ພຣະສູດ 
ຖືກໃຈ 
ປື້ມ 
Video 
ປະຕິທິນ 
ພຣະທັມ 
ຕິດຕໍ່ ທຸກຊະນິດປາຍ(ຫາງ)ແຖວ (ຊົງສະແດງໂດຍພາສາຄົນ)
ອະຣິຍະສັດ 4
ພິກຂຸ ທ. ! ຄວາມຍາກຈົນ ເປັນທຸກຂ໌ຂອງຄົນ ຜູ້ບໍຣິໂພກກາມໃນໂລກ.
“ເຊັ່ນນັ້ນ ຂ້ານ້ອຍ !”
ພິກຂຸ ທ. ! ຄົນຈົນເຂັນໃຈ ໄຮ້ຊັບສົມບັດ ຍ່ອມກູ້ໜີ້, ການກູ້ໜີ້ນັ້ນ ເປັນທຸກຂ໌ຂອງຄົນບໍຣິໂພກກາມໃນໂລກ.
“ເຊັ່ນນັ້ນ ຂ້ານ້ອຍ !”
ພິກຂຸ ທ. ! ຄົນເຂັນໃຈ ໄຮ້ຊັບສົມບັດ ກູ້ໜີ້ແລ້ວ ຕ້ອງໃຊ້ດອກເບ້ຍ, ການຕ້ອງໃຊ້ດອກເບ້ຍນັ້ນ ເປັນທຸກຂ໌ຂອງຄົນບໍຣິໂພກກາມໃນໂລກ.
“ເຊັ່ນນັ້ນ ຂ້ານ້ອຍ !”
ພິກຂຸ ທ. ! ຄົນເຂັນໃຈໄຮ້ຊັບສົມບັດ ກູ້ໜີ້ແລ້ວຕ້ອງໃຊ້ດອກເບ້ຍ ບໍ່ອາດໃຊ້ດອກເບ້ຍຕາມເວລາ ເຈົ້າໜີ້ກໍທວງ, ການຖືກທວງໜີ້ນັ້ນ ເປັນທຸກຂ໌ຂອງຄົນບໍຣິໂພກ ກາມໃນໂລກ.
“ເຊັ່ນນັ້ນ ຂ້ານ້ອຍ !”
ພິກຂຸ ທ. ! ຄົນຈົນເຂັນໃຈ ໄຮ້ຊັບສົມບັດ ຖືກທວງໜີ້ຢູ່ ບໍ່ອາດຈະໃຊ້ໃຫ້ ເຈົ້າໜີ້ຍ່ອມຕິດຕາມ, ການຖືກຕິດຕາມນັ້ນ ເປັນທຸກຂ໌ຂອງຄົນບໍຣິໂພກກາມໃນໂລກ.
“ເຊັ່ນນັ້ນ ຂ້ານ້ອຍ !”
ພິກຂຸ ທ. ! ຄົນຈົນເຂັນໃຈ ໄຮ້ຊັບສົມບັດ ຖືກຕິດຕາມຢູ່ ບໍ່ອາດຈະໃຊ້ໃຫ້ເຈົ້າໜີ້ຍ່ອມຈັບກຸມ, ການຖືກຈັບກຸມນັ້ນ ເປັນທຸກຂ໌ຂອງຄົນບໍຣິໂພກກາມໃນໂລກ.
“ເຊັ່ນນັ້ນ ຂ້ານ້ອຍ !”
ພິກຂຸ ທ. ! ຄວາມຍາກຈົນກໍດີ ການກູ້ໜີ້ກໍດີ ການຕ້ອງໃຊ້ດອກເບ້ຍກໍດີ ການຖືກທວງໜີ້ກໍດີ ການຖືກຕິດຕາມກໍດີ ການຖືກຈັບກຸມກໍດີ, ທັງໝົດນີ້ເປັນທຸກຂ໌ຂອງຄົນບໍຣິໂພກກາມໃນໂລກ.
