ສັນເລຂະທຳ(ຄວາມຂູດເກົາກິເລດ)

ທໍາໃນທ່າມກາງ

0:00/0:00

ຈຸນທະ ! ສັນເລຂະທຳ(ຄວາມຂູດເກົາ) ເປັນສິ່ງທີ່ທ່ານທັງຫຼາຍພຶງກະທຳໃນທຳທັງຫຼາຍເຫຼົ່ານີ້

ກ່າວຄື :-

ເຮັດສັນເລຂະວ່າ ເມື່ອຜູ້ອື່ນ ເປັນຜູ້ບຽດບຽນ ເຮົາຈັກເປັນຜູ້ ບໍ່ບຽດບຽນ;

ເຮັດສັນເລຂະວ່າ ເມື່ອຜູ້ອື່ນ ກະທຳປານາຕິບາດ ເຮົາຈັກ ເວັ້ນຂາດຈາກປານາຕິບາດ;

ເຮັດສັນເລຂະວ່າ ເມື່ອຜູ້ອື່ນ ກະທຳອະທິນນາທານ ເຮົາຈັກ ເວັ້ນຂາດຈາກອະທິນນາທານ;

ເຮັດສັນເລຂະວ່າ ເມື່ອຜູ້ອື່ນ ບໍ່ປະພຶດພົມມະຈັນ ເຮົາຈັກເປັນ ຜູ້ປະພຶດພົມມະຈັນ;

ເຮັດສັນເລຂະວ່າ ເມື່ອຜູ້ອື່ນ ເວົ້າເທັດ(ກວ່າຄຳບໍ່ຈິງ) ເຮົາຈັກ ເວັ້ນຂາດຈາກການເວົ້າເທັດ;

ເຮັດສັນເລຂະວ່າ ເມື່ອຜູ້ອື່ນ ເວົ້າສໍ່ສຽດ ເຮົາຈັກ ເວັ້ນຂາດຈາກການເວົ້າສໍ່ສຽດ;

ເຮັດສັນເລຂະວ່າ ເມື່ອຜູ້ອື່ນ ເວົ້າຄຳຫຍາບ ເຮົາຈັກ ເວັ້ນຂາດຈາກການເວົ້າຄຳຫຍາບ;

ເຮັດສັນເລຂະວ່າ ເມື່ອຜູ້ອື່ນ ເວົ້າເພີ້ເຈີ້ ເຮົາຈັກ ເວັ້ນຂາດຈາກການເວົ້າເພີ້ເຈີ້;

ເຮັດສັນເລຂະວ່າ ເມື່ອຜູ້ອື່ນ ຫລາຍດ້ວຍອະພິດຊາ ເຮົາຈັກເປັນຜູ້ ບໍ່ຫລາຍດ້ວຍອະພິດຊາ;

ເຮັດສັນເລຂະວ່າ ເມື່ອຜູ້ອື່ນ ມີຈິດພະຍາບາດ ເຮົາຈັກເປັນຜູ້ ບໍ່ມີຈິດພະຍາບາດ;

ເຮັດສັນເລຂະວ່າ ເມື່ອຜູ້ອື່ນ ມີມິດສາທິດຖິ ເຮົາຈັກເປັນຜູ້ ມີສັມມາທິດຖິ;

ເຮັດສັນເລຂະວ່າ ເມື່ອຜູ້ອື່ນ ມີມິດສາສັງກັບປະ ເຮົາຈັກເປັນຜູ້ ມີສັມມາສັງກັບປະ;

ເຮັດສັນເລຂະວ່າ ເມື່ອຜູ້ອື່ນ ມີມິດສາວາຈາ ເຮົາຈັກເປັນຜູ້ ມີສັມມາວາຈາ;

ເຮັດສັນເລຂະວ່າ ເມື່ອຜູ້ອື່ນ ມີມິດສາກັມມັນຕະ ເຮົາຈັກເປັນຜູ້ ມີສັມມາກັມມັນຕະ;

ເຮັດສັນເລຂະວ່າ ເມື່ອຜູ້ອື່ນ ມີມິດສາອາຊີວະ ເຮົາຈັກເປັນຜູ້ ມີສັມມາອາຊີວະ;

ເຮັດສັນເລຂະວ່າ ເມື່ອຜູ້ອື່ນ ມີມິດສາວາຢາມະ ເຮົາຈັກເປັນຜູ້ ມີສັມມາວາຢາມະ;

ເຮັດສັນເລຂະວ່າ ເມື່ອຜູ້ອື່ນ ມີມິດສາສະຕິ ເຮົາຈັກເປັນຜູ້ ມີສັມມາສະຕິ;

ເຮັດສັນເລຂະວ່າ ເມື່ອຜູ້ອື່ນ ມີມິດສາສະມາທິ ເຮົາຈັກເປັນຜູ້ ມີສັມມາສະມາທິ;

