ພຣະສູດ 
ຖືກໃຈ 
ປື້ມ 
Video 
ປະຕິທິນ 
ພຣະທັມ 
ຕິດຕໍ່ ຂໍ້ທີ່ຄວນຫວັງໄດ້ 17 ປະການ
ທາງສາຍກາງ
ສມັຍໜຶ່ງ ພຣະຜູ້ມີພຣະພາຄປະທັບຢູ່ທີ່ພຣະວິຫາຣເຊຕະວັນ ອາຣາມຂອງທ່ານອະນາຖະບິນດິກະເສດຖີ ເຂຕພຣະນະຄອຣສາວັຕຖີ ໃນທີ່ນັ້ນແລ ພຣະຜູ້ມີພຣະພາຄຕຣັສຮຽກພິກຂຸທັງຫລາຍມາວ່າ ພິກຂຸທັງຫລາຍ ພິກຂຸເຫລົ່ານັ້ນທູລຮັບພຣະຜູ້ມີພຣະພາຄວ່າ ພຣະອົງຄ໌ຜູ້ຈະເຣີນ! ພຣະຜູ້ມີພຣະພາຄໄດ້ຕຣັສວ່າ:
ພິກຂຸທັງຫລາຍ! ພວກເຈົ້າທັງຫລາຍຈົ່ງເປັນຜູ້ມີສີລສົມບູນ ມີປາຕິໂມກຂ໌ອັນສົມບູນຢູ່ເຖີດ ຈົ່ງເປັນຜູ້ສັງຣວມຣະວັງໃນປາຕິໂມກຂ໌ ເຖິງພ້ອມດ້ວຍອາຈາຣະແລະໂຄຈອຣຢູ່ເຖີດ ຈົ່ງເປັນຜູ້ມີປົກກະຕິເຫັນພັຍໃນໂທສທັງຫລາຍແມ່ນພຽງເລັກນ້ອຍ ສະມາທານສຶກສາຢູ່ໃນສິກຂາບົທທັງຫລາຍເຖີດ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງເປັນທີ່ຮັກ ເປັນທີ່ພໍໃຈ ເປັນທີ່ເຄົາຣົພ ແລະເປັນທີ່ຍົກຍ້ອງຂອງເພື່ອນພຣົມມະຈັນຍ໌ທັງຫລາຍເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ(ອັຊຊັຕຕັນເຈໂຕສະມະຖະມະນຸຍຸຕໂຕ) ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງໄດ້ຈີວອຣ ບິນທະບາຕ ເສນາສະນະ ແລະຄິລານະປັຈຈັຍເພສັຊບໍຣິຂາຣ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາບໍຣິໂພຄຈີວອຣ ບິນທະບາຕ ເສນາສະນະ ແລະຄິລານະປັຈຈັຍເພສັຊບໍຣິຂາຣຂອງເທວະດາຫລືມະນຸສເຫລົ່າໃດ ສັກກາຣະຂອງເທວະດາແລະມະນຸສເຫລົ່ານັ້ນຈົ່ງມີຜົລຫລາຍ ມີອານິສົງສ໌ຫລາຍເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຍາຕສາຍໂລຫິຕຂອງເຮົາເຫລົ່າໃດທີ່ລ່ວງລັບທຳກາລະໄປແລ້ວ ມີຈິຕເຫລື້ອມໃສ ຣະນຶກເຖິງຢູ່ ຄວາມຣະນຶກເຖິງດ້ວຍຈິຕອັນເຫລື້ອມໃສຂອງຍາຕສາຍໂລຫິຕເຫລົ່ານັ້ນ ຈົ່ງມີຜົລຫລາຍ ມີອານິສົງສ໌ຫລາຍເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງເປັນຜູ້ຂົ່ມຄວາມຍິນດີແລະຄວາມບໍ່ຍິນດີໄດ້ ອີກຢ່າງໜຶ່ງ ຄວາມບໍ່ຍິນດີຢ່າຄອບງຳເຮົາໄດ້ເລີຍ ຂໍເຮົາຈົ່ງຄອບງຳຍ່ຳຍີຄວາມບໍ່ຍິນດີທີ່ເກີດຂຶ້ນແລ້ວໄດ້ຢູ່ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງເປັນຜູ້ຂົ່ມຄວາມຢ້ານກົວໄດ້ ອີກຢ່າງໜຶ່ງ ຄວາມຢ້ານກົວຢ່າຄອບງຳເຮົາໄດ້ເລີຍ ຂໍເຮົາຈົ່ງຄອບງຳຍ່ຳຍີຄວາມຢ້ານກົວທີ່ເກີດຂຶ້ນແລ້ວໄດ້ຢູ່ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງເປັນຜູ້ໄດ້ຕາມຄວາມປາຖນາ ໄດ້ໂດຍບໍ່ຍາກ ໂດຍບໍ່ລຳບາກເຊິ່ງຊານທັງ ໔ ອັນມີໃນຈິຕອັນຍິ່ງ ອັນເປັນເຄື່ອງຢູ່ເປັນສຸຂໃນປັຈຈຸບັນເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງຖືກຕ້ອງວິໂມກຂ໌ອັນລະອຽດເຊິ່ງບໍ່ມີຣູປ ເພາະລ່ວງຣູປສະມາບັຕດ້ວຍກາຍຢູ່ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງເປັນໂສດາບັນ ເພາະຄວາມສິ້ນໄປແຫ່ງສັງໂຍຊນ໌ ໓ ມີຄວາມບໍ່ຕົກຕ່ຳເປັນທັມມະດາ ເປັນຜູ້ທ່ຽງທີ່ຈະຕຣັສຮູ້ໃນເບື້ອງໜ້າເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງເປັນສະກະທາຄາມີ ເພາະຄວາມສິ້ນໄປແຫ່ງສັງໂຍຊນ໌ ໓ ແລະເພາະຣາຄະ ໂທສະ ໂມຫະ ເບົາບາງ ຍ່ອມມາສູ່ໂລກນີ້ອີກພຽງຄາວດຽວ ແລ້ວກະທຳທີ່ສຸດແຫ່ງທຸກຂ໌ໄດ້ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງເປັນອຸປປາຕິກະສັຕ ເພາະຄວາມສິ້ນໄປແຫ່ງໂອຣັມພາຄິຍະສັງໂຍຊນ໌ ໕ ຈັກປະຣິນິພພານໃນພົພນັ້ນ ມີກາຣບໍ່ກັບມາຈາກໂລກນັ້ນເປັນທັມມະດາເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງບັນລຸອິທທິວິທີຫລາຍປະກາຣຄື:
ຄົນດຽວເຮັດເປັນຫລາຍຄົນກໍໄດ້;
ຫລາຍຄົນເປັນຄົນດຽວກໍໄດ້;
ຫາຍໂຕໄປນອກຝາ ນອກກຳແພງ ນອກພູເຂົາໄດ້ໂດຍບໍ່ຕິດຂັດເໝືອນໄປໃນທີ່ວ່າງກໍໄດ້;
ກະທຳກາຣຜຸດຂຶ້ນຫລືມຸດລົງໃນແຜ່ນດິນເໝືອນໃນນ້ຳກໍໄດ້;
ເດີນເທິງນ້ຳບໍ່ແຕກເໝືອນເດີນເທິງແຜ່ນດິນກໍໄດ້;
ເຫາະໄປໃນອາກາສທັງໆທີ່ຍັງນັ່ງຄູ້ບັນລັງເໝືອນນົກກໍໄດ້; ລູບຄຳດວງຈັນທ໌ ດວງອາທິຕເຊິ່ງມີລິທຫລາຍ ມີອານຸພາບຫລາຍດ້ວຍຝາມືກໍໄດ້;
