ຄວາມຫົດຫູ່ ແລະ ຄວາມຟຸ້ງຊ່ານແຫ່ງຈິດ

"ວິທີແກ້ຄວາມຫົດຫູ່ ແລະ ຄວາມຟຸ້ງຊ່ານແຫ່ງຈິດ"

1. ພິກຂຸທັງຫຼາຍ! ກໍສະໄໝໃດ ຈິດຫົດຫູ່
ສະໄໝນັ້ນ
# ບໍ່ແມ່ນການເພື່ອຈະເລີນປັດສັດທິສັມໂພດຊົງ
# ບໍ່ແມ່ນການເພື່ອຈະເລີນສະມາທິສັມໂພດຊົງ
# ບໍ່ແມ່ນການເພື່ອຈະເລີນອຸເປກຂາສັມໂພດຊົງ
- ຂໍ້ນັ້ນເພາະເຫດໃດ ເພາະຈິດຫົດຫູ່ ຈິດທີ່ຫົດຫູ່ນັ້ນຍາກທີ່ຈະໃຫ້ຕັ້ງຂຶ້ນໄດ້ດ້ວຍທັມເຫຼົ່ານັ້ນ
- ປຽບເໝືອນບຸຣຸດຕ້ອງການຈະກໍ່ໄຟດວງນ້ອຍໃຫ້ລຸກໂພງ
* ເຂົາຈຶ່ງໃສ່ຫຍ້າສົດ ຂີ້ງົວສົດ ໄມ້ສົດ ພົ່ນນ້ຳໃສ່ ແລະໂຮຍຝຸ່ນລົງໃນໄຟນັ້ນ ບຸຣຸດນັ້ນຈະສາມາດກໍ່ໄຟດວງນ້ອຍໃຫ້ລຸກໂພງຂຶ້ນໄດ້ ຫລືໜໍ ?.
ບໍ່ໄດ້ເລີຍ ພຣະອົງຜູ້ຈະເລີນ.

ສັນນັ້ນເໝືອນກັນ ພິກຂຸທັງຫຼາຍ ສະໄໝໃດ ຈິດຫົດຫູ່
ສະໄໝນັ້ນ
# ບໍ່ແມ່ນການເພື່ອຈະເລີນປັດສັດທິສັມໂພດຊົງ
# ບໍ່ແມ່ນການເພື່ອຈະເລີນສະມາທິສັມໂພດຊົງ
# ບໍ່ແມ່ນການເພື່ອຈະເລີນອຸເປກຂາສັມໂພດຊົງຄ໌ ຂໍ້ນັ້ນເພາະເຫດໃດ ເພາະຈິດຫົດຫູ່ ຈິດທີ່ຫົດຫູ່ນັ້ນ ຍາກທີ່ຈະໃຫ້ຕັ້ງຂຶ້ນໄດ້ດ້ວຍທັມເຫຼົ່ານັ້ນ.

ພິກຂຸທັງຫຼາຍ! ສະໄໝໃດ
- ຈິດຫົດຫູ່ ສະໄໝນັ້ນ
* ເປັນການເພື່ອຈະເລີນທັມມະວິຈະຍະສັມໂພດຊົງ
* ເປັນການເພື່ອຈະເລີນວິຣິຍະສັມໂພດຊົງ
* ເປັນການເພື່ອຈະເລີນປີຕິສັມໂພດຊົງ
- ຂໍ້ນັ້ນເພາະເຫດໃດ ເພາະຈິດຫົດຫູ່ ຈິດທີ່ຫົດຫູ່ນັ້ນໃຫ້ຕັ້ງຂຶ້ນໄດ້ງ່າຍດ້ວຍທັມເຫຼົ່ານັ້ນ
- ປຽບເໝືອນບຸຣຸດຕ້ອງການຈະກໍ່ໄຟດວງນ້ອຍໃຫ້ລຸກໂພງ
* ເຂົາຈຶ່ງໃສ່ຫຍ້າແຫ້ງ ຂີ້ງົວແຫ້ງ ໄມ້ແຫ້ງ ເອົາປາກເປົ່າ ແລະ ບໍ່ໂຮຍຝຸ່ນໃນໄຟນັ້ນ ບຸຣຸດນັ້ນສາມາດຈະກໍ່ໄຟດວງນ້ອຍໃຫ້ລຸກໂພງຂຶ້ນໄດ້ ຫລືໜໍ ?
ໄດ້ ພຣະອົງຜູ້ຈະເລີນ.
- ສັນນັ້ນເໝືອນກັນ ພິກຂຸທັງຫຼາຍ
ສະໄໝໃດ ຈິດຫົດຫູ່ ສະໄໝນັ້ນ
* ເປັນການເພື່ອຈະເລີນທັມມະວິຈະຍະສັມໂພດຊົງ
* ເປັນການເພື່ອຈະເລີນວິຣິຍະສັມໂພດຊົງ
* ເປັນການເພື່ອຈະເລີນປີຕິສັມໂພດຊົງຄ໌
ຂໍ້ນັ້ນເພາະເຫດໃດ ເພາະຈິດຫົດຫູ່ ຈິດທີ່ຫົດຫູ່ນັ້ນໃຫ້ຕັ້ງຂຶ້ນໄດ້ງ່າຍດ້ວຍທັມເຫຼົ່ານັ້ນ.

