ການເປັນພັນລະຍາທີ່ດີເປັນເຫດໃຫ້ໄປສູ່ສຸຄະຕິ

ມາຕຸຄາມປະກອບດ້ວຍທຳ ໘ ປະການນີ້ ເມື່ອຕາຍໄປ ຍ່ອມເຂົ້າເຖິງຄວາມເປັນສະຫາຍແຫ່ງເທວະດາເຫຼົ່າມະນາປະກາຍິກາ
ທຳ ໘ ປະການ ຄື:
ມາຕຸຄາມໃນໂລກນີ້ ທີ່ມານດາບິດາມຸ່ງປະໂຍດ ແສວງຫາຄວາມເກື້ອກູນ ອະນຸເຄລາະ ເອື້ອເອັນດູ ຍ່ອມຍົກໃຫ້ແກ່ຊາຍໃດຜູ້ເປັນສາມີ ສຳລັບຊາຍນັ້ນ ນາງຕ້ອງຕື່ນກ່ອນ ນອນພາຍຫລັງ ຄອຍຟັງ ຮັບໃຊ້ ປະພຶດໃຫ້ຖືກໃຈ ກ່າວຖ້ອຍຄຳເປັນທີ່ຮັກ
ຊົນເຫຼົ່າໃດເປັນທີ່ເຄົາລົບຂອງສາມີ ຄື ມານດາ ບິດາຫຼືສະມະນະພາຫະມະນະ ນາງສັກການະເຄົາລົບນັບຖືບູຊາຊົນເຫຼົ່ານັ້ນ ແລະຕ້ອນຮັບທ່ານເຫຼົ່ານັ້ນຜູ້ມາເຖິງແລ້ວດ້ວຍອາສະນະແລະນ້ຳ ໑ ການງານໃດເປັນງານໃນບ້ານຂອງສາມີ ຄື ການທຳຜ້າຂົນສັດຫຼືຜ້າຝ້າຍ ນາງເປັນຄົນຂະຍັນ ບໍ່ເກຍຈຄ້ານໃນການງານນັ້ນ ປະກອບດ້ວຍປັນຍາອັນເປັນອຸບາຍໃນການງານນັ້ນ ສາມາດຈັດທຳ ໑
ຊົນເຫຼົ່າໃດເປັນຄົນພາຍໃນບ້ານຂອງສາມີ ຄື ທາດ ຄົນໃຊ້ ຫຼືກຳມະກອນ ຍ່ອມຮູ້ວ່າການງານທີ່ເຂົາເຫຼົ່ານັ້ນທຳແລ້ວແລະຍັງບໍ່ໄດ້ທຳ ໑
ຍ່ອມຮູ້ອາການຂອງຄົນພາຍໃນຜູ້ເປັນໄຂ້ວ່າ ດີຂຶ້ນຫຼືທຸດລົງ ຍ່ອມແບ່ງປັນຂອງກິນຂອງບໍລິໂພກໃຫ້ແກ່ເຂົາຕາມຄວນ ໑
ສິ່ງໃດທີ່ສາມີຫາມາໄດ້ຈະເປັນຊັບສິນ ຂ້າວ ເງິນຫຼືທອງ ຍ່ອມຮັກສາຄຸ້ມຄອງສິ່ງນັ້ນໄວ້ ແລະບໍ່ເປັນນັກເລງການພະນັນ ບໍ່ເປັນຂະໂມຍ ບໍ່ເປັນນັກດື່ມ ບໍ່ຜລາຍຊັບສິນໃຫ້ພິນາດ ໑
ເປັນອຸບາສິກາເຖິງພະພຸດທະເຈົ້າ ພະທຳ ພະສົງ ວ່າເປັນສະລະນະ ເປັນຜູ້ມີສີນ ງົດເວ້ນຈາກປານາຕິບາດ ອະທິນະນາທານ ກາເມສຸມິຈຉາຈານ ມຸສາວາດ ແລະການດື່ມນ້ຳເມົາ ຄື ສຸລາແລະເມລັຍອັນເປັນທີ່ຕັ້ງແຫ່ງຄວາມປະມາດ ໑
ເປັນຜູ້ມີການບໍລິຈາກ ມີໃຈປາດສະຈາກມານທິນ ຄື ຄວາມຕະຫະນີ່ ຢູ່ຄອງເຮືອນ ມີຈາຄະອັນປ່ອຍແລ້ວ ມີຝ່າມືອັນຊຸ່ມ ຍິນດີໃນການສະຫະລະ ຄວນແກ່ການຂໍ ຍິນດີໃນການຈຳແນກທານ ໑
ສຸພາບສົດຜູ້ມີປະລີຊາ ຍ່ອມບໍ່ດູຫມິ່ນສາມີຜູ້ຫມັ່ນເພຍ ຂວນຂວາຍຢູ່ເປັນນິດ ລ້ຽງຕົນຢູ່ທຸກເມື່ອ ໃຫ້ຄວາມປາຖະນາທັງປວງ ບໍ່ຍັງສາມີໃຫ້ຂຸ່ນເຄືອງດ້ວຍຖ້ອຍຄຳແສດງຄວາມຫິງຫວງ ແລະຍ່ອມບູຊາຜູ້ທີ່ເຄົາລົບທັງປວງຂອງສາມີ ເປັນຜູ້ຂະຍັນ ບໍ່ເກຍຈຄ້ານ ສົງເຄລາະຄົນຂ້າງຄຽງຂອງສາມີ ປະພຶດເປັນທີ່ພໍໃຈຂອງສາມີ ຮັກສາຊັບສິນທີ່ສາມີຫາມາໄດ້ ນາລີໃດຍ່ອມປະພຶດຕາມຄວາມຊອບໃຈຂອງສາມີອຍ່າງນີ້ ນາລີນັ້ນຍ່ອມເຂົ້າເຖິງຄວາມເປັນເທວະດາເຫຼົ່າມະນາປະກາຍິກາ