ພຣະສູດ 
ຖືກໃຈ 
ປື້ມ 
Video 
ປະຕິທິນ 
ພຣະທັມ 
ຕິດຕໍ່ ພິກຂຸເປັນຜູ້ມີມິດດີ ມີສະຫາຍດີ ມີເພື່ອນດີ ຍ່ອມຫວັງໄດ້ເຊິ່ງຄວາມສັນໂດດ
ທາງສາຍກາງ
ສມັຍໜຶ່ງ ພຣະຜູ້ມີພຣະພາຄປະທັບຢູ່ທີ່ຈາລິກະບັນພົຕ ໃກ້ເມືອງຈາລິກາ ໃນສມັຍນັ້ນ ທ່ານພຣະເມຄິຍະເປັນອຸປັຕຖາກຂອງພຣະຜູ້ມີພຣະພາຄ. ຄັ້ງນັ້ນແລ ທ່ານພຣະເມຄິຍະເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ກຣາບອະພິວາທແລ້ວ ຢືນຢູ່ໃນທີ່ຄວນສ່ວນຂ້າງໜຶ່ງ ຄັນແລ້ວໄດ້ກຣາບທູລພຣະຜູ້ມີພຣະພາຄວ່າ:
ຂ້າແຕ່ພຣະອົງຄ໌ຜູ້ຈະເຣີນ! ຂ້ານ້ອຍປາຖນາຈະເຂົ້າໄປບິນທະບາຕໃນຊັນຕຸຄາມ.
ພຣະຜູ້ມີພຣະພາຄຕຣັສວ່າ:
ເມຄິຍະ! ເຈົ້າຈົ່ງສຳຄັນກາລອັນຄວນໃນບັດນີ້ເຖີດ.
ຄັ້ງນັ້ນແລ ເປັນເວລາເຊົ້າ ທ່ານພຣະເມຄິຍະຄອງອັນຕະຣະວາສົກ ຖືບາຕແລະຈີວອຣເຂົ້າໄປບິນທະບາຕໃນຊັນຕຸຄາມ ຄັນທ່ຽວບິນທະບາຕໃນຊັນຕຸຄາມສຳເຣັຈແລ້ວ ກັບຈາກບິນທະບາຕໃນເວລາປັຈສາພັຕ ເຂົ້າໄປຍັງຝັ່ງແມ່ນ້ຳກິມິກາລາ ທ່ານພຣະເມຄິຍະເດີນທ່ຽວພັກຜ່ອນຢູ່ທີ່ຝັ່ງແມ່ນ້ຳກິມິກາລາ ໄດ້ເຫັນອັມພະວັນອັນໜ້າເຫລື້ອມໃສ ໜ້າຣື່ນຣົມຍ໌ ຄັນເຫັນແລ້ວ ໄດ້ມີຄວາມຄິດດັ່ງນີ້ວ່າ ອັມພະວັນນີ້ຊ່າງໜ້າເຫລື້ອມໃສ ໜ້າຣື່ນຣົມຍ໌ໜໍ ຄວນແກ່ກາຣບຳເພັນພຽນຂອງກຸລະບຸຕຜູ້ຕ້ອງກາຣຄວາມພຽນ ຖ້າພຣະຜູ້ມີພຣະພາຄຊົງອະນຸຍາຕເຮົາ ເຮົາຈະມາຍັງອັມພະວັນນີ້ເພື່ອບຳເພັນພຽນ.
ຄັ້ງນັ້ນແລ ທ່ານພຣະເມຄິຍະເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ອະພິວາທແລ້ວ ນັ່ງໃນທີ່ຄວນສ່ວນຂ້າງໜຶ່ງ ຄັນແລ້ວໄດ້ກຣາບທູລພຣະຜູ້ມີພຣະພາຄວ່າ:
ຂ້າແຕ່ພຣະອົງຄ໌ຜູ້ຈະເຣີນ! ຂໍປະທານພຣະວະໂຣກາສ ເວລາເຊົ້າ ຂ້ານ້ອຍຄອງອັນຕະຣະວາສົກ ຖືບາຕແລະຈີວອຣເຂົ້າໄປບິນທະບາຕໃນຊັນຕຸຄາມ ຄັນທ່ຽວບິນທະບາຕໃນຊັນຕຸຄາມສຳເຣັຈແລ້ວ ກັບຈາກບິນທະບາຕໃນເວລາປັຈສາພັຕ ເຂົ້າໄປຍັງຝັ່ງແມ່ນ້ຳກິມິກາລາ ຂ້ານ້ອຍເດີນທ່ຽວພັກຜ່ອນຢູ່ທີ່ຝັ່ງແມ່ນ້ຳກິມິກາລາ ໄດ້ເຫັນອັມພະວັນອັນໜ້າເຫລື້ອມໃສ ໜ້າຣື່ນຣົມຍ໌ ຄັນເຫັນແລ້ວ ຂ້ານ້ອຍໄດ້ມີຄວາມຄິດດັ່ງນີ້ວ່າ ອັມພະວັນນີ້ຊ່າງໜ້າເຫລື້ອມໃສ ໜ້າຣື່ນຣົມຍ໌ໜໍ ຄວນແກ່ກາຣບຳເພັນພຽນຂອງກຸລະບຸຕຜູ້ຕ້ອງກາຣຄວາມພຽນ ຖ້າພຣະຜູ້ມີພຣະພາຄຊົງອະນຸຍາຕເຮົາ ເຮົາຈະມາຍັງອັມພະວັນນີ້ເພື່ອບຳເພັນພຽນ.
