ພຣະສູດ 
ຖືກໃຈ 
ປື້ມ 
Video 
ປະຕິທິນ 
ພຣະທັມ 
ຕິດຕໍ່ ຄວາມທຸກໃນນະຣົກ
ພົບພູມ
ພິກຂຸທັງຫຼາຍ ! ປຽບເໝືອນເຮືອນ ໒ ຫຼັງ ມີປະຕູເຊິ່ງກັນບຸຣຸດຜູ້ມີຕາດີຢືນຢູ່ລະຫວ່າງກາງເຮືອນ ໒ ຫຼັງນັ້ນ ຍ່ອມເຫັນມະນຸດກໍາລັງເຂົ້າເຮືອນແດ່ ກຳລັງອອກຈາກເຮືອນແດ່ ກໍາລັງຍ່າງມາແດ່ ກໍາລັງຍ່າງໄປແດ່ ເຊັ່ນໃດ.
ພິກຂຸທັງຫຼາຍ ! ຂໍ້ນີ້ກໍເຊັ່ນນັ້ນເໝືອນກັນ ເຮົາຍ່ອມມອງເຫັນໝູ່ສັຕກໍາລັງຈຸຕິ ກໍາລັງອຸບັດ ຕໍ່າຊາມ ປານີດ ມີຜິວພັນດີ ມີຜິວພັນຂີ້ຮ້າຍ ໄດ້ດີ ຕົກທຸກຂ໌ ດ້ວຍທິບພະຈັກຂຸອັນບໍຣິສຸດ ຂ້າມຜ່ານຈັກຂຸຂອງມະນຸດ ຍ່ອມຮູ້ແຈ້ງຊຶ່ງໝູ່ສັຕຜູ້ເປັນໄປຕາມກັມໄດ້ວ່າ
ສັຕຜູ້ກໍາລັງເປັນຢູ່ເຫຼົ່ານີ້ ປະກອບດ້ວຍກາຢະສຸຈະຣິຕ ວະຈີສຸຈະຣິຕ ມະໂນສຸຈະຣິຕ ບໍ່ຕິຕຽນພຣະອະຣິຍະເຈົ້າ ເປັນສັມມາທິຕຖິ ເຊື່ອໝັ້ນກັມດ້ວຍອໍານາດສັມມາທິຕຖິ ເມື່ອຕາຍໄປແລ້ວ ເຂົ້າເຖິງສຸຄະຕິໂລກສະຫວັນກໍມີ.
ສັຕຜູ້ກໍາລັງເປັນຢູ່ເຫຼົ່ານີ້ ປະກອບດ້ວຍກາຢະສຸຈະຣິຕ ວະຈີສຸຈະຣິຕ ມະໂນສຸຈະຣິຕ ບໍ່ຕິຕຽນພຣະອະຣິຍະເຈົ້າ ເປັນສັມມາທິຕຖິ ເຊື່ອໝັ້ນກັມດ້ວຍອໍານາດສັມມາທິຕຖິ ເມື່ອຕາຍໄປແລ້ວ ບັງເກີດໃນໝູ່ມະນຸດກໍມີ.
ສັຕຜູ້ກໍາລັງເປັນຢູ່ເຫຼົ່ານີ້ ປະກອບດ້ວຍກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕ ຕິຕຽນພຣະອະຣິຍະເຈົ້າ ເປັນມິດສາທິຕຖິ ເຊື່ອໝັ້ນກັມດ້ວຍອໍານາດມິດສາທິຕຖິ ເມື່ອຕາຍໄປແລ້ວ ເຂົ້າເຖິງເປຕະວິສັຍກໍມີ.
ສັຕກໍາລັງເປັນຢູ່ເຫຼົ່ານີ້ ປະກອບດ້ວຍກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕ ຕິຕຽນພຣະອະຣິຍະເຈົ້າ ເປັນມິດສາທິຕຖິ ເຊື່ອໝັ້ນກັມດ້ວຍອໍານາດມິດສາທິຕຖິ ເມື່ອຕາຍໄປແລ້ວ ເຂົ້າເຖິງກໍາເນີດເດຣັດສານກໍມີ.
ສັຕຜູ້ກໍາລັງເປັນຢູ່ເຫຼົ່ານີ້ ປະກອບດ້ວຍກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕ ຕິຕຽນພຣະອະຣິຍະເຈົ້າ ເປັນມິດສາທິຕຖິ ເຊື່ອໝັ້ນກັມດ້ວຍອໍານາດມິດສາທິຕຖິ ເມື່ອຕາຍໄປແລ້ວ ເຂົ້າເຖິງອະບາຍ ທຸຄະຕິ ວິນິບາຕ ນະຣົກກໍມີ.
ພິກຂຸທັງຫຼາຍ ! ເຫຼົ່ານາຍນິຣະຢະບາລ ຈະຈັບສັຕນັ້ນທີ່ສ່ວນຕ່າງໆຂອງແຂນ ໄປສະແດງແກ່ພະຍາຍົມວ່າ “ຂ້າແຕ່ພະຍາ ! ບຸຣຸດນີ້ບໍ່ປະຕິບັດຖືກໃນມານດາ ບໍ່ປະຕິບັດຖືກໃນສະມະນະ ບໍ່ປະຕິບັດຖືກໃນພຣາມ ບໍ່ອ່ອນນ້ອມຕໍ່ຜູ້ໃຫຍ່ໃນຕະກູນ ຂໍພຣະອົງຈົ່ງລົງໂທດແກ່ບຸຣຸດນີ້ເຖີ້ນ”.
ພິກຂຸທັງຫຼາຍ ! ພະຍາຍົມຈະປອບໂຍນ ເອົາອົກເອົາໃຈສອບຖາມເຖິງເທວະທູດທີ ໑ ກັບສັຕນັ້ນວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນເທວະທູຕທີ ໑ ປາກົດໃນໝູ່ມະນຸດແດ່ຫຼື ?”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ເຫັນເລີຍ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນເດັກນ້ອຍແດງໆ ຍັງອ່ອນ ນອນຫງາຍ ເປື້ອນມູດຄູດຂອງຕົນ ຢູ່ໃນໝູ່ມະນຸດແດ່ຫຼື ?
ສັຕນັ້ນທູນຕອບດັ່ງນີ້ວ່າ “ເຫັນ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານນັ້ນເມື່ອຮູ້ຄວາມ ມີສະຕິ ເປັນຜູ້ໃຫຍ່ແລ້ວ ໄດ້ມີຄວາມຄິດດັ່ງນີ້ແດ່ບໍ່ວ່າ ເຖິງແມ່ນໂຕ ເຮົາແລ ກໍມີຄວາມເກີດເປັນທໍາມະດາ ບໍ່ຫຼຸດພົ້ນຄວາມເກີດໄປໄດ້ ຄວນທີ່ເຮົາຈະເຮັດຄວາມດີທາງກາຍ ທາງວາຈາ ແລະທາງໃຈ”
ສັຕນັ້ນທູນຕອບດັ່ງນີ້ວ່າ “ຜູູ້ຂ້າບໍ່ສາມາດ ຂ້ານ້ອຍ ! ມົວປະມາດເສຍແລ້ວ ຂ້ານ້ອຍ !”
ພະຍາຍົມກ່າວດັ່ງນີ້ວ່າ “ທ້າວຜູ້ຈະເລີນ ! ທ່ານບໍ່ໄດ້ເຮັດຄວາມດີ ທາງກາຍ ທາງວາຈາແລະທາງໃຈໄວ້ ເພາະມົວປະມາດເສຍ ດັ່ງນັ້ນ ເຫຼົ່ານາຍນິຣະຢະບາລຈະລົງໂທດໂດຍອາການທີ່ປະມາດ ແລ້ວ ກໍບາບກັມນີ້ນັ້ນແລ ບໍ່ແມ່ນມານດາເຮັດໃຫ້ທ່ານ ບໍ່ແມ່ນບິດາເຮັດໃຫ້ທ່ານ ບໍ່ແມ່ນອ້າຍນ້ອງຊາຍເຮັດໃຫ້ທ່ານ ບໍ່ແມ່ນເອື້ອຍນ້ອງສາວເຮັດໃຫ້ທ່ານ ບໍ່ແມ່ນມິຕອາມາດເຮັດໃຫ້ທ່ານ ບໍ່ແມ່ນຍາດສາຍໂລຫິດເຮັດໃຫ້ທ່ານ ບໍ່ແມ່ນສະມະນະ ພຣາມເຮັດໃຫ້ທ່ານ ບໍ່ແມ່ນເທວະດາເຮັດໃຫ້ທ່ານ ໂຕທ່ານເອງເຮັດເອົາໄວ້ ທ່ານເທົ່ານັ້ນ ຈະສະເຫວີຍວິບາກຂອງບາບກັມນີ້”
ພິກຂຸທັງຫຼາຍ ! ພະຍາຍົມຄັນປອບໂຍນ ເອົາອົກເອົາໃຈສອບຖາມເຖິງເທວະທູຕທີ ໑ ກັບສັຕນັ້ນແລ້ວ ຈຶ່ງປອບໂຍນເອົາອົກເອົາໃຈ ສອບຖາມເຖິງເທວະທູດທີ ໒ ກັບສັຕນັ້ນວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນເທວະທູຕທີ ໒ ປາກົດໃນໝູ່ມະນຸດແດ່ຫຼື ?”
ສັຕນັ້ນທູນຕອບດັ່ງນີ້ວ່າ “ ຜູ້ຂ້າບໍ່ເຫັນເລີຍ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນຍິງຫຼືຊາຍມີອາຍຸ ໘໐ ປີ ໙໐ ປີ ໑໐໐ ປີ ນັບແຕ່ເກີດມາ ເປັນຜູ້ເຖົ້າ ຮ່າງກາຍຄົດ ຫຼັງກ່ອມ ຖືໄມ້ຄ້ອນເທົ້າ ງຶກງັກຍ່າງໄປ ກະສັບກະສ່າຍ ຜ່ານໄວໝຸ່ມສາວ ແຂ້ວຫຼ່ອນ ຜົມງອກ ໜັງຫ່ຽວ ຫົວລ້ານ ຜິວຕົກມຶກເປັນປານ ຢູ່ໃນໝູ່ມະນຸດແດ່ຫຼື ? ”
ສັຕນັ້ນທູນຕອບດັ່ງນີ້ວ່າ “ເຫັນ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ່ານຜູ້ຈະເຣີນ ! ທ່ານນັ້ນເມື່ອຮູ້ຄວາມ ມີສະຕິ ເປັນຜູ້ໃຫຍ່ແລ້ວ ໄດ້ມີຄວາມຄິດດັ່ງນີ້ແດ່ບໍ່ວ່າ ເຖິງແມ່ນ ໂຕເຮົາແລ ກໍມີຄວາມແກ່ເປັນທໍາມະດາ ບໍ່ຫຼຸດພົ້ນຄວາມແກ່ໄປໄດ້ ຄວນທີ່ຈະເຮັດຄວາມດີ ທາງກາຍ ທາງວາຈາ ແລະທາງໃຈ”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ສາມາດ ຂ້ານ້ອຍ ! ມົວປະມາດເສຍແລ້ວ ຂ້ານ້ອຍ !”