(ຊົງສະແດງໂດຍພາສາທັມ)
ພິກຂຸ ທ. ! ເຊັ່ນໃດກໍເຊັ່ນນັ້ນ : ຄວາມບໍ່ມີສັດທາ - ຫິຣິ - ໂອຕຕັບປະ - ວິຣິຍະ - ປັນຍາ, ໃນກຸສົລທັມມີຢູ່ແກ່ຜູ້ໃດ; ເຮົາກ່າວບຸຄຄົລຜູ້ນັ້ນ ວ່າເປັນ ຄົນຈົນ ເຂັນໃຈໄຮ້ຊັບສົມບັດ ໃນອະຣິຍະວິນັຍ.
ພິກຂຸ ທ. ! ຄົນຈົນຊະນິດນັ້ນ ເມື່ອບໍ່ມີສັດທາ - ຫິຣິ - ໂອຕຕັບປະ - ວິຣິຍະ - ປັນຍາ, ໃນກຸສົລທັມ ເຂົາຍ່ອມປະພຶດກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕ, ເຮົາກ່າວການປະພຶດທຸຈະຣິຕ ຂອງເຂົານີ້ວ່າ ເປັນການກູ້ໜີ້.
ເພື່ອຈະປົກປິດກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕຂອງເຂົາ ເຂົາຕັ້ງຄວາມປາຖະໜາລາມົກ ປາຖະໜາບໍ່ໃຫ້ໃຜຮູ້ຈັກເຂົາ ດໍາຣິບໍ່ໃຫ້ໃຜຮູ້ຈັກເຂົາເວົ້າຈາເພື່ອບໍ່ໃຫ້ໃຜຮູ້ຈັກເຂົາ ຂົນຂວາຍທຸກເຍື່ອງເພື່ອບໍ່ໃຫ້ໃຜຮູ້ຈັກເຂົາ, ເຮົາກ່າວ ການປົກປິດຄວາມທຸຈະຣິຕເຊັ່ນນີ້ ຂອງເຂົານີ້ ວ່າເປັນ ດອກເບ້ຍທີ່ເຂົາຕ້ອງໃຊ້.
ເພື່ອນສະພຣົມມະຈາຣີ ຜູ້ມີສີລເປັນທີ່ຮັກ ພາກັນກ່າວປາຣົບເຂົາ ດັ່ງນີ້ວ່າ “ທ່ານຜູ້ມີອາຍຸນີ້ ເຮັດອັນໃດໆ (ໜ້າໜ່າຍເປັນຕາຊັງ) ເຊັ່ນນີ້ ມີປົກກະຕິປະພຶດກະທຳອັນໃດໆ (ໜ້າໜ່າຍເປັນຕາຊັງ) ເຊັ່ນນີ້”, ເຮົາກ່າວ ການຖືກກ່າວວ່າດັ່ງນີ້ ນີ້ ວ່າເປັນການຖືກທວງໜີ້.
ເຂົາຈະໄປຢູ່ປ່າກໍຕາມ ຢູ່ເຫງົ້າໄມ້ກໍຕາມ ຢູ່ເຮືອນວ່າງກໍຕາມ ອະກຸສົລວິຕົກ ອັນລາມົກ ປະກອບຢູ່ດ້ວຍຄວາມຮ້ອນໃຈ ຍ່ອມເກີດຂຶ້ນປຸ້ມລຸມຈິຕໃຈເຂົາ, ເຮົາກ່າວ ອາການດັ່ງນີ້ ນີ້ ວ່າເປັນ ການຖືກຕິດຕາມເພື່ອທວງໜີ້.
