ພຣະສູດ 
ຖືກໃຈ 
ປື້ມ 
Video 
ປະຕິທິນ 
ພຣະທັມ 
ຕິດຕໍ່ ທັມເປັນເຄື່ອງຢູ່ຂອງພຣະອະຣິຍະເຈົ້າ (ອະຣິຍະວາສະ)
ໂສດາບັນ
ພິກຂຸ ທ. ! ການຢູ່ແບບພຣະອະຣິຍະເຈົ້າ ຊຶ່ງພຣະອະຣິຍະເຈົ້າທັງຫຼາຍ ໄດ້ຢູ່ມາແລ້ວກໍດີ ກຳລັງຢູ່ໃນບັດນີ້ກໍດີ ຈະຢູ່ຕໍ່ໄປກໍດີ ມີເຄື່ອງຢູ່ສິບປະການເຫຼົ່ານີ້. ສິບປະການອັນໃດແດ່ໜໍ ? ສິບປະການຄື :-
ພິກຂຸ ທ. ! ພິກຂຸໃນກໍລະນີນີ້ ເປັນຜູ້ລະອົງຄ໌ຫ້າໄດ້ຂາດ, ປະກອບພ້ອມດ້ວຍອົງຄ໌ຫົກ, ມີອາຣັກຂາຢ່າງດຽວ, ມີພະນັກອີງສີ່ດ້ານ, ເປັນຜູ້ຖອນຄວາມເຫັນວ່າຈິງ ດິ່ງໄປຄົນລະທາງຂຶ້ນເສຍແລ້ວ, ເປັນຜູ້ລະການສະແຫວງຫາສິ້ນເຊີງແລ້ວ, ເປັນຜູ້ມີຄວາມດໍາຣິອັນບໍ່ຂຸ່ນມົວ, ເປັນຜູ້ມີກາຢະສັງຂາຣ ອັນສະຫງົບລະງັບແລ້ວ, ເປັນຜູ້ມີຈິຕຫຼຸດພົ້ນດ້ວຍດີ, ເປັນຜູ້ມີປັນຍາ ໃນຄວາມຫຼຸດພົ້ນດ້ວຍດີ.
ພິກຂຸ ທ. ! (໑) ພິກຂຸ ເປັນຜູ້ ລະອົງຄ໌ຫ້າໄດ້ຂາດ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ເປັນຜູ້ລະກາມະສັນທະ, ລະພະຍາບາດ, ລະຖີນະມິດທະ, ລະອຸດທັດຈະກຸກກຸດຈະ ແລະລະວິຈິກິດສາໄດ້ແລ້ວ. ພິກຂຸ ທ. ! ພິກຂຸເຊັ່ນນີ້ຊື່ວ່າ ເປັນຜູ້ລະອົງຄ໌ຫ້າໄດ້ຂາດ.
ພິກຂຸ ທ. ! (໒) ພິກຂຸ ເປັນຜູ້ ປະກອບພ້ອມດ້ວຍອົງຄ໌ຫົກ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ໄດ້ເຫັນຮູບດ້ວຍຕາ, ໄດ້ຟັງສຽງດ້ວຍຫູ. ໄດ້ດົມກິ່ນດ້ວຍດັງ, ໄດ້ຊີມຣົສດ້ວຍລີ້ນ, ໄດ້ສັມຜັສໂຜຕຖັພພະດ້ວຍກາຍ ແລະໄດ້ຮູ້ທັມມາຣົມດ້ວຍໃຈແລ້ວ ກໍເປັນຜູ້ບໍ່ດີໃຈ ບໍ່ເສຍໃຈ ມີອຸເປກຂາ ມີສະຕິ ມີສັມປະຊັນຍະຢູ່ໄດ້. ພິກຂຸ ທ. ! ພິກຂຸເຊັ່ນນີ້ ຊື່ວ່າເປັນຜູ້ປະກອບພ້ອມດ້ວຍອົງຄ໌ຫົກ.