ເມື່ອທ່ານພຣະເມຄິຍະກຣາບທູລຢ່າງນີ້ແລ້ວ ພຣະຜູ້ມີພຣະພາຄໄດ້ຕຣັສກັບທ່ານພຣະເມຄິຍະວ່າ:
ເມຄິຍະ! ຈົ່ງລໍຢູ່ກ່ອນ ເຮົາຢູ່ຄົນດຽວ ເຈົ້າຈົ່ງລໍຢູ່ຈົນກວ່າພິກຂຸອົງຄ໌ອື່ນມາແທນ.
ແມ່ນແຕ່ຄັ້ງທີ ໒ ທ່ານພຣະເມຄິຍະກໍໄດ້ກຣາບທູລພຣະຜູ້ມີພຣະພາຄວ່າ:
ຂ້າແຕ່ພຣະອົງຄ໌ຜູ້ຈະເຣີນ! ພຣະຜູ້ມີພຣະພາຄບໍ່ມີກິຈອັນໃດທີ່ຄວນກະທຳໃຫ້ຍິ່ງຂຶ້ນ ບໍ່ມີກາຣສັ່ງສົມອະຣິຍະມັຄທີ່ຊົງກະທຳແລ້ວ ສ່ວນຂ້ານ້ອຍຍັງມີກິຈທີ່ຄວນກະທຳໃຫ້ຍິ່ງຂຶ້ນ ຍັງມີກາຣສັ່ງສົມອະຣິຍະມັຄທີ່ກະທຳແລ້ວ ຖ້າພຣະຜູ້ມີພຣະພາຄຊົງອະນຸຍາຕຂ້ານ້ອຍ ຂ້ານ້ອຍຈະໄປຍັງອັມພະວັນເພື່ອບຳເພັນພຽນ.
ພຣະຜູ້ມີພຣະພາຄຕຣັສວ່າ:
ເມຄິຍະ! ຈົ່ງລໍຢູ່ກ່ອນ ເຮົາຢູ່ຄົນດຽວ ເຈົ້າຈົ່ງລໍຢູ່ຈົນກວ່າພິກຂຸອົງຄ໌ອື່ນມາແທນ.
ແມ່ນແຕ່ຄັ້ງທີ ໓ ທ່ານພຣະເມຄິຍະກໍໄດ້ກຣາບທູລພຣະຜູ້ມີພຣະພາຄວ່າ:
ຂ້າແຕ່ພຣະອົງຄ໌ຜູ້ຈະເຣີນ! ພຣະຜູ້ມີພຣະພາຄບໍ່ມີກິຈອັນໃດທີ່ຄວນກະທຳໃຫ້ຍິ່ງຂຶ້ນ ບໍ່ມີກາຣສັ່ງສົມອະຣິຍະມັຄທີ່ຊົງກະທຳແລ້ວ ສ່ວນຂ້ານ້ອຍຍັງມີກິຈທີ່ຄວນກະທຳໃຫ້ຍິ່ງຂຶ້ນ ຍັງມີກາຣສັ່ງສົມອະຣິຍະມັຄທີ່ກະທຳແລ້ວ ຖ້າພຣະຜູ້ມີພຣະພາຄຊົງອະນຸຍາຕຂ້ານ້ອຍ ຂ້ານ້ອຍຈະໄປຍັງອັມພະວັນເພື່ອບຳເພັນພຽນ.
ພຣະຜູ້ມີພຣະພາຄຕຣັສວ່າ:
ເມຄິຍະ! ເຮົາຈະວ່າອັນໃດເຈົ້າຜູ້ກ່າວຢູ່ວ່າ ບຳເພັນພຽນ.
ເມຄິຍະ! ເຈົ້າຈົ່ງສຳຄັນກາລອັນຄວນໃນບັດນີ້ເຖີດ.
ຄັ້ງນັ້ນແລ ທ່ານພຣະເມຄິຍະລຸກຈາກອາສະນະ ຖວາຍອະພິວາທພຣະຜູ້ມີພຣະພາຄ ກະທຳປະທັກຂິນແລ້ວເຂົ້າໄປຍັງປ່າອັມພະວັນ ອາສັຍອັມພະວັນນັ້ນ ນັ່ງພັກທ່ຽງວັນຢູ່ທີ່ເຫງົ້າໄມ້ແຫ່ງໜຶ່ງ. ຄັ້ງນັ້ນແລ ເມື່ອທ່ານພຣະເມຄິຍະພັກຢູ່ອັມພະວັນນັ້ນ ອະກຸສົລວິຕົກອັນເປັນບາບຄື ກາມວິຕົກ ພະຍາປາທະວິຕົກ ວິຫິງສາວິຕົກຍ່ອມຟຸ້ງຊ່ານຫລາຍ. ລຳດັບນັ້ນ ທ່ານພຣະເມຄິຍະໄດ້ມີຄວາມຄິດດັ່ງນີ້ວ່າ ທ່ານຜູ້ຈະເຣີນ ໜ້າອັສສະຈັນຍ໌ໜໍ ບໍ່ເຄີຍມີມາເລີຍ ກຸລະບຸຕອອກບວຊເປັນບັນພະຊິຕດ້ວຍສັທທາກໍຍັງຖືກອະກຸສົລວິຕົກອັນເປັນບາບ ໓ ປະກາຣຄື ກາມວິຕົກ ພະຍາປາທະວິຕົກ ວິຫິງສາວິຕົກຄອບງຳ.
ຄັ້ງນັ້ນແລ ທ່ານພຣະເມຄິຍະເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ຖວາຍອະພິວາທແລ້ວ ນັ່ງໃນທີ່ຄວນສ່ວນຂ້າງໜຶ່ງ ຄັນແລ້ວໄດ້ກຣາບທູລພຣະຜູ້ມີພຣະພາຄວ່າ:
ຂ້າແຕ່ພຣະອົງຄ໌ຜູ້ຈະເຣີນ! ຂໍປະທານພຣະວະໂຣກາສ ເມື່ອຂ້ານ້ອຍຢູ່ໃນອັມພະວັນນັ້ນ ອະກຸສົລວິຕົກອັນເປັນບາບຄື ກາມວິຕົກ ພະຍາປາທະວິຕົກ ວິຫິງສາວິຕົກຍ່ອມຟຸ້ງຊ່ານຫລາຍ. ຂ້ານ້ອຍນັ້ນໄດ້ມີຄວາມຄິດດັ່ງນີ້ວ່າ ທ່ານຜູ້ຈະເຣີນ ໜ້າອັສສະຈັນຍ໌ໜໍ ບໍ່ເຄີຍມີມາເລີຍ ກຸລະບຸຕອອກບວຊເປັນບັນພະຊິຕດ້ວຍສັທທາກໍຍັງຖືກອະກຸສົລວິຕົກອັນເປັນບາບ ໓ ປະກາຣຄື ກາມວິຕົກ ພະຍາປາທະວິຕົກ ວິຫິງສາວິຕົກຄອບງຳ.
ພຣະຜູ້ມີພຣະພາຄຕຣັສວ່າ:
ເມຄິຍະ! ທັມ ໕ ປະກາຣນີ້ ຍ່ອມເປັນໄປເພື່ອຄວາມແກ່ກ້າແຫ່ງເຈໂຕວິມຸຕທີ່ຍັງບໍ່ແກ່ກ້າ, ທັມ ໕ ປະກາຣເປັນຢ່າງໃດ?
ເມຄິຍະ! ພິກຂຸໃນທັມວິນັຍນີ້ ເປັນຜູ້ມີມິຕດີ ມີສະຫາຍດີ ມີເພື່ອນດີ. ເມຄິຍະ ນີ້ເປັນທັມປະກາຣທີ ໑ ຍ່ອມເປັນໄປເພື່ອຄວາມແກ່ກ້າແຫ່ງເຈໂຕວິມຸຕທີ່ຍັງບໍ່ແກ່ກ້າ.
ເມຄິຍະ! ອີກປະກາຣໜຶ່ງ ພິກຂຸເປັນຜູ້ມີສີລ ສັງຣວມຣະວັງໃນປາຕິໂມກຂ໌ ເຖິງພ້ອມດ້ວຍອາຈາຣະແລະໂຄຈອຣ ມີປົກກະຕິເຫັນພັຍໃນໂທສແມ່ນພຽງເລັກນ້ອຍ ສະມາທານສຶກສາຢູ່ໃນສິກຂາບົທທັງຫລາຍ. ເມຄິຍະ ນີ້ເປັນທັມປະກາຣທີ ໒ ຍ່ອມເປັນໄປເພື່ອຄວາມແກ່ກ້າແຫ່ງເຈໂຕວິມຸຕທີ່ຍັງບໍ່ແກ່ກ້າ.
ເມຄິຍະ! ອີກປະກາຣໜຶ່ງ ພິກຂຸເປັນຜູ້ໄດ້ຕາມຄວາມປາຖນາ ໄດ້ໂດຍບໍ່ຍາກ ໂດຍບໍ່ລຳບາກເຊິ່ງກະຖາອັນເປັນໄປເພື່ອກາຣຂັດເກົາກິເລສ ເປັນທີ່ສະບາຍໃນກາຣເປີດຈິຕຄື ອັປປິຈສະກະຖາ ສັນຕຸຕຖິກະຖາ(ເຣື່ອງຄວາມສັນໂດດ) ປະວິເວກະກະຖາ ອະສັງສັຄຄະກະຖາ ວິຣິຍາຣັມພະກະຖາ ສີລະກະຖາ ສະມາທິກະຖາ ປັນຍາກະຖາ ວິມຸຕຕິກະຖາ ວິມຸຕຕິຍານທັສສະນະກະຖາ. ເມຄິຍະ ນີ້ເປັນທັມປະກາຣທີ ໓ ຍ່ອມເປັນໄປເພື່ອຄວາມແກ່ກ້າແຫ່ງເຈໂຕວິມຸຕທີ່ຍັງບໍ່ແກ່ກ້າ.
