ພຣະສູດ 
ຖືກໃຈ 
ປື້ມ 
Video 
ປະຕິທິນ 
ພຣະທັມ 
ຕິດຕໍ່ ອະຣິຍະມັກມີອົງແປດ
ອະຣິຍະສັດ 4
ພິກຂຸທັງຫຼາຍ ! ກໍ ອະຣິຍະສັຈ ຄື ຫົນທາງເປັນເຄື່ອງໃຫ້ເຖິງຊຶ່ງຄວາມດັບບໍ່ເຫຼືອແຫ່ງທຸກຂ໌ເປັນແນວໃດໜໍ ?
ຄື ຫົນທາງອັນປະກອບດ້ວຍອົງຄ໌ແປດອັນປະເສີດນັ້ນເອງ.
ອົງຄ໌ແປດ ຄື: -
ຄວາມເຫັນຖືກຕ້ອງ ຄວາມດຳຣິຖືກຕ້ອງ
ວາຈາຖືກຕ້ອງ ການງານຖືກຕ້ອງ ອາຊີວະຖືກຕ້ອງ
ຄວາມພຽນຖືກຕ້ອງ ຄວາມລະນຶກຖືກຕ້ອງ ຄວາມຕັ້ງໃຈໝັ້ນຖືກຕ້ອງ.
ພິກຂຸທັງຫຼາຍ ! ຄວາມເຫັນຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ຄວາມຮູ້ໃນທຸກຂ໌ ຄວາມຮູ້ໃນເຫຕໃຫ້ເກີດທຸກຂ໌ ຄວາມຮູ້ໃນຄວາມດັບບໍ່ເຫຼືອແຫ່ງທຸກຂ໌ ຄວາມຮູ້ໃນຫົນທາງເປັນເຄື່ອງໃຫ້ລຸເຖິງຊຶ່ງຄວາມດັບບໍ່ເຫຼືອແຫ່ງທຸກຂ໌
ອັນໃດ. ນີ້ເຮົາເອີ້ນວ່າ ຄວາມເຫັນຖືກຕ້ອງ.
ພິກຂຸທັງຫຼາຍ ! ຄວາມດຳຣິຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ຄວາມດຳຣິໃນການອອກຈາກກາມຄວາມດຳຣິໃນການບໍ່ພະຍາບາດ ຄວາມດຳຣິໃນການບໍ່ບຽດບຽນ. ນີ້ເຮົາເອີ້ນວ່າ ຄວາມດຳຣິຖືກຕ້ອງ.
ພິກຂຸທັງຫຼາຍ ! ວາຈາຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ການເວັ້ນຈາກການເວົ້າຕົວະ ການເວັ້ນຈາກການເວົ້າຍຸແຍ່ໃຫ້ແຕກກັນ ການເວັ້ນຈາກການເວົ້າຄໍາຫຍາບ ການເວັ້ນຈາກການເວົ້າໂລເລ. ນີ້ເຮົາເອີ້ນວ່າ ວາຈາຖືກຕ້ອງ.
ພິກຂຸທັງຫຼາຍ ! ການງານຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ການເວັ້ນຈາກການຂ້າສັຕ ການເວັ້ນຈາກການຖືເອົາສິ່ງຂອງທີ່ເຈົ້າຂອງບໍ່ໄດ້ໃຫ້ ການເວັ້ນຈາກການປະພຶດຜິດໃນກາມທັງຫຼາຍ. ນີ້ເຮົາເອີ້ນວ່າ ການງານຖືກຕ້ອງ.
ພິກຂຸທັງຫຼາຍ ! ອາຊີວະຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ອະຣິຍະສາວົກໃນກໍລະນີນີ້ ລະການຫາລ້ຽງຊີບທີ່ຜິດເສຍ ສຳເລັດຄວາມເປັນຢູ່ດ້ວຍການຫາລ້ຽງຊີບທີ່ຖືກຕ້ອງ. ນີ້ເຮົາເອີ້ນວ່າ ອາຊີວະຖືກຕ້ອງ.
