶດທຸຈະຣິຕແລ້ວ ເບື້ອງໜ້າແຕ່ການຕາຍ ເພາະການທໍາລາຍແຫ່ງກາຍ ຍ່ອມເຂົ້າເຖິງອະບາຍ ທຸຄະຕິ ວິນິບາຕ ນະຣົກ. ເຊັ່ນນີ້ແລ ອານົນທ໌ ! ເອີ້ນວ່າຄົນມີຊາດດໍາ ກໍ່ໃຫ້ເກີດທັມດໍາ.
ອານົນທ໌ ! ຄົນມີຊາດດໍາ ກໍ່ໃຫ້ເກີດທັມຂາວ ເປັນແນວໃດໜໍ ? ອານົນທ໌ ! ຄົນບາງຄົນໃນກໍລະນີນີ້ ເກີດໃນຕະກູນຕໍ່າ ຄືຕະກູນຈັນທານ ຕະກູນພານ....ໆລໆ.... ມີອາຫາຣ ແລະເຄື່ອງນຸ່ງຫົ່ມຫາໄດ້ໂດຍຍາກ ມີຜິວພັນຂີ້ເລ່ ບໍ່ໜ້າເບິ່ງ....ໆລໆ....ບໍ່ຄ່ອຍຈະມີເຂົ້ານໍ້າ....ໆລໆ.....ປະທີບໄຟ ໂຄມໄຟ ແຕ່ເຂົາ ປະພຶດ ກາຢະສຸຈະຣິຕ ວະຈີສຸຈະຣິຕ ມະໂນສຸຈະຣິຕ ຄັນປະພຶດສຸຈະຣິຕແລ້ວ ເບື້ອງໜ້າແຕ່ການຕາຍ ເພາະການທໍາລາຍແຫ່ງກາຍ ຍ່ອມເຂົ້າເຖິງສຸຄະຕິໂລກສະຫວັນ. ເຊັ່ນນີ້ແລ ອານົນທ໌ ! ເອີ້ນວ່າຄົນມີຊາດດໍາ ກໍ່ໃຫ້ເກີດທັມຂາວ.
ອານົນທ໌ ! ຄົນມີຊາດດໍາ ກໍ່ໃຫ້ເກີດນິພພານ ອັນເປັນທັມບໍ່ດໍາບໍ່ຂາວ ເປັນແນວໃດໜໍ ? ອານົນທ໌ ! ຄົນບາງຄົນ ໃນກໍລະນີ ເກີດໃນຕະກູນຕໍ່າ ຄື ຕະກູນຈັນທານ ຕະກູນພານ....ໆລໆ....ມີຜິວພັນຂີ້ເລ່ ບໍ່ໜ້າເບິ່ງ ເຕ້ຍຄ່ອມ. ເຂົາໂກນຜົມ ແລະໜວດ ຄອງຜ້າຍ້ອມຝາດ ອອກຈາກເຮືອນ ບວດເປັນຜູ້ບໍ່ມີປະໂຍຊນ໌ກ່ຽວຂ້ອງດ້ວຍເຮືອນ. ເຂົານັ້ນ ຄັນບວດແລ້ວເຊັ່ນນີ້ ລະນິວອນທັງຫ້າ ອັນເປັນເຄື່ອງເສົ້າ ໝອງຈິຕ ເຮັດປັນຍາໃຫ້ຖ້ອຍກໍາລັງໄດ້ແລ້ວ ມີຈິຕຕັ້ງໝັ້ນດີໃນສະຕິປັຕຖານທັງສີ່ ຍັງໂພຊຊົງເຈັດໃຫ້ຈະເຣີນແລ້ວຕາມທີ່ເປັນຈິງ ຊື່ວ່າຍ່ອມກໍ່ໃຫ້ເກີດ ນິພພານ ອັນເປັນທັມບໍ່ດໍາບໍ່ຂາວ. ເຊັ່ນນີ້ແລ ອານົນທ໌ ! ເອີ້ນວ່າ ຄົນມີຊາດດໍາ ກໍ່ໃຫ້ເກີດນິພພານ ອັນເປັນທັມບໍ່ດໍາບໍ່ຂາວ.
