ສັຕຜູ້ບໍ່ເປັນໃຫຍ່ຕໍ່ຄວາມກໍາໜັດ ຍ່ອມຫຼົງກາມ

ມາຄັນທິຍາ ! ເຖິງແມ່ນໃນກາລອັນຍືດຍາວດົນນານຝ່າຍອະດີຕ ກາມທັງຫຼາຍກໍມີສັມຜັສເປັນທຸກຂ໌ ມີຄວາມສຸມເຜົາອັນຍິ່ງໃຫຍ່ ມີຄວາມຮ້ອນເອົ້າອັນຍິ່ງໃຫຍ່. ເຖິງແມ່ນໃນກາລອັນຍືດຍາວດົນນານຝ່າຍອະນາຄົຕ ກາມທັງຫຼາຍກໍມີສັມຜັສເປັນທຸກຂ໌ ມີຄວາມສຸມເຜົາອັນຍິ່ງໃຫຍ່ ມີຄວາມຮ້ອນເອົ້າອັນຍິ່ງໃຫຍ່.
ແມ່ນວ່າໃນກາລເປັນປັຈຈຸບັນໃນບັດນີ້ ກາມທັງຫຼາຍກໍມີສັມຜັສເປັນທຸກຂ໌ ມີຄວາມສຸມເຜົາອັນຍິ່ງໃຫຍ່ ມີຄວາມຮ້ອນເອົ້າອັນຍິ່ງໃຫຍ່. ມາຄັນທິຍາ ! ແຕ່ວ່າ ສັຕທັງຫຼາຍເຫຼົ່ານີ້ ຍັງບໍ່ປາສະຈາກຄວາມກໍາໜັດໃນກາມທັງຫຼາຍ ຖືກກາມະຕັນຫາຄ້ຽວກິນຢູ່ ຖືກຄວາມຮ້ອນເອົ້າໃນກາມສຸມເຜົາຢູ່ ມີອິນຊີ (ຄືຄວາມເປັນໃຫຍ່ແກ່ຕົນ) ອັນກາມກໍາຈັດເສຍໝົດແລ້ວ ຈຶ່ງໄດ້ມີຄວາມສໍາຄັນ ອັນວິປະຣິຕ ວ່າ “ສຸຂ” ໃນກາມທັງຫຼາຍ ອັນມີສັມຜັສເປັນທຸກຂ໌ນັ້ນເອງ, ດັ່ງນີ້.

- ມ. ມ. ໑໓/໒໗໙/໒໘໔.