ຊົງສະແດງລັກສະນະຄວາມທຸກ(ອີກປະຣິຍາຍໜຶ່ງ)

“ຂ້າແຕ່ພຣະໂຄດົມຜູ້ຈະເຣີນ ! ຄໍາວ່າ ‘ທຸກຂ໌ ທຸກຂ໌’ ດັ່ງນີ້ ເປັນຄໍາທີ່ເຂົາກ່າວກັນຢູ່ ‘ທຸກຂ໌’ ນັ້ນ ເປັນແນວໃດ ຂ້ານ້ອຍ ?”

ຣາທະ ! ຮູບ ແລ ເປັນທຸກຂ໌, ເວທະນາ ເປັນທຸກຂ໌, ສັນຍາ ເປັນທຸກຂ໌, ສັງຂາຣ ທ. ເປັນທຸກຂ໌, ວິນຍານ ເປັນທຸກຂ໌.

ຣາທະ ! ອະຣິຍະສາວົກ ຜູ້ໄດ້ສະດັບເຫັນຢູ່ເຊັ່ນນີ້ ຍ່ອມເບື່ອໜ່າຍ ແມ່ນແຕ່ໃນຮູບ ແມ່ນແຕ່ໃນເວທະນາ ແມ່ນແຕ່ໃນສັນຍາ ແມ່ນແຕ່ໃນສັງຂາຣ ທ. ແມ່ນແຕ່ໃນວິນຍານ....
- ຂັນທ. ສັງ. ໑໗/໒໔໐/໓໘໑.

(ໃນສູຕອື່ນ (໑໗/໒໔໐/໓໘໒) ໄດ້ຕຣັດເອີ້ນ ສິ່ງທີ່ເອີ້ນວ່າທຸກຂ໌ ວ່າທຸກຂະທັມ ຄື ມີທຸກຂ໌ເປັນທັມມະດາ).

ຊົງສະແດງລັກສະນະແຫ່ງຄວາມທຸກຂ໌ (ອີກປະຣິຍາຍໜຶ່ງ)

“ຂ້າແຕ່ພຣະໂຄດົມຜູ້ຈະເຣີນ ! ຄໍາວ່າ ‘ທຸກຂ໌ ທຸກຂ໌’ ດັ່ງນີ້ ເປັນຄໍາ ທີ່ເຂົາກ່າວກັນຢູ່. ທຸກຂ໌ ຫຼື ການບັນຍັຕວ່າ ທຸກຂ໌ ຍ່ອມມີໄດ້ ດ້ວຍເຫຕ ມີປະມານເທົ່າໃດ ຂ້ານ້ອຍ ?”

ສະມິດທິ ! ຈັກຂຸ ຮູບ ຈັກຂຸວິນຍານ ທັມທີ່ຕ້ອງຮູ້ແຈ້ງດ້ວຍຈັກຂຸວິນຍານ ມີຢູ່ໃນບ່ອນໃດ, ທຸກຂ໌ ຫຼືການບັນຍັຕວ່າ ທຸກຂ໌ ຍ່ອມມີຢູ່ໃນບ່ອນນັ້ນ.

(ໃນກໍລະນີແຫ່ງ ໂສຕະ ຄານະ ຊິວຫາ ກາຍະ ແລະມະນະ ກໍໄດ້ຕຣັດໄວ້ໂດຍຂໍ້ຄວາມມີລັກສະນະເຊັ່ນດຽວກັນ ກັບກໍລະນີແຫ່ງຈັກຂຸນີ້).

- ສະລາ. ສັງ. ໑໘/໔໘/໗໔.