ການວາງລໍາດັບໃໝ່ ບໍ່ມີເຫດຜົລເລີຍ

ແນະພິກຂຸ ! ການທີ່ຜູ້ໃດ ຈະເປັນສະມະນະຫຼືພຣາມກໍຕາມ ຈະຍ່ອມກ່າວວ່າ “ອະຣິຍະສັຈຈ໌ທີ່ພຣະສະມະນະໂຄດົມ ສະແດງທຸກຂ໌ ໄວ້ເປັນຂໍ້ທີໜຶ່ງ, ເຫຕໃຫ້ເກີດແຫ່ງທຸກຂ໌ ໄວ້ເປັນຂໍ້ທີສອງ, ຄວາມດັບບໍ່ເຫຼືອແຫ່ງທຸກຂ໌ ໄວ້ເປັນຂໍ້ທີສາມ, ແລະທາງດໍາເນີນໃຫ້ເຖິງຄວາມດັບບໍ່ເຫຼືອແຫ່ງທຸກຂ໌ ໄວ້ເປັນຂໍ້ທີສີ່ ນັ້ນ ເປັນໄປບໍ່ໄດ້, ເຮົາຄັດຄ້ານ, ເຮົາບັນຍັຕເປັນເຍື່ອງອື່ນ” ດັ່ງນີ້ ຈະເປັນຄໍາມີເຫຕຜົລ ເປັນຫຼັກຖານບໍ່ໄດ້ເລີຍ.

ແນະພິກຂຸ ! ເຈົ້າຈົ່ງຊົງຈຳອະຣິຍະສັຈຈ໌ສີ່ ອັນເຮົາສະແດງແລ້ວ ໂດຍປະການທີ່ສະແດງແລ້ວ ເຊັ່ນນັ້ນໆ ເຖີ້ນ.

ແນະພິກຂຸ ! ເພາະເຫຕນັ້ນ ໃນກໍລະນີນີ້ ພວກເຈົ້າຕ້ອງຕັ້ງຄວາມພຽນເພື່ອໃຫ້ຮູ້ຕາມເປັນຈິງວ່າ “ນີ້ເປັນທຸກຂ໌, ນີ້ເປັນເຫຕໃຫ້ເກີດຂຶ້ນແຫ່ງທຸກຂ໌, ນີ້ເປັນຄວາມດັບບໍ່ເຫຼືອແຫ່ງທຸກຂ໌, ນີ້ເປັນທາງດໍາເນີນໃຫ້ເຖິງຄວາມດັບບໍ່ເຫຼືອແຫ່ງທຸກຂ໌,” ດັ່ງນີ້ເຖີ້ນ.

- ມຫາວາຣ. ສັງ. ໑໙/໕໓໘/໑໖໙໓.