ພິກຂຸທັງຫຼາຍ ! ຄວາມພຽນຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ພິກຂຸໃນກໍລະນີນີ້ ຍ່ອມປຸກຄວາມພໍໃຈ ຍ່ອມພະຍາຍາມ ຍ່ອມປາຣົບຄວາມພຽນ ຍ່ອມປະຄອງຈິຕຍ່ອມຕັ້ງຈິຕໄວ້ ເພື່ອຄວາມບໍ່ບັງເກີດຂຶ້ນແຫ່ງອະກຸສົລທັມທັງຫຼາຍອັນເປັນບາບ ທີ່ຍັງບໍ່ໄດ້ບັງເກີດ; ຍ່ອມປຸກຄວາມພໍໃຈ ຍ່ອມພະຍາຍາມ ຍ່ອມປາຣົບຄວາມພຽນ ຍ່ອມປະຄອງຈິຕ ຍ່ອມຕັ້ງຈິຕໄວ້ ເພື່ອການລະເສຍຊຶ່ງອະກຸສົລທັມທັງຫຼາຍອັນເປັນບາບ ທີ່ບັງເກີດຂຶ້ນແລ້ວ; ຍ່ອມປຸກຄວາມພໍໃຈ ຍ່ອມພະຍາຍາມ ຍ່ອມປາຣົບຄວາມພຽນ ຍ່ອມປະຄອງຈິຕ ຍ່ອມຕັ້ງຈິຕໄວ້ ເພື່ອການບັງເກີດຂຶ້ນແຫ່ງກຸສົລທັມທັງຫຼາຍທີ່ຍັງບໍ່ໄດ້ບັງເກີດ; ຍ່ອມປຸກຄວາມພໍໃຈ ຍ່ອມພະຍາຍາມ ຍ່ອມປາຣົບຄວາມພຽນ ຍ່ອມປະຄອງຈິຕ ຍ່ອມຕັ້ງຈິຕໄວ້ເພື່ອຄວາມຍືນຍົງ ຄວາມບໍ່ລືມເລືອນ ຄວາມງອກງາມຍິ່ງຂຶ້ນ ຄວາມໄພບູນ ຄວາມຈະເຣີນ ຄວາມເຕັມຮອບແຫ່ງກຸສົລທັມທັງຫຼາຍ ທີ່ບັງເກີດຂຶ້ນແລ້ວ. ນີ້ເຮົາເອີ້ນວ່າ ຄວາມພຽນຖືກຕ້ອງ.
ພິກຂຸທັງຫຼາຍ ! ຄວາມລະນຶກຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ພິກຂຸໃນກໍລະນີນີ້ ເປັນຜູ້ມີປົກກະຕິພິຈາຣະນາເຫັນກາຍໃນກາຍຢູ່, ມີຄວາມພຽນເຄື່ອງເຜົາກິເລສ ມີຄວາມຮູ້ສຶກຕົວທົ່ວພ້ອມ ມີສະຕິ ນຳຄວາມພໍໃຈແລະຄວາມບໍ່ພໍໃຈໃນໂລກອອກເສຍໄດ້; ເປັນຜູ້ມີປົກກະຕິພິຈາຣະນາເຫັນເວທະນາໃນເວທະນາທັງຫຼາຍຢູ່, ມີຄວາມພຽນເຄື່ອງເຜົາກິເລສ ມີຄວາມຮູ້ສຶກຕົວທົ່ວພ້ອມ ມີສະຕິ ນຳຄວາມພໍໃຈແລະຄວາມບໍ່ພໍໃຈໃນໂລກອອກເສຍໄດ້; ເປັນຜູ້ມີປົກກະຕິພິຈາຣະນາເຫັນຈິຕໃນຈິຕຢູ່, ມີຄວາມພຽນເຄື່ອງເຜົາກິເລສ ມີຄວາມຮູ້ສຶກຕົວທົ່ວພ້ອມ ມີສະຕິ ນຳຄວາມພໍໃຈແລະຄວາມບໍ່ພໍໃຈໃນໂລກອອກເສຍໄດ້; ເປັນຜູ້ມີປົກກະຕິພິຈາຣະນາເຫັນທັມໃນທັມທັງຫຼາຍຢູ່, ມີຄວາມພຽນເຄື່ອງເຜົາ ກິເລສ ມີຄວາມຮູ້ສຶກຕົວທົ່ວພ້ອມມີສະຕິ ນຳຄວາມພໍໃຈແລະຄວາມບໍ່ພໍໃຈໃນໂລກອອກເສຍໄດ້. ນີ້ເຮົາເອີ້ນວ່າ ຄວາມລະນຶກຖືກຕ້ອງ.