ພິກຂຸ ທ. ! (໓) ພິກຂຸ ເປັນຜູ້ ມີອາຣັກຂາຢ່າງດຽວ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ປະກອບການຮັກສາຈິຕດ້ວຍສະຕິ. ພິກຂຸ ທ. ! ພິກຂຸ ເຊັ່ນນີ້ ຊື່ວ່າມີອາຣັກຂາຢ່າງດຽວ.
ພິກຂຸ ທ. ! (໔) ພິກຂຸ ເປັນຜູ້ ມີພະນັກອີງສີ່ດ້ານ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ພິຈາຣະນາແລ້ວ ເສບຂອງສິ່ງໜຶ່ງ, ພິຈາຣະນາແລ້ວ ອົດກັ້ນຂອງສິ່ງໜຶ່ງ, ພິຈາຣະນາແລ້ວເວັ້ນຂາດຂອງສິ່ງໜຶ່ງ, ພິຈາຣະນາແລ້ວບັນເທົາຂອງສິ່ງໜຶ່ງ, ພິກຂຸ ທ. ! ພິກຂຸເຊັ່ນນີ້ ຊື່ວ່າເປັນຜູ້ມີພະນັກອີງສີ່ດ້ານ໑
ພິກຂຸ ທ. ! (໕) ພິກຂຸ ເປັນຜູ້ ຖອນຄວາມເຫັນວ່າຈິງ ດິ່ງໄປຄົນລະທາງຂຶ້ນເສຍແລ້ວ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ເປັນຜູ້ຖອນ ສະລະຄາຍປ່ອຍ ລະຖິ້ມເສຍແລ້ວ ຊຶ່ງຄວາມເຫັນວ່າຈິງ ດິ່ງໄປຄົນລະທາງຫຼາຍຢ່າງ ຂອງເຫຼົ່າສະມະນະພຣາມຫຼາຍຄົນດ້ວຍກັນ ທີ່ມີຄວາມເຫັນວ່າ “ໂລກທ່ຽງແດ່,ໂລກບໍ່ທ່ຽງແດ່, ໂລກມີທີ່ສຸດແດ່, ໂລກບໍ່ມີທີ່ສຸດແດ່, ຊີວະກໍອັນນັ້ນສະຣີຣະກໍອັນນັ້ນແດ່, ຊີວະກໍອັນອື່ນສະຣີຣະກໍອັນອື່ນແດ່, ຕະຖາຄົຕພາຍຫຼັງແຕ່ການຕາຍຍ່ອມມີອີກແດ່, ຕະຖາຄົຕພາຍຫຼັງແຕ່ການຕາຍ ຍ່ອມບໍ່ມີອີກແດ່, ຕະຖາຄົຕພາຍຫຼັງແຕ່ການຕາຍ ຍ່ອມມີອີກກໍມີບໍ່ມີອີກກໍມີແດ່, ຕະຖາຄົຕພາຍຫຼັງແຕ່ການຕາຍ ຍ່ອມມີອີກກໍຫາກບໍ່ຖືກບໍ່ມີອີກກໍຫາກບໍ່ແມ່່ນແດ່. ພິກຂຸ ທ. ! ພິກຂຸເຊັ່ນນີ້ ຊື່ວ່າເປັນຜູ້ຖອນຄວາມເຫັນວ່າຈິງ ດິ່ງໄປຄົນລະທາງ (ປັຈເຈກະສັຈຈະ) ຂຶ້ນເສຍແລ້ວ.
ພິກຂຸ ທ. ! (໖) ພິກຂຸ ເປັນຜູ້ ລະການສະແຫວງຫາສິ້ນເຊີງແລ້ວ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ເປັນຜູ້ລະການສະແຫວງຫາກາມແລ້ວ, ເປັນຜູ້ລະການສະແຫວງຫາພົບແລ້ວ. ແລະການສະແຫວງຫາພຣົມມະຈັນຣຍ໌ຂອງເຂົານັ້ນ ກໍລະງັບໄປແລ້ວ. ພິກຂຸ ທ. ! ພິກຂຸເຊັ່ນນີ້ ຊື່ວ່າ ເປັນຜູ້ລະການສະແຫວງຫາສິ້ນເຊີງແລ້ວ.
