ພະນາງມັນລິກາມີຜິວພັນບໍ່ງາມ ຮູບບໍ່ງາມ ເພາະມັກໂກດ

ພະນາງມັນລິກາເທວີໄດ້ກາບທູນພະຜູ້ມີພະພາກວ່າ
ຂ້າແດ່ພະອົງຜູ້ເຈີນ ໃນຊາດອື່ນຊະລອຍໝ່ອມຂ້ອຍຈະເປັນຜູ້ມັກໂກດ ມາກໄປດ້ວຍຄວາມແຄ້ນໃຈ ຖືກວ່າແມ້ເລັກນ້ອຍກໍຂັດເຄືອງ ສຸນສຽວ ກະຟັດກະຟຽດ ກະດ້າງກະເດື່ອງ ສະແດງຄວາມໂກດຄວາມຂັດເຄືອງແລະຄວາມບໍ່ພໍໃຈໃຫ້ປະກົດ ໃນບັດນີ້ ໝ່ອມຂ້ອຍຈຶ່ງມີຜິວພັນທາມ ຮູບຊົ່ວ ບໍ່ໜ້າເບິ່ງ
ແຕ່ໃນຊາດອື່ນ ໝ່ອມຂ້ອຍຄົງໄດ້ໃຫ້ທານ ຄື ເຂົ້າ ນ້ຳ ຜ້າ ຍານພາຫະນະ ຂອງປະດັບຂອງຫອມ ເຄື່ອງລູບໄລ້ ທີ່ນອນ ທີ່ຢູ່ອາໄສ ແລະໂຄມໄຟ ບັດນີ້ໝ່ອມຂ້ອຍຈຶ່ງເປັນຄົນມັ່ງຄັ່ງ ມີຊັບສົມບັດມາກ ມີໂພກສົມບັດມາກ
ໃນຊາດອື່ນ ໝ່ອມຂ້ອຍຄົງຈະບໍ່ມີໃຈຫິດສາໃນລາບ ສັກການະ ຄວາມເຄົາລົບ ຄວາມນັບຖື ການໄຫວ້ແລະການບູຊາຂອງຜູ້ອື່ນ ບໍ່ຢ່ຽດແຍ່ງກັນ ບໍ່ຕັດຮອນ ບໍ່ຜູກຄວາມຫິດສາ ໃນບັດນີ້ ໝ່ອມຂ້ອຍຈຶ່ງມີສັກສູງ
ຂ້າແດ່ພະອົງຜູ້ເຈີນ ກໍນາງກະສັດບ້າງ ນາງພະລະຫະມະນີບ້າງ ນາງເຮືອນໃຫຍ່ບ້າງ ມີຢູ່ໃນລາຊະສະກຸນນີ້ ໝ່ອມຂ້ອຍໄດ້ດຳລົງຄວາມເປັນໃຫຍ່ຍິ່ງກວ່າຍິງເຫຼົ່ານັ້ນ
ຂ້າແດ່ພະອົງຜູ້ເຈີນ ຕັ້ງແຕ່ວັນນີ້ໄປ ໝ່ອມຂ້ອຍຈັກບໍ່ໂກດ ບໍ່ມາກໄປດ້ວຍຄວາມແຄ້ນໃຈ ຖິງຖືກວ່າກ່າວມາກກໍຈັກບໍ່ຂັດເຄືອງ ບໍ່ສຸນສຽວ ບໍ່ກະຟັດກະເຟັຍດ ບໍ່ກະດ້າງກະເດື່ອງ ບໍ່ສະແດງຄວາມໂກດຄວາມຂັດເຄືອງແລະຄວາມບໍ່ພໍໃຈໃຫ້ປະກົດ
ຈັກໃຫ້ທານ ຄື ເຂົ້າ ນ້ຳ ຜ້າ ຍານພາຫະນະ ຂອງປະດັບຂອງຫອມ ເຄື່ອງລູບໄລ້ ທີ່ນອນ ທີ່ຢູ່ອາໄສ ແລະໂຄມໄຟ ແກ່ສະມະນະພະລະຫະມັນ
ຈັກບໍ່ມີໃຈຫິດສາໃນລາບ ສັກການະ ຄວາມເຄົາລົບ ຄວາມນັບຖື ການໄຫວ້ ແລະບູຊາຂອງຜູ້ອື່ນ ຈັກບໍ່ຢ່ຽດແຍ່ງກັນ ບໍ່ຕັດຮອນ ບໍ່ຜູກຄວາມອິດສາ