ອຸປາສົກຜູ້ປະກອບດ້ວຍທຳ 5 ປະການ ເໝືອນຖືກນຳມາວາງໄວ້ໃນນະຣົກ

ພິກຂຸທັງຫຼາຍ! ອຸປາສົກປະກອບດ້ວຍທັມ 5 ປະການ ເໝືອນຖືກນຳມາວາງໄວ້ໃນນະຣົກ; 5 ປະການເປັນຢ່າງໃດ? ຄື:

ເປັນຜູ້ຂ້າສັດ,

ເປັນຜູ້ລັກຊັບ,

ເປັນຜູ້ປະພຶດຜິດໃນກາມທັງຫຼາຍ,

ເປັນຜູ້ເວົ້າຕົວະ,

ເປັນຜູ້ເສບສຸຣາເມໄຣ ແລະ ສິ່ງມຶນເມົາອັນເປັນທີ່ຕັ້ງແຫ່ງຄວາມປະມາດ.

ພິກຂຸທັງຫຼາຍ! ອຸປາສົກປະກອບດ້ວຍທັມ 5 ປະການນີ້ແລ ເໝືອນຖືກນຳມາວາງໄວ້ໃນນະຣົກ.

ພິກຂຸທັງຫລາຍ! ອຸປາສົກປະກອບດ້ວຍທັມ 5 ປະການນີ້ ເໝືອນຖືກເຊີນມາໃນສະຫວັນ; 5 ປະກາຣເປັນຢ່າງໃດ? ຄື:

ເປັນຜູ້ງົດເວັ້ນຈາກການຂ້າສັດ,

ເປັນຜູ້ງົດເວັ້ນຈາກກາຣລັກຊັບ,

ເປັນຜູ້ງົດເວັ້ນຈາກກາຣປະພຶຕຜິດໃນກາມທັງຫລາຍ,

ເປັນຜູ້ງົດເວັ້ນຈາກກາຣເວົ້າຕົວະ,

ເປັນຜູ້ງົດເວັ້ນຈາກສຸຣາເມໄຣ ແລະ ສິ່ງມຶນເມົາອັນເປັນທີ່ຕັ້ງແຫ່ງຄວາມປະມາດ.

ພິກຂຸທັງຫຼາຍ! ອຸປາສົກປະກອບດ້ວຍທັມ 5 ປະການນີ້ແລ ເໝືອນຖືກເຊີນມາໃນສະຫວັນ.

----------------------------------------------------

ອັງຄຸຕຕະຣະນິກາຍ ປັນຈະກະ-ສັກກະນິບາຕ 22/183/173

ອຸປາສົກຜູ້ປະກອບດ້ວຍທຳ 5 ປະການ ເໝືອນຖືກນຳມາວາງໄວ້ໃນນະຣົກ