ເຮັດສັນເລຂະວ່າ ເມື່ອຜູ້ອື່ນ ມີມິດສາຍານະ ເຮົາຈັກເປັນຜູ້ ມີສັມມາຍານະ;

ເຮັດສັນເລຂະວ່າ ເມື່ອຜູ້ອື່ນ ມີມິດສາວິມຸດຕິ ເຮົາຈັກເປັນຜູ້ ມີສັມມາວິມຸດຕິ;

ເຮັດສັນເລຂະວ່າ ເມື່ອຜູ້ອື່ນ ມີຖີນະມິດທະກຸ້ມຣຸມ ເຮົາຈັກເປັນຜູ້ ປາດສະຈາກຖີນະມິດທະ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ຟຸ້ງຊ່ານ ເຮົາຈັກເປັນຜູ້ ບໍ່ຟຸ້ງຊ່ານ;

ເຮັດສັນເລຂະວ່າ ເມື່ອຜູ້ອື່ນ ມີວິຈິກິດສາ ເຮົາຈັກເປັນຜູ້ ຂ້າມພົ້ນວິຈິກິດສາ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ມັກຄຽດ ເຮົາຈັກເປັນຜູ້ ບໍ່ມັກຄຽດ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ຜູກຄຽດ ເຮົາຈັກເປັນຜູ້ ບໍ່ຜູກຄຽດ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ລົບຫຼູ່ຄຸນທ່ານ ເຮົາຈັກເປັນຜູ້ ບໍ່ລົບຫຼູ່ຄຸນທ່ານ ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ແຂ່ງດີ ເຮົາຈັກເປັນຜູ້ ບໍ່ແຂ່ງດີ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ຣິດສະຢາ ເຮົາຈັກເປັນຜູ້ ບໍ່ຣິດສະຢາ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ຂີ້ຖີ່ ເຮົາຈັກເປັນຜູ້ ບໍ່ຂີ້ຖີ່;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ໂອ້ອວດ ເຮົາຈັກເປັນຜູ້ ບໍ່ໂອ້ອວດ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ມີມານຢາ ເຮົາຈັກເປັນຜູ້ ບໍ່ມີມານຢາ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ກຣະດ້າງ ເຮົາຈັກເປັນຜູ້ ບໍ່ກຣະດ້າງ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ດູໜິ່ນທ່ານ ເຮົາຈັກເປັນຜູ້ ບໍ່ດູໜິ່ນທ່ານ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ວ່າຍາກ ເຮົາຈັກເປັນຜູ້ ວ່າງ່າຍ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ມີມິດຊັ່ວ ເຮົາຈັກເປັນຜູ້ ມີມິດດີ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ປະມາດ ເຮົາຈັກເປັນຜູ້ ບໍ່ປະມາດ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ບໍ່ມີສຣັດທາ ເຮົາຈັກເປັນຜູ້ ມີສຣັດທາ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ບໍ່ມີຫິຣິ ເຮົາຈັກເປັນຜູ້ ມີຫິຣິ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ບໍ່ມີໂອດຕັບປະ ເຮົາຈັກເປັນຜູ້ ມີໂອດຕັບປະ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ມີສຸຕະນ້ອຍ ເຮົາຈັກເປັນຜູ້ ມີສຸຕະຫລາຍ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ຂີ້ຄ້ານ ເຮົາຈັກເປັນຜູ້ ປາຣາບຄວາມພຽນ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ມີສະຕິຫຼົງລືມ ເຮົາຈັກເປັນຜູ້ ມີສະຕິຕັ້ງມັ່ນ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ມີປັນຍາຊາມ ເຮົາຈັກເປັນຜູ້ ເຖິງພ້ອມດ້ວຍປັນຍາ;

ເຮັດສັນເລຂະວ່າ ເມື່ອຜູ້ອື່ນເປັນຜູ້ ລູບຄລຳດ້ວຍທິດຖິຂອງຕົນ, ເປັນຜູ້ຢຶດຖືຢ່າງໜຽວແໜ້ນ, ແລະ ເປັນຜູ້ຍາກທີ່ຈະສະລັດຄືນຊຶ່ງອຸປາທານ

ເຮົາຈັກເປັນຜູ້ບໍ່ລູບຄລຳດ້ວຍທິດຖິຂອງຕົນ, ເປັນຜູ້ບໍ່ຢຶດຖືຢ່າງໜຽວແໜ້ນ, ແລະເປັນຜູ້ງ່າຍທີ່ຈະສະລັດຄືນຊຶ່ງອຸປາທານ.

-ບາລີ ມູ. ມ. ໑໒/໗໕/໑໐໔.

ສັນ​ເລຂະ​ທຳ(ຄວາມ​ຂູດ​ເກົາກິເລດ)

ສັນເລຂະທຳ(ຄວາມຂູດເກົາກິເລດ)