ຄວາມບໍ່ມີເວນ

ສະມັຍຫນຶ່ງ ພຣະຜູ້ມີພຣະພາຄປະທັບຢູ່ທີ່ເຈດີຍ໌ ຊື່ວ່າ ມະນິມາພກະ ອັນເປັນທີ່ຄອບຄອງຂອງຍັກສ໌

ຊື່ມະນີພັທທະ ໃນແຄວ້ນ ມະຄະທະ ຯ

ຄັ້ງນັ້ນແລ ຍັກສ໌ຊື່ມະນີພັທທະເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ຄຣັ້ນແລ້ວ ໄດ້ກ່າວຄາຖານີ້ໃນສຳນັກພຣະຜູ້ມີພຣະພາຄວ່າ

ຄວາມຈະເຣີນຍ່ອມມີແກ່ຄົນມີສະຕິທຸກເມື່ອ

ຄົນມີສະຕິຍ່ອມໄດ້ຄວາມສຸກຂ໌

ຄວາມດີຍ່ອມມີແກ່ຄົນທີ່ມີສະຕິເປັນນິຕຍ໌

ແລະຄົນມີສະຕິຍ່ອມຫລຸດພົ້ນຈາກເວຣ ຯ

ພຣະຜູ້ມີພຣະພາຄຕຣັສວ່າ

ຄວາມຈະເຣີນຍ່ອມມີແກ່ຄົນມີສະຕິທຸກເມື່ອ

ຄົນມີສະຕິຍ່ອມໄດ້ຄວາມສຸກຂ໌

ຄວາມດີຍ່ອມມີແກ່ຄົນມີສະຕິເປັນນິຕຍ໌

ແຕ່ຄົນມີສະຕິຍັງບໍ່ຫລຸດພົ້ນຈາກເວຣ ຯ

ແຕ່ຜູ້ໃດມີໃຈຍິນດີໃນຄວາມບໍ່ບຽດບຽນຕະຫລອດວັນແລະຄືນທັງຫມົດ ແລະເປັນຜູ້ມີສ່ວນແຫ່ງເມຕຕາໃນສັພພະສັຕວ໌ ຜູ້ນັ້ນຍ່ອມບໍ່ມີເວຣກັບໃຜໆ ຯ

ພຣະໄຕປິດົກ ເລ່ມທີ່ 15 ສຸຕຕັນຕະປິດົກ ສັງຍຸຕຕະນິກາຍ ສະຄາຖະວັຄ ຫນ້າທີ່ 250.

ຄວາມບໍ່ມີເວນ