໑. ການພິຈາຣະນາແລ້ວເສບ ການພິຈາຣະນາແລ້ວອົດກັ້ນ ການພິຈະຣະນາແລ້ວງົດເວັ້ນ
ການພິຈະຣະນາແລ້ວບັນເທົາ ໃຫ້ເບິ່ງລາຍລະອຽດໃນໜ້າ ໖໓໐-໖໓໓ ແຫ່ງໜັງສືເຫຼັ້ມນີ້
ພິກຂຸ ທ. ! (໗) ພິກຂຸ ເປັນຜູ້ ມີຄວາມດຳຣິບໍ່ຂຸ່ນມົວ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ເປັນຜູ້ລະຄວາມດໍາຣິໃນທາງກາມເສຍແລ້ວ, ເປັນຜູ້ລະຄວາມດໍາຣິໃນທາງພະຍາບາດເສຍແລ້ວ, ແລະເປັນຜູ້ລະຄວາມດໍາຣິໃນທາງບຽດບຽນເສຍແລ້ວ. ພິກຂຸ ທ. ! ພິກຂຸເຊັ່ນນີ້ ຊື່ວ່າ ເປັນຜູ້ມີຄວາມດຳຣິບໍ່ຂຸ່ນມົວ.
ພິກຂຸ ທ. ! (໘) ພິກຂຸ ເປັນຜູ້ ມີກາຢະສັງຂາຣອັນສະຫງົບລະງັບແລ້ວ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ເພາະລະສຸຂເສຍໄດ້ ເພາະລະທຸກຂ໌ເສຍໄດ້ ແລະເພາະຄວາມດັບຫາຍໄປແຫ່ງໂສມະນັດສະແລະໂທມະນັດສະໃນກາລກ່ອນ ຈຶ່ງບັນລຸຊານທີ ໔ ອັນບໍ່ມີທຸກຂ໌ແລະສຸຂ ມີແຕ່ຄວາມທີ່ສະຕິເປັນທັມມະຊາດທີ່ບໍຣິສຸດ ເພາະອຸເປກຂາແລ້ວແລຢູ່. ພິກຂຸ ທ. ! ພິກຂຸເຊັ່ນນີ້ຊື່ວ່າ ເປັນຜູ້ມີກາຢະສັງຂາຣ ອັນສະຫງົບລະງັບແລ້ວ.
ພິກຂຸ ທ. ! (໙) ພິກຂຸ ເປັນຜູ້ ມີຈິຕຫຼຸດພົ້ນດ້ວຍດີ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ເປັນຜູ້ມີຈິຕຫຼຸດພົ້ນແລ້ວ ຈາກຣາຄະ ຈາກໂທສະ ຈາກໂມຫະ. ພິກຂຸ ທ. ! ພິກຂຸເຊັ່ນນີ້ ຊື່ວ່າ ເປັນຜູ້ມີຈິຕຫຼຸດພົ້ນດ້ວຍດີ.
ພິກຂຸ ທ. ! (໑໐) ພິກຂຸເປັນຜູ້ ມີປັນຍາໃນຄວາມຫຼຸດພົ້ນດ້ວຍດີ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ຍ່ອມຮູ້ແຈ່ມແຈ້ງວ່າ “ເຮົາລະຣາຄະ ໂທສະ ໂມຫະເສຍແລ້ວ ຖອນຂຶ້ນໄດ້ໝົດທັງຮາກ ເຮັດໃຫ້ເໝືອນຕານຍອດເນົ່າ ບໍ່ໃຫ້ມີ ບໍ່ໃຫ້ເກີດໄດ້ອີກຕໍ່ໄປ” ດັ່ງນີ້. ພິກຂຸ ທ. ! ພິກຂຸເຊັ່ນນີ້ຊື່ວ່າ ເປັນຜູ້ມີປັນຍາໃນຄວາມຫຼຸດພົ້ນດ້ວຍດີ.
