ອານາປານະສະຕິລະໄດ້ເຊິ່ງຄວາມຄັບແຄ້ນ

ພິກຂຸທັງຫຼາຍ ! ເຈົ້າທັງຫຼາຍ

(໑) ຈົ່ງເປັນຜູ້ພິຈາລະນາເຫັນອາຣົມວ່າບໍ່ງາມໃນກາຍຢູ່
(໒) ຈົ່ງເຂົ້າໄປຕັ້ງອານາປານະສະຕິໄວ້ສະເພາະໜ້າ
ໃນພາຍໃນ
(໓) ຈົ່ງພິຈາລະນາເຫັນຄວາມບໍ່ທ່ຽງໃນສັງຂາຣທັງປວງ
ຢູ່ເຖີ້ນ.

ພິກຂຸທັງຫຼາຍ !
(໑) ເມື່ອເຈົ້າທັງຫຼາຍພິຈາລະນາເຫັນອາຣົມວ່າບໍ່ງາມໃນກາຍຢູ່ ຍ່ອມລະຣາຄານຸໄສ ໃນຄວາມເປັນທາດງາມໄດ້
(໒) ເມື່ອເຈົ້າທັງຫຼາຍເຂົ້າໄປຕັ້ງອານາປານະສະຕິໄວ້ສະເພາະໜ້າໃນພາຍໃນ ທັມເປັນທີ່ມານອນແຫ່ງວິຕົກທັງຫຼາຍ (ມິຈສາວິຕົກ) ໃນພາຍນອກ ອັນເປັນໄປໃນຝັກຝ່າຍແຫ່ງຄວາມຄັບແຄ້ນ ຍ່ອມບໍ່ມີ

(໓) ເມື່ອເຈົ້າທັງຫຼາຍພິຈາລະນາເຫັນຄວາມບໍ່ທ່ຽງໃນສັງຂາຣ ທັງປວງຢູ່ ຍ່ອມລະອະວິຊຊາໄດ້ ວິຊຊາຍ່ອມເກີດຂຶ້ນ.

ພິກຂຸຜູ້ພິຈາລະນາເຫັນອາຣົມວ່າບໍ່ງາມໃນກາຍ ມີສະຕິສະເພາະໃນລົມຫາຍໃຈ ມີຄວາມພຽນທຸກເມື່ອ ພິຈາລະນາເຫັນເຊິ່ງນິບພານ ອັນເປັນທີ່ລະງັບສັງຂາຣທັງປວງ

ພິກຂຸນັ້ນແລ
ຜູ້ເຫັນໂດຍຊອບ ພະຍາຍາມຢູ່ ຍ່ອມນ້ອມໄປໃນນິບພານ ອັນເປັນທີ່ລະງັບແຫ່ງສັງຂາຣທັງປວງ

ພິກຂຸນັ້ນແລ
ຜູ້ຢູ່ຈົບອະພິນຍາ ສະຫງົບລະງັບຂ້າມໂຢຄະເສຍໄດ້ແລ້ວ ຊື່ວ່າເປັນ ມຸນີ.

- ບາລີ ອິຕິວຸ. ຂຸ. ໒໕/໒໙໒-໒໙໓/໒໖໔.