ພິກຂຸທັງຫຼາຍ ! ຄວາມຕັ້ງໃຈໝັ້ນຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ພິກຂຸໃນກໍລະນີນີ້ ສະງັດແລ້ວຈາກກາມທັງຫຼາຍ ສະງັດແລ້ວຈາກອະກຸສົລທັມທັງຫຼາຍ ເຂົ້າເຖິງຊານທີໜຶ່ງ ອັນມີວິຕົກວິຈາຣ ມີປີຕິແລະສຸຂອັນເກີດແຕ່ວິເວກແລ້ວແລຢູ່. ເພາະວິຕົກວິຈາຣລະງັບລົງ, ເຂົາເຂົ້າເຖິງຊານທີສອງອັນເປັນເຄື່ອງຜ່ອງໃສແຫ່ງໃຈໃນພາຍໃນ ໃຫ້ສະມາທິເປັນທັມອັນເອກຜຸດຂຶ້ນ ບໍ່ມີວິຕົກ ບໍ່ມີວິຈາຣ ມີແຕ່ປີຕິແລະສຸຂອັນເກີດແຕ່ສະມາທິ ແລ້ວແລຢູ່. ເພາະປີຕິຈາງຫາຍໄປ, ເຂົາເປັນຜູ້ເພັ່ງເສີຍຢູ່ໄດ້ ມີສະຕິ ມີຄວາມຮູ້ສຶກຕົວທົ່ວພ້ອມ ແລະໄດ້ສະເຫວີຍສຸຂດ້ວຍກາຍ ຍ່ອມເຂົ້າເຖິງຊານທີສາມ ອັນເປັນຊານທີ່ພຣະອະຣິຍະເຈົ້າທັງຫຼາຍ ກ່າວສັນເສີນຜູ້ໄດ້ບັນລຸວ່າ “ເປັນຜູ້ເສີຍຢູ່ໄດ້ ມີສະຕິ ມີຄວາມຢູ່ເປັນປົກກະຕິສຸຂ” ແລ້ວແລຢູ່. ເພາະລະສຸຂແລະທຸກຂ໌ເສຍໄດ້ ແລະເພາະຄວາມດັບຫາຍໄປແຫ່ງໂສມະນັສແລະໂທມະນັສໃນກາລກ່ອນ ເຂົາຍ່ອມເຂົ້າເຖິງຊານທີສີ່ ອັນບໍ່ທຸກຂ໌ແລະບໍ່ສຸຂ ມີແຕ່ສະຕິອັນບໍຣິສຸດ ເພາະອຸເປກຂາ ແລ້ວແລຢູ່. ນີ້ເຮົາເອີ້ນວ່າ ຄວາມຕັ້ງໃຈໝັ້ນຖືກຕ້ອງ.
ພິກຂຸທັງຫຼາຍ ! ເຫຼົ່ານີ້ແລ ເອີ້ນວ່າ ອະຣິຍະສັຈ ຄືຫົນທາງເປັນເຄື່ອງໃຫ້ລຸເຖິງຊຶ່ງຄວາມດັບບໍ່ເຫຼືອແຫ່ງທຸກຂ໌.