ໃຊ້ອຳນາຈທາງກາຍໄປຕລອດພຣົມມະໂລກກໍໄດ້ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງໄດ້ຍິນສຽງທັງ ໒ ຄື ສຽງທິພຍ໌ແລະສຽງມະນຸສທັງໃນທີ່ໄກແລະໃນທີ່ໃກ້ ດ້ວຍທິພພະໂສຕະ(ຫູທິບ) ອັນບໍຣິສຸທ ລ່ວງໂສຕະຂອງມະນຸສເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງກຳນົດຮູ້ໃຈຂອງສັຕອື່ນ ແລະບຸຄຄົລອື່ນໄດ້ດ້ວຍໃຈຄື:
ຈິຕມີຣາຄະ ກໍຮູ້ວ່າ ຈິຕມີຣາຄະ;
ຈິຕປາສະຈາກຣາຄະ ກໍຮູ້ວ່າ ຈິຕປາສະຈາກຣາຄະ;
ຈິຕມີໂທສະ ກໍຮູ້ວ່າ ຈິຕມີໂທສະ;
ຈິຕປາສະຈາກໂທສະ ກໍຮູ້ວ່າ ຈິຕປາສະຈາກໂທສະ;
ຈິຕມີໂມຫະ ກໍຮູ້ວ່າ ຈິຕມີໂມຫະ;
ຈິຕປາສະຈາກໂມຫະ ກໍຮູ້ວ່າ ຈິຕປາສະຈາກໂມຫະ;
ຈິຕຫົດຫູ່ ກໍຮູ້ວ່າ ຈິຕຫົດຫູ່;
ຈິຕຟຸ້ງຊ່ານ ກໍຮູ້ວ່າ ຈິຕຟຸ້ງຊ່ານ;
ຈິຕເປັນມະຫັຄຄະຕະ ກໍຮູ້ວ່າ ຈິຕເປັນມະຫັຄຄະຕະ;
ຈິຕບໍ່ເປັນມະຫັຄຄະຕະ ກໍຮູ້ວ່າ ຈິຕບໍ່ເປັນມະຫັຄຄະຕະ;
ຈິຕມີຈິຕອື່ນຍິ່ງກວ່າ ກໍຮູ້ວ່າ ຈິຕມີຈິຕອື່ນຍິ່ງກວ່າ;
ຈິຕບໍ່ມີຈິຕອື່ນຍິ່ງກວ່າ ກໍຮູ້ວ່າ ຈິຕບໍ່ມີຈິຕອື່ນຍິ່ງກວ່າ;
ຈິຕຕັ້ງໝັ້ນ ກໍຮູ້ວ່າ ຈິຕຕັ້ງໝັ້ນ;
ຈິຕບໍ່ຕັ້ງໝັ້ນ ກໍຮູ້ວ່າ ຈິຕບໍ່ຕັ້ງໝັ້ນ;
ຈິຕຫລຸດພົ້ນ ກໍຮູ້ວ່າ ຈິຕຫລຸດພົ້ນ;
ຈິຕບໍ່ຫລຸດພົ້ນ ກໍຮູ້ວ່າ ຈິຕບໍ່ຫລຸດພົ້ນເຖີດ ດັ່ງນີ້,
ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງຣະນຶກເຖິງຊາຕກ່ອນໄດ້ເປັນອະເນກປະກາຣຄື ຣະນຶກໄດ້ຊາຕໜຶ່ງແດ່ ສອງຊາຕແດ່ ສາມຊາຕແດ່ ສີ່ຊາຕແດ່ ຫ້າຊາຕແດ່ ສິບຊາຕແດ່ ຊາວຊາຕແດ່ ສາມສິບຊາຕແດ່ ສີ່ສິບຊາຕແດ່ ຫ້າສິບຊາຕແດ່ ຮ້ອຍຊາຕແດ່ ພັນຊາຕແດ່ ແສນຊາຕແດ່ ຫລາຍສັງວັຕຕະກັປ ຫລາຍວິວັຕຕະກັປແດ່ ຫລາຍສັງວັຕຕະວິວັຕຕະກັປແດ່ ວ່າໃນພົພນັ້ນ ເຮົາມີຊື່ຢ່າງນັ້ນ ມີໂຄຕຢ່າງນັ້ນ ມີຜິວພັນຢ່າງນັ້ນ ມີອາຫາຣຢ່າງນັ້ນ ສະເຫວີຍສຸຂສະເຫວີຍທຸກຂ໌ຢ່າງນັ້ນ ມີກຳນົດອາຍຸເທົ່ານັ້ນ. ເຮົານັ້ນຈຸຕິຈາກພົພນັ້ນແລ້ວ ໄດ້ໄປບັງເກີດໃນພົພນັ້ນ ແມ່ນແຕ່ໃນພົພນັ້ນ ເຮົາກໍມີຊື່ຢ່າງນັ້ນ ມີໂຄຕຢ່າງນັ້ນ ມີຜິວພັນຢ່າງນັ້ນ ມີອາຫາຣຢ່າງນັ້ນ ສະເຫວີຍສຸຂສະເຫວີຍທຸກຂ໌ຢ່າງນັ້ນ ມີກຳນົດອາຍຸເທົ່ານັ້ນ ເຮົານັ້ນຈຸຕິຈາກພົພນັ້ນແລ້ວ ໄດ້ມາບັງເກີດໃນພົພນີ້ ຍ່ອມຣະນຶກເຖິງຊາຕກ່ອນໄດ້ເປັນອັນມາກ ພ້ອມທັງອາກາຣ ພ້ອມທັງອຸເທສ ດ້ວຍປະກາຣຢ່າງນີ້ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງມອງເຫັນໝູ່ສັຕທີ່ກຳລັງຈຸຕິ ກຳລັງອຸບັຕ ຕ່ຳຊາມ ປະນີຕ ມີຜິວພັນດີ ມີຜິວພັນຊາມ ໄດ້ດີ ຕົກຍາກດ້ວຍທິພພະຈັກຂຸອັນບໍຣິສຸທ ລ່ວງຈັກຂຸຂອງມະນຸສ ຍ່ອມຮູ້ຊັດເຊິ່ງໝູ່ສັຕຜູ້ເປັນໄປຕາມກັມວ່າ ສັຕເຫລົ່ານີ້ປະກອບດ້ວຍກາຍທຸຈະຣິຕ ວະຈີທຸຈະຣິຕ ມະໂນທຸຈະຣິຕ ຕິຕຽນພຣະອະຣິຍະເຈົ້າ ເປັນມິຈສາທິຕຖິ ຢຶດຖືກາຣກະທຳດ້ວຍອຳນາຈມິຈສາທິຕຖິ ເມື່ອແຕກກາຍຕາຍໄປ ເຂົາຍ່ອມເຂົ້າເຖິງອະບາຍ ທຸຄະຕິ ວິນິບາຕ ນະຣົກ. ສ່ວນສັຕເຫລົ່ານີ້ປະກອບດ້ວຍກາຍສຸຈະຣິຕ ວະຈີສຸຈະຣິຕ ມະໂນສຸຈະຣິຕ ບໍ່ຕິຕຽນພຣະອະຣິຍະເຈົ້າ ເປັນສັມມາທິຕຖິ ຢຶດຖືກາຣກະທຳດ້ວຍອຳນາຈສັມມາທິຕຖິ ເມື່ອແຕກກາຍຕາຍໄປ ເຂົາຍ່ອມເຂົ້າເຖິງສຸຄະຕິໂລກສວັນ ດັ່ງນີ້. ເຂົາຍ່ອມເຫັນໝູ່ສັຕທີ່ກຳລັງຈຸຕິ ກຳລັງອຸບັຕ ຕ່ຳຊາມ ປະນີຕ ມີຜິວພັນດີ ມີຜິວພັນຊາມ ໄດ້ດີ ຕົກຍາກດ້ວຍທິພພະຈັກຂຸອັນບໍຣິສຸທ ລ່ວງຈັກຂຸຂອງມະນຸສ ຍ່ອມຮູ້ຊັດເຊິ່ງໝູ່ສັຕທີ່ເປັນໄປຕາມກັມ ດ້ວຍປະກາຣຢ່າງນີ້ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງກະທຳໃຫ້ແຈ້ງເຊິ່ງເຈໂຕວິມຸຕ ປັນຍາວິມຸຕ ອັນຫາອາສະວະບໍ່ໄດ້ ເພາະອາສະວະທັງຫລາຍສິ້ນໄປດ້ວຍປັນຍາອັນຍິ່ງເອງໃນປັຈຈຸບັນເຂົ້າເຖິງຢູ່ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ຄຳທີ່ເຮົາກ່າວແລ້ວວ່າ ພິກຂຸທັງຫລາຍ ພວກເຈົ້າທັງຫລາຍຈົ່ງເປັນຜູ້ມີສີລສົມບູນ ມີປາຕິໂມກຂ໌ອັນສົມບູນຢູ່ເຖີດ ຈົ່ງເປັນຜູ້ສັງຣວມຣະວັງໃນປາຕິໂມກຂ໌ ເຖິງພ້ອມດ້ວຍອາຈາຣະແລະໂຄຈອຣຢູ່ເຖີດ ຈົ່ງເປັນຜູ້ມີປົກກະຕິເຫັນພັຍໃນໂທສທັງຫລາຍແມ່ນພຽງເລັກນ້ອຍ ສະມາທານສຶກສາຢູ່ໃນສິກຂາບົທທັງຫລາຍເຖີດ ດັ່ງນີ້, ຄຳນັ້ນ ເຮົາອາສັຍອຳນາຈປະໂຍຊນ໌ນີ້ແລ ກ່າວແລ້ວ.
ພຣະຜູ້ມີພຣະພາຄໄດ້ຕຣັສພາສິຕນີ້ແລ້ວ ພິກຂຸເຫລົ່ານັ້ນມີໃຈຊົມຊື່ນຍິນດີພຣະພາສິຕຂອງພຣະຜູ້ມີພຣະພາຄແລ.
