ສະມະນະສັນຍາ

ພິກຂຸທັງຫລາຍ! ສະມະນະສັນຍາ 3 ປະການ ອັນພິກຂຸຈະເຣີນແລ້ວ ກະທຳໃຫ້ຫລາຍແລ້ວ ຍ່ອມຍັງທັມ ໗ ປະກາຣໃຫ້ບໍຣິບູນ. ສະມະນະສັນຍາ ໓ ປະກາຣເປັນຢ່າງໃດ? ຄື:

ສະມະນະສັນຍາວ່າ:

ເຮົາມີເພດຕ່າງຈາກຄະຣືຫັສຖ໌,

ຊີວິຕຂອງເຮົາເນື່ອງດ້ວຍຜູ້ອື່ນ,

ອາກັປກິຣິຍາຢ່າງອື່ນທີ່ເຮົາຄວນກະທຳມີຢູ່

(ເມ ອາກັປໂປ ກະຣະນີໂຍຕິ),

ພິກຂຸທັງຫລາຍ! ສະມະນະສັນຍາ 3 ປະການນີ້ແລ ອັນພິກຂຸຈະເຣີນແລ້ວ ກະທຳໃຫ້ຫລາຍແລ້ວ ຍ່ອມຍັງທັມ ໗ ປະກາຣໃຫ້ບໍຣິບູນ. ທັມ ໗ ປະກາຣເປັນຢ່າງໃດ? ຄື:

ພິກຂຸໃນທັມວິນັຍນີ້ ເປັນຜູ້ມີປົກກະຕິທຳຕໍ່ເນື່ອງ ປະພຶຕຕໍ່ເນື່ອງເປັນນິຈໃນສີລທັງຫລາຍ,

ເປັນຜູ້ບໍ່ມີອະພິຊຊາ (ອະນະພິຊຊາລຸ ໂຫຕິ),

ເປັນຜູ້ບໍ່ພະຍາບາທ (ອັພຍາປັຊໂຊ ໂຫຕິ),

ເປັນຜູ້ບໍ່ມີຄວາມຖືໂຕ (ອະນະຕິມານີ ໂຫຕິ),

ເປັນຜູ້ໃຝ່ຕໍ່ສິກຂາ (ສິກຂາກາໂມ ໂຫຕິ),

ເປັນຜູ້ມີກາຣພິຈາຣະນາໃນປັຈຈັຍທັງຫລາຍອັນເປັນບໍຣິຂາຣແຫ່ງຊີວິຕວ່າ ປັຈຈັຍເຫລົ່ານີ້ມີປະໂຍຊນ໌ເຊັ່ນນີ້ ແລ້ວຈຶ່ງບໍຣິໂພຄ (ອິຈຈັຕຖັນຕິສສະ ໂຫຕິ ຊີວິຕະປະຣິກຂາເຣສຸ),

ເປັນຜູ້ປຣາຣົພຄວາມພຽນ (ອາຣັທທະວິຣິໂຍ ວິຫາຣະຕິ).

ພິກຂຸທັງຫລາຍ! ສະມະນະສັນຍາ ໓ ປະກາຣນີ້ແລ ອັນພິກຂຸຈະເຣີນແລ້ວ ກະທຳໃຫ້ຫລາຍແລ້ວ ຍ່ອມຍັງທັມ ໗ ປະກາຣໃຫ້ບໍຣິບູນ.

ອັງຄຸຕຕະຣະນິກາຍ ທະສະກະ-ເອກາທະສະກະນິບາຕ ໒໔/໑໘໐/໑໐໑

ສະມະນະສັນຍາ