- ບາລີ ສັກກ. ອັງ. ໒໒/໔໙໐/໓໖໖.
ຄື ຫົນທາງອັນປະກອບດ້ວຍອົງຄ໌ແປດອັນປະເສີດນັ້ນເອງ.
ອົງຄ໌ແປດ ຄື: -
ຄວາມເຫັນຖືກຕ້ອງ ຄວາມດຳຣິຖືກຕ້ອງ
ວາຈາຖືກຕ້ອງ ການງານຖືກຕ້ອງ ອາຊີວະຖືກຕ້ອງ
ຄວາມພຽນຖືກຕ້ອງ ຄວາມລະນຶກຖືກຕ້ອງ ຄວາມຕັ້ງໃຈໝັ້ນຖືກຕ້ອງ.
ພິກຂຸທັງຫຼາຍ ! ຄວາມເຫັນຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ຄວາມຮູ້ໃນທຸກຂ໌ ຄວາມຮູ້ໃນເຫຕໃຫ້ເກີດທຸກຂ໌ ຄວາມຮູ້ໃນຄວາມດັບບໍ່ເຫຼືອແຫ່ງທຸກຂ໌ ຄວາມຮູ້ໃນຫົນທາງເປັນເຄື່ອງໃຫ້ລຸເຖິງຊຶ່ງຄວາມດັບບໍ່ເຫຼືອແຫ່ງທຸກຂ໌
ອັນໃດ. ນີ້ເຮົາເອີ້ນວ່າ ຄວາມເຫັນຖືກຕ້ອງ.
ພິກຂຸທັງຫຼາຍ ! ຄວາມດຳຣິຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ຄວາມດຳຣິໃນການອອກຈາກກາມຄວາມດຳຣິໃນການບໍ່ພະຍາບາດ ຄວາມດຳຣິໃນການບໍ່ບຽດບຽນ. ນີ້ເຮົາເອີ້ນວ່າ ຄວາມດຳຣິຖືກຕ້ອງ.
ພິກຂຸທັງຫຼາຍ ! ວາຈາຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ການເວັ້ນຈາກການເວົ້າຕົວະ ການເວັ້ນຈາກການເວົ້າຍຸແຍ່ໃຫ້ແຕກກັນ ການເວັ້ນຈາກການເວົ້າຄໍາຫຍາບ ການເວັ້ນຈາກການເວົ້າໂລເລ. ນີ້ເຮົາເອີ້ນວ່າ ວາຈາຖືກຕ້ອງ.
ພິກຂຸທັງຫຼາຍ ! ການງານຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ການເວັ້ນຈາກການຂ້າສັຕ ການເວັ້ນຈາກການຖືເອົາສິ່ງຂອງທີ່ເຈົ້າຂອງບໍ່ໄດ້ໃຫ້ ການເວັ້ນຈາກການປະພຶດຜິດໃນກາມທັງຫຼາຍ. ນີ້ເຮົາເອີ້ນວ່າ ການງານຖືກຕ້ອງ.
ພິກຂຸທັງຫຼາຍ ! ອາຊີວະຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ອະຣິຍະສາວົກໃນກໍລະນີນີ້ ລະການຫາລ້ຽງຊີບທີ່ຜິດເສຍ ສຳເລັດຄວາມເປັນຢູ່ດ້ວຍການຫາລ້ຽງຊີບທີ່ຖືກຕ້ອງ. ນີ້ເຮົາເອີ້ນວ່າ ອາຊີວະຖືກຕ້ອງ.