ອານົນທ໌ ! ຄົນມີຊາດຂາວ ກໍ່ໃຫ້ເກີດທັມດໍາ ເປັນແນວໃດໜໍ ? ອານົນທ໌ ! ຄົນບາງຄົນໃນກໍຣະນີນີ້ ເກີດໃນຕະກຸນສູງ ຄືຕະກຸນກະສັຕມະຫາສານ ຕະກຸນພຣາມມະຫາສານ ຫຼືຕະກຸນຄະຫະບໍດີມະຫາສານ ອັນຮັ່ງມີ ມີຊັບຫຼາຍ ມີໂພຄະຫຼາຍ ມີຄໍາແລະເງິນພໍໂຕ ມີອຸປະກອນແຫ່ງຊັບພໍໂຕ ມີຊັບແລະເຂົ້າເປືອກພໍໂຕ ເຂົາມີຮູບງາມ ໜ້າເບິ່ງ ໜ້າເຫຼື້ອມໃສ ປະກອບດ້ວຍຄວາມກ້ຽງງາມ ແຫ່ງຜິວພັນຢ່າງຍິ່ງ ລໍ່າລວຍດ້ວຍເຂົ້າ ດ້ວຍນໍ້າ ເຄື່ອງນຸ່ງຫົ່ມ ຍານພະຫະນະ ດອກໄມ້ ຂອງຫອມ ເຄື່ອງລູບທາ ທີ່ນອນ ທີ່ຢູ່ ແລະປະທີບໄຟໂຄມໄຟ ແຕ່ເຂົາ ປະພຶດກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕ ຄັນປະພຶດທຸຈະຣິຕແລ້ວ ເບື້ອງໜ້າແຕ່ການຕາຍ ເພາະການທໍາລາຍແຫ່ງກາຍ ຍ່ອມເຂົ້າສູ່ອະບາຍ ທຸຄະຕິ ວິນິບາຕ ນະຣົກ. ເຊັ່ນນີ້ແລ ອານົນທ໌ ! ເອີ້ນວ່າຄົນມີຊາດຂາວ ກໍ່ໃຫ້ເກີດທັມດໍາ.
ອານົນທ໌ ! ຄົນມີຊາດຂາວ ກໍ່ໃຫ້ເກີດທັມຂາວ ເປັນແນວໃດໜໍ ? ອານົນທ໌ ! ຄົນບາງຄົນ ໃນກໍລະນີນີ້ ເກີດໃນຕະກຸນສູງ ຄືຕະກຸນກະສັຕມະຫາສານ ຕະກຸນພຣາມມະຫາສານ....ຯລຯ....ມີຊັບແລະເຂົ້າເປືອກພໍໂຕ ມີຮູບງາມ.... ຯລຯ....ລໍ່າລວຍດ້ວຍເຂົ້າ ນໍ້າ....ຯລຯ....ປະທີບໄຟ ໂຄມໄຟ; ເຂົາ ປະພຶດກາຢະສຸຈະຣິຕ ວະຈີສຸຈະຣິຕ ມະໂນສຸຈະຣິຕ ຄັນປະພຶດສຸຈະຣິຕແລ້ວ ເບື້ອງໜ້າແຕ່ການຕາຍ ເພາະການທໍາາລາຍແຫ່ງກາຍ ຍ່ອມເຂົ້າເຖິງສຸຄະຕິ ໂລກສະຫວັນ. ເຊັ່ນນີ້ແລ ອານົນທ໌ ! ເອີ້ນວ່າ ຄົນມີຊາດຂາວ ກໍ່ໃຫ້ເກີດທັມຂາວ.