ມັຊຊິມະນິກາຍ ມູລປັນນາສກ໌ ໑໒/໔໓/໗໓
ພິກຂຸທັງຫລາຍ! ພວກເຈົ້າທັງຫລາຍຈົ່ງເປັນຜູ້ມີສີລສົມບູນ ມີປາຕິໂມກຂ໌ອັນສົມບູນຢູ່ເຖີດ ຈົ່ງເປັນຜູ້ສັງຣວມຣະວັງໃນປາຕິໂມກຂ໌ ເຖິງພ້ອມດ້ວຍອາຈາຣະແລະໂຄຈອຣຢູ່ເຖີດ ຈົ່ງເປັນຜູ້ມີປົກກະຕິເຫັນພັຍໃນໂທສທັງຫລາຍແມ່ນພຽງເລັກນ້ອຍ ສະມາທານສຶກສາຢູ່ໃນສິກຂາບົທທັງຫລາຍເຖີດ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງເປັນທີ່ຮັກ ເປັນທີ່ພໍໃຈ ເປັນທີ່ເຄົາຣົພ ແລະເປັນທີ່ຍົກຍ້ອງຂອງເພື່ອນພຣົມມະຈັນຍ໌ທັງຫລາຍເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ(ອັຊຊັຕຕັນເຈໂຕສະມະຖະມະນຸຍຸຕໂຕ) ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງໄດ້ຈີວອຣ ບິນທະບາຕ ເສນາສະນະ ແລະຄິລານະປັຈຈັຍເພສັຊບໍຣິຂາຣ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາບໍຣິໂພຄຈີວອຣ ບິນທະບາຕ ເສນາສະນະ ແລະຄິລານະປັຈຈັຍເພສັຊບໍຣິຂາຣຂອງເທວະດາຫລືມະນຸສເຫລົ່າໃດ ສັກກາຣະຂອງເທວະດາແລະມະນຸສເຫລົ່ານັ້ນຈົ່ງມີຜົລຫລາຍ ມີອານິສົງສ໌ຫລາຍເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຍາຕສາຍໂລຫິຕຂອງເຮົາເຫລົ່າໃດທີ່ລ່ວງລັບທຳກາລະໄປແລ້ວ ມີຈິຕເຫລື້ອມໃສ ຣະນຶກເຖິງຢູ່ ຄວາມຣະນຶກເຖິງດ້ວຍຈິຕອັນເຫລື້ອມໃສຂອງຍາຕສາຍໂລຫິຕເຫລົ່ານັ້ນ ຈົ່ງມີຜົລຫລາຍ ມີອານິສົງສ໌ຫລາຍເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງເປັນຜູ້ຂົ່ມຄວາມຍິນດີແລະຄວາມບໍ່ຍິນດີໄດ້ ອີກຢ່າງໜຶ່ງ ຄວາມບໍ່ຍິນດີຢ່າຄອບງຳເຮົາໄດ້ເລີຍ ຂໍເຮົາຈົ່ງຄອບງຳຍ່ຳຍີຄວາມບໍ່ຍິນດີທີ່ເກີດຂຶ້ນແລ້ວໄດ້ຢູ່ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງເປັນຜູ້ຂົ່ມຄວາມຢ້ານກົວໄດ້ ອີກຢ່າງໜຶ່ງ ຄວາມຢ້ານກົວຢ່າຄອບງຳເຮົາໄດ້ເລີຍ ຂໍເຮົາຈົ່ງຄອບງຳຍ່ຳຍີຄວາມຢ້ານກົວທີ່ເກີດຂຶ້ນແລ້ວໄດ້ຢູ່ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງເປັນຜູ້ໄດ້ຕາມຄວາມປາຖນາ ໄດ້ໂດຍບໍ່ຍາກ ໂດຍບໍ່ລຳບາກເຊິ່ງຊານທັງ ໔ ອັນມີໃນຈິຕອັນຍິ່ງ ອັນເປັນເຄື່ອງຢູ່ເປັນສຸຂໃນປັຈຈຸບັນເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງຖືກຕ້ອງວິໂມກຂ໌ອັນລະອຽດເຊິ່ງບໍ່ມີຣູປ ເພາະລ່ວງຣູປສະມາບັຕດ້ວຍກາຍຢູ່ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງເປັນໂສດາບັນ ເພາະຄວາມສິ້ນໄປແຫ່ງສັງໂຍຊນ໌ ໓ ມີຄວາມບໍ່ຕົກຕ່ຳເປັນທັມມະດາ ເປັນຜູ້ທ່ຽງທີ່ຈະຕຣັສຮູ້ໃນເບື້ອງໜ້າເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງເປັນສະກະທາຄາມີ ເພາະຄວາມສິ້ນໄປແຫ່ງສັງໂຍຊນ໌ ໓ ແລະເພາະຣາຄະ ໂທສະ ໂມຫະ ເບົາບາງ ຍ່ອມມາສູ່ໂລກນີ້ອີກພຽງຄາວດຽວ ແລ້ວກະທຳທີ່ສຸດແຫ່ງທຸກຂ໌ໄດ້ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງເປັນອຸປປາຕິກະສັຕ ເພາະຄວາມສິ້ນໄປແຫ່ງໂອຣັມພາຄິຍະສັງໂຍຊນ໌ ໕ ຈັກປະຣິນິພພານໃນພົພນັ້ນ ມີກາຣບໍ່ກັບມາຈາກໂລກນັ້ນເປັນທັມມະດາເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງບັນລຸອິທທິວິທີຫລາຍປະກາຣຄື:
ຄົນດຽວເຮັດເປັນຫລາຍຄົນກໍໄດ້;
ຫລາຍຄົນເປັນຄົນດຽວກໍໄດ້;
ຫາຍໂຕໄປນອກຝາ ນອກກຳແພງ ນອກພູເຂົາໄດ້ໂດຍບໍ່ຕິດຂັດເໝືອນໄປໃນທີ່ວ່າງກໍໄດ້;
ກະທຳກາຣຜຸດຂຶ້ນຫລືມຸດລົງໃນແຜ່ນດິນເໝືອນໃນນ້ຳກໍໄດ້;
ເດີນເທິງນ້ຳບໍ່ແຕກເໝືອນເດີນເທິງແຜ່ນດິນກໍໄດ້;
ເຫາະໄປໃນອາກາສທັງໆທີ່ຍັງນັ່ງຄູ້ບັນລັງເໝືອນນົກກໍໄດ້; ລູບຄຳດວງຈັນທ໌ ດວງອາທິຕເຊິ່ງມີລິທຫລາຍ ມີອານຸພາບຫລາຍດ້ວຍຝາມືກໍໄດ້;
ໃຊ້ອຳນາຈທາງກາຍໄປຕລອດພຣົມມະໂລກກໍໄດ້ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງໄດ້ຍິນສຽງທັງ ໒ ຄື ສຽງທິພຍ໌ແລະສຽງມະນຸສທັງໃນທີ່ໄກແລະໃນທີ່ໃກ້ ດ້ວຍທິພພະໂສຕະ(ຫູທິບ) ອັນບໍຣິສຸທ ລ່ວງໂສຕະຂອງມະນຸສເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງກຳນົດຮູ້ໃຈຂອງສັຕອື່ນ ແລະບຸຄຄົລອື່ນໄດ້ດ້ວຍໃຈຄື:
ຈິຕມີຣາຄະ ກໍຮູ້ວ່າ ຈິຕມີຣາຄະ;
