ພົບໂດຍວິພາກສາມຢ່າງ

ພິກຂຸ ທ. ! ພົບ ເປັນແນວໃດໜໍ ?

ພິກຂຸ ທ. ! ພົບ ມີສາມຢ່າງ ເຫຼົ່ານີ້ ຄື :-
໑. ກາມະພົບ ພົບມີກາມ;
໒. ຣູປະພົບ ພົບມີຮູບ;
໓. ອະຣູປະພົບ ພົບບໍ່ມີຮູບ.

ພິກຂຸ ທ. ! ນີ້ ເອີ້ນວ່າ ພົບ.

- ນິທານ. ສັງ. ໑໖/໓/໘.

ຕັນຫາໂດຍວິພາກສາມຢ່າງ

ພິກຂຸ ທ. ! ຕັນຫາມີສາມຢ່າງ ເຫຼົ່ານີ້, ສາມຢ່າງເຫຼົ່າໃດໜໍ ? ສາມຢ່າງຄື :-

໑. ກາມະຕັນຫາ ຕັນຫາໃນກາມ;
໒. ພະວະຕັນຫາ ຕັນຫາໃນຄວາມມີຄວາມເປັນ;
໓. ວິພະວະຕັນຫາ ຕັນຫາໃນຄວາມບໍ່ມີບໍ່ເປັນ.

ພິກຂຸ ທ. ! ເຫຼົ່ານີ້ແລ ຄື ຕັນຫາສາມຢ່າງ.໑
- ມຫາວາຣ. ສັງ. ໑໙/໘໖/໓໒໙.

໑. ຕັນຫາສາມ ຄື ກາມະຕັນຫາ ພະວະຕັນຫາ ວິພະວະຕັນຫາ.
ກາມະຕັນຫາ ເປັນແນວໃດ ? ຄື ຣາຄະສາຣາຄະຯລຯ ສາຣາຄະແຫ່ງຈິຕ ທີ່ປະກອບດ້ວຍກາມະທາຕຸ: ນີ້ ເອີ້ນວ່າ ກາມະຕັນຫາ.
ພະວະຕັນຫາ ເປັນແນວໃດ ? ຄືຣາຄະສາຣາຄະ ຯລຯ ສາຣາຄະແຫ່ງຈິຕ ທີ່ປະກອບດ້ວຍພະວະທິຕຖິນີ້ ເອີ້ນວ່າ ພະວະຕັນຫາ.
ວິພະວະຕັນຫາ ເປັນແນວໃດ ? ຄືຣາຄະສາຣາຄະຯລຯ ສາຣາຄະແຫ່ງຈິຕ ທີ່ປະກອບດ້ວຍອຸສເສທະທິຕຖິນີ້ ເອີ້ນວ່າ ວິພະວະຕັນຫາ. - ນັຍ ວິພັງຄ. ອະພິທັມ ໓໕/໔໙໕/໙໓໓-໔.