ການຈະເລີນອານາປານະສະຕິສະມາທິ

ອານົນທ໌! ກໍອານາປານະສະຕິເປັນຢ່າງໃດໜໍ?

ອານົນທ໌! ພິກຂຸໃນທັມວິໄນນີ້ ໄປສູ່ປ່າກໍດີ ໄປສູ່ເຫງົ້າໄມ້ກໍດີ ໄປສູ່ເຮືອນວ່າງກໍດີ ນັ່ງຄູ້ບັນລັງ ຕັ້ງກາຍຕົງ ດຳຣົງສະຕິໄວ້ສະເພາະໜ້າ ເຂົາມີສະຕິຫາຍໃຈເຂົ້າ ມີສະຕິ ຫາຍໃຈອອກ.

ເມື່ອຫາຍໃຈເຂົ້າຍາວ ກໍຮູ້ວ່າ ເຮົາຫາຍໃຈເຂົ້າຍາວ; 

ເມື່ອຫາຍໃຈອອກຍາວ ກໍຮູ້ວ່າ ເຮົາຫາຍໃຈອອກຍາວ. 

ເມື່ອຫາຍໃຈເຂົ້າສັ້ນ ກໍຮູ້ວ່າ ເຮົາຫາຍໃຈເຂົ້າສັ້ນ; 

ເມື່ອຫາຍໃຈອອກສັ້ນ ກໍຮູ້ວ່າ ເຮົາຫາຍໃຈອອກສັ້ນ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ຮູ້ພ້ອມສະເພາະເຊິ່ງກາຍທັງປວງ ຫາຍໃຈເຂົ້າ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ຮູ້ພ້ອມສະເພາະເຊິ່ງກາຍທັງປວງ ຫາຍໃຈອອກ.

ຍ່ອມທຳການຝຶກຫັດສຶກສາວ່າ: ເຮົາຈັກກະທຳກາຍຍະສັງຂານໃຫ້ສະຫງົບຣະງັບ ຫາຍໃຈເຂົ້າ.

ຍ່ອມທຳການຝຶກຫັດສຶກສາວ່າ: ເຮົາຈັກກະທຳກາຍຍະສັງຂານໃຫ້ສະຫງົບຣະງັບ ຫາຍໃຈອອກ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ຮູ້ພ້ອມສະເພາະເຊິ່ງປີຕິ ຫາຍໃຈເຂົ້າ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ຮູ້ພ້ອມສະເພາະເຊິ່ງປີຕິ ຫາຍໃຈອອກ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ຮູ້ພ້ອມສະເພາະເຊິ່ງສຸກ ຫາຍໃຈເຂົ້າ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ຮູ້ພ້ອມສະເພາະເຊິ່ງສຸກ ຫາຍໃຈອອກ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ຮູ້ພ້ອມສະເພາະເຊິ່ງຈິດຕະສັງຂານ ຫາຍໃຈເຂົ້າ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ຮູ້ພ້ອມສະເພາະເຊິ່ງຈິດຕະສັງຂານ ຫາຍໃຈອອກ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ທຳຈິດຕະສັງຂານໃຫ້ສະຫງົບຣະງັບ ຫາຍໃຈເຂົ້າ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ທຳຈິດຕະສັງຂານໃຫ້ສະຫງົບຣະງັບ ຫາຍໃຈອອກ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ຮູ້ພ້ອມສະເພາະເຊິ່ງຈິດ ຫາຍໃຈເຂົ້າ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ຮູ້ພ້ອມສະເພາະເຊິ່ງຈິດ ຫາຍໃຈອອກ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ທຳຈິດໃຫ້ປາໂມດຢ່າງຍິ່ງ ຫາຍໃຈເຂົ້າ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ທຳຈິດໃຫ້ປາໂມດຢ່າງຍິ່ງ ຫາຍໃຈອອກ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ທຳຈິດໃຫ້ຕັ້ງໝັ້ນ ຫາຍໃຈເຂົ້າ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ທຳຈິດໃຫ້ຕັ້ງໝັ້ນ ຫາຍໃຈອອກ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ທຳຈິດໃຫ້ປ່ອຍຢູ່ ຫາຍໃຈເຂົ້າ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ທຳຈິດໃຫ້ປ່ອຍຢູ່ ຫາຍໃຈອອກ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ເຫັນເຊິ່ງຄວາມບໍ່ທ່ຽງຢູ່ເປັນປະຈຳ ຫາຍໃຈເຂົ້າ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ເຫັນເຊິ່ງຄວາມບໍ່ທ່ຽງຢູ່ເປັນປະຈຳ ຫາຍໃຈອອກ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ເຫັນເຊິ່ງຄວາມຄາຍກຳນັດຢູ່ເປັນປະຈຳ ຫາຍໃຈເຂົ້າ

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ເຫັນເຊິ່ງຄວາມຄາຍກຳນັດຢູ່ເປັນປະຈຳ ຫາຍໃຈອອກ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ເຫັນເຊິ່ງຄວາມດັບບໍ່ເຫລືອຢູ່ເປັນປະຈຳ ຫາຍໃຈເຂົ້າ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ເຫັນເຊິ່ງຄວາມດັບບໍ່ເຫລືອຢູ່ເປັນປະຈຳ ຫາຍໃຈອອກ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ເຫັນເຊິ່ງຄວາມສະລັດຄືນຢູ່ເປັນປະຈຳ ຫາຍໃຈເຂົ້າ.

ຍ່ອມທຳການຝຶກຫັດສຶກສາວ່າ: ເຮົາເປັນຜູ້ເຫັນເຊິ່ງຄວາມສະລັດຄືນຢູ່ເປັນປະຈຳ ຫາຍໃຈອອກ. 

ອານົນທ໌! ນີ້ເອີ້ນວ່າ: ອານາປານະສະຕິ.

----------------------------------------------------

ອັງຄຸຕຕະຣະນິກາຍ ທະສະກະ-ເອກາທະສະກະນິບາຕ 24/99-102/60

ການຈະເລີນອານາປານະສະຕິສະມາທິ