2. ພິກຂຸທັງຫຼາຍ! ກໍສະໄໝໃດ ຈິດຟຸ້ງຊ່ານ ສະໄໝນັ້ນ
# ບໍ່ແມ່ນການເພື່ອຈະເລີນທັມມະວິຈະຍະສັມໂພດຊົງ
# ບໍ່ແມ່ນການເພື່ອຈະເລີນວິຣິຍະສັມໂພດຊົງ
# ບໍ່ແມ່ນການເພື່ອຈະເລີນປີຕິສັມໂພດຊົງ
ຂໍ້ນັ້ນເພາະເຫດໃດ
- ເພາະຈິດຟຸ້ງຊ່ານ ຈິດທີ່ຟຸ້ງຊ່ານນັ້ນ ຍາກທີ່ຈະໃຫ້ສະຫງົບໄດ້ດ້ວຍທັມເຫຼົ່ານັ້ນ.

- ປຽບເໝືອນບຸຣຸດຕ້ອງການຈະດັບໄຟກອງໃຫຍ່ ເຂົາຈຶ່ງໃສ່ຫຍ້າແຫ້ງ ຂີ້ງົວແຫ້ງ ໄມ້ແຫ້ງ ເອົາປາກເປົ່າ ແລະບໍ່ໂຮຍຝຸ່ນລົງໄປໃນກອງໄຟໃຫຍ່ນັ້ນ ບຸຣຸດນັ້ນສາມາດຈະດັບໄຟກອງໃຫຍ່ໄດ້ຫລືໜໍ ?.
ບໍ່ໄດ້ເລີຍ ພຣະອົງຜູ້ຈະເລີນ.

ສັນນັ້ນເໝືອນກັນ ພິກຂຸທັງຫຼາຍ! ສະໄໝໃດ
- ຈິດຟຸ້ງຊ່ານ ສະໄໝນັ້ນ
# ບໍ່ແມ່ນການເພື່ອຈະເລີນທັມມະວິຈະຍະສັມໂພດຊົງ
# ບໍ່ແມ່ນການເພື່ອຈະເລີນວິຣິຍະສັມໂພດຊົງ
# ບໍ່ແມ່ນການເພື່ອຈະເລີນປີຕິສັມໂພດຊົງ
- ຂໍ້ນັ້ນເພາະເຫດໃດ ເພາະຈິດຟຸ້ງຊ່ານ ຈິດທີ່ຟຸ້ງຊ່ານນັ້ນ ຍາກທີ່ຈະໃຫ້ສະຫງົບໄດ້ດ້ວຍທັມເຫຼົ່ານັ້ນ.

ພິກຂຸທັງຫຼາຍ! ກໍສະໄໝໃດ ຈິດຟຸ້ງຊ່ານ ສະໄໝນັ້ນ
* ເປັນການເພື່ອຈະເລີນປັດສັດທິສັມໂພດຊົງ
* ເປັນການເພື່ອຈະເລີນສະມາທິສັມໂພດຊົງ
* ເປັນການເພື່ອຈະເລີນອຸເປກຂາສັມໂພດຊົງ
- ຂໍ້ນັ້ນເພາະເຫດໃດ ເພາະຈິດຟຸ້ງຊ່ານ ຈິດທີ່ຟຸ້ງຊ່ານນັ້ນ ໃຫ້ສະຫງົບໄດ້ງ່າຍດ້ວຍທັມເຫຼົ່ານັ້ນ ປຽບເໝືອນບຸຣຸດຕ້ອງການຈະດັບໄຟກອງໃຫຍ່ ເຂົາຈຶ່ງໃສ່ຫຍ້າສົດ ຂີ້ງົວສົດ ໄມ້ສົດ ພົ່ນນ້ຳໃສ່ ແລະໂຮຍຝຸ່ນລົງໃນກອງໄຟໃຫຍ່ນັ້ນ ບຸຣຸດນັ້ນຈະສາມາດດັບກອງໄຟກອງໃຫຍ່ນັ້ນໄດ້ ຫລືໜໍ ?.
ໄດ້ ພຣະອົງຜູ້ຈະເລີນ.

ສັນນັ້ນເໝືອນກັນ ພິກຂຸທັງຫຼາຍ
- ສະໄໝໃດ ຈິດຟຸ້ງຊ່ານ ສະໄໝນັ້ນ
* ເປັນການເພື່ອຈະເລີນປັດສັດທິສັມໂພດຊົງ
* ເປັນການເພື່ອຈະເລີນສະມາທິສັມໂພດຊົງ
* ເປັນການເພື່ອຈະເລີນອຸເປກຂາສັມໂພດຊົງ
- ຂໍ້ນັ້ນເພາະເຫດໃດ ເພາະຈິດຟຸ້ງຊ່ານ ຈິດທີ່ຟຸ້ງຊ່ານນັ້ນ ໃຫ້ສະຫງົບໄດ້ງ່າຍດ້ວຍທັມເຫຼົ່ານັ້ນ.

* ພິກຂຸທັງຫຼາຍ ເຮົາກ່າວ “ສະຕິ” ແລວ່າ ມີປະໂຫຍດໃນທີ່ທັງປວງ.

----------------------------------------------------
-ບາລີ ມະຫາວາຣະ. ສໍ. 19/156-158/569-572.