ຈິຕປາສະຈາກຣາຄະ ກໍຮູ້ວ່າ ຈິຕປາສະຈາກຣາຄະ;
ຈິຕມີໂທສະ ກໍຮູ້ວ່າ ຈິຕມີໂທສະ;
ຈິຕປາສະຈາກໂທສະ ກໍຮູ້ວ່າ ຈິຕປາສະຈາກໂທສະ;
ຈິຕມີໂມຫະ ກໍຮູ້ວ່າ ຈິຕມີໂມຫະ;
ຈິຕປາສະຈາກໂມຫະ ກໍຮູ້ວ່າ ຈິຕປາສະຈາກໂມຫະ;
ຈິຕຫົດຫູ່ ກໍຮູ້ວ່າ ຈິຕຫົດຫູ່;
ຈິຕຟຸ້ງຊ່ານ ກໍຮູ້ວ່າ ຈິຕຟຸ້ງຊ່ານ;
ຈິຕເປັນມະຫັຄຄະຕະ ກໍຮູ້ວ່າ ຈິຕເປັນມະຫັຄຄະຕະ;
ຈິຕບໍ່ເປັນມະຫັຄຄະຕະ ກໍຮູ້ວ່າ ຈິຕບໍ່ເປັນມະຫັຄຄະຕະ;
ຈິຕມີຈິຕອື່ນຍິ່ງກວ່າ ກໍຮູ້ວ່າ ຈິຕມີຈິຕອື່ນຍິ່ງກວ່າ;
ຈິຕບໍ່ມີຈິຕອື່ນຍິ່ງກວ່າ ກໍຮູ້ວ່າ ຈິຕບໍ່ມີຈິຕອື່ນຍິ່ງກວ່າ;
ຈິຕຕັ້ງໝັ້ນ ກໍຮູ້ວ່າ ຈິຕຕັ້ງໝັ້ນ;
ຈິຕບໍ່ຕັ້ງໝັ້ນ ກໍຮູ້ວ່າ ຈິຕບໍ່ຕັ້ງໝັ້ນ;
ຈິຕຫລຸດພົ້ນ ກໍຮູ້ວ່າ ຈິຕຫລຸດພົ້ນ;
ຈິຕບໍ່ຫລຸດພົ້ນ ກໍຮູ້ວ່າ ຈິຕບໍ່ຫລຸດພົ້ນເຖີດ ດັ່ງນີ້,
ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງຣະນຶກເຖິງຊາຕກ່ອນໄດ້ເປັນອະເນກປະກາຣຄື ຣະນຶກໄດ້ຊາຕໜຶ່ງແດ່ ສອງຊາຕແດ່ ສາມຊາຕແດ່ ສີ່ຊາຕແດ່ ຫ້າຊາຕແດ່ ສິບຊາຕແດ່ ຊາວຊາຕແດ່ ສາມສິບຊາຕແດ່ ສີ່ສິບຊາຕແດ່ ຫ້າສິບຊາຕແດ່ ຮ້ອຍຊາຕແດ່ ພັນຊາຕແດ່ ແສນຊາຕແດ່ ຫລາຍສັງວັຕຕະກັປ ຫລາຍວິວັຕຕະກັປແດ່ ຫລາຍສັງວັຕຕະວິວັຕຕະກັປແດ່ ວ່າໃນພົພນັ້ນ ເຮົາມີຊື່ຢ່າງນັ້ນ ມີໂຄຕຢ່າງນັ້ນ ມີຜິວພັນຢ່າງນັ້ນ ມີອາຫາຣຢ່າງນັ້ນ ສະເຫວີຍສຸຂສະເຫວີຍທຸກຂ໌ຢ່າງນັ້ນ ມີກຳນົດອາຍຸເທົ່ານັ້ນ. ເຮົານັ້ນຈຸຕິຈາກພົພນັ້ນແລ້ວ ໄດ້ໄປບັງເກີດໃນພົພນັ້ນ ແມ່ນແຕ່ໃນພົພນັ້ນ ເຮົາກໍມີຊື່ຢ່າງນັ້ນ ມີໂຄຕຢ່າງນັ້ນ ມີຜິວພັນຢ່າງນັ້ນ ມີອາຫາຣຢ່າງນັ້ນ ສະເຫວີຍສຸຂສະເຫວີຍທຸກຂ໌ຢ່າງນັ້ນ ມີກຳນົດອາຍຸເທົ່ານັ້ນ ເຮົານັ້ນຈຸຕິຈາກພົພນັ້ນແລ້ວ ໄດ້ມາບັງເກີດໃນພົພນີ້ ຍ່ອມຣະນຶກເຖິງຊາຕກ່ອນໄດ້ເປັນອັນມາກ ພ້ອມທັງອາກາຣ ພ້ອມທັງອຸເທສ ດ້ວຍປະກາຣຢ່າງນີ້ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງມອງເຫັນໝູ່ສັຕທີ່ກຳລັງຈຸຕິ ກຳລັງອຸບັຕ ຕ່ຳຊາມ ປະນີຕ ມີຜິວພັນດີ ມີຜິວພັນຊາມ ໄດ້ດີ ຕົກຍາກດ້ວຍທິພພະຈັກຂຸອັນບໍຣິສຸທ ລ່ວງຈັກຂຸຂອງມະນຸສ ຍ່ອມຮູ້ຊັດເຊິ່ງໝູ່ສັຕຜູ້ເປັນໄປຕາມກັມວ່າ ສັຕເຫລົ່ານີ້ປະກອບດ້ວຍກາຍທຸຈະຣິຕ ວະຈີທຸຈະຣິຕ ມະໂນທຸຈະຣິຕ ຕິຕຽນພຣະອະຣິຍະເຈົ້າ ເປັນມິຈສາທິຕຖິ ຢຶດຖືກາຣກະທຳດ້ວຍອຳນາຈມິຈສາທິຕຖິ ເມື່ອແຕກກາຍຕາຍໄປ ເຂົາຍ່ອມເຂົ້າເຖິງອະບາຍ ທຸຄະຕິ ວິນິບາຕ ນະຣົກ. ສ່ວນສັຕເຫລົ່ານີ້ປະກອບດ້ວຍກາຍສຸຈະຣິຕ ວະຈີສຸຈະຣິຕ ມະໂນສຸຈະຣິຕ ບໍ່ຕິຕຽນພຣະອະຣິຍະເຈົ້າ ເປັນສັມມາທິຕຖິ ຢຶດຖືກາຣກະທຳດ້ວຍອຳນາຈສັມມາທິຕຖິ ເມື່ອແຕກກາຍຕາຍໄປ ເຂົາຍ່ອມເຂົ້າເຖິງສຸຄະຕິໂລກສວັນ ດັ່ງນີ້. ເຂົາຍ່ອມເຫັນໝູ່ສັຕທີ່ກຳລັງຈຸຕິ ກຳລັງອຸບັຕ ຕ່ຳຊາມ ປະນີຕ ມີຜິວພັນດີ ມີຜິວພັນຊາມ ໄດ້ດີ ຕົກຍາກດ້ວຍທິພພະຈັກຂຸອັນບໍຣິສຸທ ລ່ວງຈັກຂຸຂອງມະນຸສ ຍ່ອມຮູ້ຊັດເຊິ່ງໝູ່ສັຕທີ່ເປັນໄປຕາມກັມ ດ້ວຍປະກາຣຢ່າງນີ້ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ພິກຂຸທັງຫລາຍ! ຖ້າພິກຂຸມີຄວາມຫວັງວ່າ ຂໍເຮົາຈົ່ງກະທຳໃຫ້ແຈ້ງເຊິ່ງເຈໂຕວິມຸຕ ປັນຍາວິມຸຕ ອັນຫາອາສະວະບໍ່ໄດ້ ເພາະອາສະວະທັງຫລາຍສິ້ນໄປດ້ວຍປັນຍາອັນຍິ່ງເອງໃນປັຈຈຸບັນເຂົ້າເຖິງຢູ່ເຖີດ ດັ່ງນີ້, ພິກຂຸນັ້ນຄວນກະທຳໃຫ້ບໍຣິບູນໃນສີລ ໝັ່ນປະກອບເນື່ອງໆເຊິ່ງຄວາມສງົບຈິຕໃນພາຍໃນ ບໍ່ກະທຳຊານໃຫ້ເຫີນຫ່າງ ປະກອບດ້ວຍວິປັສສນາ ພອກພູນສຸນຍາຄາຣ.
ຄຳທີ່ເຮົາກ່າວແລ້ວວ່າ ພິກຂຸທັງຫລາຍ ພວກເຈົ້າທັງຫລາຍຈົ່ງເປັນຜູ້ມີສີລສົມບູນ ມີປາຕິໂມກຂ໌ອັນສົມບູນຢູ່ເຖີດ ຈົ່ງເປັນຜູ້ສັງຣວມຣະວັງໃນປາຕິໂມກຂ໌ ເຖິງພ້ອມດ້ວຍອາຈາຣະແລະໂຄຈອຣຢູ່ເຖີດ ຈົ່ງເປັນຜູ້ມີປົກກະຕິເຫັນພັຍໃນໂທສທັງຫລາຍແມ່ນພຽງເລັກນ້ອຍ ສະມາທານສຶກສາຢູ່ໃນສິກຂາບົທທັງຫລາຍເຖີດ ດັ່ງນີ້, ຄຳນັ້ນ ເຮົາອາສັຍອຳນາຈປະໂຍຊນ໌ນີ້ແລ ກ່າວແລ້ວ.
ພຣະຜູ້ມີພຣະພາຄໄດ້ຕຣັສພາສິຕນີ້ແລ້ວ ພິກຂຸເຫລົ່ານັ້ນມີໃຈຊົມຊື່ນຍິນດີພຣະພາສິຕຂອງພຣະຜູ້ມີພຣະພາຄແລ.
ມັຊຊິມະນິກາຍ ມູລປັນນາສກ໌ ໑໒/໔໓/໗໓