ພະຍາຍົມກ່າວດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຮັດຄວາມດີທາງກາຍ ທາງວາຈາ ແລະທາງໃຈໄວ້ ເພາະມົວ
ປະມາດເສຍ ດັ່ງນັ້ນ ເຫຼົ່ານາຍນິຣະຢະບາລຈະລົງໂທດໂດຍອາການທີ່ທ່ານປະມາດແລ້ວ ກໍບາບກັມນີ້ນັ້ນແລ ບໍ່ແມ່ນມານດາ ເຮັດໃຫ້ທ່ານ ບໍ່ແມ່ນບິດາເຮັດໃຫ້ທ່ານ ບໍ່ແມ່ນອ້າຍນ້ອງຊາຍເຮັດໃຫ້ທ່ານ ບໍ່ແມ່ນເອື້ອຍນ້ອງສາວເຮັດໃຫ້ທ່ານ ບໍ່ແມ່ນມິຕອາມາດເຮັດໃຫ້ທ່ານ ບໍ່ແມ່ນຍາດສາຍໂລຫິດເຮັດໃຫ້ທ່ານ ບໍ່ແມ່ນສະມະນະພຣາມເຮັດໃຫ້ທ່ານ ບໍ່ແມ່ນເທວະດາເຮັດໃຫ້ທ່ານ ໂຕທ່ານເອງເຮັດເອົາໄວ້ ທ່່ານເທົ່ານັ້ນ ຈະສະເຫວີຍວິບາກຂອງບາບກັມນີ້”
ພິກຂຸທັງຫຼາຍ ! ພະຍາຍົມຄັນປອບໂຍນເອົາອົກເອົາໃຈສອບຖາມເຖິງເທວະທູຕທີ ໒ ກັບສັຕນັ້ນແລ້ວ ຈຶຶ່ງປອບໂຍນ ເອົາອົກເອົາໃຈ ສອບຖາມເຖິງເທວະທູຕທີ ໓ ວ່າ “ທ້າວຜູ້ຈະເຣີນ ! ທ່ານບໍ່ເຫັນເທວະທູຕທີ ໓ ປາກົດໃນໝູ່ມະນຸດແດ່ຫຼື ?”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ເຫັນເລີຍ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນຍິງຫຼືຊາຍ ຜູ້ປ່ວຍ ທົນທຸກຂ໌ ເປັນໄຂ້ໜັກ ນອນເປື້ອນມູດຄູດຂອງຕົນ ມີຄົນຄອຍໂຈມລຸກໂຈມຍ່າງ ຢູ່ໃນໝູ່ມະນຸດແດ່ຫຼື ?”
ສັຕນັ້ນທູນຕອບດັ່ງນີ້ວ່າ “ເຫັນ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານນັ້ນເມື່ອຮູ້ຄວາມ ມີສະຕິ ເປັນຜູ້ໃຫຍ່ແລ້ວ ໄດ້ມີຄວາມຄິດດັ່ງນີ້ແດ່ບໍ່ວ່າ
ເຖິງແມ່ນໂຕເຮົາແລ ກໍມີຄວາມເຈັບປ່ວຍເປັນທໍາມະດາ ບໍ່ຫຼຸດພົ້ນຄວາມເຈັບປ່ວຍໄປໄດ້ ຄວນທີ່ເຮົາຈະເຮັດຄວາມດີທາງກາຍ ທາງວາຈາ ແລະທາງໃຈ”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ສາມາດ ຂ້ານ້ອຍ ! ມົວປະມາດເສຍແລ້ວ ຂ້ານ້ອຍ !”
ພະຍາຍົມກ່າວດັ່ງນີ້ “ທ້າວຜູ້ຈະເຣີນ ! ທ່ານບໍ່ໄດ້ເຮັດຄວາມດີທາງກາຍ ທາງວາຈາແລະທາງໃຈໄວ້ ເພາະມົວປະມາດເສຍ ດັ່ງນັ້ນ ເຫຼົ່ານາຍນິຣະຢະບາລຈະລົງໂທດໂດຍອາການທີ່ທ່ານປະມາດແລ້ວ ກໍບາບກັມນີ້ນັ້ນແລ ບໍ່ແມ່ນມານດາເຮັດໃຫ້ທ່ານ ບໍ່ແມ່ນບິດາເຮັດໃຫ້ທ່ານ ບໍ່ແມ່ນອ້າຍນ້ອງຊາຍເຮັດໃຫ້ທ່ານ ບໍ່ແມ່ນເອື້ອຍນ້ອງສາວເຮັດໃຫ້ທ່ານ ບໍ່ແມ່ນມິຕອາມາດເຮັດໃຫ້ທ່ານ ບໍ່ແມ່ນຍາດສາຍໂລຫິດເຮັດໃຫ້ທ່ານ ບໍ່ແມ່ນສະມະນະ ພຣາມເຮັດໃຫ້ທ່ານ ບໍ່ແມ່ນເທວະດາເຮັດໃຫ້ທ່ານ ໂຕທ່ານເອງເຮັດເອົາໄວ້ ທ່ານເທົ່ານັ້ນຈະສະເຫວີຍວິບາກຂອງບາບກັມນີ້”
ພິກຂຸທັງຫຼາຍ ! ພະຍາຍົມຄັນປອບໂຍນເອົາອົກເອົາໃຈສອບຖາມເຖິງເທວະທູຕທີ ໓ ກັບສັຕນັ້ນແລ້ວ ຈຶ່ງປອບໂຍນ ເອົາອົກເອົາໃຈ ສອບຖາມເຖິງເທວະທູຕທີ ໔ ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນເທວະທູຕທີ ໔ ປາກົດໃນໝູ່ມະນຸດແດ່ຫຼື ?”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ເຫັນເລີຍ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນພຣະຣາຊາທັງຫຼາຍ ໃນໝູ່ມະນຸດຈັບໂຈຣ ຜູ້ປະພຶດຜິດມາແລ້ວ ສັ່ງລົງໂທດຕ່າງຊະນິດແດ່ຫຼື ?
ຄື :
(໑) ຕີດ້ວຍແສ້ແດ່ ...
(ໃຈຄວາມເຕັມສາມາດສຶກສາໄດ້ຈາກໜ້າ ໖໔ - ໖໕)
ສັຕນັ້ນທູນຕອບດັ່ງນີ້ວ່າ “ເຫັນ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານນັ້ນເມື່ອຮູ້ຄວາມ ມີສະຕິ ເປັນຜູ້ໃຫຍ່ແລ້ວ ໄດ້ມີຄວາມຄິດດັ່ງນີ້ແດ່ບໍ່ວ່າ ຈະເຣີນລະ ເປັນອັນວ່າສັຕທີ່ເຮັດກັມອັນເປັນບາບໄວ້ນັ້ນ ຍ່ອມ ຖືກລົງໂທດຕ່າງຊະນິດ ເຫັນປານນີ້ໃນປັດຈຸບັນ ຊິເມຶ່ອຍກ່າວ ອິຫຍັງເຖິງຊາດໜ້າ ຄວນທີ່ເຮົາຈະເຮັດຄວາມດີ ທາງກາຍ ທາງວາຈາ ແລະທາງໃຈ”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ສາມາດ ຂ້ານ້ອຍ ! ມົວປະມາດເສຍເເລ້ວ ຂ້ານ້ອຍ !”
ພະຍາຍົມກ່າວດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຮັດຄວາມດີທາງກາຍ ທາງວາຈາ ແລະທາງໃຈໄວ້ ເພາະມົວປະມາດເສຍ ດັ່ງນັ້ນ ເຫຼົ່ານາຍນິຣະຢະບາລຈະລົງໂທດໂດຍ
ອາການທີ່ທ່ານປະມາດແລ້ວ ກໍບາບກັມນີ້ນັ້ນແລ ບໍ່ແມ່ນມານດາ ເຮັດໃຫ້ທ່ານ ບໍ່ແມ່ນບິດາເຮັດໃຫ້ທ່ານ ບໍ່ແມ່ນອ້າຍນ້ອງຊາຍເຮັດໃຫ້ທ່ານ ບໍ່ແມ່ນເອື້ອຍນ້ອງສາວເຮັດໃຫ້ທ່ານ ບໍ່ແມ່ນມິຕອາມາດເຮັດໃຫ້ທ່ານ ບໍ່ແມ່ນຍາດສາຍໂລຫິດເຮັດໃຫ້ທ່ານ ບໍ່ແມ່ນສະມະນະ ພຣາມເຮັດໃຫ້ທ່ານ ບໍ່ແມ່ນເທວະດາເຮັດໃຫ້ທ່ານ ໂຕທ່ານເອງເຮັດເອົາໄວ້ ທ່ານເທົ່ານັ້ນ ຈະສະເຫວີຍວິບາກຂອງບາບກັມນີ້”
ພິກຂຸທັງຫຼາຍ ! ພະຍາຍົມຄັນປອບໂຍນ ເອົາອົກເອົາໃຈສອບຖາມເຖິງເທວະທູດທີ ໔ ກັບສັຕນັ້ນແລ້ວ ຈຶ່ງປອບໂຍນເອົາອົກເອົາໃຈ ສອບຖາມເຖິງເທວະທູດທີ ໕ ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນເທວະທູດທີ ໕ ປາກົດໃນໝູ່ມະນຸດແດ່ຫຼື ?”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ເຫັນເລີຍ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນຍິງຫຼືຊາຍ ທີ່ຕາຍແລ້ວມື້ໜຶ່ງ ສອງມື້ ຫຼືສາມມື້ ຂຶ້ນອືດ ຂຽວຊໍ້າ ມີນໍ້າເຫຼືອງຍ້ອຍ ຢູ່ໃນໝູ່ມະນຸດແດ່ຫຼື ?