ພິກຂຸ ທ. ! ໃນກາລະຍືດຍາວຝ່າຍ ອະດີຕ ພຣະອະຣິຍະເຈົ້າເຫຼົ່າໃດເຫຼົ່າໜຶ່ງໄດ້ເປັນຢູ່ແລ້ວ ຢ່າງພຣະອະຣິຍະເຈົ້າ; ພຣະອະຣິຍະເຈົ້າທັງໝົດເຫຼົ່ານັ້ນ ກໍໄດ້ເປັນຢູ່ແລ້ວ ໃນການຢູ່ຢ່າງພຣະອະຣິຍະເຈົ້າ ສິບປະການນີ້ ເໝືອນກັນ.
ພິກຂຸ ທ. ! ໃນກາລະຍືດຍາວຝ່າຍ ອະນາຄົຕ ພຣະອະຣິຍະເຈົ້າເຫຼົ່າໃດເຫຼົ່າໜຶ່ງ ຈະເປັນຢູ່ຢ່າງພຣະອະຣິຍະເຈົ້າ; ພຣະອະຣິຍະເຈົ້າທັງໝົດເຫຼົ່ານັ້ນ ກໍຈະເປັນຢູ່ ໃນການຢູ່ຢ່າງພຣະອະຣິຍະເຈົ້າ ສິບປະການນີ້ ເໝືອນກັນ.
ພິກຂຸ ທ. ! ໃນກາລະ ບັດນີ້ ພຣະອະຣິຍະເຈົ້າເຫຼົ່າໃດເຫຼົ່າໜຶ່ງ ກໍາລັງເປັນຢູ່ຢ່າງພຣະອະຣິຍະເຈົ້າ; ພຣະອະຣິຍະເຈົ້າທັງໝົດເຫຼົ່ານັ້ນ ກໍກໍາລັງເປັນຢູ່ ໃນການຢູ່ຢ່າງພຣະອະຣິຍະເຈົ້າ ສິບປະການນີ້ ເໝືອນກັນ.
ພິກຂຸ ທ. ! ການຢູ່ແບບພຣະອະຣິຍະເຈົ້າ ຊຶ່ງພຣະອະຣິຍະເຈົ້າທັງຫຼາຍ ໄດ້ຢູ່ມາແລ້ວກໍດີ ກໍາລັງຢູ່ໃນບັດນີ້ກໍດີ ຈະຢູ່ຕໍ່ໄປກໍດີ ມີເຄື່ອງຢູ່ສິບປະການເຫຼົ່ານີ້ແລ.
- ທສກ. ອັງ. ໒໔/໓໑-໓໔/໒໐.
ພິກຂຸ ທ. ! ພິກຂຸໃນກໍລະນີນີ້ ເປັນຜູ້ລະອົງຄ໌ຫ້າໄດ້ຂາດ, ປະກອບພ້ອມດ້ວຍອົງຄ໌ຫົກ, ມີອາຣັກຂາຢ່າງດຽວ, ມີພະນັກອີງສີ່ດ້ານ, ເປັນຜູ້ຖອນຄວາມເຫັນວ່າຈິງ ດິ່ງໄປຄົນລະທາງຂຶ້ນເສຍແລ້ວ, ເປັນຜູ້ລະການສະແຫວງຫາສິ້ນເຊີງແລ້ວ, ເປັນຜູ້ມີຄວາມດໍາຣິອັນບໍ່ຂຸ່ນມົວ, ເປັນຜູ້ມີກາຢະສັງຂາຣ ອັນສະຫງົບລະງັບແລ້ວ, ເປັນຜູ້ມີຈິຕຫຼຸດພົ້ນດ້ວຍດີ, ເປັນຜູ້ມີປັນຍາ ໃນຄວາມຫຼຸດພົ້ນດ້ວຍດີ.
ພິກຂຸ ທ. ! (໑) ພິກຂຸ ເປັນຜູ້ ລະອົງຄ໌ຫ້າໄດ້ຂາດ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ເປັນຜູ້ລະກາມະສັນທະ, ລະພະຍາບາດ, ລະຖີນະມິດທະ, ລະອຸດທັດຈະກຸກກຸດຈະ ແລະລະວິຈິກິດສາໄດ້ແລ້ວ. ພິກຂຸ ທ. ! ພິກຂຸເຊັ່ນນີ້ຊື່ວ່າ ເປັນຜູ້ລະອົງຄ໌ຫ້າໄດ້ຂາດ.
