ປຽບບຸກຄົນເໝືອນບົວ 3 ເຫລົ່າ

ຣາຊະກຸມານ! ຄັ້ນຕະຖາຄົດຊາບວ່າ ທ້າວສະຫະບໍດີພຣົມອາຣາທະນາ ແລະ ອາໄສຄວາມກະຣຸນາໃນສັດຕະທັງຫລາຍ ຈຶ່ງກວດເບິ່ງໂລກດ້ວຍພຸດທະຈັກຂຸ, ເມື່ອຕະຖາຄົດກວດເບິ່ງໂລກດ້ວຍພຸດທະຈັກຂຸ 

 ກໍໄດ້ເຫັນໝູ່ສັດຕະເຊິ່ງມີກິເລດເໝືອນທຸລີໃນດວງຕາໜ້ອຍກໍມີ;

 ມີກິເລດເໝືອນທຸລີໃນດວງຕາຫລາຍກໍມີ; 

 ມີອິນຊີແກ່ກ້າກໍມີ ມີອິນຊີອ່ອນກໍມີ; 

 ມີອາການດີກໍມີ ມີອາການບໍ່ດີກໍມີ; 

 ຍ່ອມສອນໃຫ້ຮູ້ໄດ້ງ່າຍກໍມີ ຍ່ອມສອນໃຫ້ຮູ້ໄດ້ຍາກກໍມີ;

 ບາງພວກມີປົກກະຕິເຫັນໂທດໃນປະຣະໂລກ(ໂລກໜ້າ) ກໍມີ.

ປຽບເໝືອນໃນກໍບົວອຸບົນ ບົວປະທຸມ ບົວບຸນທະຣິກ (ເສີຍຍະຖາປິ ນາມະ ອຸປປະລິນິຍັງ ວາ ປະທຸມິນິຍັງ ວາ ປຸນທະຣີກິນິຍັງ ວາ), 

ດອກບົວອຸບົນ ດອກບົວປະທຸມ ຫລື ດອກບົວບຸນທະຣິກ ເຊິ່ງເກີດໃນນ້ຳ ຈະເຣີນໃນນ້ຳ 

 ບາງເຫລົ່າຍັງບໍ່ພົ້ນນ້ຳ ຍັງຈົມຢູ່ໃນນ້ຳ ອັນນ້ຳຫລໍ່ລ້ຽງໄວ້; 

 ບາງເຫລົ່າຕັ້ງຢູ່ສະເໝີນ້ຳ; 

 ບາງເຫລົ່າຕັ້ງຂຶ້ນພົ້ນນ້ຳ ອັນນ້ຳບໍ່ຕິດ ສັນໃດ; 

 ຣາຊະກຸມານ! ເມື່ອຕະຖາຄົດກວດເບິ່ງໂລກດ້ວຍພຸດທະຈັກຂຸ ກໍສັນນັ້ນ ໄດ້ເຫັນ

 ໝູ່ສັດຕະທີ່ມີກິເລດເໝືອນທຸລີໃນດວງຕາໜ້ອຍກໍມີ 

 ມີກິເລດເໝືອນທຸລີໃນດວງຕາຫລາຍກໍມີ; 

 ມີອິນຊີແກ່ກ້າກໍມີ ມີອິນຊີອ່ອນກໍມີ;

 ມີອາການດີກໍມີ ມີອາການບໍ່ດີກໍມີ; 

 ຍ່ອມສອນໃຫ້ຮູ້ໄດ້ງ່າຍກໍມີ ຍ່ອມສອນໃຫ້ຮູ້ໄດ້ຍາກກໍມີ; 

 ບາງພວກມີປົກກະຕິເຫັນໂທດໃນປະຣະໂລກໂດຍຄວາມເປັນໄພຢູ່ກໍມີ.

 ຣາຊະກຸມານ! ຄັ້ງນັ້ນຕະຖາຄົດໄດ້ກ່າວຮັບທ້າວສະຫະບໍດີພຣົມດ້ວຍຄາຖາວ່າ:

 ພຣົມ! ເຮົາເປີດປະຕູອຳມະຕະແລ້ວ ເພື່ອສັດຕະທັງຫລາຍຜູ້ມີໂສຕະ ຈົ່ງປົງສັດທາມາເຖີດ ເຮົາສຳຄັນວ່າຈະລຳບາກ ຈຶ່ງບໍ່ກ່າວທັມອັນຄ່ອງແຄ້ວ ປະນີດ ໃນໝູ່ມະນຸດທັງຫລາຍ (ອະປາຣຸຕາ ເຕສັງ ອະມະຕັສສະ ທວາຣາ ເຍ ໂສຕະວັນໂຕ ປະມຸນຈັນຕຸ ສັທທັງ ວິຫິສສັນຍີ ປະຄຸນັງ ນະ ພາສິງ ທັມມັງ ປະນີຕັງ ມະນຸເຊສຸ ພຣເຫມະຕິ).

 ລຳດັບນັ້ນ ທ້າວສະຫະບໍດີພຣົມຊາບວ່າ ພຣະຜູ້ມີພຣະພາກຊົງເປີດໂອກາດເພື່ອຈະສະແດງທັມແລ້ວ ຈຶ່ງອະພິວາດພຣະຕະຖາຄົດ ກະທຳປະທັກຂິນແລ້ວຫາຍໄປໃນທີ່ນັ້ນເອງ.

ມັຊຊິມະນິກາຍ ມັຊຊິມະປັນນາສກ໌ 13/349/511

ປຽບບຸກຄົນເໝືອນບົວ 3 ເຫລົ່າ