ກັມທີ່ເປັນເຫຕໃຫ້ໄດ້ຮັບຜົລ

ເປັນຄວາມກະເສືອກ ກະສົນ

ພິກຂຸ ທ. ! ເຮົາຈະສະແດງທັມປະຣິຍາຍ ອັນສະແດງ

ຄວາມກະເສືອກກະສົນໄປຕາມກັມ (ຂອງໝູ່ສັຕ)

ແກ່ພວກເຈົ້າ. ເຈົ້າທັງຫລາຍຈົ່ງຕັ້ງໃຈຟັງໃຫ້ດີ. ທັມ

ປະຣິຍາຍອັນສະແດງຄວາມກະເສືອກກະສົນໄປຕາມ

ກັມ (ຂອງໝູ່ສັຕ) ເປັນຢ່າງໃດໝໍ ?

ພິກຂຸ ທ. ! ສັຕທັງຫລາຍ ເປັນຜູ້ມີກັມເປັນຂອງຕົນ

ເປັນທາຍາດແຫ່ງ ກັມ ມີກັມເປັນກຳເນີດ ມີກັມ

ເປັນເຜົ່າພັນ ມີກັມເປັນທີ່ເພິ່ງອາສັຍ ກະທຳກັມ

ໃດໄວ້ດີກໍຕາມຊົ່ວກໍຕາມ ຈະເປັນຜູ້ຮັບຜົລກັມນັ້ນ.

ພິກຂຸ ທ. ! ຄົນບາງຄົນໃນກໍລະນີນີ້ ເປັນຜູ້ ມີປົກກະຕິທຳປານາຕິບາຕ ຫຍາບຊ້າ ມີຝ່າມືເປື້ອນດ້ວຍເລືອດ ມີແຕ່ການຂ້າແລະການທຸບຕີ ບໍ່ມີຄວາມເອັນດູໃນສັຕມີຊີວິຕ. ເຂົາກະເສືອກກະສົນດ້ວຍ (ກັມທາງ) ກາຍ

ກະເສືອກກະສົນດ້ວຍ (ກັມທາງ) ວາຈາ ກະເສືອກ

ກະສົນດ້ວຍ (ກັມທາງ) ໃຈ., ກາຍຍະກັມຂອງເຂົາຄົດ ວະຈີກັມຂອງເຂົາຄົດ ມະໂນກັມຂອງເຂົາຄົດ., ຄະຕິຂອງເຂົາຄົດ ອຸບັຕຂອງເຂົາຄົດ.

ພິກຂຸ ທ. ! ສຳລັບຜູ້ມີຄະຕິຄົດ ມີອຸບັຕຄົດນັ້ນ ເຮົາກ່າວຄະຕິຢ່າງໃດ ຢ່າງໜຶ່ງໃນບັລດາຄະຕິສອງຢ່າງ ແກ່ເຂົາ ຄື ເຫລົ່າ ສັຕນະຣົກຜູ້ມີທຸກໂດຍສ່ວນດຽວ, ຫລືວ່າ ສັຕເດຣັຈສານ ຜູ້ມີກຳເນີດກະເສືອກກະສົນ ໄດ້ແກ່ ງູ ແມງງອດ ຂີ້ເຂັບ ຈອນພອນ ແມວ ໜູ ນົກເຄົ້າ ຫລືສັຕເດຣັຈສານເຫລົ່າອື່ນ ທີ່ເຫັນມະນຸຕແລ້ວກະ ເສືອກ ກະສົນ. ພິກຂຸ ທ. ! ພູຕສັຕຍ່ອມມີດ້ວຍອາການຢ່າງນີ້ ຄື ອຸປະບັຕ (ການເຂົ້າເຖິງພົພ) ຍ່ອມມີແກ່ພູຕສັຕ, ເຂົາທຳກັມໃດໄວ້ ເຂົາຍ່ອມອຸບັຕດ້ວຍກັມນັ້ນ, ຜັສສະທັງຫລາຍຍ່ອມຖືກຕ້ອງພູຕສັຕນັ້ນຜູ້ອຸບັຕແລ້ວ.

ພິກຂຸ ທ. ! ເຮົາກ່າວວ່າ ສັຕທັງຫລາຍເປັນທາຍາທແຫ່ງກັມ ດ້ວຍອາການຢ່າງນີ້ ດັ່ງນີ້.

- ທສກ. ອໍ. ໒໔/໓໐໙/໑໙໓.

(ໃນກໍລະນີແຫ່ງບຸກຄົລຜູ້ ກະທຳອະທິນນາທານ

ກາເມສຸມິຈສາຈາລ ກໍໄດ້ຕຣັສໄວ້ດ້ວຍ ຂໍ້ຄວາມຢ່າງ

ດຽວກັນກັບໃນກໍລະນີຂອງຜູ້ກະທຳປານາຕິບາຕດັ່ງ

ກ່າວມາແລ້ວຂ້າງເທິງທຸກປະການ., ແລະຍັງໄດ້ຕຣັສ

ເລີຍໄປເຖິງ ວະຈີທຸຈະຣິຕສີ່ ມະໂນທຸຈະຣິຕສາມ ດ້ວຍ ຂໍ້ຄວາມຢ່າງດຽວກັນອີກດ້ວຍ. )

ກັມທີ່ເປັນເຫຕໃຫ້ໄດ້ຮັບຜົລ