ອານົນທ໌ ! ຄົນຊາດຂາວ ກໍ່ໃຫ້ເກີດນິພພານ ອັນເປັນທັມບໍ່ດໍາບໍ່ຂາວ ເປັນແນວໃດໜໍ ? ອານົນທ໌ ! ຄົນບາງຄົນໃນກໍລະນີນີ້ ເກີດໃນຕະກຸນສູງ ຄືຕະກຸນກະສັດມະຫາສານ ຕະກຸລພຣາມມະຫາສານ....ຯລຯ....ມີຊັບແລະເຂົ້າເປືອກພໍໂຕ ມີຮູບງາມ....ຯລຯ....ລໍ່າລວຍດ້ວຍເຂົ້າ ນໍ້າ....ຯລຯ....ປະທີບໄຟ ໂຄມໄຟ. ເຂົາໂກນຜົມ ແລະໜວດ ຄອງຜ້າກາສາຍະ ອອກຈາກເຮືອນບວດເປັນຜູ້ບໍ່ມີປະໂຍຊນ໌ກ່ຽວຂ້ອງດ້ວຍເຮືອນ, ເຂົານັ້ນ ຄັນບວດແລ້ວເຊັ່ນນີ້ ລະນິວອນທັງຫ້າ ອັນເປັນເຄື່ອງເສົ້າໝອງໃຈ ເຮັດປັນຍາໃຫ້ຖອຍກໍາລັງໄດ້ແລ້ວ ມີຈິຕຕັ້ງໝັ້ນດີ ໃນສະຕິປັຕຖານທັງສີ່ ຍັງໂພຊຊົງຄ໌ເຈັດໃຫ້ຈະເຣີນແລ້ວ ຕາມທີ່ເປັນຈິງ ຊື່ວ່າຍ່ອມກໍ່ໃຫ້ເກີດນິພພານ ອັນເປັນທັມບໍ່ດໍາບໍ່ຂາວ. ເຊັ່ນນີ້ແລ ອານົນທ໌ ! ເອີ້ນວ່າຄົນມີຊາດຂາວ ກໍ່ໃຫ້ເກີດນິພພານ ອັນເປັນທັມບໍ່ດໍາບໍ່ຂາວ.
ອານົນທ໌ ! ເຫຼົ່ານີ້ແລ ອະພິຊາດ ໖ ຊະນິດ.
- ສັກກ. ອັງ. ໒໒/໔໒໘/໓໒໘.
ຂ້າແຕ່ພຣະອົງຄ໌ຜູ້ຈະເຣີນ ! ໃນການບັນຍັຕ ຂອງປູຣະນະກັດສະປະ ນັ້ນ ເຂົາບັນຍັຕຄົນຂ້າແບ້ ແກະ ຄົນຂ້າໝູ ຂ້ານົກ ຂ້າສັຕ ຊາວປະມົງ ໂຈຣປຸ້ນ ໂຈຣຂ້າຄົນ ເຈົ້າໜ້າທີ່ເຮືອນຈຳ ຫຼືຄົນມີການງານຊັ້ນຕໍ່າ ຢ່າງອື່ນໆວ່າ ເປັນ ຊາດດໍາ.
ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕພິກຂຸ ພວກກັນດະກະພຶດ ຫຼືພວກກັມມະວາດ ພວກກິຣິຍະວາດອື່ນໆ ວ່າເປັນ ຊາດຂຽວ.
ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕພວກນິຄັນຖະ ມີຜ້າຜືນດຽວວ່າເປັນຊາດແດງ.
ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕພວກຄະຣືຫັດ ຜູ້ນຸ່ງຂາວ ຜູ້ເປັນສາວົກອະເຈລະກະ ວ່າເປັນ ຊາດເຫຼືອງ.
ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕພວກອາຊີວະກະ ພວກອາຊີວະກິນີ (ຍິງ) ວ່າເປັນ ຊາດຂາວ.
ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕເຈົ້າລັດທິ ຊື່ນັນທະວັດສະ ກິດຈະສັງກິດຈະ ແລະມັກຂະລິໂຄສາລະ ວ່າເປັນ ຊາດຂາວສຸດ.
ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕຊາດ ສະເພາະຢ່າງ ໖ ຊະນິດເຫຼົ່ານີ້ແລ ຂ້ານ້ອຍ !”
ອານົນທ໌ ! ໂລກທັງປວງ ຍອມຮັບຮູ້ ການບັນຍັຕອະພິຊາດ ໖ ຊະນິດຂອງ ປູຣະນະກັດສະປະ ນັ້ນຫຼື ?
“ຂໍ້ນັ້ນ ຫາບໍ່ໄດ້ ຂ້ານ້ອຍ !”
ອານົນທ໌ ! ຖ້າເຊັ່ນນັ້ນ ມັນກໍເໝືອນກັບ ຄົນຍາກຈົນເຂັນໃຈ ບໍ່ມີຊັບຕິດໂຕ ທັງບໍ່ປາຖນາຈະໄດ້ພູດຊີ້ນ ຊຶ່ງຕ້ອງໃຊ້ຄ່າຊີ້ນຕາມສັດສ່ວນ, ເມື່ອມີຄົນມາກ່າວວ່າ “ບຸຣຸສຜູ້ຈະເຣີນ ! ຊີ້ນນີ້ໜ້າກິນ ແຕ່ທ່ານຕ້ອງໃຊ້ຄ່າຊີ້ນ” ດັ່ງນີ້ ແລ້ວ; ເຂົາຍ່ອມປະຕິເສດ; ເຊັ່ນດຽວກັບ ປູຣະນະກັດສະປະ ບໍ່ໄດ້ຮັບການຮັບຮູ້ຈາກສະມະນະພຣາມທັງຫຼາຍ ແລ້ວມາບັນຍັຕອະພິຊາດ ໖ ຊະນິດນີ້ ມີລັກສະນະເປັນຄົນໂງ່ ຄົນບໍ່ສຽບແຫຼມ ບໍ່ຮູ້ຈັກຂອບເຂດ ບໍ່ສະຫຼາດ ເຊັ່ນໃດກໍເຊັ່ນນັ້ນ. ອານົນທ໌ ! ເຮົາແຫຼະ ຈະບັນຍັຕອະພິຊາດ ໖ ຊະນິດ, ເຈົ້າຈົ່ງຟັງ ຈົ່ງຕັ້ງໃນໃຈໃຫ້ດີ, ເຮົາຈະກ່າວ. ອານົນທ໌ ! ອະພິຊາດ ໖ ຊະນິດເປັນແນວໃດໜໍ ?
ອານົນທ໌ ! ໃນກໍລະນີ ແຫ່ງອະພິຊາດຫົກນີ້ ຄື ຄົນບາງຄົນມີຊາດດໍາກໍ່ໃຫ້ເກີດທັມດໍາ ໑, ບາງຄົນມີຊາດດໍາ ກໍ່ໃຫ້ເກີດທັມຂາວ ໑, ບາງຄົນມີຊາດດໍາ ກໍ່ໃຫ້ເກີດນິພພານ (ຄວາມດັບສິ້ນຣາຄະ ໂທສະ ໂມຫະ) ອັນເປັນທັມບໍ່ດໍາບໍ່ຂາວ ໑, ບາງຄົນມີຊາດຂາວ ກໍ່ໃຫ້ເກີດທັມດໍາ ໑, ບາງຄົນມີຊາດຂາວ ກໍ່ໃຫ້ເກີດທັມຂາວ ໑,ບາງຄົນມີຊາດຂາວ ກໍ່ໃຫ້ເກີດນິພພານ ອັນເປັນທັມບໍ່ດໍາບໍ່ຂາວ ໑.