ເມຄິຍະ! ອີກປະກາຣໜຶ່ງ ພິກຂຸເປັນຜູ້ປຣາຣົພຄວາມພຽນເພື່ອລະອະກຸສົລທັມທັງຫລາຍ ເພື່ອຄວາມເຖິງພ້ອມແຫ່ງກຸສົລທັມທັງຫລາຍ ເປັນຜູ້ມີກຳລັງ ມີຄວາມບາກບັ່ນໝັ້ນຄົງ ບໍ່ປະຖິ້ມທຸຣະໃນກຸສົລທັມທັງຫລາຍ. ເມຄິຍະ ນີ້ເປັນທັມປະກາຣທີ ໔ ຍ່ອມເປັນໄປເພື່ອຄວາມແກ່ກ້າແຫ່ງເຈໂຕວິມຸຕທີ່ຍັງບໍ່ແກ່ກ້າ.
ເມຄິຍະ! ອີກປະກາຣໜຶ່ງ ພິກຂຸເປັນຜູ້ມີປັນຍາ ປະກອບດ້ວຍປັນຍາເຄື່ອງພິຈາຣະນາຄວາມເກີດແລະຄວາມດັບອັນເປັນອະຣິຍະ ເປັນເຄື່ອງຊຳແຣກກິເລສໃຫ້ເຖິງຄວາມສິ້ນທຸກຂ໌ໂດຍຊອບ. ເມຄິຍະ ນີ້ເປັນທັມປະກາຣທີ ໕ ຍ່ອມເປັນໄປເພື່ອຄວາມແກ່ກ້າແຫ່ງເຈໂຕວິມຸຕທີ່ຍັງບໍ່ແກ່ກ້າ.
ເມຄິຍະ! ພິກຂຸຜູ້ມີມິຕດີ ມີສະຫາຍດີ ມີເພື່ອນດີ ຍ່ອມຫວັງຂໍ້ນີ້ໄດ້ວ່າ ເຂົາຈັກເປັນຜູ້ມີສີລ ສັງຣວມຣະວັງໃນປາຕິໂມກຂ໌ ເຖິງພ້ອມດ້ວຍອາຈາຣະແລະໂຄຈອຣ ມີປົກກະຕິເຫັນພັຍໃນໂທສແມ່ນພຽງເລັກນ້ອຍ ສະມາທານສຶກສາຢູ່ໃນສິກຂາບົທທັງ ຫລາຍ.
ເມຄິຍະ! ພິກຂຸຜູ້ມີມິຕດີ ມີສະຫາຍດີ ມີເພື່ອນດີ ຍ່ອມຫວັງຂໍ້ນີ້ໄດ້ວ່າ ເຂົາຈັກໄດ້ຕາມຄວາມປາຖນາ ໄດ້ໂດຍບໍ່ຍາກ ໂດຍບໍ່ລຳບາກເຊິ່ງກະຖາອັນເປັນໄປເພື່ອກາຣຂັດເກົາກິເລສ ເປັນທີ່ສະບາຍໃນກາຣເປີດຈິຕຄື ອັປປິຈສະກະຖາ ສັນຕຸຕຖິກະຖາ ປະວິເວກະກະຖາ ອະສັງສັຄຄະກະຖາ ວິຣິຍາຣັມພະກະຖາ ສີລະກະຖາ ສະມາທິກະຖາ ປັນຍາກະຖາ ວິມຸຕຕິກະຖາ ວິມຸຕຕິຍານທັສສະນະກະຖາ.
ເມຄິຍະ! ພິກຂຸຜູ້ມີມິຕດີ ມີສະຫາຍດີ ມີເພື່ອນດີ ຍ່ອມຫວັງຂໍ້ນີ້ໄດ້ວ່າ ເຂົາຈັກປຣາຣົພຄວາມພຽນເພື່ອລະອະກຸສົລທັມທັງຫລາຍ ເພື່ອຄວາມເຖິງພ້ອມແຫ່ງກຸສົລທັມທັງຫລາຍ ເປັນຜູ້ມີກຳລັງ ມີຄວາມບາກບັ່ນໝັ້ນຄົງ ບໍ່ປະຖິ້ມທຸຣະໃນກຸສົລທັມທັງຫລາຍ.
ເມຄິຍະ! ພິກຂຸຜູ້ມີມິຕດີ ມີສະຫາຍດີ ມີເພື່ອນດີ ຍ່ອມຫວັງຂໍ້ນີ້ໄດ້ວ່າ ເຂົາຈັກເປັນຜູ້ມີປັນຍາ ປະກອບດ້ວຍປັນຍາເຄື່ອງພິຈາຣະນາຄວາມເກີດແລະຄວາມດັບອັນເປັນອະຣິຍະ ເປັນເຄື່ອງຊຳແຣກກິເລສໃຫ້ເຖິງຄວາມສິ້ນທຸກຂ໌ໂດຍຊອບ.
ເມຄິຍະ! ເມື່ອພິກຂຸນັ້ນຕັ້ງຢູ່ໃນທັມ ໕ ປະກາຣນີ້ແລ້ວ ຄວນຈະເຣີນທັມ ໔ ປະກາຣໃຫ້ຍິ່ງຂຶ້ນໄປຄື:
ຄວນຈະເຣີນອະສຸພະເພື່ອລະຣາຄະ,
ຄວນຈະເຣີນເມຕຕາເພື່ອລະພະຍາບາທ,
ຄວນຈະເຣີນອານາປານະສະຕິເພື່ອຕັດເຊິ່ງວິຕົກ,
ຄວນຈະເຣີນອະນິຈຈະສັນຍາເພື່ອຖອນອັສສະມິມານະ.
