ສິ່ງທີ່ໄກກັນ ແສນໄກ

ດູຣາພິກຂຸທັງຫຼາຍ !

ສິ່ງທີ່ໄກກັນ ແສນໄກ ໔ ປະການນີ້ ໔ ປະການເປັນແນວໃດໜໍ ?

ຟ້າກັບ ແຜ່ນດິນ ນີ້ເປັນສິ່ງທີ່ໄກກັນແສນໄກ ປະການທີ ໑

ຝັ່ງນີ້ແລະຝັ່ງນັ້ນມະຫາສະໝຸດ ນີ້ເປັນສິ່ງທີ່ໄກແສນໄກ ປະການທີ ໒

ພຣະອາທິດຍາມຂຶ້ນ ແລະຍາມຕາເວັນຕົກ ນີ້ເປັນສິ່ງທີ່ໄກແສນໄກ ປະການທີ ໓

ທັມຂອງສັຕຕະບຸຣຸສ ແລະທັມຂອງອະສັຕຕະບຸຣຸສ ນີ້ເປັນສິ່ງທີ່ໄກແສນໄກ ປະການທີ ໔

ດູຣາພິກຂຸທັງຫຼາຍ ! ສິ່ງທີ່ໄກແສນໄກ ປະການນີ້ແລ

ນັກປຣາດທັງຫຼາຍກ່າວວ່າ..

ຟ້າກັບດິນໄກກັນ

ຝັ່ງມະຫາສະໝຸດ ກໍໄກກັນ

ພຣະອາທິດສ່ອງແສງຍາມອຸທັຍ ກັບຍາມອັສດົງ ໄກກັນ

ບັນດິຕກ່າວວ່າ...

ທັມຂອງສັຕຕະບຸຣຸສ ກັບທັມຂອງ ອະສັຕຕະບຸຣຸສໄກກັນຍິ່ງກວ່ານັ້ນ

“ການສະມາຄົມຂອງສັຕຕະບຸຣຸສ ໝັ້ນຄົງຍືນຍາວ

ຍ່ອມເປັນຢ່າງນັ້ນ

ຍ່ອມເປັນຢ່າງນັ້ນຕຣາບເທົ່າການທີ່ເພິ່ງດຳລົງຢູ່“

ສ່ວນການສະມາຄົມຂອງອະສັຕຕະບຸຣຸສ ຍ່ອມຈືດຈາງໄວ

ເພາະສະນັ້ນ ທັມຂອງສັຕຕະບຸຣຸສ ຈຶ່ງໄກຈາກທັມຂອງອະສັຕຕະບຸຣຸສ ໆ

- ສຸຕຕັນຕະປິດົກ ອັງຄຸຕຕະຣະນິກາຍ ຈຕຸກກະນິບາຕ ຫນ້າທີ່ 50 ຂໍ້ທີ່ 47.

ສິ່ງທີ່ໄກກັນ ແສນໄກ