ພິກຂຸ ທ. ! ຄົນຈົນຊະນິດນີ້ ຄັນປະພຶດກາຢະ-ວະຈີ-ມະໂນທຸຈະຣິຕແລ້ວ ພາຍຫຼັງແຕ່ການຕາຍ ເພາະການແຕກທຳລາຍແຫ່ງກາຍ ຍ່ອມ ຖືກັກຂັງ ຢູ່ໃນນະຣົກແດ່ ໃນກໍາເນີດເດຣັດສານແດ່.
ພິກຂຸ ທ. ! ເຮົາບໍ່ມອງເຫັນ ການກັກຂັງອື່ນ ແມ່ນແຕ່ເຍື່ອງດຽວ ທີ່ທາຣຸນເຊັ່ນນີ້ ເຈັບປວດເຊັ່ນນີ້ ເປັນອັນຕະລາຍເຊັ່ນນີ້ ຕໍ່ການບັນລຸໂຢຄັກເຂມະທັມ ອັນບໍ່ມີທັມອື່ນຍິ່ງກວ່າ ເໝືອນການຖືກກັກຂັງ ໃນນະຣົກ ຫຼື ໃນກໍາເນີດເດຣັດສານເຊັ່ນນີ້. (ເລື່ອງຄວນເບິ່ງປະກອບໃນອະຣິຍ.ໂອ. ປາຍ. ໜ້າ ໑໐໗໙, ໑໐໘໗)
(ຄາຖາເພີ່ມຕື່ມທ້າຍພຣະສູຕ)
ຄວາມຍາກຈົນ ແລະການກູ້ໜີ້ ທ່ານກ່າວວ່າ ເປັນຄວາມທຸກຂ໌ໃນໂລກ. ຄົນຈົນ ກູ້ໜີ້ມາລ້ຽງຊີວິຕ ຍ່ອມເດືອດຮ້ອນ ເພາະເຈົ້າໜີ້ຕິດຕາມແດ່ ເພາະຖືກຈັບກຸມແດ່. ການຖືກຈັບກຸມນັ້ນ ເປັນຄວາມທຸກຂ໌ ຂອງຄົນບູຊາການໄດ້ກາມ.
ເຖິງແມ່ນ ໃນອະຣິຍະວິນັຍນີ້ ກໍເໝືອນກັນ : ຜູ້ໃດບໍ່ມີສັດທາ ບໍ່ມີຫິຣິ ບໍ່ມີໂອຕຕັບປະ ສັ່ງສົມແຕ່ບາບກັມ ປະພຶດກາຢະທຸຈະຣິຕ-ວະຈີທຸຈະຣິຕ-ມະໂນທຸຈະຣິຕ ປົກປິດຢູ່ ດ້ວຍການປະພຶດທາງກາຍ ທາງວາຈາ ທາງຈິຕ ເພື່ອບໍ່ໃຫ້ຜູ້ໃດຮູ້ຈັກເຂົາ, ຜູ້ນັ້ນພອກພູນບາບກັມຢູ່ເນື່ອງນິດ ໃນບ່ອນນັ້ນໆ.
ຄົນຊົ່ວສ້າງບາບກັມ ຮູ້ສຶກແຕ່ກັມຊົ່ວຂອງຕົນ ເໝືອນຄົນຍາກຈົນ ກູ້ໜີ້ມາບໍລິໂພກຢູ່ ຍ່ອມເດືອດຮ້ອນ.
ຄວາມຄິດໄຝ່ຕຶກ ທີ່ເກີດຈາກວິບປະຕິສານ ອັນເປັນເຄື່ອງທໍຣະມານໃຈ ຍ່ອມຕິດຕາມເຂົາ ທັງໃນບ້ານ ແລະໃນປ່າ.
ຄົນຊົ່ວສ້າງບາບກັມ ຮູ້ສຶກແຕ່ກັມຊົ່ວຂອງຕົນ ໄປສູ່ກໍາເນີດເດຣັດສານບາງຢ່າງ ຫຼືວ່າຖືກກັກຂັງຢູ່ໃນນະຣົກ. ການຖືກກັກຂັງນັ້ນ ເປັນທຸກຂ໌ ຊະນິດທີ່ທີຣະຊົນ ບໍ່ເຄີຍພົບເລີຍ....
