ຕຣັດວ່າຈົ່ງຈະເຣີນສະມາທິ ຈະຮູ້ອະຣິຍະສັດຕາມເປັນຈິງ

ພິກຂຸ ທ. ! ພວກເຈົ້າທັງຫຼາຍຈົ່ງຈະເຣີນສະມາທິເຖີ້ນ. ພິກຂຸ ທ. ! ພິກຂຸ ຜູ້ມີຈິຕເປັນສະມາທິແລ້ວ ຍ່ອມຮູ້ໄດ້ຕາມເປັນຈິງ. ຮູ້ໄດ້ຕາມເປັນຈິງຊຶ່ງອັນໃດໜໍ ? ຮູ້ໄດ້ຕາມເປັນຈິງ ຊຶ່ງຄວາມຈິງອັນປະເສີດວ່າ “ນີ້ເປັນທຸກຂ໌, ນີ້ເປັນເຫຕໃຫ້ເກີດແຫ່ງທຸກຂ໌, ນີ້ເປັນຄວາມດັບບໍ່ເຫຼືອແຫ່ງທຸກຂ໌ ແລະນີ້ເປັນທາງດໍາເນີນໃຫ້ເຖິງຄວາມດັບບໍ່ເຫຼືອແຫ່ງທຸກຂ໌;” ດັ່ງນີ້. ພິກຂຸ ທ. ! ພວກເຈົ້າທັງຫຼາຍຈົ່ງຈະເຣີນສະມາທິເຖີ້ນ. ພິກຂຸ ທ. ! ພິກຂຸຜູ້ມີຈິຕເປັນສະມາທິແລ້ວ ຍ່ອມຮູ້ໄດ້ຕາມເປັນຈິງ.
ພິກຂຸ ທ. ! ເພາະເຫຕນັ້ນ ໃນກໍລະນີນີ້ ພວກເຈົ້າຈົ່ງຕັ້ງຄວາມພຽນເພື່ອໃຫ້ຮູ້ຕາມເປັນຈິງວ່າ “ນີ້ເປັນທຸກຂ໌, ນີ້ເປັນເຫຕໃຫ້ເກີດຂຶ້ນແຫ່ງທຸກຂ໌, ນີ້ເປັນຄວາມດັບບໍ່ເຫຼືອແຫ່ງທຸກຂ໌, ນີ້ເປັນທາງດໍາເນີນໃຫ້ເຖິງຄວາມດັບບໍ່ເຫຼືອແຫ່ງທຸກຂ໌;” ດັ່ງນີ້ເຖີ້ນ.

- ມຫາວາຣ. ສັງ. ໑໙/໕໒໐/໑໖໕໔.