ພິກຂຸ ທ. ! (໒) ພິກຂຸ ເປັນຜູ້ ປະກອບພ້ອມດ້ວຍອົງຄ໌ຫົກ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ໄດ້ເຫັນຮູບດ້ວຍຕາ, ໄດ້ຟັງສຽງດ້ວຍຫູ. ໄດ້ດົມກິ່ນດ້ວຍດັງ, ໄດ້ຊີມຣົສດ້ວຍລີ້ນ, ໄດ້ສັມຜັສໂຜຕຖັພພະດ້ວຍກາຍ ແລະໄດ້ຮູ້ທັມມາຣົມດ້ວຍໃຈແລ້ວ ກໍເປັນຜູ້ບໍ່ດີໃຈ ບໍ່ເສຍໃຈ ມີອຸເປກຂາ ມີສະຕິ ມີສັມປະຊັນຍະຢູ່ໄດ້. ພິກຂຸ ທ. ! ພິກຂຸເຊັ່ນນີ້ ຊື່ວ່າເປັນຜູ້ປະກອບພ້ອມດ້ວຍອົງຄ໌ຫົກ.
ພິກຂຸ ທ. ! (໓) ພິກຂຸ ເປັນຜູ້ ມີອາຣັກຂາຢ່າງດຽວ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ປະກອບການຮັກສາຈິຕດ້ວຍສະຕິ. ພິກຂຸ ທ. ! ພິກຂຸ ເຊັ່ນນີ້ ຊື່ວ່າມີອາຣັກຂາຢ່າງດຽວ.
ພິກຂຸ ທ. ! (໔) ພິກຂຸ ເປັນຜູ້ ມີພະນັກອີງສີ່ດ້ານ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ພິຈາຣະນາແລ້ວ ເສບຂອງສິ່ງໜຶ່ງ, ພິຈາຣະນາແລ້ວ ອົດກັ້ນຂອງສິ່ງໜຶ່ງ, ພິຈາຣະນາແລ້ວເວັ້ນຂາດຂອງສິ່ງໜຶ່ງ, ພິຈາຣະນາແລ້ວບັນເທົາຂອງສິ່ງໜຶ່ງ, ພິກຂຸ ທ. ! ພິກຂຸເຊັ່ນນີ້ ຊື່ວ່າເປັນຜູ້ມີພະນັກອີງສີ່ດ້ານ໑
ພິກຂຸ ທ. ! (໕) ພິກຂຸ ເປັນຜູ້ ຖອນຄວາມເຫັນວ່າຈິງ ດິ່ງໄປຄົນລະທາງຂຶ້ນເສຍແລ້ວ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ເປັນຜູ້ຖອນ ສະລະຄາຍປ່ອຍ ລະຖິ້ມເສຍແລ້ວ ຊຶ່ງຄວາມເຫັນວ່າຈິງ ດິ່ງໄປຄົນລະທາງຫຼາຍຢ່າງ ຂອງເຫຼົ່າສະມະນະພຣາມຫຼາຍຄົນດ້ວຍກັນ ທີ່ມີຄວາມເຫັນວ່າ “ໂລກທ່ຽງແດ່,ໂລກບໍ່ທ່ຽງແດ່, ໂລກມີທີ່ສຸດແດ່, ໂລກບໍ່ມີທີ່ສຸດແດ່, ຊີວະກໍອັນນັ້ນສະຣີຣະກໍອັນນັ້ນແດ່, ຊີວະກໍອັນອື່ນສະຣີຣະກໍອັນອື່ນແດ່, ຕະຖາຄົຕພາຍຫຼັງແຕ່ການຕາຍຍ່ອມມີອີກແດ່, ຕະຖາຄົຕພາຍຫຼັງແຕ່ການຕາຍ ຍ່ອມບໍ່ມີອີກແດ່, ຕະຖາຄົຕພາຍຫຼັງແຕ່ການຕາຍ ຍ່ອມມີອີກກໍມີບໍ່ມີອີກກໍມີແດ່, ຕະຖາຄົຕພາຍຫຼັງແຕ່ການຕາຍ ຍ່ອມມີອີກກໍຫາກບໍ່ຖືກບໍ່ມີອີກກໍຫາກບໍ່ແມ່່ນແດ່. ພິກຂຸ ທ. ! ພິກຂຸເຊັ່ນນີ້ ຊື່ວ່າເປັນຜູ້ຖອນຄວາມເຫັນວ່າຈິງ ດິ່ງໄປຄົນລະທາງ (ປັຈເຈກະສັຈຈະ) ຂຶ້ນເສຍແລ້ວ.