ພິກຂຸທັງຫຼາຍ ! ຄວາມພຽນຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ພິກຂຸໃນກໍລະນີນີ້ ຍ່ອມປຸກຄວາມພໍໃຈ ຍ່ອມພະຍາຍາມ ຍ່ອມປາຣົບຄວາມພຽນ ຍ່ອມປະຄອງຈິຕຍ່ອມຕັ້ງຈິຕໄວ້ ເພື່ອຄວາມບໍ່ບັງເກີດຂຶ້ນແຫ່ງອະກຸສົລທັມທັງຫຼາຍອັນເປັນບາບ ທີ່ຍັງບໍ່ໄດ້ບັງເກີດ; ຍ່ອມປຸກຄວາມພໍໃຈ ຍ່ອມພະຍາຍາມ ຍ່ອມປາຣົບຄວາມພຽນ ຍ່ອມປະຄອງຈິຕ ຍ່ອມຕັ້ງຈິຕໄວ້ ເພື່ອການລະເສຍຊຶ່ງອະກຸສົລທັມທັງຫຼາຍອັນເປັນບາບ ທີ່ບັງເກີດຂຶ້ນແລ້ວ; ຍ່ອມປຸກຄວາມພໍໃຈ ຍ່ອມພະຍາຍາມ ຍ່ອມປາຣົບຄວາມພຽນ ຍ່ອມປະຄອງຈິຕ ຍ່ອມຕັ້ງຈິຕໄວ້ ເພື່ອການບັງເກີດຂຶ້ນແຫ່ງກຸສົລທັມທັງຫຼາຍທີ່ຍັງບໍ່ໄດ້ບັງເກີດ; ຍ່ອມປຸກຄວາມພໍໃຈ ຍ່ອມພະຍາຍາມ ຍ່ອມປາຣົບຄວາມພຽນ ຍ່ອມປະຄອງຈິຕ ຍ່ອມຕັ້ງຈິຕໄວ້ເພື່ອຄວາມຍືນຍົງ ຄວາມບໍ່ລືມເລືອນ ຄວາມງອກງາມຍິ່ງຂຶ້ນ ຄວາມໄພບູນ ຄວາມຈະເຣີນ ຄວາມເຕັມຮອບແຫ່ງກຸສົລທັມທັງຫຼາຍ ທີ່ບັງເກີດຂຶ້ນແລ້ວ. ນີ້ເຮົາເອີ້ນວ່າ ຄວາມພຽນຖືກຕ້ອງ.
ພິກຂຸທັງຫຼາຍ ! ຄວາມລະນຶກຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ພິກຂຸໃນກໍລະນີນີ້ ເປັນຜູ້ມີປົກກະຕິພິຈາຣະນາເຫັນກາຍໃນກາຍຢູ່, ມີຄວາມພຽນເຄື່ອງເຜົາກິເລສ ມີຄວາມຮູ້ສຶກຕົວທົ່ວພ້ອມ ມີສະຕິ ນຳຄວາມພໍໃຈແລະຄວາມບໍ່ພໍໃຈໃນໂລກອອກເສຍໄດ້; ເປັນຜູ້ມີປົກກະຕິພິຈາຣະນາເຫັນເວທະນາໃນເວທະນາທັງຫຼາຍຢູ່, ມີຄວາມພຽນເຄື່ອງເຜົາກິເລສ ມີຄວາມຮູ້ສຶກຕົວທົ່ວພ້ອມ ມີສະຕິ ນຳຄວາມພໍໃຈແລະຄວາມບໍ່ພໍໃຈໃນໂລກອອກເສຍໄດ້; ເປັນຜູ້ມີປົກກະຕິພິຈາຣະນາເຫັນຈິຕໃນຈິຕຢູ່, ມີຄວາມພຽນເຄື່ອງເຜົາກິເລສ ມີຄວາມຮູ້ສຶກຕົວທົ່ວພ້ອມ ມີສະຕິ ນຳຄວາມພໍໃຈແລະຄວາມບໍ່ພໍໃຈໃນໂລກອອກເສຍໄດ້; ເປັນຜູ້ມີປົກກະຕິພິຈາຣະນາເຫັນທັມໃນທັມທັງຫຼາຍຢູ່, ມີຄວາມພຽນເຄື່ອງເຜົາ ກິເລສ ມີຄວາມຮູ້ສຶກຕົວທົ່ວພ້ອມມີສະຕິ ນຳຄວາມພໍໃຈແລະຄວາມບໍ່ພໍໃຈໃນໂລກອອກເສຍໄດ້. ນີ້ເຮົາເອີ້ນວ່າ ຄວາມລະນຶກຖືກຕ້ອງ.