ສັຕນັ້ນທູນຕອບດັ່ງນີ້ວ່າ “ເຫັນ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານນັ້ນເມື່ອຮູ້ຄວາມ ມີສະຕິ ເປັນຜູ້ໃຫຍ່ແລ້ວ ໄດ້ມີຄວາມຄິດດັ່ງນີ້ແດ່ບໍ່ວ່າເຖິງແມ່ນໂຕເຮົາແລ ກໍມີຄວາມຕາຍເປັນທໍາມະດາ ບໍ່ຫຼຸດພົ້ນຄວາມຕາຍໄປໄດ້ ຄວນທີ່ເຮົາຈະເຮັດຄວາມດີທາງກາຍ ທາງວາຈາແລະທາງໃຈ”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ສາມາດ ຂ້ານ້ອຍ ! ມົວປະມາດເສຍແລ້ວ ຂ້ານ້ອຍ !”
ພະຍາຍົມກ່າວດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຮັດຄວາມດີ ທາງກາຍ ທາງວາຈາ ແລະທາງໃຈໄວ້ ເພາະມົວປະມາດເສຍ ດັ່ງນັ້ນ ເຫຼົ່ານາຍນິຣະຢະບາລຈະລົງໂທດ ໂດຍອາການທີ່ທ່ານປະມາດແລ້ວ ກໍບາບກັມນີ້ນັ້ນແລ ບໍ່ແມ່ນມານດາເຮັດໃຫ້ທ່ານ ບໍ່ແມ່ນບິດາເຮັດໃຫ້ທ່ານ ບໍ່ແມ່ນອ້າຍນ້ອງຊາຍເຮັດໃຫ້ທ່ານ ບໍ່ແມ່ນເອື້ອຍນ້ອງສາວເຮັດໃຫ້ທ່ານ ບໍ່ແມ່ນມິຕ ອາມາດເຮັດໃຫ້ທ່ານ ບໍ່ແມ່ນຍາດສາຍໂລຫິດເຮັດໃຫ້ທ່ານ ບໍ່ແມ່ນສະມະນະ ພຣາມເຮັດໃຫ້ທ່ານ ບໍ່ແມ່ນເທວະດາເຮັດໃຫ້ທ່ານ ໂຕທ່ານເອງເຮັດເອົາໄວ້ ທ່ານເທົ່ານັ້ນຈະສະເຫວີຍວິບາກຂອງບາບກັມນີ້”
ພິກຂຸທັງຫຼາຍ ! ພະຍາຍົມຄັນປອບໂຍນ ເອົາອົກເອົາໃຈສອບຖາມເຖິງເທວະທູຕທີ ໕ ກັບສັຕນັ້ນແລ້ວ ກໍຊົງນິ້ງຢູ່.
ພິກຂຸທັງຫຼາຍ ! ເຫຼົ່ານິຣະຢະບາລຈະໃຫ້ສັຕນັ້ນ ເຮັດເຫດ ຊື່ການຈໍາ ໕ ປະການ ຄື ຕອກຂຶງຕະປູເຫຼັກແດງທີ່ມືກໍ້າທີ ໑ ກໍ້າທີ ໒ ທີ່ບາທາກໍ້າທີ ໑ ກໍ້າທີ ໒ ແລະທີ່ເຄິ່ງກາງເອິກ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດຢູ່ໃນນະຣົກນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ
ພິກຂຸທັງຫຼາຍ ! ເຫຼົ່ານິຣະຢະບາລ ຈະຈັບສັຕນັ້ນຂຶງແລ້ວ ເອົາຕາກແພ່ ສັຕນັ້ນຈະສະເຫວີຍເວທະນາ ອັນເປັນທຸກຂ໌ແຮງເຈັບປວດ ຢູ່ໃນນະຣົກນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ເຫຼົ່ານິຣະຢະບາລ ຈະຈັບສັຕນັ້ນ ເອົາຕີນຂຶ້ນທາງເທິງ ເອົາຫົວຢ່ອນລົງລຸ່ມແລ້ວເຊາະຖາກດ້ວຍພ້າ... .
ພິກຂຸທັງຫຼາຍ ! ເຫຼົ່ານິຣະຢະບາລ ຈະເອົາສັຕນັ້ນ ທຽມລົດແລ້ວໃຫ້ແລ່ນກັບໄປ ກັບມາ ເທິງແຜ່ນດິນ ທີ່ມີໄຟໄໝ້ເຕັມ ລຸກຮຸ່ງ ສະຫວ່າງ... .
ພິກຂຸທັງຫຼາຍ ! ເຫຼົ່ານິຣະຢະບາລ ຈະໃຫ້ສັຕນັ້ນປີນຂຶ້ນປີນລົງຊຶ່ງພູຖ່ານໄຟໜ່ວຍໃຫຍ່ທີ່ມີໄຟໄໝ້ເຕັມ ລຸກຮຸ່ງສະຫວ່າງ...
ພິກຂຸທັງຫຼາຍ ! ເຫຼົ່ານິຣະຢະບາລ ຈະຈັບສັຕນັ້ນ ເອົາຕີນຂຶ້ນທາງເທິງ ເອົາຫົວລົງລຸ່ມແລ້ວ ໂຍນລົງໃນໝໍ້ທອງແດງ ທີ່ມີໄຟໄໝ້ເຕັມ ລຸກຮຸ່ງ ສະຫວ່າງ ສັຕນັ້ນຈະຟົດເດືອດເປັນຟອງຢູ່ໃນໝໍ້ທອງແດງນັ້ນ ເຂົາເມື່ອຟົດເດືອດເປັນຟອງຢູ່ ຈະຟົດປີ້ນຂຶ້ນເທິງຄັ້ງໜຶ່ງແດ່ ຈະຟົດປີ້ນລົງລຸ່ມຄັ້ງໜຶ່ງແດ່ ຈະຟົດປີ້ນໄປລວງຂວາງຄັ້ງໜຶ່ງແດ່ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດຢູ່ໃນໝໍ້ທອງແດງນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ເຫຼົ່ານິຣະຢະບາລ ຈະໂຍນສັຕນັ້ນເຂົ້າໄປໃນມະຫານະຣົກ ກໍມະຫານະຣົກນັ້ນແລ ມີສີ່ແຈ ສີ່ປະຕູ ແບ່ງໄວ້ໂດຍສ່ວນເທົ່າກັນ ມີກໍາແພງເຫຼັກ ລ້ອມຮອບ ອ້ອມໄວ້ດ້ວຍແຜ່ນເຫຼັກ ພື້ນຂອງມະຫານະຣົກນັ້ນ ລ້ວນເຕັມໄປດ້ວຍເຫຼັກລຸກຮຸ່ງ ແຜ່ໄປຕະຫຼອດຮ້ອຍໂຍດຮອບດ້ານ ໄໝ້ຢູ່ທຸກເມື່ອ.
ພິກຂຸທັງຫຼາຍ ! ແລະມະຫານະຣົກນັ້ນ ມີແປວໄຟພຸ່ງຈາກຝາດ້ານໜ້າຈໍາຝາດ້ານຫຼັງ ພຸ່ງຈາກຝາດ້ານຫຼັງຈໍາຝາດ້ານໜ້າ ພຸ່ງຈາກຝາດ້ານເໜືອຈໍາຝາດ້ານໃຕ້ ພຸ່ງຈາກຝາດ້ານໃຕ້ຈໍາຝາດ້ານເໜືອ ພຸ່ງຈາກເບື້ອງລຸ່ມຈໍາເບື້ອງເທິງ ພຸ່ງຈາກເບື້ອງເທິງ ຈໍາເບື້ອງລຸ່ມ ສັຕນັ້ນຈະສະເຫວີຍເວທະນາ ອັນເປັນທຸກຂ໌ແຮງ ເຈັບປວດຢູ່ໃນມະຫານະຣົກນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ຍ່ອມມີສະໄໝທີ່ບາງເທື່ອບາງຍາມ ໂດຍຜ່ານ ໄລຍະເວລາຍາວນານ ປະຕູດ້ານໜ້າຂອງມະຫານະຣົກໄຂອອກ ສັຕນັ້ນຈະຟ້າວແລ່ນໄປຍັງປະຕູນັ້ນໂດຍໄວ ຍ່ອມຖືກໄຟໄໝ້ຜິວ ໄໝ້ໜັງ ໄໝ້ຊີ້ນ ໄໝ້ເອັນ ແມ່ນແຕ່ກະດູກທັງຫຼາຍກໍເປັນຄວນກຸ້ມ ແຕ່ອະວັຍຍະວະທີ່ສັຕນັ້ນຍົກຂຶ້ນແລ້ວ ຈະກັບຄືນຮູບເດີມທັນທີ ແລະຂະນະທີ່ສັຕນັ້ນພວມຈະເຖິງປະຕູ ປະຕູນັ້ນຈະອັດເຂົ້າ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດ ຢູ່ໃນມະຫານະຣົກນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ຍ່ອມມີສະໄໝທີ່ບາງເທື່ອບາງຍາມ ໂດຍຜ່ານໄລຍະເວລາຍາວນານ ປະຕູດ້ານຫຼັງຂອງມະຫານະຣົກໄຂອອກ... ປະຕູດ້ານເໜືອໄຂອອກ... ປະຕູດ້ານໃຕ້ໄຂອອກ ສັຕນັ້ນຈະຟ້າວແລ່ນໄປຍັງປະຕູນັ້ນໂດຍໄວ້ ຍ່ອມຖືກໄຟໄໝ້ຜິວ ໄໝ້ໜັງ ໄໝ້ຊີ້ນ ໄໝ້ເອັນ ແມ່ນແຕ່ກະດູກທັງຫຼາຍກໍເປັນຄວນກຸ້ມ ແຕ່ອະວັຍຍະວະທີ່ສັຕນັ້ນຍົກຂຶ້ນແລ້ວ ຈະກັບຄືນຮູບເດີມທັນທີ ແລະ