- ສັກກ. ອັງ. ໒໒/໓໙໒/໓໑໖.
“ເຊັ່ນນັ້ນ ຂ້ານ້ອຍ !”
ພິກຂຸ ທ. ! ຄົນຈົນເຂັນໃຈ ໄຮ້ຊັບສົມບັດ ຍ່ອມກູ້ໜີ້, ການກູ້ໜີ້ນັ້ນ ເປັນທຸກຂ໌ຂອງຄົນບໍຣິໂພກກາມໃນໂລກ.
“ເຊັ່ນນັ້ນ ຂ້ານ້ອຍ !”
ພິກຂຸ ທ. ! ຄົນເຂັນໃຈ ໄຮ້ຊັບສົມບັດ ກູ້ໜີ້ແລ້ວ ຕ້ອງໃຊ້ດອກເບ້ຍ, ການຕ້ອງໃຊ້ດອກເບ້ຍນັ້ນ ເປັນທຸກຂ໌ຂອງຄົນບໍຣິໂພກກາມໃນໂລກ.
“ເຊັ່ນນັ້ນ ຂ້ານ້ອຍ !”
ພິກຂຸ ທ. ! ຄົນເຂັນໃຈໄຮ້ຊັບສົມບັດ ກູ້ໜີ້ແລ້ວຕ້ອງໃຊ້ດອກເບ້ຍ ບໍ່ອາດໃຊ້ດອກເບ້ຍຕາມເວລາ ເຈົ້າໜີ້ກໍທວງ, ການຖືກທວງໜີ້ນັ້ນ ເປັນທຸກຂ໌ຂອງຄົນບໍຣິໂພກ ກາມໃນໂລກ.
“ເຊັ່ນນັ້ນ ຂ້ານ້ອຍ !”
ພິກຂຸ ທ. ! ຄົນຈົນເຂັນໃຈ ໄຮ້ຊັບສົມບັດ ຖືກທວງໜີ້ຢູ່ ບໍ່ອາດຈະໃຊ້ໃຫ້ ເຈົ້າໜີ້ຍ່ອມຕິດຕາມ, ການຖືກຕິດຕາມນັ້ນ ເປັນທຸກຂ໌ຂອງຄົນບໍຣິໂພກກາມໃນໂລກ.
“ເຊັ່ນນັ້ນ ຂ້ານ້ອຍ !”
ພິກຂຸ ທ. ! ຄົນຈົນເຂັນໃຈ ໄຮ້ຊັບສົມບັດ ຖືກຕິດຕາມຢູ່ ບໍ່ອາດຈະໃຊ້ໃຫ້ເຈົ້າໜີ້ຍ່ອມຈັບກຸມ, ການຖືກຈັບກຸມນັ້ນ ເປັນທຸກຂ໌ຂອງຄົນບໍຣິໂພກກາມໃນໂລກ.
“ເຊັ່ນນັ້ນ ຂ້ານ້ອຍ !”
ພິກຂຸ ທ. ! ຄວາມຍາກຈົນກໍດີ ການກູ້ໜີ້ກໍດີ ການຕ້ອງໃຊ້ດອກເບ້ຍກໍດີ ການຖືກທວງໜີ້ກໍດີ ການຖືກຕິດຕາມກໍດີ ການຖືກຈັບກຸມກໍດີ, ທັງໝົດນີ້ເປັນທຸກຂ໌ຂອງຄົນບໍຣິໂພກກາມໃນໂລກ.