ອານົນທ໌ ! ຄົນມີຊາດດໍາ ກໍ່ໃຫ້ເກີດທັມດໍາ ເປັນແນວໃດໜໍ ? ອານົນທ໌ !ຄົນບາງຄົນ ໃນກໍລະນີນີ້ ເກີດໃນຕະກູນຕໍ່າ ຄືຕະກູນຈັນທານ ຕະກູນພານ ຕະກູນຈັກສານ ຕະກູລເຮັດຣົດ ຫຼືຕະກູນຖອກຂີ້ເຫຍື່ອ ຊຶ່ງເປັນຄົນຍາກຈົນ ມີເຂົ້າແລະນໍ້າໜ້ອຍ ເປັນຢູ່ຝືດເຄືອງ ມີອາຫາຣແລະເຄື່ອງນຸ່ງຫົ່ມ ຫາໄດ້ໂດຍຍາກ ເຂົາເປັນຜູ້ມີຜິວພັນຂີ້ຮ້າຍ ບໍ່ໜ້າເບິ່ງ ເຕັ້ຍຄ່ອມ ຂີ້ໂຣຄ ຕາບອດ ງ່ອຍກະຈອກ ມີໂຕຕະແຄງຂ້າງ ບໍ່ຄ່ອຍຈະມີເຂົ້າ ນໍ້າ ເຄື່ອງນຸ່ງຫົ່ມ ຍານພະຫະນະ ດອກໄມ້ຂອງຫອມ ເຄື່ອງລູບທາ ທີ່ນອນ ທີ່ຢູ່ ແລະປະທີບໄຟ ໂຄມໄຟ ແຕ່ເຂົາກໍຍັງ ປະພຶດກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕ ຄັນປະພຶດທຸຈະຣິຕແລ້ວ ເບື້ອງໜ້າແຕ່ການຕາຍ ເພາະການທໍາລາຍແຫ່ງກາຍ ຍ່ອມເຂົ້າເຖິງອະບາຍ ທຸຄະຕິ ວິນິບາຕ ນະຣົກ. ເຊັ່ນນີ້ແລ ອານົນທ໌ ! ເອີ້ນວ່າຄົນມີຊາດດໍາ ກໍ່ໃຫ້ເກີດທັມດໍາ.
ອານົນທ໌ ! ຄົນມີຊາດດໍາ ກໍ່ໃຫ້ເກີດທັມຂາວ ເປັນແນວໃດໜໍ ? ອານົນທ໌ ! ຄົນບາງຄົນໃນກໍລະນີນີ້ ເກີດໃນຕະກູນຕໍ່າ ຄືຕະກູນຈັນທານ ຕະກູນພານ....ໆລໆ.... ມີອາຫາຣ ແລະເຄື່ອງນຸ່ງຫົ່ມຫາໄດ້ໂດຍຍາກ ມີຜິວພັນຂີ້ເລ່ ບໍ່ໜ້າເບິ່ງ....ໆລໆ....ບໍ່ຄ່ອຍຈະມີເຂົ້ານໍ້າ....ໆລໆ.....ປະທີບໄຟ ໂຄມໄຟ ແຕ່ເຂົາ ປະພຶດ ກາຢະສຸຈະຣິຕ ວະຈີສຸຈະຣິຕ ມະໂນສຸຈະຣິຕ ຄັນປະພຶດສຸຈະຣິຕແລ້ວ ເບື້ອງໜ້າແຕ່ການຕາຍ ເພາະການທໍາລາຍແຫ່ງກາຍ ຍ່ອມເຂົ້າເຖິງສຸຄະຕິໂລກສະຫວັນ. ເຊັ່ນນີ້ແລ ອານົນທ໌ ! ເອີ້ນວ່າຄົນມີຊາດດໍາ ກໍ່ໃຫ້ເກີດທັມຂາວ.