ເມຄິຍະ! ອະນັຕຕະສັນຍາຍ່ອມປາກົຕແກ່ພິກຂຸຜູ້ໄດ້ອະນິຈຈະສັນຍາ ຜູ້ທີ່ໄດ້ອະນັຕຕະສັນຍາຍ່ອມບັນລຸນິພພານ ອັນຖອນເສຍໄດ້ເຊິ່ງອັສສະມິມານະໃນປັຈຈຸບັນແລ.
ອັງຄຸຕຕະຣະນິກາຍ ສັຕຕະກະ-ອັຕຖະກະ-ນະວະກະນິບາຕ
໒໓/໒໘໖/໒໐໗
ຂ້າແຕ່ພຣະອົງຄ໌ຜູ້ຈະເຣີນ! ຂ້ານ້ອຍປາຖນາຈະເຂົ້າໄປບິນທະບາຕໃນຊັນຕຸຄາມ.
ພຣະຜູ້ມີພຣະພາຄຕຣັສວ່າ:
ເມຄິຍະ! ເຈົ້າຈົ່ງສຳຄັນກາລອັນຄວນໃນບັດນີ້ເຖີດ.
ຄັ້ງນັ້ນແລ ເປັນເວລາເຊົ້າ ທ່ານພຣະເມຄິຍະຄອງອັນຕະຣະວາສົກ ຖືບາຕແລະຈີວອຣເຂົ້າໄປບິນທະບາຕໃນຊັນຕຸຄາມ ຄັນທ່ຽວບິນທະບາຕໃນຊັນຕຸຄາມສຳເຣັຈແລ້ວ ກັບຈາກບິນທະບາຕໃນເວລາປັຈສາພັຕ ເຂົ້າໄປຍັງຝັ່ງແມ່ນ້ຳກິມິກາລາ ທ່ານພຣະເມຄິຍະເດີນທ່ຽວພັກຜ່ອນຢູ່ທີ່ຝັ່ງແມ່ນ້ຳກິມິກາລາ ໄດ້ເຫັນອັມພະວັນອັນໜ້າເຫລື້ອມໃສ ໜ້າຣື່ນຣົມຍ໌ ຄັນເຫັນແລ້ວ ໄດ້ມີຄວາມຄິດດັ່ງນີ້ວ່າ ອັມພະວັນນີ້ຊ່າງໜ້າເຫລື້ອມໃສ ໜ້າຣື່ນຣົມຍ໌ໜໍ ຄວນແກ່ກາຣບຳເພັນພຽນຂອງກຸລະບຸຕຜູ້ຕ້ອງກາຣຄວາມພຽນ ຖ້າພຣະຜູ້ມີພຣະພາຄຊົງອະນຸຍາຕເຮົາ ເຮົາຈະມາຍັງອັມພະວັນນີ້ເພື່ອບຳເພັນພຽນ.
ຄັ້ງນັ້ນແລ ທ່ານພຣະເມຄິຍະເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ອະພິວາທແລ້ວ ນັ່ງໃນທີ່ຄວນສ່ວນຂ້າງໜຶ່ງ ຄັນແລ້ວໄດ້ກຣາບທູລພຣະຜູ້ມີພຣະພາຄວ່າ:
ຂ້າແຕ່ພຣະອົງຄ໌ຜູ້ຈະເຣີນ! ຂໍປະທານພຣະວະໂຣກາສ ເວລາເຊົ້າ ຂ້ານ້ອຍຄອງອັນຕະຣະວາສົກ ຖືບາຕແລະຈີວອຣເຂົ້າໄປບິນທະບາຕໃນຊັນຕຸຄາມ ຄັນທ່ຽວບິນທະບາຕໃນຊັນຕຸຄາມສຳເຣັຈແລ້ວ ກັບຈາກບິນທະບາຕໃນເວລາປັຈສາພັຕ ເຂົ້າໄປຍັງຝັ່ງແມ່ນ້ຳກິມິກາລາ ຂ້ານ້ອຍເດີນທ່ຽວພັກຜ່ອນຢູ່ທີ່ຝັ່ງແມ່ນ້ຳກິມິກາລາ ໄດ້ເຫັນອັມພະວັນອັນໜ້າເຫລື້ອມໃສ ໜ້າຣື່ນຣົມຍ໌ ຄັນເຫັນແລ້ວ ຂ້ານ້ອຍໄດ້ມີຄວາມຄິດດັ່ງນີ້ວ່າ ອັມພະວັນນີ້ຊ່າງໜ້າເຫລື້ອມໃສ ໜ້າຣື່ນຣົມຍ໌ໜໍ ຄວນແກ່ກາຣບຳເພັນພຽນຂອງກຸລະບຸຕຜູ້ຕ້ອງກາຣຄວາມພຽນ ຖ້າພຣະຜູ້ມີພຣະພາຄຊົງອະນຸຍາຕເຮົາ ເຮົາຈະມາຍັງອັມພະວັນນີ້ເພື່ອບຳເພັນພຽນ.
ເມື່ອທ່ານພຣະເມຄິຍະກຣາບທູລຢ່າງນີ້ແລ້ວ ພຣະຜູ້ມີພຣະພາຄໄດ້ຕຣັສກັບທ່ານພຣະເມຄິຍະວ່າ:
ເມຄິຍະ! ຈົ່ງລໍຢູ່ກ່ອນ ເຮົາຢູ່ຄົນດຽວ ເຈົ້າຈົ່ງລໍຢູ່ຈົນກວ່າພິກຂຸອົງຄ໌ອື່ນມາແທນ.