ພິກຂຸທັງຫຼາຍ ! ຄວາມຕັ້ງໃຈໝັ້ນຖືກຕ້ອງ ເປັນແນວໃດໜໍ ?
ພິກຂຸທັງຫຼາຍ ! ພິກຂຸໃນກໍລະນີນີ້ ສະງັດແລ້ວຈາກກາມທັງຫຼາຍ ສະງັດແລ້ວຈາກອະກຸສົລທັມທັງຫຼາຍ ເຂົ້າເຖິງຊານທີໜຶ່ງ ອັນມີວິຕົກວິຈາຣ ມີປີຕິແລະສຸຂອັນເກີດແຕ່ວິເວກແລ້ວແລຢູ່. ເພາະວິຕົກວິຈາຣລະງັບລົງ, ເຂົາເຂົ້າເຖິງຊານທີສອງອັນເປັນເຄື່ອງຜ່ອງໃສແຫ່ງໃຈໃນພາຍໃນ ໃຫ້ສະມາທິເປັນທັມອັນເອກຜຸດຂຶ້ນ ບໍ່ມີວິຕົກ ບໍ່ມີວິຈາຣ ມີແຕ່ປີຕິແລະສຸຂອັນເກີດແຕ່ສະມາທິ ແລ້ວແລຢູ່. ເພາະປີຕິຈາງຫາຍໄປ, ເຂົາເປັນຜູ້ເພັ່ງເສີຍຢູ່ໄດ້ ມີສະຕິ ມີຄວາມຮູ້ສຶກຕົວທົ່ວພ້ອມ ແລະໄດ້ສະເຫວີຍສຸຂດ້ວຍກາຍ ຍ່ອມເຂົ້າເຖິງຊານທີສາມ ອັນເປັນຊານທີ່ພຣະອະຣິຍະເຈົ້າທັງຫຼາຍ ກ່າວສັນເສີນຜູ້ໄດ້ບັນລຸວ່າ “ເປັນຜູ້ເສີຍຢູ່ໄດ້ ມີສະຕິ ມີຄວາມຢູ່ເປັນປົກກະຕິສຸຂ” ແລ້ວແລຢູ່. ເພາະລະສຸຂແລະທຸກຂ໌ເສຍໄດ້ ແລະເພາະຄວາມດັບຫາຍໄປແຫ່ງໂສມະນັສແລະໂທມະນັສໃນກາລກ່ອນ ເຂົາຍ່ອມເຂົ້າເຖິງຊານທີສີ່ ອັນບໍ່ທຸກຂ໌ແລະບໍ່ສຸຂ ມີແຕ່ສະຕິອັນບໍຣິສຸດ ເພາະອຸເປກຂາ ແລ້ວແລຢູ່. ນີ້ເຮົາເອີ້ນວ່າ ຄວາມຕັ້ງໃຈໝັ້ນຖືກຕ້ອງ.
ພິກຂຸທັງຫຼາຍ ! ເຫຼົ່ານີ້ແລ ເອີ້ນວ່າ ອະຣິຍະສັຈ ຄືຫົນທາງເປັນເຄື່ອງໃຫ້ລຸເຖິງຊຶ່ງຄວາມດັບບໍ່ເຫຼືອແຫ່ງທຸກຂ໌.
- ບາລີ ສັກກ. ອັງ. ໒໒/໔໙໐/໓໖໖.