ໃນຂະນະທີ່ສັຕນັ້ນພວມຈະເຖິງປະຕູ ປະຕູນັ້ນຈະອັດເຂົ້າ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດຢູ່ໃນມະຫານະຣົກນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ຍ່ອມມີສະໄໝທີ່ບາງເທື່ອບາງຍາມ ໂດຍຜ່ານໄລຍະເວລາຍາວນານ ປະຕູດ້ານໜ້າຂອງມະຫານະຣົກໄຂອອກ ສັຕນັ້ນຈະຟ້າວແລ່ນໄປຍັງປະຕູນັ້ນໂດຍໄວ ຍ່ອມຖືກໄຟໄໝ້ຜິວ ໄໝ້ໜັງ ໄໝ້ຊີ້ນ ໄໝ້ເອັນ ແມ່ນແຕ່ກະດູກທັງຫຼາຍກໍເປັນຄວນກຸ້ມ ແຕ່ອະວັຍຍະວະທີ່ສັຕນັ້ນຍົກຂຶ້ນແລ້ວ ຈະກັບຄືນຮູບເດີມທັນທີ ສັຕນັ້ນຈະອອກທາງປະຕູນັ້ນໄດ້ ແຕ່ວ່າມະຫານະຣົກນັ້ນແລ ມີນະຣົກເຕັມດ້ວຍຄູດໃຫຍ່ ປະກອບຢູ່ຮອບດ້ານ ສັຕນັ້ນຈະຕົກລົງໃນນະຣົກຄູດນັ້ນ ແລະໃນນະຣົກຄູດນັ້ນ ມີໝູ່ສັຕປາກດັ່ງເຂັມຄອຍສຽບເຈາະຜິວ ແລ້ວສຽບເຈາະໜັງ ແລ້ວສຽບເຈາະຊີ້ນ ແລ້ວສຽບເຈາະເອັນ ແລ້ວສຽບເຈາະກະດູກ ແລ້ວກິນເຫຍື່ອໃນກະດູກ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດຢູ່ໃນນະຣົົກຄູດນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ແລະນະຣົກຄູດນັ້ນ ມີນະຣົກເຕັມໄປດ້ວຍຂີ້ເຖົ່າ (ຂີ້ເຖົ່າຮ້ອນ) ປະກອບຢູ້ຮອບດ້ານ ສັຕນັ້ນຈະຕົກລົງໄປໃນນະຣົກຂີ້ເຖົ່າຮ້ອນນັ້ນ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດ ຢູ່ໃນນະຣົກຂີ້ເຖົ່າຮ້ອນນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ແລະນະຣົກຂີ້ເຖົ່ານັ້ນ ມີປ່າງິ້ວໃຫຍ່ປະກອບຢູ່ຮອບດ້ານ ຕົ້ນສູງຮຽວຊື່ຂຶ້ນໄປໂຍດໜຶ່ງ ມີໜາມຍາວ ໑໖ ອົງຄຸລີ ມີໄຟໄໝ້ທົ່ວ ລຸກຮຸ່ງ ສະຫວ່າງ ເຫຼົ່ານິຣະຢະບາລຈະບັງຄັບໃຫ້ສັຕນັ້ນຂຶ້ນໆ ລົງໆ ທີ່ຕົ້ນງິ້ວນັ້ນ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດ ຢູ່ທີ່ຕົ້ນງິ້ວນັ້ນແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ແລະປ່າງິ້ວນັ້ນ ມີປ່າຕົ້ນໄມ້ໃບເປັນດາບໃຫຍ່ ປະກອບຢູ່ຮອບດ້ານ ສັຕນັ້ນຈະເຂົ້າໄປປ່ານັ້ນ ຈະຖືກໃບໄມ້ທີ່ລົມພັດ ຕັດມືແດ່ ຕັດຕີນແດ່ ຕັັດທັງມືແລະຕີນແດ່ ແລະຕັດໃບຫູແດ່ ຕັດດັງແດ່ ຕັດທັງໃບຫູແລະດັງແດ່ ແລະສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດຢູ່ໃນປ່າຕົ້ນໄມ້ ມີໃບເປັນດາບນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ແລະປ່າຕົ້ນໄມ້ໃບເປັນດາບນັ້ນ ມີແມ່ນໍ້າໃຫຍ່ປະກອບຢູ່ຮອບດ້ານ ສັຕນັ້ນ ຈະຕົກລົງໄປແມ່ນໍ້ານັ້ນ ຈະລອຍຢູ່ໃນແມ່ນໍ້ານັ້ນ ລ່ອງແດ່ ທວນກະແສແດ່ ທັງລ່ອງແລະທວນກະແສແດ່ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດຢູ່ໃນນໍ້ານັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ເຫຼົ່າທ້າວນິຣະຢະບາລພາກັນເອົາເບັດເກາະສັຕນັ້ນຂຶ້ນວາງເທິງບົກ ແລ້ວກ່າວດັ່ງນີ້ວ່າ
“ທ້າວຜູ້ຈະເຣີນ ! ເຈົ້າຕ້ອງການອັນໃດ” ສັຕນັ້ນບອກດັ່ງນີ້ວ່າ “ຜູ້ຂ້າຫິວ ຂ້ານ້ອຍ !” ເຫຼົ່າທ້າວນິຣະຢະບາລຈຶ່ງເອົາຂໍເຫຼັກຮ້ອນມີໄຟໄໝ້ທົ່ວ ລຸກຮຸ່ງ ສະຫວ່າງ ງະປາກອອກແລ້ວ ໃສ່ກ້ອນໂລຫະຮ້ອນມີໄຟໄໝ້ແດງ ລຸກຮຸ່ງ ສະຫວ່າງ ເຂົ້າໃນປາກ ກ້ອນໂລຫະນັ້ນ ຈະໄໝ້ຮິມສົບແດ່ ໄໝ້ປາກແດ່ ໄໝ້ຄໍແດ່ ໄໝ້ທ້ອງແດ່ ຂອງສັຕນັ້ນ ພາເອົາໄສ້ໃຫຍ່ແດ່ ໄສ້ນ້ອຍແດ່ ອອກມາທາງສ່ວນລຸ່ມ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດ ຢູ່ໃນບ່ອນນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ເຫຼົ່າທ້າວນິຣະຢະບາລກ່າວດັ່ງນີ້ວ່າ “ທ້າວຜູ້ຈະເຣີນ ! ເຈົ້າຕ້ອງການອັນໃດ” ສັຕນັ້ນບອກດັ່ງນີ້ວ່າ “ຜູ້ຂ້າຫິວນໍ້າ ຂ້ານ້ອຍ !” ເຫຼົ່າທ້າວນິຣະຢະບາລຈຶ່ງເອົາຂໍເຫຼັກຮ້ອນມີໄຟໄໝ້ທົ່ວ ລຸກຮຸ່ງ ສະຫວ່າງ ງະປາກອອກແລ້ວ ເອົານໍ້າທອງແດງຮ້ອນມີໄຟໄໝ້ແດງ ລຸກຮຸ່ງ ສະຫວ່າງ ຮ່າຍເຂົ້າໄປໃນປາກ ນໍ້າທອງແດງນັ້ນ ຈະໄໝ້ຮິມສົບແດ່ ໄໝ້ປາກແດ່ ໄໝ້ຄໍແດ່ ໄໝ້ທ້ອງແດ່ ຂອງສັຕນັ້ນ ພາເອົາໄສ້ໃຫຍ່ແດ່ ໄສ້ນ້ອຍແດ່ ອອກມາທາງສ່ວນລຸ່ມ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດ ຢູ່ໃນບ່ອນນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ເຫຼົ່າທ້າວນິຣະຢະບາລຈະໂຍນສັຕນັ້ນເຂົ້າໄປໃນມະຫານະຣົກອີກ.
ພິກຂຸທັງຫຼາຍ ! ເລື່ອງເຄີຍມີມາແລ້ວ ພະຍາຍົມໄດ້ມີຄວາມດໍາຣິດັ່ງນີ້ວ່າ :
ທ່ານຜູ້ຈະເຣີນເອີຍ ! ເປັນອັນວ່າເຫຼົ່າສັຕທີ່ເຮັດກັມອັນເປັນບາບໄວ້ໃນໂລກ ຍ່ອມຖືກທ້າວນິຣະຢະບາລລົງໂທດຕ່າງຊະນິດ ເຫັນປານນີ້.
ໂອໜໍ ! ຂໍເຮົາຈົ່ງໄດ້ຄວາມເປັນມະນຸດ
ຂໍຕະຖາຄົຕອະຣະຫັນຕະສັມມາສັມພຸດທະ
ຈົ່ງສະເດັດອຸບັດຂຶ້ນໃນໂລກ
ຂໍເຮົາຈົ່ງໄດ້ນັ່ງໃກ້ພຣະຜູ້ມີພຣະພາກພຣະອົງນັ້ນ
ຂໍພຣະຜູ້ມີພຣະພາກພຣະອົງນັ້ນ
ຈົ່ງຊົງສະແດງທັມແກ່ເຮົາ
ແລະຂໍເຮົາຈົ່ງຮູ້ທົ່ວເຖິງທັມ
ຂອງພຣະຜູ້ມີພຣະພາກພຣະອົງນັ້ນເຖີ້ນ.
ພິກຂຸທັງຫຼາຍ ! ກໍເລື່ອງນັ້ນ ເຮົາບໍ່ໄດ້ຟັງມາຕໍ່ຈາກສະມະນະຫຼືພຣາມອື່ນໆ ແລ້ວຈຶ່ງບອກ ກໍແລເຮົາບອກເລື່ອງທີ່ເຮົາຮູ້ເອງ ເຫັນເອງ ປາກົດເອງທັງມວນ.
(ຄາຖາຜະນວກທ້າຍພຣະສູຕ)
ນໍຣະຊົນເຫຼົ່າໃດຍັງເປັນມານົບ
ອັນເທວະທູຕຕັກເຕືອນແລ້ວປະມາດຢູ່
ນໍຣະຊົນເຫຼົ່ານັ້ນ ຈະເຂົ້າເຖິງໝູ່ສັຕອັນຂີ້ຮ້າຍ
ເຖິງຄວາມເສົ້າໂສກຊົ່ວສິ້ນກາລະນານ
ສ່ວນນໍຣະຊົນເຫຼົ່າໃດ
ເປັນສັຕຕະບຸຣຸດຜູ້ສະງົບລະງັບໃນໂລກນີ້
ອັນເທວະທູຕຕັກເຕືອນແລ້ວ
ຍ່ອມບໍ່ປະມາດ ໃນທັມຂອງພຣະອະຣິຍະ
ໃນກາລໃດໆ ເຫັນພັຍໃນຄວາມຢຶດໝັ້ນ
ອັນເປັນເຫດແຫ່ງຊາດແລະມໍຣະນະ ແລ້ວບໍ່ຢຶດໝັ້ນ
ຫຼຸດພົ້ນໃນທັມເປັນບ່ອນດັບສິ້ນຊາດແລະມໍຣະນະໄດ້
ນໍຣະຊົນເຫຼົ່ານັ້ນ ເປັນຜູ້ເຖິງຄວາມກະເສມ
ມີສຸຂ ດັບສະນິດໃນປັດຈຸບັນ
ຂ້າມພົ້ນເວຣແລະພັຍທັງປວງ
ແລະເຂົ້າໄປຂ້າມພົ້ນທຸກຂ໌ທັງປວງໄດ້.
- ບາລີ ອຸປຣິ. ມ. ໑໔/໓໓໔-໓໔໖/໕໐໔-໕໒໕.
ພິກຂຸທັງຫຼາຍ ! ຂໍ້ນີ້ກໍເຊັ່ນນັ້ນເໝືອນກັນ ເຮົາຍ່ອມມອງເຫັນໝູ່ສັຕກໍາລັງຈຸຕິ ກໍາລັງອຸບັດ ຕໍ່າຊາມ ປານີດ ມີຜິວພັນດີ ມີຜິວພັນຂີ້ຮ້າຍ ໄດ້ດີ ຕົກທຸກຂ໌ ດ້ວຍທິບພະຈັກຂຸອັນບໍຣິສຸດ ຂ້າມຜ່ານຈັກຂຸຂອງມະນຸດ ຍ່ອມຮູ້ແຈ້ງຊຶ່ງໝູ່ສັຕຜູ້ເປັນໄປຕາມກັມໄດ້ວ່າ
ສັຕຜູ້ກໍາລັງເປັນຢູ່ເຫຼົ່ານີ້ ປະກອບດ້ວຍກາຢະສຸຈະຣິຕ ວະຈີສຸຈະຣິຕ ມະໂນສຸຈະຣິຕ ບໍ່ຕິຕຽນພຣະອະຣິຍະເຈົ້າ ເປັນສັມມາທິຕຖິ ເຊື່ອໝັ້ນກັມດ້ວຍອໍານາດສັມມາທິຕຖິ ເມື່ອຕາຍໄປແລ້ວ ເຂົ້າເຖິງສຸຄະຕິໂລກສະຫວັນກໍມີ.
ສັຕຜູ້ກໍາລັງເປັນຢູ່ເຫຼົ່ານີ້ ປະກອບດ້ວຍກາຢະສຸຈະຣິຕ ວະຈີສຸຈະຣິຕ ມະໂນສຸຈະຣິຕ ບໍ່ຕິຕຽນພຣະອະຣິຍະເຈົ້າ ເປັນສັມມາທິຕຖິ ເຊື່ອໝັ້ນກັມດ້ວຍອໍານາດສັມມາທິຕຖິ ເມື່ອຕາຍໄປແລ້ວ ບັງເກີດໃນໝູ່ມະນຸດກໍມີ.
ສັຕຜູ້ກໍາລັງເປັນຢູ່ເຫຼົ່ານີ້ ປະກອບດ້ວຍກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕ ຕິຕຽນພຣະອະຣິຍະເຈົ້າ ເປັນມິດສາທິຕຖິ ເຊື່ອໝັ້ນກັມດ້ວຍອໍານາດມິດສາທິຕຖິ ເມື່ອຕາຍໄປແລ້ວ ເຂົ້າເຖິງເປຕະວິສັຍກໍມີ.
ສັຕກໍາລັງເປັນຢູ່ເຫຼົ່ານີ້ ປະກອບດ້ວຍກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕ ຕິຕຽນພຣະອະຣິຍະເຈົ້າ ເປັນມິດສາທິຕຖິ ເຊື່ອໝັ້ນກັມດ້ວຍອໍານາດມິດສາທິຕຖິ ເມື່ອຕາຍໄປແລ້ວ ເຂົ້າເຖິງກໍາເນີດເດຣັດສານກໍມີ.
ສັຕຜູ້ກໍາລັງເປັນຢູ່ເຫຼົ່ານີ້ ປະກອບດ້ວຍກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕ ຕິຕຽນພຣະອະຣິຍະເຈົ້າ ເປັນມິດສາທິຕຖິ ເຊື່ອໝັ້ນກັມດ້ວຍອໍານາດມິດສາທິຕຖິ ເມື່ອຕາຍໄປແລ້ວ ເຂົ້າເຖິງອະບາຍ ທຸຄະຕິ ວິນິບາຕ ນະຣົກກໍມີ.
ພິກຂຸທັງຫຼາຍ ! ເຫຼົ່ານາຍນິຣະຢະບາລ ຈະຈັບສັຕນັ້ນທີ່ສ່ວນຕ່າງໆຂອງແຂນ ໄປສະແດງແກ່ພະຍາຍົມວ່າ “ຂ້າແຕ່ພະຍາ ! ບຸຣຸດນີ້ບໍ່ປະຕິບັດຖືກໃນມານດາ ບໍ່ປະຕິບັດຖືກໃນສະມະນະ ບໍ່ປະຕິບັດຖືກໃນພຣາມ ບໍ່ອ່ອນນ້ອມຕໍ່ຜູ້ໃຫຍ່ໃນຕະກູນ ຂໍພຣະອົງຈົ່ງລົງໂທດແກ່ບຸຣຸດນີ້ເຖີ້ນ”.
ພິກຂຸທັງຫຼາຍ ! ພະຍາຍົມຈະປອບໂຍນ ເອົາອົກເອົາໃຈສອບຖາມເຖິງເທວະທູດທີ ໑ ກັບສັຕນັ້ນວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນເທວະທູຕທີ ໑ ປາກົດໃນໝູ່ມະນຸດແດ່ຫຼື ?”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ເຫັນເລີຍ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນເດັກນ້ອຍແດງໆ ຍັງອ່ອນ ນອນຫງາຍ ເປື້ອນມູດຄູດຂອງຕົນ ຢູ່ໃນໝູ່ມະນຸດແດ່ຫຼື ?
ສັຕນັ້ນທູນຕອບດັ່ງນີ້ວ່າ “ເຫັນ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານນັ້ນເມື່ອຮູ້ຄວາມ ມີສະຕິ ເປັນຜູ້ໃຫຍ່ແລ້ວ ໄດ້ມີຄວາມຄິດດັ່ງນີ້ແດ່ບໍ່ວ່າ ເຖິງແມ່ນໂຕ ເຮົາແລ ກໍມີຄວາມເກີດເປັນທໍາມະດາ ບໍ່ຫຼຸດພົ້ນຄວາມເກີດໄປໄດ້ ຄວນທີ່ເຮົາຈະເຮັດຄວາມດີທາງກາຍ ທາງວາຈາ ແລະທາງໃຈ”
ສັຕນັ້ນທູນຕອບດັ່ງນີ້ວ່າ “ຜູູ້ຂ້າບໍ່ສາມາດ ຂ້ານ້ອຍ ! ມົວປະມາດເສຍແລ້ວ ຂ້ານ້ອຍ !”
ພະຍາຍົມກ່າວດັ່ງນີ້ວ່າ “ທ້າວຜູ້ຈະເລີນ ! ທ່ານບໍ່ໄດ້ເຮັດຄວາມດີ ທາງກາຍ ທາງວາຈາແລະທາງໃຈໄວ້ ເພາະມົວປະມາດເສຍ ດັ່ງນັ້ນ ເຫຼົ່ານາຍນິຣະຢະບາລຈະລົງໂທດໂດຍອາການທີ່ປະມາດ ແລ້ວ ກໍບາບກັມນີ້ນັ້ນແລ ບໍ່ແມ່ນມານດາເຮັດໃຫ້ທ່ານ ບໍ່ແມ່ນບິດາເຮັດໃຫ້ທ່ານ ບໍ່ແມ່ນອ້າຍນ້ອງຊາຍເຮັດໃຫ້ທ່ານ ບໍ່ແມ່ນເອື້ອຍນ້ອງສາວເຮັດໃຫ້ທ່ານ ບໍ່ແມ່ນມິຕອາມາດເຮັດໃຫ້ທ່ານ ບໍ່ແມ່ນຍາດສາຍໂລຫິດເຮັດໃຫ້ທ່ານ ບໍ່ແມ່ນສະມະນະ ພຣາມເຮັດໃຫ້ທ່ານ ບໍ່ແມ່ນເທວະດາເຮັດໃຫ້ທ່ານ ໂຕທ່ານເອງເຮັດເອົາໄວ້ ທ່ານເທົ່ານັ້ນ ຈະສະເຫວີຍວິບາກຂອງບາບກັມນີ້”
ພິກຂຸທັງຫຼາຍ ! ພະຍາຍົມຄັນປອບໂຍນ ເອົາອົກເອົາໃຈສອບຖາມເຖິງເທວະທູຕທີ ໑ ກັບສັຕນັ້ນແລ້ວ ຈຶ່ງປອບໂຍນເອົາອົກເອົາໃຈ ສອບຖາມເຖິງເທວະທູດທີ ໒ ກັບສັຕນັ້ນວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນເທວະທູຕທີ ໒ ປາກົດໃນໝູ່ມະນຸດແດ່ຫຼື ?”
ສັຕນັ້ນທູນຕອບດັ່ງນີ້ວ່າ “ ຜູ້ຂ້າບໍ່ເຫັນເລີຍ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນຍິງຫຼືຊາຍມີອາຍຸ ໘໐ ປີ ໙໐ ປີ ໑໐໐ ປີ ນັບແຕ່ເກີດມາ ເປັນຜູ້ເຖົ້າ ຮ່າງກາຍຄົດ ຫຼັງກ່ອມ ຖືໄມ້ຄ້ອນເທົ້າ ງຶກງັກຍ່າງໄປ ກະສັບກະສ່າຍ ຜ່ານໄວໝຸ່ມສາວ ແຂ້ວຫຼ່ອນ ຜົມງອກ ໜັງຫ່ຽວ ຫົວລ້ານ ຜິວຕົກມຶກເປັນປານ ຢູ່ໃນໝູ່ມະນຸດແດ່ຫຼື ? ”
ສັຕນັ້ນທູນຕອບດັ່ງນີ້ວ່າ “ເຫັນ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ່ານຜູ້ຈະເຣີນ ! ທ່ານນັ້ນເມື່ອຮູ້ຄວາມ ມີສະຕິ ເປັນຜູ້ໃຫຍ່ແລ້ວ ໄດ້ມີຄວາມຄິດດັ່ງນີ້ແດ່ບໍ່ວ່າ ເຖິງແມ່ນ ໂຕເຮົາແລ ກໍມີຄວາມແກ່ເປັນທໍາມະດາ ບໍ່ຫຼຸດພົ້ນຄວາມແກ່ໄປໄດ້ ຄວນທີ່ຈະເຮັດຄວາມດີ ທາງກາຍ ທາງວາຈາ ແລະທາງໃຈ”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ສາມາດ ຂ້ານ້ອຍ ! ມົວປະມາດເສຍແລ້ວ ຂ້ານ້ອຍ !”