ແມ່ນແຕ່ຄັ້ງທີ ໒ ທ່ານພຣະເມຄິຍະກໍໄດ້ກຣາບທູລພຣະຜູ້ມີພຣະພາຄວ່າ:
ຂ້າແຕ່ພຣະອົງຄ໌ຜູ້ຈະເຣີນ! ພຣະຜູ້ມີພຣະພາຄບໍ່ມີກິຈອັນໃດທີ່ຄວນກະທຳໃຫ້ຍິ່ງຂຶ້ນ ບໍ່ມີກາຣສັ່ງສົມອະຣິຍະມັຄທີ່ຊົງກະທຳແລ້ວ ສ່ວນຂ້ານ້ອຍຍັງມີກິຈທີ່ຄວນກະທຳໃຫ້ຍິ່ງຂຶ້ນ ຍັງມີກາຣສັ່ງສົມອະຣິຍະມັຄທີ່ກະທຳແລ້ວ ຖ້າພຣະຜູ້ມີພຣະພາຄຊົງອະນຸຍາຕຂ້ານ້ອຍ ຂ້ານ້ອຍຈະໄປຍັງອັມພະວັນເພື່ອບຳເພັນພຽນ.
ພຣະຜູ້ມີພຣະພາຄຕຣັສວ່າ:
ເມຄິຍະ! ຈົ່ງລໍຢູ່ກ່ອນ ເຮົາຢູ່ຄົນດຽວ ເຈົ້າຈົ່ງລໍຢູ່ຈົນກວ່າພິກຂຸອົງຄ໌ອື່ນມາແທນ.
ແມ່ນແຕ່ຄັ້ງທີ ໓ ທ່ານພຣະເມຄິຍະກໍໄດ້ກຣາບທູລພຣະຜູ້ມີພຣະພາຄວ່າ:
ຂ້າແຕ່ພຣະອົງຄ໌ຜູ້ຈະເຣີນ! ພຣະຜູ້ມີພຣະພາຄບໍ່ມີກິຈອັນໃດທີ່ຄວນກະທຳໃຫ້ຍິ່ງຂຶ້ນ ບໍ່ມີກາຣສັ່ງສົມອະຣິຍະມັຄທີ່ຊົງກະທຳແລ້ວ ສ່ວນຂ້ານ້ອຍຍັງມີກິຈທີ່ຄວນກະທຳໃຫ້ຍິ່ງຂຶ້ນ ຍັງມີກາຣສັ່ງສົມອະຣິຍະມັຄທີ່ກະທຳແລ້ວ ຖ້າພຣະຜູ້ມີພຣະພາຄຊົງອະນຸຍາຕຂ້ານ້ອຍ ຂ້ານ້ອຍຈະໄປຍັງອັມພະວັນເພື່ອບຳເພັນພຽນ.
ພຣະຜູ້ມີພຣະພາຄຕຣັສວ່າ:
ເມຄິຍະ! ເຮົາຈະວ່າອັນໃດເຈົ້າຜູ້ກ່າວຢູ່ວ່າ ບຳເພັນພຽນ.
ເມຄິຍະ! ເຈົ້າຈົ່ງສຳຄັນກາລອັນຄວນໃນບັດນີ້ເຖີດ.
ຄັ້ງນັ້ນແລ ທ່ານພຣະເມຄິຍະລຸກຈາກອາສະນະ ຖວາຍອະພິວາທພຣະຜູ້ມີພຣະພາຄ ກະທຳປະທັກຂິນແລ້ວເຂົ້າໄປຍັງປ່າອັມພະວັນ ອາສັຍອັມພະວັນນັ້ນ ນັ່ງພັກທ່ຽງວັນຢູ່ທີ່ເຫງົ້າໄມ້ແຫ່ງໜຶ່ງ. ຄັ້ງນັ້ນແລ ເມື່ອທ່ານພຣະເມຄິຍະພັກຢູ່ອັມພະວັນນັ້ນ ອະກຸສົລວິຕົກອັນເປັນບາບຄື ກາມວິຕົກ ພະຍາປາທະວິຕົກ ວິຫິງສາວິຕົກຍ່ອມຟຸ້ງຊ່ານຫລາຍ. ລຳດັບນັ້ນ ທ່ານພຣະເມຄິຍະໄດ້ມີຄວາມຄິດດັ່ງນີ້ວ່າ ທ່ານຜູ້ຈະເຣີນ ໜ້າອັສສະຈັນຍ໌ໜໍ ບໍ່ເຄີຍມີມາເລີຍ ກຸລະບຸຕອອກບວຊເປັນບັນພະຊິຕດ້ວຍສັທທາກໍຍັງຖືກອະກຸສົລວິຕົກອັນເປັນບາບ ໓ ປະກາຣຄື ກາມວິຕົກ ພະຍາປາທະວິຕົກ ວິຫິງສາວິຕົກຄອບງຳ.