ພິກຂຸ ທ. ! (໖) ພິກຂຸ ເປັນຜູ້ ລະການສະແຫວງຫາສິ້ນເຊີງແລ້ວ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ເປັນຜູ້ລະການສະແຫວງຫາກາມແລ້ວ, ເປັນຜູ້ລະການສະແຫວງຫາພົບແລ້ວ. ແລະການສະແຫວງຫາພຣົມມະຈັນຣຍ໌ຂອງເຂົານັ້ນ ກໍລະງັບໄປແລ້ວ. ພິກຂຸ ທ. ! ພິກຂຸເຊັ່ນນີ້ ຊື່ວ່າ ເປັນຜູ້ລະການສະແຫວງຫາສິ້ນເຊີງແລ້ວ.
໑. ການພິຈາຣະນາແລ້ວເສບ ການພິຈາຣະນາແລ້ວອົດກັ້ນ ການພິຈະຣະນາແລ້ວງົດເວັ້ນ
ການພິຈະຣະນາແລ້ວບັນເທົາ ໃຫ້ເບິ່ງລາຍລະອຽດໃນໜ້າ ໖໓໐-໖໓໓ ແຫ່ງໜັງສືເຫຼັ້ມນີ້
ພິກຂຸ ທ. ! (໗) ພິກຂຸ ເປັນຜູ້ ມີຄວາມດຳຣິບໍ່ຂຸ່ນມົວ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ເປັນຜູ້ລະຄວາມດໍາຣິໃນທາງກາມເສຍແລ້ວ, ເປັນຜູ້ລະຄວາມດໍາຣິໃນທາງພະຍາບາດເສຍແລ້ວ, ແລະເປັນຜູ້ລະຄວາມດໍາຣິໃນທາງບຽດບຽນເສຍແລ້ວ. ພິກຂຸ ທ. ! ພິກຂຸເຊັ່ນນີ້ ຊື່ວ່າ ເປັນຜູ້ມີຄວາມດຳຣິບໍ່ຂຸ່ນມົວ.
ພິກຂຸ ທ. ! (໘) ພິກຂຸ ເປັນຜູ້ ມີກາຢະສັງຂາຣອັນສະຫງົບລະງັບແລ້ວ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ເພາະລະສຸຂເສຍໄດ້ ເພາະລະທຸກຂ໌ເສຍໄດ້ ແລະເພາະຄວາມດັບຫາຍໄປແຫ່ງໂສມະນັດສະແລະໂທມະນັດສະໃນກາລກ່ອນ ຈຶ່ງບັນລຸຊານທີ ໔ ອັນບໍ່ມີທຸກຂ໌ແລະສຸຂ ມີແຕ່ຄວາມທີ່ສະຕິເປັນທັມມະຊາດທີ່ບໍຣິສຸດ ເພາະອຸເປກຂາແລ້ວແລຢູ່. ພິກຂຸ ທ. ! ພິກຂຸເຊັ່ນນີ້ຊື່ວ່າ ເປັນຜູ້ມີກາຢະສັງຂາຣ ອັນສະຫງົບລະງັບແລ້ວ.
