ອານິສົງແຫ່ງການຈະເຣີນເມຕຕາເຈໂຕວິມຸຕ ໑໑ ປະການ

ພິກຂຸທັງຫລາຍ ! ເມື່ອເມຕຕາເຈໂຕວິມຸຕ ອັນບຸກຄົນເສບຄົບແລ້ວ ຈະເຣີນແລ້ວ ກະທຳໃຫ້ຫລາຍແລ້ວ ກະທຳໃຫ້ເປັນດັ່ງຍານ ກະທຳໃຫ້ເປັນທີ່ຕັ້ງ ໃຫ້ຕັ້ງໝັ້ນໂດຍລຳດັບ ສັ່ງສົມດີແລ້ວ ປາຣົບດີແລ້ວ ຍ່ອມຫວັງອານິສົງ ໑໑ ປະການ, ໑໑ ປະການເປັນແນວໃດ? ຄື:

ຍ່ອມຫລັບເປັນສຸຂ ໑

ຍ່ອມຕື່ນເປັນສຸຂ ໑

ຍ່ອມບໍ່ຝັນຮ້າຍ ໑

ຍ່ອມເປັນທີ່ຮັກຂອງມະນຸສທັງຫລາຍ ໑

ຍ່ອມເປັນທີ່ຮັກຂອງອະມະນຸສທັງຫລາຍ ໑

ເທວະດາທັງຫລາຍຍ່ອມຮັກສາ ໑

ໄຟ ຢາພິດ ຫລືສັຕຕາຍ່ອມບໍ່ກ້ຳກ່າຍໄດ້ ໑

ຈິດຍ່ອມຕັ້ງໝັ້ນໂດຍໄວ ໑

ສີໜ້າຜ່ອງໃສ ໑

ເປັນຜູ້ບໍ່ຫລົງທຳກາລະ ໑

ເມື່ອບໍ່ບັນລຸທັມທີ່ຍິ່ງຂຶ້ນໄປຍ່ອມເຂົ້າເຖິງພຣົມມະໂລກ ໑

ພິກຂຸທັງຫລາຍ ! ເມື່ອເມຕຕາເຈໂຕວິມຸຕ ອັນບຸກຄົນເສບຄົບແລ້ວ ຈະເຣີນແລ້ວ ກະທຳໃຫ້ຫລາຍແລ້ວ ກະທຳໃຫ້ເປັນດັ່ງຍານ ກະທຳໃຫ້ເປັນທີ່ຕັ້ງ ໃຫ້ຕັ້ງໝັ້ນໂດຍລຳດັບ ສັ່ງສົມດີແລ້ວ ປາຣົບດີແລ້ວ ຍ່ອມຫວັງອານິສົງ ໑໑ ປະການນີ້ແລ.

ສຸຕຕັນຕະປິດົກ ອັງຄຸຕຕະຣະນິກາຍ ທະກະສະ-ເອກາທະສະກະນິບາຕ ພາສາໄທ ສະບັບຫລວງ ເຫລັ້ມທີ ໒໔ ໜ້າທີ ໓໑໖/໒໒໒

ອານິສົງແຫ່ງການຈະເຣີນເມຕຕາເຈໂຕວິມຸຕ ໑໑ ປະການ