ການສົງເຄາະບໍລິສັດ

ສະໄຫມໜຶ່ງ ພະຜູ້ມີພະພາກປະທັບຢູ່ ທີ່ອັກຄາລະວະເຈດີຍ ໃກ້ເມືອງອາລະວີ ຫັດຖະກະອຸບາສົກຊາວເມືອງອາລະວີ ຜູ້ມີອຸບາສົກແວດລ້ອມປະມານ ໕໐໐ ຄົນ ໄດ້ມາເຂົ້າເຝົ້າພະຜູ້ມີພະພາກ
ພະອົງຕັດຖາມຫັດຖະກະອຸບາສົກ ວ່າທ່ານສົງເຄາະບໍລິສັດໃຫຍ່ນີ້ຢ່າງໃດ
ຫັດຖະກະອຸບາສົກຕອບວ່າ ຕົນສົງເຄາະບໍລິສັດດ້ວຍສັງຄະຫະວັດຖຸ ໔ ປະການ ຄື ຮູ້ວ່າຜູ້ໃດຄວນສົງເຄາະດ້ວຍທານ ກໍໃຫ້ທານ ດ້ວຍວາຈາອ່ອນຫວານ ກໍໃຫ້ວາຈາອ່ອນຫວານ ດ້ວຍການປະພຶດສິ່ງທີ່ເປັນປະໂຫຍດ ກໍປະພຶດສິ່ງທີ່ເປັນປະໂຫຍດ ຫລືດ້ວຍການວາງຕົວເສມີ ກໍໃຫ້ການວາງຕົວເສມີ ແລະຕະກູນຂອງຕົນມີໂພກທະຮັບ ຊົນທັ້ງຫລາຍຈຶ່ງຟັງຖ້ອຍຄຳຂອງຕົນ ບໍ່ຄືຂອງຄົນຈົນ
ພະພຸດທະອົງທົງຕັດວ່າ ສັງຄະຫະວັດຖຸ ໔ ປະການນີ້ ເປັນອຸບາຍທີ່ໃຊ້ສົງເຄາະບໍລິສັດໃຫຍ່ ທັ້ງໃນອະດີດການ ປັດຈຸບັນ ແລະອະນາຄົດການ
ພາຍຫລັງຈາກຫັດຖະກະອຸບາສົກກັບໄປແລ້ວ ພະຜູ້ມີພະພາກຕັດກັບພິກສຸທັ້ງຫລາຍວ່າ ໃຫ້ທົງຈຳວ່າ ຫັດຖະກະອຸບາສົກ ເປັນຜູ້ປະກອບດ້ວຍທັມທີ່ນ່າອັດສະຈັນອັນບໍ່ເຄີຍມີມາ ໘ ປະການ ຄື ເປັນຜູ້ມີສັດທາ ມີສິນ ມີຫິລິ ມີໂອຕຕັບປະ ເປັນພະຫູສູດ ມີຈາຄະ ມີປັນຍາ ແລະມີຄວາມປາຖະນານ້ອຍ

**ອ້າງອິງ**
ພະສຸດຕັນຕະປິຎົກເຫຼັ້ມທີ່ ໑໕ ຂໍ້ທີ່ [໑໑໔] ຫັດຖະກະສູດທີ່ ໒