ພິກຂຸ ທ. ! (໙) ພິກຂຸ ເປັນຜູ້ ມີຈິຕຫຼຸດພົ້ນດ້ວຍດີ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ເປັນຜູ້ມີຈິຕຫຼຸດພົ້ນແລ້ວ ຈາກຣາຄະ ຈາກໂທສະ ຈາກໂມຫະ. ພິກຂຸ ທ. ! ພິກຂຸເຊັ່ນນີ້ ຊື່ວ່າ ເປັນຜູ້ມີຈິຕຫຼຸດພົ້ນດ້ວຍດີ.
ພິກຂຸ ທ. ! (໑໐) ພິກຂຸເປັນຜູ້ ມີປັນຍາໃນຄວາມຫຼຸດພົ້ນດ້ວຍດີ ເປັນແນວໃດໜໍ ? ພິກຂຸ ທ. ! ພິກຂຸໃນກໍລະນີນີ້ ຍ່ອມຮູ້ແຈ່ມແຈ້ງວ່າ “ເຮົາລະຣາຄະ ໂທສະ ໂມຫະເສຍແລ້ວ ຖອນຂຶ້ນໄດ້ໝົດທັງຮາກ ເຮັດໃຫ້ເໝືອນຕານຍອດເນົ່າ ບໍ່ໃຫ້ມີ ບໍ່ໃຫ້ເກີດໄດ້ອີກຕໍ່ໄປ” ດັ່ງນີ້. ພິກຂຸ ທ. ! ພິກຂຸເຊັ່ນນີ້ຊື່ວ່າ ເປັນຜູ້ມີປັນຍາໃນຄວາມຫຼຸດພົ້ນດ້ວຍດີ.
ພິກຂຸ ທ. ! ໃນກາລະຍືດຍາວຝ່າຍ ອະດີຕ ພຣະອະຣິຍະເຈົ້າເຫຼົ່າໃດເຫຼົ່າໜຶ່ງໄດ້ເປັນຢູ່ແລ້ວ ຢ່າງພຣະອະຣິຍະເຈົ້າ; ພຣະອະຣິຍະເຈົ້າທັງໝົດເຫຼົ່ານັ້ນ ກໍໄດ້ເປັນຢູ່ແລ້ວ ໃນການຢູ່ຢ່າງພຣະອະຣິຍະເຈົ້າ ສິບປະການນີ້ ເໝືອນກັນ.
ພິກຂຸ ທ. ! ໃນກາລະຍືດຍາວຝ່າຍ ອະນາຄົຕ ພຣະອະຣິຍະເຈົ້າເຫຼົ່າໃດເຫຼົ່າໜຶ່ງ ຈະເປັນຢູ່ຢ່າງພຣະອະຣິຍະເຈົ້າ; ພຣະອະຣິຍະເຈົ້າທັງໝົດເຫຼົ່ານັ້ນ ກໍຈະເປັນຢູ່ ໃນການຢູ່ຢ່າງພຣະອະຣິຍະເຈົ້າ ສິບປະການນີ້ ເໝືອນກັນ.
ພິກຂຸ ທ. ! ໃນກາລະ ບັດນີ້ ພຣະອະຣິຍະເຈົ້າເຫຼົ່າໃດເຫຼົ່າໜຶ່ງ ກໍາລັງເປັນຢູ່ຢ່າງພຣະອະຣິຍະເຈົ້າ; ພຣະອະຣິຍະເຈົ້າທັງໝົດເຫຼົ່ານັ້ນ ກໍກໍາລັງເປັນຢູ່ ໃນການຢູ່ຢ່າງພຣະອະຣິຍະເຈົ້າ ສິບປະການນີ້ ເໝືອນກັນ.
ພິກຂຸ ທ. ! ການຢູ່ແບບພຣະອະຣິຍະເຈົ້າ ຊຶ່ງພຣະອະຣິຍະເຈົ້າທັງຫຼາຍ ໄດ້ຢູ່ມາແລ້ວກໍດີ ກໍາລັງຢູ່ໃນບັດນີ້ກໍດີ ຈະຢູ່ຕໍ່ໄປກໍດີ ມີເຄື່ອງຢູ່ສິບປະການເຫຼົ່ານີ້ແລ.
- ທສກ. ອັງ. ໒໔/໓໑-໓໔/໒໐.