(ຊົງສະແດງໂດຍພາສາທັມ)
ພິກຂຸ ທ. ! ເຊັ່ນໃດກໍເຊັ່ນນັ້ນ : ຄວາມບໍ່ມີສັດທາ - ຫິຣິ - ໂອຕຕັບປະ - ວິຣິຍະ - ປັນຍາ, ໃນກຸສົລທັມມີຢູ່ແກ່ຜູ້ໃດ; ເຮົາກ່າວບຸຄຄົລຜູ້ນັ້ນ ວ່າເປັນ ຄົນຈົນ ເຂັນໃຈໄຮ້ຊັບສົມບັດ ໃນອະຣິຍະວິນັຍ.
ພິກຂຸ ທ. ! ຄົນຈົນຊະນິດນັ້ນ ເມື່ອບໍ່ມີສັດທາ - ຫິຣິ - ໂອຕຕັບປະ - ວິຣິຍະ - ປັນຍາ, ໃນກຸສົລທັມ ເຂົາຍ່ອມປະພຶດກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕ, ເຮົາກ່າວການປະພຶດທຸຈະຣິຕ ຂອງເຂົານີ້ວ່າ ເປັນການກູ້ໜີ້.
ເພື່ອຈະປົກປິດກາຢະທຸຈະຣິຕ ວະຈີທຸຈະຣິຕ ມະໂນທຸຈະຣິຕຂອງເຂົາ ເຂົາຕັ້ງຄວາມປາຖະໜາລາມົກ ປາຖະໜາບໍ່ໃຫ້ໃຜຮູ້ຈັກເຂົາ ດໍາຣິບໍ່ໃຫ້ໃຜຮູ້ຈັກເຂົາເວົ້າຈາເພື່ອບໍ່ໃຫ້ໃຜຮູ້ຈັກເຂົາ ຂົນຂວາຍທຸກເຍື່ອງເພື່ອບໍ່ໃຫ້ໃຜຮູ້ຈັກເຂົາ, ເຮົາກ່າວ ການປົກປິດຄວາມທຸຈະຣິຕເຊັ່ນນີ້ ຂອງເຂົານີ້ ວ່າເປັນ ດອກເບ້ຍທີ່ເຂົາຕ້ອງໃຊ້.
ເພື່ອນສະພຣົມມະຈາຣີ ຜູ້ມີສີລເປັນທີ່ຮັກ ພາກັນກ່າວປາຣົບເຂົາ ດັ່ງນີ້ວ່າ “ທ່ານຜູ້ມີອາຍຸນີ້ ເຮັດອັນໃດໆ (ໜ້າໜ່າຍເປັນຕາຊັງ) ເຊັ່ນນີ້ ມີປົກກະຕິປະພຶດກະທຳອັນໃດໆ (ໜ້າໜ່າຍເປັນຕາຊັງ) ເຊັ່ນນີ້”, ເຮົາກ່າວ ການຖືກກ່າວວ່າດັ່ງນີ້ ນີ້ ວ່າເປັນການຖືກທວງໜີ້.
ເຂົາຈະໄປຢູ່ປ່າກໍຕາມ ຢູ່ເຫງົ້າໄມ້ກໍຕາມ ຢູ່ເຮືອນວ່າງກໍຕາມ ອະກຸສົລວິຕົກ ອັນລາມົກ ປະກອບຢູ່ດ້ວຍຄວາມຮ້ອນໃຈ ຍ່ອມເກີດຂຶ້ນປຸ້ມລຸມຈິຕໃຈເຂົາ, ເຮົາກ່າວ ອາການດັ່ງນີ້ ນີ້ ວ່າເປັນ ການຖືກຕິດຕາມເພື່ອທວງໜີ້.
ພິກຂຸ ທ. ! ຄົນຈົນຊະນິດນີ້ ຄັນປະພຶດກາຢະ-ວະຈີ-ມະໂນທຸຈະຣິຕແລ້ວ ພາຍຫຼັງແຕ່ການຕາຍ ເພາະການແຕກທຳລາຍແຫ່ງກາຍ ຍ່ອມ ຖືກັກຂັງ ຢູ່ໃນນະຣົກແດ່ ໃນກໍາເນີດເດຣັດສານແດ່.
