ຄວາມເກີດຂຶ້ນແຫ່ງອາຍະຕະນະນັ້ນຄືຄວາມເກີດຂຶ້ນແຫ່ງທຸກ

ພິກຂຸ ທ. ! ການເກີດຂຶ້ນ ການຕັ້ງຢູ່ ການເກີດໂດຍຍິ່ງ ການປາກົດແຫ່ງຈັກຂຸ, ອັນໃດ ; ອັນນັ້ນ ເປັນການເກີດຂຶ້ນ ແຫ່ງທຸກຂ໌ ເປັນການຕັ້ງຢູ່ ແຫ່ງໂຣຄາ ເປັນການປາກົດອອກ ແຫ່ງຊະຣາ ແລະມະຣະນະ.

(ໃນກໍລະນີ ແຫ່ງໂສຕະ ຄານະ ຊິວຫາ ກາຍະ ແລະມະນະ ກໍຕຣັດໄວ້ ໂດຍຂໍ້ຄວາມເຊັ່ນດຽວກັນກັບ ໃນກໍລະນີແຫ່ງຈັກຂຸ.)

ຄໍາວ່າເກີດຂຶ້ນ ໃນກໍລະນີເຊັ່ນນີ້ ໝາຍຄວາມວ່າສິ່ງນັ້ນໆ ເຮັດໜ້າທີ່ຂອງມັນຕາມອໍານາດຂອງອະວິຊຊາ.

ໃນສູຕອື່ນໆ ແທນທີ່ຈະຊົງສະແດງ ດ້ວຍອາຍະຕະນະພາຍໃນເຊັ່ນນີ້ ໄດ້ຊົງສະແດງໄວ້ດ້ວຍອາຍະຕະນະພາຍນອກຫົກ ວິນຍານຫົກ ຜັສສະຫົກ ເວທະນາຫົກ ສັນຍາຫົກ ສັນເຈຕະນາຫົກ ຕັນຫາຫົກ ທາຕຫົກ ແລະຂັນທ໌ຫ້າ.

ນອກຈາກນັ້ນຍັງ ໄດ້ຊົງສະແດງຝ່າຍດັບໂດຍປະຕິປັກຂະນັຍ ເປັນຄວາມດັບບໍ່ເຫຼືອແຫ່ງທຸກຂ໌ ຄວາມເຂົ້າໄປສະຫງົບແຫ່ງໂຣຄາ ຄວາມຕັ້ງຢູ່ບໍ່ໄດ້ ແຫ່ງຊະຣາມະຣະນະ ກົງກັນຂ້າມຈາກຂໍ້ຄວາມຝ່າຍເກີດທຸກໆຂໍ້ ດ້ວຍຊຶ່ງຜູ້ສຶກສາ ອາດກໍານົດໄດ້ດ້ວຍຕົນເອງ.

- ຂັນທະ. ສັງ. ໑໗/໒໘໓-໒໘໗/໔໗໙-໔໙໘.