ຄັ້ງນັ້ນແລ ທ່ານພຣະເມຄິຍະເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ຖວາຍອະພິວາທແລ້ວ ນັ່ງໃນທີ່ຄວນສ່ວນຂ້າງໜຶ່ງ ຄັນແລ້ວໄດ້ກຣາບທູລພຣະຜູ້ມີພຣະພາຄວ່າ:
ຂ້າແຕ່ພຣະອົງຄ໌ຜູ້ຈະເຣີນ! ຂໍປະທານພຣະວະໂຣກາສ ເມື່ອຂ້ານ້ອຍຢູ່ໃນອັມພະວັນນັ້ນ ອະກຸສົລວິຕົກອັນເປັນບາບຄື ກາມວິຕົກ ພະຍາປາທະວິຕົກ ວິຫິງສາວິຕົກຍ່ອມຟຸ້ງຊ່ານຫລາຍ. ຂ້ານ້ອຍນັ້ນໄດ້ມີຄວາມຄິດດັ່ງນີ້ວ່າ ທ່ານຜູ້ຈະເຣີນ ໜ້າອັສສະຈັນຍ໌ໜໍ ບໍ່ເຄີຍມີມາເລີຍ ກຸລະບຸຕອອກບວຊເປັນບັນພະຊິຕດ້ວຍສັທທາກໍຍັງຖືກອະກຸສົລວິຕົກອັນເປັນບາບ ໓ ປະກາຣຄື ກາມວິຕົກ ພະຍາປາທະວິຕົກ ວິຫິງສາວິຕົກຄອບງຳ.
ພຣະຜູ້ມີພຣະພາຄຕຣັສວ່າ:
ເມຄິຍະ! ທັມ ໕ ປະກາຣນີ້ ຍ່ອມເປັນໄປເພື່ອຄວາມແກ່ກ້າແຫ່ງເຈໂຕວິມຸຕທີ່ຍັງບໍ່ແກ່ກ້າ, ທັມ ໕ ປະກາຣເປັນຢ່າງໃດ?
ເມຄິຍະ! ພິກຂຸໃນທັມວິນັຍນີ້ ເປັນຜູ້ມີມິຕດີ ມີສະຫາຍດີ ມີເພື່ອນດີ. ເມຄິຍະ ນີ້ເປັນທັມປະກາຣທີ ໑ ຍ່ອມເປັນໄປເພື່ອຄວາມແກ່ກ້າແຫ່ງເຈໂຕວິມຸຕທີ່ຍັງບໍ່ແກ່ກ້າ.
ເມຄິຍະ! ອີກປະກາຣໜຶ່ງ ພິກຂຸເປັນຜູ້ມີສີລ ສັງຣວມຣະວັງໃນປາຕິໂມກຂ໌ ເຖິງພ້ອມດ້ວຍອາຈາຣະແລະໂຄຈອຣ ມີປົກກະຕິເຫັນພັຍໃນໂທສແມ່ນພຽງເລັກນ້ອຍ ສະມາທານສຶກສາຢູ່ໃນສິກຂາບົທທັງຫລາຍ. ເມຄິຍະ ນີ້ເປັນທັມປະກາຣທີ ໒ ຍ່ອມເປັນໄປເພື່ອຄວາມແກ່ກ້າແຫ່ງເຈໂຕວິມຸຕທີ່ຍັງບໍ່ແກ່ກ້າ.
ເມຄິຍະ! ອີກປະກາຣໜຶ່ງ ພິກຂຸເປັນຜູ້ໄດ້ຕາມຄວາມປາຖນາ ໄດ້ໂດຍບໍ່ຍາກ ໂດຍບໍ່ລຳບາກເຊິ່ງກະຖາອັນເປັນໄປເພື່ອກາຣຂັດເກົາກິເລສ ເປັນທີ່ສະບາຍໃນກາຣເປີດຈິຕຄື ອັປປິຈສະກະຖາ ສັນຕຸຕຖິກະຖາ(ເຣື່ອງຄວາມສັນໂດດ) ປະວິເວກະກະຖາ ອະສັງສັຄຄະກະຖາ ວິຣິຍາຣັມພະກະຖາ ສີລະກະຖາ ສະມາທິກະຖາ ປັນຍາກະຖາ ວິມຸຕຕິກະຖາ ວິມຸຕຕິຍານທັສສະນະກະຖາ. ເມຄິຍະ ນີ້ເປັນທັມປະກາຣທີ ໓ ຍ່ອມເປັນໄປເພື່ອຄວາມແກ່ກ້າແຫ່ງເຈໂຕວິມຸຕທີ່ຍັງບໍ່ແກ່ກ້າ.
ເມຄິຍະ! ອີກປະກາຣໜຶ່ງ ພິກຂຸເປັນຜູ້ປຣາຣົພຄວາມພຽນເພື່ອລະອະກຸສົລທັມທັງຫລາຍ ເພື່ອຄວາມເຖິງພ້ອມແຫ່ງກຸສົລທັມທັງຫລາຍ ເປັນຜູ້ມີກຳລັງ ມີຄວາມບາກບັ່ນໝັ້ນຄົງ ບໍ່ປະຖິ້ມທຸຣະໃນກຸສົລທັມທັງຫລາຍ. ເມຄິຍະ ນີ້ເປັນທັມປະກາຣທີ ໔ ຍ່ອມເປັນໄປເພື່ອຄວາມແກ່ກ້າແຫ່ງເຈໂຕວິມຸຕທີ່ຍັງບໍ່ແກ່ກ້າ.
