ພິກຂຸປະກອບດ້ວຍທັມ 5 ປະການ ບໍ່ຄວນຫລີກອອກຈາກໝູ່ຢູ່ຜູ້ດຽວ

ພິກຂຸທັງຫລາຍ! ພິກຂຸປະກອບດ້ວຍທັມ 5 ປະການ ບໍ່ຄວນຫລີກອອກຈາກໝູ່ຢູ່ຜູ້ດຽວ ທັມ 5 ປະການເປັນຢ່າງໃດ?
ພິກຂຸທັງຫລາຍ! ພິກຂຸໃນທັມວິນັຍນີ້
1. ເປັນຜູ້ບໍ່ສັນໂດດດ້ວຍຈີວອຣຕາມມີຕາມໄດ້,
2. ເປັນຜູ້ບໍ່ສັນໂດດດ້ວຍບິນທະບາຕຕາມມີຕາມໄດ້,
3. ເປັນຜູ້ບໍ່ສັນໂດດດ້ວຍເສນາສະນະຕາມມີຕາມໄດ້,
4. ເປັນຜູ້ບໍ່ສັນໂດດດ້ວຍຄິລານະປັຈຈັຍເພສັຊບໍຣິຂາຣຕາມມີຕາມໄດ້,
5. ເປັນຜູ້ມາກດ້ວຍຄວາມດຳຣິໃນກາມ
(ກາມະສັງກັປປະພະຫຸໂລ ຈະ ວິຫະຣະຕິ).
ພິກຂຸທັງຫລາຍ! ພິກຂຸປະກອບດ້ວຍທັມ 5 ປະກາຣນີ້ແລ
ບໍ່ຄວນຫລີກອອກຈາກໝູ່ຢູ່ຜູ້ດຽວ.

ພິກຂຸທັງຫລາຍ! ພິກຂຸປະກອບດ້ວຍທັມ 5 ປະການນີ້ ຍ່ອມຄວນເພື່ອຫລີກອອກຈາກໝູ່ຢູ່ຜູ້ດຽວ ທັມ 5 ປະການເປັນຢ່າງໃດ?
ພິກຂຸທັງຫລາຍ! ພິກຂຸໃນທັມວິນັຍນີ້
1. ເປັນຜູ້ສັນໂດດດ້ວຍຈີວອຣຕາມມີຕາມໄດ້,
2. ເປັນຜູ້ສັນໂດດດ້ວຍບິນທະບາດຕາມມີຕາມໄດ້,
3. ເປັນຜູ້ສັນໂດດດ້ວຍເສນາສະນະຕາມມີຕາມໄດ້,
4. ເປັນຜູ້ສັນໂດດດ້ວຍຄິລານະປັຈຈັຍເພສັຊບໍຣິຂາຣຕາມມີຕາມໄດ້,
5. ເປັນຜູ້ມາກດ້ວຍຄວາມດຳຣິໃນເນກຂັມມະ
(ເນກຂັມມະສັງກັປປະພະຫຸໂລ ຈະ ວິຫະຣະຕິ).

ພິກຂຸທັງຫລາຍ! ພິກຂຸປະກອບດ້ວຍທັມ 5 ປະການນີ້ແລ
ຍ່ອມຄວນເພື່ອຫລີກອອກຈາກໝູ່ຢູ່ຜູ້ດຽວ.


ອັງຄຸຕຕະຣະນິກາຍ ປັນຈະກະ-ສັກກະນິບາຕ ໒໒/໑໓໑/໑໒໗