ລັກສະນະແຫ່ງກາມະຕັນຫາ

ພິກຂຸ ທ. ! ກາມະໂຢຄະ (ການປະກອບຢູ່ດ້ວຍກາມ) ເປັນແນວໃດໜໍ ? ພິກຂຸ ທ. ! ບຸຄຄົລບາງຄົນໃນໂລກນີ້ ຍ່ອມບໍ່ຮູ້ແຈ່ມແຈ້ງ ຕາມທີ່ເປັນຈິງ ຊຶ່ງຄວາມກໍ່ຂຶ້ນແຫ່ງ ກາມທັງຫຼາຍ ຊຶ່ງຄວາມດັບໄປແຫ່ງກາມທັງຫຼາຍ ຊຶ່ງສະເໜ່ແຫ່ງກາມທັງຫຼາຍ ຊຶ່ງໂທດແຫ່ງກາມທັງຫຼາຍ ແລະຊຶ່ງອຸບາຍເຄື່ອງອອກພົ້ນໄປໄດ້ຈາກກາມທັງຫຼາຍ. ພິກຂຸ ທ. ! ເມື່ອເຂົາບໍ່ຮູ້ຢູ່ເຍື່ອງນັ້ນ, ຄວາມກໍາໜັດໃນກາມ ຄວາມເພີນໃນກາມ ຄວາມສະເໜ່ຫາໃນກາມ ຄວາມສະຢົບໃນກາມ ຄວາມຢາກໃນກາມ ຄວາມຮ້ອນເອົ້າເພາະກາມ ຄວາມໝົກໝຸ້ນໃນກາມ ແລະກາມະຕັນຫາໃນກາມທັງຫຼາຍ ຍ່ອມນອນອາໄສຢູ່ ໃນບຸຄຄົລນັ້ນ. ພິກຂຸ ທ. ! ນີ້ ເຮົາເອີ້ນວ່າ ກາມະໂຍຄະ, ດັ່ງນີ້ແລ.

- ຈຕຸກກະ. ອັງ. ໒໑/໑໓/໑໐.