ອານິສົງການຈະເຣີນເມດຕາ 11 ປະການ

ພິກຂຸທັງຫລາຍ ! ເມື່ອເມດຕາເຈໂຕວິມຸດ ອັນບຸກຄົນເສບຄົບແລ້ວ ຈະເຣີນແລ້ວ ກະທຳໃຫ້ຫລາຍແລ້ວ ກະທຳໃຫ້ເປັນດັ່ງຍານ ກະທຳໃຫ້ເປັນທີ່ຕັ້ງ ໃຫ້ຕັ້ງໝັ້ນໂດຍລຳດັບ ສັ່ງສົມດີແລ້ວ ປາຣົບດີແລ້ວ ຍ່ອມຫວັງ ອານິສົງ 11 ປະການ, 11 ປະການເປັນແນວໃດ? ຄື:

1. ຍ່ອມຫລັບເປັນສຸກ.

2. ຍ່ອມຕື່ນເປັນສຸກ.

3. ຍ່ອມບໍ່ຝັນຮ້າຍ.

4. ຍ່ອມເປັນທີ່ຮັກຂອງມະນຸດທັງຫຼາຍ.

5. ຍ່ອມເປັນທີ່ຮັກຂອງອະມະນຸດທັງຫຼາຍ.

6. ເທວະດາທັງຫລາຍຍ່ອມຮັກສາ.

7. ໄຟ ຢາພິດ ຫລື ສັດຕຣາຍ່ອມບໍ່ກ້ຳກ່າຍໄດ້.

8. ຈິດຍ່ອມຕັ້ງໝັ້ນໂດຍໄວ.

9. ສີໜ້າຜ່ອງໃສ.

10. ເປັນຜູ້ບໍ່ຫລົງທຳກາລະ.

11. ເມື່ອບໍ່ບັນລຸທັມທີ່ຍິ່ງຂຶ້ນໄປຍ່ອມເຂົ້າເຖິງພຣົມມະໂລກ.

ພິກຂຸທັງຫລາຍ ! ເມື່ອເມດຕາເຈໂຕວິມຸດ ອັນບຸກຄົນເສບຄົບແລ້ວ ຈະເຣີນແລ້ວ ກະທຳໃຫ້ຫລາຍແລ້ວ ກະທຳໃຫ້ເປັນດັ່ງຍານ ກະທຳໃຫ້ເປັນທີ່ຕັ້ງ ໃຫ້ຕັ້ງໝັ້ນໂດຍລຳດັບ ສັ່ງສົມດີແລ້ວ ປາຣົບດີແລ້ວ ຍ່ອມຫວັງອານິສົງ 11 ປະການນີ້ແລ.

----------------------------------------------------

ສຸຕຕັນຕະປິດົກ ອັງຄຸຕຕະຣະນິກາຍ ທະກະສະ-ເອກາທະສະກະນິບາຕ ພາສາໄທ ສະບັບຫລວງ ເຫລັ້ມທີ 24 ໜ້າທີ 316/222

ອານິສົງການຈະເຣີນເມດຕາ 11 ປະການ