ອານົນທ໌ ! ຄົນມີຊາດດໍາ ກໍ່ໃຫ້ເກີດນິພພານ ອັນເປັນທັມບໍ່ດໍາບໍ່ຂາວ ເປັນແນວໃດໜໍ ? ອານົນທ໌ ! ຄົນບາງຄົນ ໃນກໍລະນີ ເກີດໃນຕະກູນຕໍ່າ ຄື ຕະກູນຈັນທານ ຕະກູນພານ....ໆລໆ....ມີຜິວພັນຂີ້ເລ່ ບໍ່ໜ້າເບິ່ງ ເຕ້ຍຄ່ອມ. ເຂົາໂກນຜົມ ແລະໜວດ ຄອງຜ້າຍ້ອມຝາດ ອອກຈາກເຮືອນ ບວດເປັນຜູ້ບໍ່ມີປະໂຍຊນ໌ກ່ຽວຂ້ອງດ້ວຍເຮືອນ. ເຂົານັ້ນ ຄັນບວດແລ້ວເຊັ່ນນີ້ ລະນິວອນທັງຫ້າ ອັນເປັນເຄື່ອງເສົ້າ ໝອງຈິຕ ເຮັດປັນຍາໃຫ້ຖ້ອຍກໍາລັງໄດ້ແລ້ວ ມີຈິຕຕັ້ງໝັ້ນດີໃນສະຕິປັຕຖານທັງສີ່ ຍັງໂພຊຊົງເຈັດໃຫ້ຈະເຣີນແລ້ວຕາມທີ່ເປັນຈິງ ຊື່ວ່າຍ່ອມກໍ່ໃຫ້ເກີດ ນິພພານ ອັນເປັນທັມບໍ່ດໍາບໍ່ຂາວ. ເຊັ່ນນີ້ແລ ອານົນທ໌ ! ເອີ້ນວ່າ ຄົນມີຊາດດໍາ ກໍ່ໃຫ້ເກີດນິພພານ ອັນເປັນທັມບໍ່ດໍາບໍ່ຂາວ.
ອານົນທ໌ ! ຄົນມີຊາດຂາວ ກໍ່ໃຫ້ເກີດທັມດໍາ ເປັນແນວໃດໜໍ ? ອານົນທ໌ ! ຄົນບາງຄົນໃນກໍຣະນີນີ້ ເກີດໃນຕະກຸນສູງ ຄືຕະກຸນກະສັຕມະຫາສານ ຕະກຸນພຣາມມະຫາສານ ຫຼືຕະກຸນຄະຫະບໍດີມະຫາສານ ອັນຮັ່ງມີ ມີຊັບຫຼາຍ ມີໂພຄະຫຼາຍ ມີຄໍາແລະເງິນພໍໂຕ ມີອຸປະກອນແຫ່ງຊັບພໍໂຕ ມີຊັບແລະເຂົ້າເປືອກພໍໂຕ ເຂົາມີຮູບງາມ ໜ້າເບິ່ງ ໜ້າເຫຼື້ອມໃສ ປະກອບດ້ວຍຄວາມກ້ຽງງາມ ແຫ່ງຜິວພັນຢ່າງຍິ່ງ ລໍ່າລວຍດ້ວຍເຂົ້າ ດ້ວຍນໍ້າ ເຄື່ອງນຸ່ງຫົ່ມ ຍານພະຫະນະ ດອກໄມ້ ຂອງຫອມ ເຄື່ອງລູບທາ ທີ່ນອນ ທີ່ຢູ່ ແລະປະທີບໄຟໂຄມໄຟ ແຕ່ເຂົາ ປະພຶດກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕ ຄັນປະພຶດທຸຈະຣິຕແລ້ວ ເບື້ອງໜ້າແຕ່ການຕາຍ ເພາະການທໍາລາຍແຫ່ງກາຍ ຍ່ອມເຂົ້າສູ່ອະບາຍ ທຸຄະຕິ ວິນິບາຕ ນະຣົກ. ເຊັ່ນນີ້ແລ ອານົນທ໌ ! ເອີ້ນວ່າຄົນມີຊາດຂາວ ກໍ່ໃຫ້ເກີດທັມດໍາ.
