ການບໍ່ຈະເລີນເມດຕາຍ່ອມຖືກພວກອະມະນຸດກຳຈັດໄດ້ງ່າຍ

ພິກຂຸທັງຫລາຍ! ຕະກຸນເຫລົ່າໃດມີສະຕຣີຫລາຍ ມີບຸຣຸສໜ້ອຍ ຕະກຸນເຫລົ່ານັ້ນຍ່ອມຖືກພວກໂຈຣປຸ້ນໄດ້ງ່າຍ ສັນໃດ;

ພິກຂຸທັງຫລາຍ! ພິກຂຸອົງຄ໌ໃດບໍ່ຈະເຣີນເມຕຕາເຈໂຕວິມຸຕ ບໍ່ກະທຳໃຫ້ຫລາຍແລ້ວ ພິກຂຸອົງຄ໌ນັ້ນຍ່ອມຖືກພວກອະມະນຸສກຳຈັດໄດ້ງ່າຍ ສັນນັ້ນເໝືອນກັນ.

ພິກຂຸທັງຫລາຍ! ຕະກຸນເຫລົ່າໃດມີສະຕຣີໜ້ອຍ ມີບຸຣຸສຫລາຍ ຕະກຸນເຫລົ່ານັ້ນຍ່ອມຖືກພວກໂຈຣປຸ້ນໄດ້ຍາກ ສັນໃດ;

ພິກຂຸທັງຫລາຍ! ພິກຂຸອົງຄ໌ໃດຈະເຣີນເມຕຕາເຈໂຕວິມຸຕ ກະທຳໃຫ້ຫລາຍແລ້ວ ພິກຂຸອົງຄ໌ນັ້ນຍ່ອມເປັນຜູ້ທີ່ອະມະນຸສກຳຈັດໄດ້ຍາກ, ສັນນັ້ນເໝືອນກັນ.

ພິກຂຸທັງຫລາຍ! ເພາະເຫຕນັ້ນແລ ພວກເຈົ້າທັງຫລາຍຄວນສຶກສາຢ່າງນີ້ວ່າ ເຮົາຈັກຈະເຣີນເມຕຕາເຈໂຕວິມຸຕ ກະທຳໃຫ້ຫລາຍ ກະທຳໃຫ້ເປັນດັ່ງຍານທີ່ທຽມດີແລ້ວ ກະທຳໃຫ້ເປັນທີ່ອາສັຍໄດ້ ປະພຶດໃຫ້ໝັ້ນຄົງ ສັ່ງສົມເນື່ອງໆ ປຣາຣົພສະໝ່ຳສະເໝີດ້ວຍດີ. ພິກຂຸທັງຫລາຍ ພວກເຈົ້າທັງຫລາຍຄວນສຶກສາຢ່າງນີ້ແລ.



ສັງຍຸຕຕະຣນິກາຍ ນິທານ. ກຸລສູຕ ໑໖/໒໖໗/໖໖໕-໖໖໖