ພິຈາລະນາແລ້ວຈຶ່ງກະທຳກຳ(ກວ່າກັບພຣະຣາຫຸນ)

#ພຣະສູດເມື່ອກະທຳແລ້ວ

 ຣາຫຸນ! ເມື່ອກະທຳກຳໃດດ້ວຍກາຍແລ້ວ

ເພີ່ງພິຈາຣະນາກັມນັ້ນວ່າ 

ກາຍຍະກັມທີ່ເຮົາກະທຳແລ້ວນີ້

ເປັນໄປເພື່ອບຽດບຽນຕົນເອງແດ່

ບຽດບຽນຜູ້ອື່ນແດ່

ບຽດບຽນທັງສອງຝ່າຍແດ່

ເປັນກາຍຍະກັມທີ່ເປັນອະກຸສົນ

ມີທຸກເປັນກຳໄລ 

ມີທຸກເປັນວິບາກ ຢູ່ບໍ່ນໍ ດັ່ງນີ້.

 ຣາຫຸນ! ຖ້າເຈົ້າພິຈາຣະນາຮູ້ສຶກຢູ່ດັ່ງນັ້ນແລ້ວ ເຈົ້າຍ່ອມສະແດງ, ຍ່ອມເປີດເຜີຍ, ຍ່ອມກະທຳໃຫ້ເປັນຂອງຫງາຍ, ຊຶ່ງກາຍຍະກັມນັ້ນ ໃນພຣະສາສະດາ ຫຼື ໃນເພື່ອນພຣົມມະຈາຣີ ຜູ້ເປັນວິນຍູຊົນທັງຫຼາຍ.

ຄັນສະແດງ, ຄັນເປີດເຜີຍ, ຄັນກະທຳໃຫ້ເປັນຂອງຫງາຍແລ້ວ <b>ຍ່ອມເຖິງເຊີ່ງຄວາມລະວັງສັງວອນຕໍ່ໄປ</b>

 ຣາຫຸນ! ຖ້າເຈົ້າພິຈາຣະນາຮູ້ສຶກຢູ່ດັ່ງນີ້ວ່າ:

ກາຍຍະກຳທີ່ເຮົາກະທຳແລ້ວນີ້

ບໍ່ເປັນໄປເພື່ອບຽດບຽນຕົນເອງແດ່

ບໍ່ເປັນໄປເພື່ອບຽດບຽນຜູ້ອື່ນແດ່

ບໍ່ເປັນໄປເພື່ອບຽດບຽນທັງສອງຝ່າຍແດ່

ເປັນກາຍຍະກັມອັນເປັນກຸສົນ

ມີສຸກເປັນກຳໄລ, ມີສຸກເປັນວິບາກ ດັ່ງນີ້

#ຣາຫຸນເຈົ້າຍອມຢູ່ດ້ວຍປີຕິ ແລະ ປາໂມດຕາມສຶກສາໃນກຸສົນທຳທັງຫຼາຍຢູ່ ທັງກາງວັນ ແລະ ກາງຄືນເຖີ້ນ

----------------------------------------------------

ບາລີ ມ.ມ 13/126/129

ໝວກທັມ.ເປີດທັມທີ່ຖືກປິດ

ຈາກປື້ມແກ້ກັມ ເລ່ມທີ່5 ( 5 )

ພິຈາລະນາແລ້ວຈຶ່ງກະທຳກຳ(ກວ່າກັບພຣະຣາຫຸນ)