ເມຄິຍະ! ອີກປະກາຣໜຶ່ງ ພິກຂຸເປັນຜູ້ມີປັນຍາ ປະກອບດ້ວຍປັນຍາເຄື່ອງພິຈາຣະນາຄວາມເກີດແລະຄວາມດັບອັນເປັນອະຣິຍະ ເປັນເຄື່ອງຊຳແຣກກິເລສໃຫ້ເຖິງຄວາມສິ້ນທຸກຂ໌ໂດຍຊອບ. ເມຄິຍະ ນີ້ເປັນທັມປະກາຣທີ ໕ ຍ່ອມເປັນໄປເພື່ອຄວາມແກ່ກ້າແຫ່ງເຈໂຕວິມຸຕທີ່ຍັງບໍ່ແກ່ກ້າ.
ເມຄິຍະ! ພິກຂຸຜູ້ມີມິຕດີ ມີສະຫາຍດີ ມີເພື່ອນດີ ຍ່ອມຫວັງຂໍ້ນີ້ໄດ້ວ່າ ເຂົາຈັກເປັນຜູ້ມີສີລ ສັງຣວມຣະວັງໃນປາຕິໂມກຂ໌ ເຖິງພ້ອມດ້ວຍອາຈາຣະແລະໂຄຈອຣ ມີປົກກະຕິເຫັນພັຍໃນໂທສແມ່ນພຽງເລັກນ້ອຍ ສະມາທານສຶກສາຢູ່ໃນສິກຂາບົທທັງ ຫລາຍ.
ເມຄິຍະ! ພິກຂຸຜູ້ມີມິຕດີ ມີສະຫາຍດີ ມີເພື່ອນດີ ຍ່ອມຫວັງຂໍ້ນີ້ໄດ້ວ່າ ເຂົາຈັກໄດ້ຕາມຄວາມປາຖນາ ໄດ້ໂດຍບໍ່ຍາກ ໂດຍບໍ່ລຳບາກເຊິ່ງກະຖາອັນເປັນໄປເພື່ອກາຣຂັດເກົາກິເລສ ເປັນທີ່ສະບາຍໃນກາຣເປີດຈິຕຄື ອັປປິຈສະກະຖາ ສັນຕຸຕຖິກະຖາ ປະວິເວກະກະຖາ ອະສັງສັຄຄະກະຖາ ວິຣິຍາຣັມພະກະຖາ ສີລະກະຖາ ສະມາທິກະຖາ ປັນຍາກະຖາ ວິມຸຕຕິກະຖາ ວິມຸຕຕິຍານທັສສະນະກະຖາ.
ເມຄິຍະ! ພິກຂຸຜູ້ມີມິຕດີ ມີສະຫາຍດີ ມີເພື່ອນດີ ຍ່ອມຫວັງຂໍ້ນີ້ໄດ້ວ່າ ເຂົາຈັກປຣາຣົພຄວາມພຽນເພື່ອລະອະກຸສົລທັມທັງຫລາຍ ເພື່ອຄວາມເຖິງພ້ອມແຫ່ງກຸສົລທັມທັງຫລາຍ ເປັນຜູ້ມີກຳລັງ ມີຄວາມບາກບັ່ນໝັ້ນຄົງ ບໍ່ປະຖິ້ມທຸຣະໃນກຸສົລທັມທັງຫລາຍ.
ເມຄິຍະ! ພິກຂຸຜູ້ມີມິຕດີ ມີສະຫາຍດີ ມີເພື່ອນດີ ຍ່ອມຫວັງຂໍ້ນີ້ໄດ້ວ່າ ເຂົາຈັກເປັນຜູ້ມີປັນຍາ ປະກອບດ້ວຍປັນຍາເຄື່ອງພິຈາຣະນາຄວາມເກີດແລະຄວາມດັບອັນເປັນອະຣິຍະ ເປັນເຄື່ອງຊຳແຣກກິເລສໃຫ້ເຖິງຄວາມສິ້ນທຸກຂ໌ໂດຍຊອບ.
ເມຄິຍະ! ເມື່ອພິກຂຸນັ້ນຕັ້ງຢູ່ໃນທັມ ໕ ປະກາຣນີ້ແລ້ວ ຄວນຈະເຣີນທັມ ໔ ປະກາຣໃຫ້ຍິ່ງຂຶ້ນໄປຄື:
ຄວນຈະເຣີນອະສຸພະເພື່ອລະຣາຄະ,
ຄວນຈະເຣີນເມຕຕາເພື່ອລະພະຍາບາທ,
ຄວນຈະເຣີນອານາປານະສະຕິເພື່ອຕັດເຊິ່ງວິຕົກ,
ຄວນຈະເຣີນອະນິຈຈະສັນຍາເພື່ອຖອນອັສສະມິມານະ.
ເມຄິຍະ! ອະນັຕຕະສັນຍາຍ່ອມປາກົຕແກ່ພິກຂຸຜູ້ໄດ້ອະນິຈຈະສັນຍາ ຜູ້ທີ່ໄດ້ອະນັຕຕະສັນຍາຍ່ອມບັນລຸນິພພານ ອັນຖອນເສຍໄດ້ເຊິ່ງອັສສະມິມານະໃນປັຈຈຸບັນແລ.
ອັງຄຸຕຕະຣະນິກາຍ ສັຕຕະກະ-ອັຕຖະກະ-ນະວະກະນິບາຕ
໒໓/໒໘໖/໒໐໗