ຄວາມຫມາຍຂອງຄຳວ່າ “ທຸກຂະ/ທຸກຂັງ”

ຄັ້ງນັ້ນແລ ພິກຂຸອົງໜຶ່ງເຂົ້າໄປເຝົ້າພຣະຜູ້ມີພຣະພາກເຖິງທີ່ປະທັບ ຖວາຍບັງຄົມພຣະຜູ້ມີພຣະພາກແລ້ວ ນັ່ງ ນະ ທີ່ຄວນສ່ວນຂ້າງໜຶ່ງ ຄັນແລ້ວໄດ້ກາບທູນພຣະຜູ້ມີພຣະພາກວ່າ

“ຂ້າແຕ່ພຣະອົງຜູ້ຈະເລີນ ! ເມື່ອຂ້ານ້ອຍຫຼີກເວັ້ນພາວະນາຢູ່ ໄດ້ເກີດການໃຄ່ຄວນຂຶ້ນໃນໃຈວ່າ ‘ພຣະຜູ້ມີພຣະພາກໄດ້ຕຣັດເວທະນາໄວ້ ໓ ຢ່າງຄື ສຸຂະເວທະນາ ທຸກຂະເວທະນາ ອະທຸກຂະມະສຸຂະເວທະນາ. ກໍພຣະຜູ້ມີພຣະພາກເຈົ້າໄດ້ຕຣັດຄຳນີ້ໄວ້ວ່າ ‘#ເວທະນາໃດໆ ກໍຕາມ ເວທະນານັ້ນໆ ປະຊຸມລົງໃນຄວາມທຸກ’ ດັ່ງນີ້ ຂໍ້ທີ່ພຣະອົງຕຣັດວ່າ ‘ເວທະນາໃດໆກໍຕາມ ເວທະນານັ້ນໆ #ປະຊຸມລົງໃນຄວາມທຸກ ດັ່ງນີ້ #ຊົງໝາຍເຖິງຫຍັງໜໍ ?’’

ພິກຂຸ ! ດີແລ້ວ ດີແລ້ວ. ເຮົາກ່າວເວທະນາໄວ້ ໓ ຢ່າງເຫຼົ່ານີ້ຄື ສຸຂະເວທະນາ ທຸກຂະເວທະນາ ອະທຸກຂະມະສຸຂະເວທະນາຈິງ ; ແລະຍັງໄດ້ກ່າວວ່າ “ເວທະນາໃດໆກໍຕາມ ເວທະນານັ້ນໆ ປະຊຸມລົງໃນຄວາມທຸກ”. #ຂໍ້ນີ້ເຮົາກ່າວໝາຍເຖິງຄວາມເປັນຂອງບໍ່ທ່ຽງແຫ່ງສັງຂານທັງຫຼາຍນັ້ນເອງ,

#ແລະເຮົາຍັງກ່າວໝາຍເຖິງຄວາມເປັນຂອງສິ້ນໄປເປັນທຳມະດາ

#ຄວາມເປັນຂອງເສື່ອມໄປເປັນທຳມະດາ

#ຄວາມເປັນຂອງຈາງຄາຍໄປເປັນທຳມະດາ

#ຄວາມເປັນຂອງດັບບໍ່ເຫຼືອເປັນທຳມະດາ

#ຄວາມເປັນຂອງແປປ່ວນເປັນທຳມະດາ#ຂອງສັງຂານທັງຫຼາຍນັ້ນແຫຼະ ທີ່ໄດ້ກ່າວວ່າ “ເວທະນາໃດໆ ກໍຕາມ ເວທະນານັ້ນໆ ປະຊຸມລົງໃນຄວາມທຸກ” ດັ່ງນີ້.

- ສລາ. ສໍ. ໑໘/໒໖໘/໓໙໑.

ຄວາມຫມາຍຂອງຄຳວ່າ “ທຸກຂະ/ທຸກຂັງ”