ພິກຂຸ ທ. ! ເຮົາບໍ່ມອງເຫັນ ການກັກຂັງອື່ນ ແມ່ນແຕ່ເຍື່ອງດຽວ ທີ່ທາຣຸນເຊັ່ນນີ້ ເຈັບປວດເຊັ່ນນີ້ ເປັນອັນຕະລາຍເຊັ່ນນີ້ ຕໍ່ການບັນລຸໂຢຄັກເຂມະທັມ ອັນບໍ່ມີທັມອື່ນຍິ່ງກວ່າ ເໝືອນການຖືກກັກຂັງ ໃນນະຣົກ ຫຼື ໃນກໍາເນີດເດຣັດສານເຊັ່ນນີ້. (ເລື່ອງຄວນເບິ່ງປະກອບໃນອະຣິຍ.ໂອ. ປາຍ. ໜ້າ ໑໐໗໙, ໑໐໘໗)
(ຄາຖາເພີ່ມຕື່ມທ້າຍພຣະສູຕ)
ຄວາມຍາກຈົນ ແລະການກູ້ໜີ້ ທ່ານກ່າວວ່າ ເປັນຄວາມທຸກຂ໌ໃນໂລກ. ຄົນຈົນ ກູ້ໜີ້ມາລ້ຽງຊີວິຕ ຍ່ອມເດືອດຮ້ອນ ເພາະເຈົ້າໜີ້ຕິດຕາມແດ່ ເພາະຖືກຈັບກຸມແດ່. ການຖືກຈັບກຸມນັ້ນ ເປັນຄວາມທຸກຂ໌ ຂອງຄົນບູຊາການໄດ້ກາມ.
ເຖິງແມ່ນ ໃນອະຣິຍະວິນັຍນີ້ ກໍເໝືອນກັນ : ຜູ້ໃດບໍ່ມີສັດທາ ບໍ່ມີຫິຣິ ບໍ່ມີໂອຕຕັບປະ ສັ່ງສົມແຕ່ບາບກັມ ປະພຶດກາຢະທຸຈະຣິຕ-ວະຈີທຸຈະຣິຕ-ມະໂນທຸຈະຣິຕ ປົກປິດຢູ່ ດ້ວຍການປະພຶດທາງກາຍ ທາງວາຈາ ທາງຈິຕ ເພື່ອບໍ່ໃຫ້ຜູ້ໃດຮູ້ຈັກເຂົາ, ຜູ້ນັ້ນພອກພູນບາບກັມຢູ່ເນື່ອງນິດ ໃນບ່ອນນັ້ນໆ.
ຄົນຊົ່ວສ້າງບາບກັມ ຮູ້ສຶກແຕ່ກັມຊົ່ວຂອງຕົນ ເໝືອນຄົນຍາກຈົນ ກູ້ໜີ້ມາບໍລິໂພກຢູ່ ຍ່ອມເດືອດຮ້ອນ.
ຄວາມຄິດໄຝ່ຕຶກ ທີ່ເກີດຈາກວິບປະຕິສານ ອັນເປັນເຄື່ອງທໍຣະມານໃຈ ຍ່ອມຕິດຕາມເຂົາ ທັງໃນບ້ານ ແລະໃນປ່າ.
ຄົນຊົ່ວສ້າງບາບກັມ ຮູ້ສຶກແຕ່ກັມຊົ່ວຂອງຕົນ ໄປສູ່ກໍາເນີດເດຣັດສານບາງຢ່າງ ຫຼືວ່າຖືກກັກຂັງຢູ່ໃນນະຣົກ. ການຖືກກັກຂັງນັ້ນ ເປັນທຸກຂ໌ ຊະນິດທີ່ທີຣະຊົນ ບໍ່ເຄີຍພົບເລີຍ....
- ສັກກ. ອັງ. ໒໒/໓໙໒/໓໑໖.