ພະຍາຍົມກ່າວດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຮັດຄວາມດີທາງກາຍ ທາງວາຈາ ແລະທາງໃຈໄວ້ ເພາະມົວ
ປະມາດເສຍ ດັ່ງນັ້ນ ເຫຼົ່ານາຍນິຣະຢະບາລຈະລົງໂທດໂດຍອາການທີ່ທ່ານປະມາດແລ້ວ ກໍບາບກັມນີ້ນັ້ນແລ ບໍ່ແມ່ນມານດາ ເຮັດໃຫ້ທ່ານ ບໍ່ແມ່ນບິດາເຮັດໃຫ້ທ່ານ ບໍ່ແມ່ນອ້າຍນ້ອງຊາຍເຮັດໃຫ້ທ່ານ ບໍ່ແມ່ນເອື້ອຍນ້ອງສາວເຮັດໃຫ້ທ່ານ ບໍ່ແມ່ນມິຕອາມາດເຮັດໃຫ້ທ່ານ ບໍ່ແມ່ນຍາດສາຍໂລຫິດເຮັດໃຫ້ທ່ານ ບໍ່ແມ່ນສະມະນະພຣາມເຮັດໃຫ້ທ່ານ ບໍ່ແມ່ນເທວະດາເຮັດໃຫ້ທ່ານ ໂຕທ່ານເອງເຮັດເອົາໄວ້ ທ່່ານເທົ່ານັ້ນ ຈະສະເຫວີຍວິບາກຂອງບາບກັມນີ້”
ພິກຂຸທັງຫຼາຍ ! ພະຍາຍົມຄັນປອບໂຍນເອົາອົກເອົາໃຈສອບຖາມເຖິງເທວະທູຕທີ ໒ ກັບສັຕນັ້ນແລ້ວ ຈຶຶ່ງປອບໂຍນ ເອົາອົກເອົາໃຈ ສອບຖາມເຖິງເທວະທູຕທີ ໓ ວ່າ “ທ້າວຜູ້ຈະເຣີນ ! ທ່ານບໍ່ເຫັນເທວະທູຕທີ ໓ ປາກົດໃນໝູ່ມະນຸດແດ່ຫຼື ?”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ເຫັນເລີຍ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນຍິງຫຼືຊາຍ ຜູ້ປ່ວຍ ທົນທຸກຂ໌ ເປັນໄຂ້ໜັກ ນອນເປື້ອນມູດຄູດຂອງຕົນ ມີຄົນຄອຍໂຈມລຸກໂຈມຍ່າງ ຢູ່ໃນໝູ່ມະນຸດແດ່ຫຼື ?”
ສັຕນັ້ນທູນຕອບດັ່ງນີ້ວ່າ “ເຫັນ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານນັ້ນເມື່ອຮູ້ຄວາມ ມີສະຕິ ເປັນຜູ້ໃຫຍ່ແລ້ວ ໄດ້ມີຄວາມຄິດດັ່ງນີ້ແດ່ບໍ່ວ່າ
ເຖິງແມ່ນໂຕເຮົາແລ ກໍມີຄວາມເຈັບປ່ວຍເປັນທໍາມະດາ ບໍ່ຫຼຸດພົ້ນຄວາມເຈັບປ່ວຍໄປໄດ້ ຄວນທີ່ເຮົາຈະເຮັດຄວາມດີທາງກາຍ ທາງວາຈາ ແລະທາງໃຈ”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ສາມາດ ຂ້ານ້ອຍ ! ມົວປະມາດເສຍແລ້ວ ຂ້ານ້ອຍ !”
ພະຍາຍົມກ່າວດັ່ງນີ້ “ທ້າວຜູ້ຈະເຣີນ ! ທ່ານບໍ່ໄດ້ເຮັດຄວາມດີທາງກາຍ ທາງວາຈາແລະທາງໃຈໄວ້ ເພາະມົວປະມາດເສຍ ດັ່ງນັ້ນ ເຫຼົ່ານາຍນິຣະຢະບາລຈະລົງໂທດໂດຍອາການທີ່ທ່ານປະມາດແລ້ວ ກໍບາບກັມນີ້ນັ້ນແລ ບໍ່ແມ່ນມານດາເຮັດໃຫ້ທ່ານ ບໍ່ແມ່ນບິດາເຮັດໃຫ້ທ່ານ ບໍ່ແມ່ນອ້າຍນ້ອງຊາຍເຮັດໃຫ້ທ່ານ ບໍ່ແມ່ນເອື້ອຍນ້ອງສາວເຮັດໃຫ້ທ່ານ ບໍ່ແມ່ນມິຕອາມາດເຮັດໃຫ້ທ່ານ ບໍ່ແມ່ນຍາດສາຍໂລຫິດເຮັດໃຫ້ທ່ານ ບໍ່ແມ່ນສະມະນະ ພຣາມເຮັດໃຫ້ທ່ານ ບໍ່ແມ່ນເທວະດາເຮັດໃຫ້ທ່ານ ໂຕທ່ານເອງເຮັດເອົາໄວ້ ທ່ານເທົ່ານັ້ນຈະສະເຫວີຍວິບາກຂອງບາບກັມນີ້”
ພິກຂຸທັງຫຼາຍ ! ພະຍາຍົມຄັນປອບໂຍນເອົາອົກເອົາໃຈສອບຖາມເຖິງເທວະທູຕທີ ໓ ກັບສັຕນັ້ນແລ້ວ ຈຶ່ງປອບໂຍນ ເອົາອົກເອົາໃຈ ສອບຖາມເຖິງເທວະທູຕທີ ໔ ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນເທວະທູຕທີ ໔ ປາກົດໃນໝູ່ມະນຸດແດ່ຫຼື ?”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ເຫັນເລີຍ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນພຣະຣາຊາທັງຫຼາຍ ໃນໝູ່ມະນຸດຈັບໂຈຣ ຜູ້ປະພຶດຜິດມາແລ້ວ ສັ່ງລົງໂທດຕ່າງຊະນິດແດ່ຫຼື ?
ຄື :
(໑) ຕີດ້ວຍແສ້ແດ່ ...
(ໃຈຄວາມເຕັມສາມາດສຶກສາໄດ້ຈາກໜ້າ ໖໔ - ໖໕)
ສັຕນັ້ນທູນຕອບດັ່ງນີ້ວ່າ “ເຫັນ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານນັ້ນເມື່ອຮູ້ຄວາມ ມີສະຕິ ເປັນຜູ້ໃຫຍ່ແລ້ວ ໄດ້ມີຄວາມຄິດດັ່ງນີ້ແດ່ບໍ່ວ່າ ຈະເຣີນລະ ເປັນອັນວ່າສັຕທີ່ເຮັດກັມອັນເປັນບາບໄວ້ນັ້ນ ຍ່ອມ ຖືກລົງໂທດຕ່າງຊະນິດ ເຫັນປານນີ້ໃນປັດຈຸບັນ ຊິເມຶ່ອຍກ່າວ ອິຫຍັງເຖິງຊາດໜ້າ ຄວນທີ່ເຮົາຈະເຮັດຄວາມດີ ທາງກາຍ ທາງວາຈາ ແລະທາງໃຈ”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ສາມາດ ຂ້ານ້ອຍ ! ມົວປະມາດເສຍເເລ້ວ ຂ້ານ້ອຍ !”
ພະຍາຍົມກ່າວດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຮັດຄວາມດີທາງກາຍ ທາງວາຈາ ແລະທາງໃຈໄວ້ ເພາະມົວປະມາດເສຍ ດັ່ງນັ້ນ ເຫຼົ່ານາຍນິຣະຢະບາລຈະລົງໂທດໂດຍ
ອາການທີ່ທ່ານປະມາດແລ້ວ ກໍບາບກັມນີ້ນັ້ນແລ ບໍ່ແມ່ນມານດາ ເຮັດໃຫ້ທ່ານ ບໍ່ແມ່ນບິດາເຮັດໃຫ້ທ່ານ ບໍ່ແມ່ນອ້າຍນ້ອງຊາຍເຮັດໃຫ້ທ່ານ ບໍ່ແມ່ນເອື້ອຍນ້ອງສາວເຮັດໃຫ້ທ່ານ ບໍ່ແມ່ນມິຕອາມາດເຮັດໃຫ້ທ່ານ ບໍ່ແມ່ນຍາດສາຍໂລຫິດເຮັດໃຫ້ທ່ານ ບໍ່ແມ່ນສະມະນະ ພຣາມເຮັດໃຫ້ທ່ານ ບໍ່ແມ່ນເທວະດາເຮັດໃຫ້ທ່ານ ໂຕທ່ານເອງເຮັດເອົາໄວ້ ທ່ານເທົ່ານັ້ນ ຈະສະເຫວີຍວິບາກຂອງບາບກັມນີ້”
ພິກຂຸທັງຫຼາຍ ! ພະຍາຍົມຄັນປອບໂຍນ ເອົາອົກເອົາໃຈສອບຖາມເຖິງເທວະທູດທີ ໔ ກັບສັຕນັ້ນແລ້ວ ຈຶ່ງປອບໂຍນເອົາອົກເອົາໃຈ ສອບຖາມເຖິງເທວະທູດທີ ໕ ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນເທວະທູດທີ ໕ ປາກົດໃນໝູ່ມະນຸດແດ່ຫຼື ?”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ເຫັນເລີຍ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຫັນຍິງຫຼືຊາຍ ທີ່ຕາຍແລ້ວມື້ໜຶ່ງ ສອງມື້ ຫຼືສາມມື້ ຂຶ້ນອືດ ຂຽວຊໍ້າ ມີນໍ້າເຫຼືອງຍ້ອຍ ຢູ່ໃນໝູ່ມະນຸດແດ່ຫຼື ?
ສັຕນັ້ນທູນຕອບດັ່ງນີ້ວ່າ “ເຫັນ ຂ້ານ້ອຍ !”
ພະຍາຍົມຖາມດັ່ງນີ້ວ່າ “ທ້າວຜູ້ຈະເຣີນ ! ທ່ານນັ້ນເມື່ອຮູ້ຄວາມ ມີສະຕິ ເປັນຜູ້ໃຫຍ່ແລ້ວ ໄດ້ມີຄວາມຄິດດັ່ງນີ້ແດ່ບໍ່ວ່າເຖິງແມ່ນໂຕເຮົາແລ ກໍມີຄວາມຕາຍເປັນທໍາມະດາ ບໍ່ຫຼຸດພົ້ນຄວາມຕາຍໄປໄດ້ ຄວນທີ່ເຮົາຈະເຮັດຄວາມດີທາງກາຍ ທາງວາຈາແລະທາງໃຈ”
ສັຕນັ້ນທູນຕອບດັ່ງນີ້ວ່າ “ຜູ້ຂ້າບໍ່ສາມາດ ຂ້ານ້ອຍ ! ມົວປະມາດເສຍແລ້ວ ຂ້ານ້ອຍ !”