ອານົນທ໌ ! ຄົນມີຊາດຂາວ ກໍ່ໃຫ້ເກີດທັມຂາວ ເປັນແນວໃດໜໍ ? ອານົນທ໌ ! ຄົນບາງຄົນ ໃນກໍລະນີນີ້ ເກີດໃນຕະກຸນສູງ ຄືຕະກຸນກະສັຕມະຫາສານ ຕະກຸນພຣາມມະຫາສານ....ຯລຯ....ມີຊັບແລະເຂົ້າເປືອກພໍໂຕ ມີຮູບງາມ.... ຯລຯ....ລໍ່າລວຍດ້ວຍເຂົ້າ ນໍ້າ....ຯລຯ....ປະທີບໄຟ ໂຄມໄຟ; ເຂົາ ປະພຶດກາຢະສຸຈະຣິຕ ວະຈີສຸຈະຣິຕ ມະໂນສຸຈະຣິຕ ຄັນປະພຶດສຸຈະຣິຕແລ້ວ ເບື້ອງໜ້າແຕ່ການຕາຍ ເພາະການທໍາາລາຍແຫ່ງກາຍ ຍ່ອມເຂົ້າເຖິງສຸຄະຕິ ໂລກສະຫວັນ. ເຊັ່ນນີ້ແລ ອານົນທ໌ ! ເອີ້ນວ່າ ຄົນມີຊາດຂາວ ກໍ່ໃຫ້ເກີດທັມຂາວ.
ອານົນທ໌ ! ຄົນຊາດຂາວ ກໍ່ໃຫ້ເກີດນິພພານ ອັນເປັນທັມບໍ່ດໍາບໍ່ຂາວ ເປັນແນວໃດໜໍ ? ອານົນທ໌ ! ຄົນບາງຄົນໃນກໍລະນີນີ້ ເກີດໃນຕະກຸນສູງ ຄືຕະກຸນກະສັດມະຫາສານ ຕະກຸລພຣາມມະຫາສານ....ຯລຯ....ມີຊັບແລະເຂົ້າເປືອກພໍໂຕ ມີຮູບງາມ....ຯລຯ....ລໍ່າລວຍດ້ວຍເຂົ້າ ນໍ້າ....ຯລຯ....ປະທີບໄຟ ໂຄມໄຟ. ເຂົາໂກນຜົມ ແລະໜວດ ຄອງຜ້າກາສາຍະ ອອກຈາກເຮືອນບວດເປັນຜູ້ບໍ່ມີປະໂຍຊນ໌ກ່ຽວຂ້ອງດ້ວຍເຮືອນ, ເຂົານັ້ນ ຄັນບວດແລ້ວເຊັ່ນນີ້ ລະນິວອນທັງຫ້າ ອັນເປັນເຄື່ອງເສົ້າໝອງໃຈ ເຮັດປັນຍາໃຫ້ຖອຍກໍາລັງໄດ້ແລ້ວ ມີຈິຕຕັ້ງໝັ້ນດີ ໃນສະຕິປັຕຖານທັງສີ່ ຍັງໂພຊຊົງຄ໌ເຈັດໃຫ້ຈະເຣີນແລ້ວ ຕາມທີ່ເປັນຈິງ ຊື່ວ່າຍ່ອມກໍ່ໃຫ້ເກີດນິພພານ ອັນເປັນທັມບໍ່ດໍາບໍ່ຂາວ. ເຊັ່ນນີ້ແລ ອານົນທ໌ ! ເອີ້ນວ່າຄົນມີຊາດຂາວ ກໍ່ໃຫ້ເກີດນິພພານ ອັນເປັນທັມບໍ່ດໍາບໍ່ຂາວ.
ອານົນທ໌ ! ເຫຼົ່ານີ້ແລ ອະພິຊາດ ໖ ຊະນິດ.
- ສັກກ. ອັງ. ໒໒/໔໒໘/໓໒໘.