ຫນ້າທີ່ປະຕິບັຕຕໍ່ກັນ

ຫນ້າທີ່ປະຕິບັຕຕໍ່ກັນ

ຄະຫະບໍດິບຸຕ ! ທິສເບື້ອງໜ້າຄື ມານດາ-ບິດາ ອັນກຸນລະບຸຕຄວນປະຕິບັດຕໍ່ໂດຍຖານະ 5 ປະການ ຄື:

1. ເພິ່ນລ້ຽງເຮົາມາແລ້ວ ຮູ້ຈັກລ້ຽງເພິ່ມຕອບ

2. ເຮົາຈັກເຮັດວຽກຂອງທ່ານ

3. ເຮົາຈັກດຳລົງວົງຕະກູນ

4. ເຮົາຈັກປະພຶດຕົນໃຫ້ສົມກັບເປັນທາຍາດ

5. ເມື່ອເພີ່ນທຳກາລະລ່ວງລັບໄປແລ້ວທຳບຸນອຸທິສຫາ

ຄະຫະບໍດິບຸດ! ທິສເບື້ອງໜ້າຄື ມານດາ-ບິດາ ອັນບຸຕ ປະຕິບັດຕໍ່ໂດຍຖານະ 5 ປະການເຫຼົ່ານີ້ແລ້ວ ຍ່ອມອະນຸເຄາະບຸຕໂດຍຖານະ 5 ປະການຄື:

1) ຫ້າມບໍ່ໃຫ້ເຮັດຊົ່ວ

2) ໃຫ້ຕັ້ງຢູ່ໃນຄວາມດີ

3) ໃຫ້ສຶກສາສິລະປະ

4) ໃຫ້ມີຄູ່ຄອງທີ່ເໝາະສົມ

5) ມອບມໍຣະດົກໃຫ້ເມື່ອສົມຄວນແກ່ເວລາ

....ຄະຫະບໍດິບຸຕ ! ທິສເບື້ອງຫຼັງຄື ພັນຣະຍາ ອັນສາມີຄວນປະຕິບັດຕໍ່ໂດຍຖານະ 5 ປະການ ຄື:

1) ດ້ວຍການຍົກຍ້ອງ

2) ດ້ວຍການບໍ່ດູໝິ່ນ

3) ດ້ວຍການບໍ່ປະພຶດນອກໃຈ

4) ດ້ວຍການມອບຄວາມເປັນໃຫຍ່ໃນໜ້າທີ່ໃຫ້

5) ດ້ວຍການໃຫ້ເຄື່ອງປະດັບ

ຄະຫະບໍດິບຸດ! ທິສເບື້ອງຫຼັງຄື ພັນຣະຍາ ເມື່ອສາມີ ປະຕິບັດຕໍ່ໂດຍຖານະ 5 ປະການເຫຼົ່ານີ້ແລ້ວ ຍ່ອມອະນຸເຄາະສາມີໂດຍຖານະ 5 ປະການຄື:

1. ຈັດແຕ່ງວຽກງານໃຫ້ດີ

2. ຊ່ວຍເຫຼືອຍາດພີ່ນ້ອງຂອງສາມີ

3. ບໍ່ປະພຶດນອກໃຈ

4. ຮັກສາຊັບທີ່ສາມີຫາມາໄດ້

5. ດຸໝັ່ນຂະຫຍັນຂັນແຂງໃນວຽກງານທັງຫຼາຍ

...ຄະຫະບໍດິບຸຕ ! ທິສເບື້ອງຊ້າຍຄື ມິຕສະຫາຍ ອັນກຸນລະບຸຕຄວນປະຕິບັດຕໍ່ໂດຍຖານະ 5 ປະການຄື:

1. ດ້ວຍການຊ່ວຍເຫຼືອ

2. ດ້ວຍການເວົ້າຈາທີ່ອ່ອນໂຍນ

3. ດ້ວຍການປະພຶດທີ່ເປັນປະໂຍຊນ໌

4. ດ້ວຍການວາງຕົນສະເໝີກັນ

5. ດ້ວຍການບໍ່ກ່າວຄຳອັນເປັນສິ່ງທີ່ເຮັດໃຫ້ແຕກກັນ

ຄະຫະບໍດິບຸດ! ທິສເບື້ອງຊ້າຍຄື ມິຕສະຫານ ອັນກຸນລະບຸຕ ປະຕິບັດຕໍ່ໂດຍຖານະ 5 ປະການເຫຼົ່ານີ້ແລ້ວ ຍ່ອມອະນຸເຄາະກຸນລະບຸຕໂດຍຖານະ 5 ປະການ ຄື:

1. ຮັກສາມິຕຜູ້ປະມາດແລ້ວ

2. ຮັກສາຊັບຂອງມິຕຜູ້ປະມາດແລ້ວ

3. ເປັນທີ່ເພິ່ງແກ່ມິຕເມື່ອມິພັຍ

4. ບໍ່ຖິ້ມມິຕໃນຍາມມີອັນຕະລາຍ

5. ນັບຖືສະມາຊິກໃນວົງຕະກຸນຂອງມິຕ

...ຄະຫະບໍດິບຸຕ ! ທິສເບື້ອງຕໍ່າຄື ທາສກັມມະກອນ ອັນກຸນລະບຸຕ ຄວນປະຕິບັດຕໍ່ໂດຍຖານະ 5 ປະການຄື:

1. ດ້ວຍການໃຫ້ເຮັດວຽກຕາມກຳລັງ

2. ດ້ວຍການໃຫ້ອາຫາຣ ແລະ ລາງວັນ

3. ດ້ວຍການຮັກສາພະຍາບານໃນຍາມເຈັບໄຂ້

4. ດ້ວຍການແບ່ງອາຫານທີ່ເຂົາບໍ່ເຄີຍໄດ້ກິນໃຫ້

5. ດ້ວຍການປ່ອຍໃຫ້ພັກວຽກຕາມສະໄໝ (ໃຫ້ໄປທຽ່ວຕາມການເວລາ)

ຄະຫະບໍດິບຸດ! ທິສເບື້ອງຕໍ່າຄື ທາສກັມມະກອນ ອັນເຈົ້ານາຍປະຕິບັດຕໍ່ໂດຍຖານະ 5 ປະການເຫຼົ່ານີ້ແລ້ວຍ່ອມອະນຸເຄາະ ເຈົ້ານາຍໂດຍຖານະ 5 ປະການຄື:

1. ໃຫ້ລຸກຂື້ນເຮັດວຽກກ່ອນເຈົ້ານາຍ (ຫົວໜ້າ)

2. ເລິກວຽກທີຫຼັງເຈົ້ານາຍ

3. ຖືເອົາແຕ່ຂອງທີ່ເຈົ້ານາຍໃຫ້

4. ເຮັດວຽກໃຫ້ດີທີ່ສຸດ

5. ນຳກຽດຕິຄຸນເຈົ້ານາຍໄປເລົ່າລື...

-ບາລີ ປາ. ທີ. 11/203/199.