ພະຍາຍົມກ່າວດັ່ງນີ້ວ່າ “ທ້າວຜູ້ຈະເຣີນ ! ທ່ານບໍ່ໄດ້ເຮັດຄວາມດີ ທາງກາຍ ທາງວາຈາ ແລະທາງໃຈໄວ້ ເພາະມົວປະມາດເສຍ ດັ່ງນັ້ນ ເຫຼົ່ານາຍນິຣະຢະບາລຈະລົງໂທດ ໂດຍອາການທີ່ທ່ານປະມາດແລ້ວ ກໍບາບກັມນີ້ນັ້ນແລ ບໍ່ແມ່ນມານດາເຮັດໃຫ້ທ່ານ ບໍ່ແມ່ນບິດາເຮັດໃຫ້ທ່ານ ບໍ່ແມ່ນອ້າຍນ້ອງຊາຍເຮັດໃຫ້ທ່ານ ບໍ່ແມ່ນເອື້ອຍນ້ອງສາວເຮັດໃຫ້ທ່ານ ບໍ່ແມ່ນມິຕ ອາມາດເຮັດໃຫ້ທ່ານ ບໍ່ແມ່ນຍາດສາຍໂລຫິດເຮັດໃຫ້ທ່ານ ບໍ່ແມ່ນສະມະນະ ພຣາມເຮັດໃຫ້ທ່ານ ບໍ່ແມ່ນເທວະດາເຮັດໃຫ້ທ່ານ ໂຕທ່ານເອງເຮັດເອົາໄວ້ ທ່ານເທົ່ານັ້ນຈະສະເຫວີຍວິບາກຂອງບາບກັມນີ້”
ພິກຂຸທັງຫຼາຍ ! ພະຍາຍົມຄັນປອບໂຍນ ເອົາອົກເອົາໃຈສອບຖາມເຖິງເທວະທູຕທີ ໕ ກັບສັຕນັ້ນແລ້ວ ກໍຊົງນິ້ງຢູ່.
ພິກຂຸທັງຫຼາຍ ! ເຫຼົ່ານິຣະຢະບາລຈະໃຫ້ສັຕນັ້ນ ເຮັດເຫດ ຊື່ການຈໍາ ໕ ປະການ ຄື ຕອກຂຶງຕະປູເຫຼັກແດງທີ່ມືກໍ້າທີ ໑ ກໍ້າທີ ໒ ທີ່ບາທາກໍ້າທີ ໑ ກໍ້າທີ ໒ ແລະທີ່ເຄິ່ງກາງເອິກ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດຢູ່ໃນນະຣົກນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ
ພິກຂຸທັງຫຼາຍ ! ເຫຼົ່ານິຣະຢະບາລ ຈະຈັບສັຕນັ້ນຂຶງແລ້ວ ເອົາຕາກແພ່ ສັຕນັ້ນຈະສະເຫວີຍເວທະນາ ອັນເປັນທຸກຂ໌ແຮງເຈັບປວດ ຢູ່ໃນນະຣົກນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ເຫຼົ່ານິຣະຢະບາລ ຈະຈັບສັຕນັ້ນ ເອົາຕີນຂຶ້ນທາງເທິງ ເອົາຫົວຢ່ອນລົງລຸ່ມແລ້ວເຊາະຖາກດ້ວຍພ້າ... .
ພິກຂຸທັງຫຼາຍ ! ເຫຼົ່ານິຣະຢະບາລ ຈະເອົາສັຕນັ້ນ ທຽມລົດແລ້ວໃຫ້ແລ່ນກັບໄປ ກັບມາ ເທິງແຜ່ນດິນ ທີ່ມີໄຟໄໝ້ເຕັມ ລຸກຮຸ່ງ ສະຫວ່າງ... .
ພິກຂຸທັງຫຼາຍ ! ເຫຼົ່ານິຣະຢະບາລ ຈະໃຫ້ສັຕນັ້ນປີນຂຶ້ນປີນລົງຊຶ່ງພູຖ່ານໄຟໜ່ວຍໃຫຍ່ທີ່ມີໄຟໄໝ້ເຕັມ ລຸກຮຸ່ງສະຫວ່າງ...
ພິກຂຸທັງຫຼາຍ ! ເຫຼົ່ານິຣະຢະບາລ ຈະຈັບສັຕນັ້ນ ເອົາຕີນຂຶ້ນທາງເທິງ ເອົາຫົວລົງລຸ່ມແລ້ວ ໂຍນລົງໃນໝໍ້ທອງແດງ ທີ່ມີໄຟໄໝ້ເຕັມ ລຸກຮຸ່ງ ສະຫວ່າງ ສັຕນັ້ນຈະຟົດເດືອດເປັນຟອງຢູ່ໃນໝໍ້ທອງແດງນັ້ນ ເຂົາເມື່ອຟົດເດືອດເປັນຟອງຢູ່ ຈະຟົດປີ້ນຂຶ້ນເທິງຄັ້ງໜຶ່ງແດ່ ຈະຟົດປີ້ນລົງລຸ່ມຄັ້ງໜຶ່ງແດ່ ຈະຟົດປີ້ນໄປລວງຂວາງຄັ້ງໜຶ່ງແດ່ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດຢູ່ໃນໝໍ້ທອງແດງນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ເຫຼົ່ານິຣະຢະບາລ ຈະໂຍນສັຕນັ້ນເຂົ້າໄປໃນມະຫານະຣົກ ກໍມະຫານະຣົກນັ້ນແລ ມີສີ່ແຈ ສີ່ປະຕູ ແບ່ງໄວ້ໂດຍສ່ວນເທົ່າກັນ ມີກໍາແພງເຫຼັກ ລ້ອມຮອບ ອ້ອມໄວ້ດ້ວຍແຜ່ນເຫຼັກ ພື້ນຂອງມະຫານະຣົກນັ້ນ ລ້ວນເຕັມໄປດ້ວຍເຫຼັກລຸກຮຸ່ງ ແຜ່ໄປຕະຫຼອດຮ້ອຍໂຍດຮອບດ້ານ ໄໝ້ຢູ່ທຸກເມື່ອ.
ພິກຂຸທັງຫຼາຍ ! ແລະມະຫານະຣົກນັ້ນ ມີແປວໄຟພຸ່ງຈາກຝາດ້ານໜ້າຈໍາຝາດ້ານຫຼັງ ພຸ່ງຈາກຝາດ້ານຫຼັງຈໍາຝາດ້ານໜ້າ ພຸ່ງຈາກຝາດ້ານເໜືອຈໍາຝາດ້ານໃຕ້ ພຸ່ງຈາກຝາດ້ານໃຕ້ຈໍາຝາດ້ານເໜືອ ພຸ່ງຈາກເບື້ອງລຸ່ມຈໍາເບື້ອງເທິງ ພຸ່ງຈາກເບື້ອງເທິງ ຈໍາເບື້ອງລຸ່ມ ສັຕນັ້ນຈະສະເຫວີຍເວທະນາ ອັນເປັນທຸກຂ໌ແຮງ ເຈັບປວດຢູ່ໃນມະຫານະຣົກນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ຍ່ອມມີສະໄໝທີ່ບາງເທື່ອບາງຍາມ ໂດຍຜ່ານ ໄລຍະເວລາຍາວນານ ປະຕູດ້ານໜ້າຂອງມະຫານະຣົກໄຂອອກ ສັຕນັ້ນຈະຟ້າວແລ່ນໄປຍັງປະຕູນັ້ນໂດຍໄວ ຍ່ອມຖືກໄຟໄໝ້ຜິວ ໄໝ້ໜັງ ໄໝ້ຊີ້ນ ໄໝ້ເອັນ ແມ່ນແຕ່ກະດູກທັງຫຼາຍກໍເປັນຄວນກຸ້ມ ແຕ່ອະວັຍຍະວະທີ່ສັຕນັ້ນຍົກຂຶ້ນແລ້ວ ຈະກັບຄືນຮູບເດີມທັນທີ ແລະຂະນະທີ່ສັຕນັ້ນພວມຈະເຖິງປະຕູ ປະຕູນັ້ນຈະອັດເຂົ້າ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດ ຢູ່ໃນມະຫານະຣົກນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ຍ່ອມມີສະໄໝທີ່ບາງເທື່ອບາງຍາມ ໂດຍຜ່ານໄລຍະເວລາຍາວນານ ປະຕູດ້ານຫຼັງຂອງມະຫານະຣົກໄຂອອກ... ປະຕູດ້ານເໜືອໄຂອອກ... ປະຕູດ້ານໃຕ້ໄຂອອກ ສັຕນັ້ນຈະຟ້າວແລ່ນໄປຍັງປະຕູນັ້ນໂດຍໄວ້ ຍ່ອມຖືກໄຟໄໝ້ຜິວ ໄໝ້ໜັງ ໄໝ້ຊີ້ນ ໄໝ້ເອັນ ແມ່ນແຕ່ກະດູກທັງຫຼາຍກໍເປັນຄວນກຸ້ມ ແຕ່ອະວັຍຍະວະທີ່ສັຕນັ້ນຍົກຂຶ້ນແລ້ວ ຈະກັບຄືນຮູບເດີມທັນທີ ແລະ
ໃນຂະນະທີ່ສັຕນັ້ນພວມຈະເຖິງປະຕູ ປະຕູນັ້ນຈະອັດເຂົ້າ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດຢູ່ໃນມະຫານະຣົກນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ຍ່ອມມີສະໄໝທີ່ບາງເທື່ອບາງຍາມ ໂດຍຜ່ານໄລຍະເວລາຍາວນານ ປະຕູດ້ານໜ້າຂອງມະຫານະຣົກໄຂອອກ ສັຕນັ້ນຈະຟ້າວແລ່ນໄປຍັງປະຕູນັ້ນໂດຍໄວ ຍ່ອມຖືກໄຟໄໝ້ຜິວ ໄໝ້ໜັງ ໄໝ້ຊີ້ນ ໄໝ້ເອັນ ແມ່ນແຕ່ກະດູກທັງຫຼາຍກໍເປັນຄວນກຸ້ມ ແຕ່ອະວັຍຍະວະທີ່ສັຕນັ້ນຍົກຂຶ້ນແລ້ວ ຈະກັບຄືນຮູບເດີມທັນທີ ສັຕນັ້ນຈະອອກທາງປະຕູນັ້ນໄດ້ ແຕ່ວ່າມະຫານະຣົກນັ້ນແລ ມີນະຣົກເຕັມດ້ວຍຄູດໃຫຍ່ ປະກອບຢູ່ຮອບດ້ານ ສັຕນັ້ນຈະຕົກລົງໃນນະຣົກຄູດນັ້ນ ແລະໃນນະຣົກຄູດນັ້ນ ມີໝູ່ສັຕປາກດັ່ງເຂັມຄອຍສຽບເຈາະຜິວ ແລ້ວສຽບເຈາະໜັງ ແລ້ວສຽບເຈາະຊີ້ນ ແລ້ວສຽບເຈາະເອັນ ແລ້ວສຽບເຈາະກະດູກ ແລ້ວກິນເຫຍື່ອໃນກະດູກ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດຢູ່ໃນນະຣົົກຄູດນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ແລະນະຣົກຄູດນັ້ນ ມີນະຣົກເຕັມໄປດ້ວຍຂີ້ເຖົ່າ (ຂີ້ເຖົ່າຮ້ອນ) ປະກອບຢູ້ຮອບດ້ານ ສັຕນັ້ນຈະຕົກລົງໄປໃນນະຣົກຂີ້ເຖົ່າຮ້ອນນັ້ນ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດ ຢູ່ໃນນະຣົກຂີ້ເຖົ່າຮ້ອນນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ແລະນະຣົກຂີ້ເຖົ່ານັ້ນ ມີປ່າງິ້ວໃຫຍ່ປະກອບຢູ່ຮອບດ້ານ ຕົ້ນສູງຮຽວຊື່ຂຶ້ນໄປໂຍດໜຶ່ງ ມີໜາມຍາວ ໑໖ ອົງຄຸລີ ມີໄຟໄໝ້ທົ່ວ ລຸກຮຸ່ງ ສະຫວ່າງ ເຫຼົ່ານິຣະຢະບາລຈະບັງຄັບໃຫ້ສັຕນັ້ນຂຶ້ນໆ ລົງໆ ທີ່ຕົ້ນງິ້ວນັ້ນ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດ ຢູ່ທີ່ຕົ້ນງິ້ວນັ້ນແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ແລະປ່າງິ້ວນັ້ນ ມີປ່າຕົ້ນໄມ້ໃບເປັນດາບໃຫຍ່ ປະກອບຢູ່ຮອບດ້ານ ສັຕນັ້ນຈະເຂົ້າໄປປ່ານັ້ນ ຈະຖືກໃບໄມ້ທີ່ລົມພັດ ຕັດມືແດ່ ຕັດຕີນແດ່ ຕັັດທັງມືແລະຕີນແດ່ ແລະຕັດໃບຫູແດ່ ຕັດດັງແດ່ ຕັດທັງໃບຫູແລະດັງແດ່ ແລະສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດຢູ່ໃນປ່າຕົ້ນໄມ້ ມີໃບເປັນດາບນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ແລະປ່າຕົ້ນໄມ້ໃບເປັນດາບນັ້ນ ມີແມ່ນໍ້າໃຫຍ່ປະກອບຢູ່ຮອບດ້ານ ສັຕນັ້ນ ຈະຕົກລົງໄປແມ່ນໍ້ານັ້ນ ຈະລອຍຢູ່ໃນແມ່ນໍ້ານັ້ນ ລ່ອງແດ່ ທວນກະແສແດ່ ທັງລ່ອງແລະທວນກະແສແດ່ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດຢູ່ໃນນໍ້ານັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ເຫຼົ່າທ້າວນິຣະຢະບາລພາກັນເອົາເບັດເກາະສັຕນັ້ນຂຶ້ນວາງເທິງບົກ ແລ້ວກ່າວດັ່ງນີ້ວ່າ
“ທ້າວຜູ້ຈະເຣີນ ! ເຈົ້າຕ້ອງການອັນໃດ” ສັຕນັ້ນບອກດັ່ງນີ້ວ່າ “ຜູ້ຂ້າຫິວ ຂ້ານ້ອຍ !” ເຫຼົ່າທ້າວນິຣະຢະບາລຈຶ່ງເອົາຂໍເຫຼັກຮ້ອນມີໄຟໄໝ້ທົ່ວ ລຸກຮຸ່ງ ສະຫວ່າງ ງະປາກອອກແລ້ວ ໃສ່ກ້ອນໂລຫະຮ້ອນມີໄຟໄໝ້ແດງ ລຸກຮຸ່ງ ສະຫວ່າງ ເຂົ້າໃນປາກ ກ້ອນໂລຫະນັ້ນ ຈະໄໝ້ຮິມສົບແດ່ ໄໝ້ປາກແດ່ ໄໝ້ຄໍແດ່ ໄໝ້ທ້ອງແດ່ ຂອງສັຕນັ້ນ ພາເອົາໄສ້ໃຫຍ່ແດ່ ໄສ້ນ້ອຍແດ່ ອອກມາທາງສ່ວນລຸ່ມ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດ ຢູ່ໃນບ່ອນນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ເຫຼົ່າທ້າວນິຣະຢະບາລກ່າວດັ່ງນີ້ວ່າ “ທ້າວຜູ້ຈະເຣີນ ! ເຈົ້າຕ້ອງການອັນໃດ” ສັຕນັ້ນບອກດັ່ງນີ້ວ່າ “ຜູ້ຂ້າຫິວນໍ້າ ຂ້ານ້ອຍ !” ເຫຼົ່າທ້າວນິຣະຢະບາລຈຶ່ງເອົາຂໍເຫຼັກຮ້ອນມີໄຟໄໝ້ທົ່ວ ລຸກຮຸ່ງ ສະຫວ່າງ ງະປາກອອກແລ້ວ ເອົານໍ້າທອງແດງຮ້ອນມີໄຟໄໝ້ແດງ ລຸກຮຸ່ງ ສະຫວ່າງ ຮ່າຍເຂົ້າໄປໃນປາກ ນໍ້າທອງແດງນັ້ນ ຈະໄໝ້ຮິມສົບແດ່ ໄໝ້ປາກແດ່ ໄໝ້ຄໍແດ່ ໄໝ້ທ້ອງແດ່ ຂອງສັຕນັ້ນ ພາເອົາໄສ້ໃຫຍ່ແດ່ ໄສ້ນ້ອຍແດ່ ອອກມາທາງສ່ວນລຸ່ມ ສັຕນັ້ນຈະສະເຫວີຍເວທະນາອັນເປັນທຸກຂ໌ແຮງ ເຈັບປວດ ຢູ່ໃນບ່ອນນັ້ນ ແລະຍັງບໍ່ຕາຍຕາບເທົ່າບາບກັມຍັງບໍ່ໝົດ.
ພິກຂຸທັງຫຼາຍ ! ເຫຼົ່າທ້າວນິຣະຢະບາລຈະໂຍນສັຕນັ້ນເຂົ້າໄປໃນມະຫານະຣົກອີກ.
ພິກຂຸທັງຫຼາຍ ! ເລື່ອງເຄີຍມີມາແລ້ວ ພະຍາຍົມໄດ້ມີຄວາມດໍາຣິດັ່ງນີ້ວ່າ :
ທ່ານຜູ້ຈະເຣີນເອີຍ ! ເປັນອັນວ່າເຫຼົ່າສັຕທີ່ເຮັດກັມອັນເປັນບາບໄວ້ໃນໂລກ ຍ່ອມຖືກທ້າວນິຣະຢະບາລລົງໂທດຕ່າງຊະນິດ ເຫັນປານນີ້.
ໂອໜໍ ! ຂໍເຮົາຈົ່ງໄດ້ຄວາມເປັນມະນຸດ
ຂໍຕະຖາຄົຕອະຣະຫັນຕະສັມມາສັມພຸດທະ
ຈົ່ງສະເດັດອຸບັດຂຶ້ນໃນໂລກ
ຂໍເຮົາຈົ່ງໄດ້ນັ່ງໃກ້ພຣະຜູ້ມີພຣະພາກພຣະອົງນັ້ນ
ຂໍພຣະຜູ້ມີພຣະພາກພຣະອົງນັ້ນ
ຈົ່ງຊົງສະແດງທັມແກ່ເຮົາ
ແລະຂໍເຮົາຈົ່ງຮູ້ທົ່ວເຖິງທັມ
ຂອງພຣະຜູ້ມີພຣະພາກພຣະອົງນັ້ນເຖີ້ນ.
ພິກຂຸທັງຫຼາຍ ! ກໍເລື່ອງນັ້ນ ເຮົາບໍ່ໄດ້ຟັງມາຕໍ່ຈາກສະມະນະຫຼືພຣາມອື່ນໆ ແລ້ວຈຶ່ງບອກ ກໍແລເຮົາບອກເລື່ອງທີ່ເຮົາຮູ້ເອງ ເຫັນເອງ ປາກົດເອງທັງມວນ.
(ຄາຖາຜະນວກທ້າຍພຣະສູຕ)
ນໍຣະຊົນເຫຼົ່າໃດຍັງເປັນມານົບ
ອັນເທວະທູຕຕັກເຕືອນແລ້ວປະມາດຢູ່
ນໍຣະຊົນເຫຼົ່ານັ້ນ ຈະເຂົ້າເຖິງໝູ່ສັຕອັນຂີ້ຮ້າຍ
ເຖິງຄວາມເສົ້າໂສກຊົ່ວສິ້ນກາລະນານ
ສ່ວນນໍຣະຊົນເຫຼົ່າໃດ
ເປັນສັຕຕະບຸຣຸດຜູ້ສະງົບລະງັບໃນໂລກນີ້
ອັນເທວະທູຕຕັກເຕືອນແລ້ວ
ຍ່ອມບໍ່ປະມາດ ໃນທັມຂອງພຣະອະຣິຍະ
ໃນກາລໃດໆ ເຫັນພັຍໃນຄວາມຢຶດໝັ້ນ
ອັນເປັນເຫດແຫ່ງຊາດແລະມໍຣະນະ ແລ້ວບໍ່ຢຶດໝັ້ນ
ຫຼຸດພົ້ນໃນທັມເປັນບ່ອນດັບສິ້ນຊາດແລະມໍຣະນະໄດ້
ນໍຣະຊົນເຫຼົ່ານັ້ນ ເປັນຜູ້ເຖິງຄວາມກະເສມ
ມີສຸຂ ດັບສະນິດໃນປັດຈຸບັນ
ຂ້າມພົ້ນເວຣແລະພັຍທັງປວງ
ແລະເຂົ້າໄປຂ້າມພົ້ນທຸກຂ໌ທັງປວງໄດ້.
- ບາລີ ອຸປຣິ. ມ. ໑໔/໓໓໔-໓໔໖/໕໐໔-໕໒໕.