ຄວາມສຳຄັນຂອງການຈະເຣີນພາວະນາ

ພິກຂຸທັງຫລາຍ ! ເມື່ອພິກຂຸບໍ່ໝັ່ນຈະເຣີນພາວະນາ ເຖິງຈະມີຄວາມປາຖະໜາຢ່າງນີ້ວ່າ: ໂອໜໍ ຂໍຈິດຂອງເຮົາຈົ່ງຫລຸດພົ້ນຈາກອາສະວະເພາະບໍ່ຖືໝັ້ນກໍຈິງ ແຕ່ຈິດຂອງພິກຂຸນັ້ນຍ່ອມບໍ່ຫລຸດພົ້ນຈາກອາສະວະເພາະບໍ່ຖືໝັ້ນ
ຂໍ້ນັ້ນເພາະເຫດໃດ?
- ເພາະບໍ່ໄດ້ຈະເຣີນ
ເພາະບໍ່ໄດ້ຈະເຣີນອັນໃດ?
- ເພາະບໍ່ໄດ້ຈະເຣີນສະຕິປັດຖານ 4, ສັມມັປປະທານ 4, ອິດທິບາດ 4, ອິນຊີ 5, ພະລະ 5, ໂພດຊົງ 7, ອະຣິຍະມັກປະກອບດ້ວຍອົງຄ໌ 8 ;

ປຽບເໝືອນແມ່ໄກ່ມີໄຂ່ຢູ່ 8 ໜ່ວຍແດ່, 10 ໜ່ວຍແດ່ 12 ໜ່ວຍແດ່, ໄຂ່ເຫລົ່ານັ້ນອັນແມ່ໄກ່ຟັກບໍ່ດີ ໃຫ້ຄວາມອົບອຸ່ນບໍ່ພໍ ເຖິງແມ່ໄກ່ນັ້ນຈະມີຄວາມປາຖະໜາຢ່າງນີ້ວ່າ ໂອໜໍ ຂໍລູກຂອງເຮົາຈົ່ງໃຊ້ປາຍເລັບຕີນ ຫລື ງອຍປາກເຈາະເປືອກໄຂ່ ຟັກຕົວອອກມາດ້ວຍຄວາມສະຫວັດດີກໍຈິງ ແຕ່ລູກໄກ່ເຫລົ່ານັ້ນກໍບໍ່ສາມາດທີ່ຈະໃຊ້ປາຍເລັບຕີນ ຫລື ງອຍປາກເຈາະເປືອກໄຂ່ ຟັກຕົວອອກມາດ້ວຍຄວາມສະຫວັດດີໄດ້
ຂໍ້ນັ້ນເພາະເຫດໃດ?
- ເພາະແມ່ໄກ່ຟັກບໍ່ດີ ໃຫ້ຄວາມອົບອຸ່ນບໍ່ພໍ ສັນນັ້ນ.