ລັກສະນະຂອງການເກີດ

ສາຣີບຸດ ! ກໍາເນີດ ໔ ປາການເຫລົ່ານີ້ ມີຢູ່.
4 ປະການ ເປັນແນວໃດໜໍ ? ຄື
໑. ອັນດະຊະກໍາເນີດ (ເກີດໃນໄຂ່)
໒. ຊະລາພຸຊະກໍາເນີດ (ເກີດໃນຄັນ)
໓. ສັງເສທະສະກໍາເນີດ (ເກີດໃນໄຄເທົາ)
໔. ໂອປະປາຕິກະກໍາເນີດ (ເກີດຜຸດຂຶ້ນ)

ສາຣີບຸດ ! ກໍອັນທະຊະກໍາເນີດ ເປັນແນວໃດໜໍ ?
ສັຕທັງຫລາຍເຫລົ່ານັ້ນ ເຈາະເປືອກແຫ່ງຟອງເກີດຂຶ້ນ ນີ້ເຮົາເອີ້ນວ່າ ອັນດະຊະກໍາເນີດ.

ສາຣີບຸດ ! ຊະລາພຸຊະກໍາເນີດ ເປັນແນວໃດໜໍ ?
ສັຕທັງຫຼາຍເຫລົ່ານັ້ນໃດ ອາໄສລໍາໄສ້ (ມົດລູກ) ເກີດ ນີ້ເຮົາເອີ້ນວ່າ ຊະລາພຸຊະກໍາເນີດ.

ສາຣີບຸດ ! ສັງເສທະຊະກໍາເນີດ ເປັນແນວໃດໜໍ ?
ສັຕທັງຫຼາຍເຫຼົ່ານັ້ນໃດ ຍ່ອມເກີດໃນປາເນົ່າ ໃນຊາກສົບເນົ່າ ໃນເຂົ້າໜົມບູດ ຫລືໃນນໍ້າຄໍາ ໃນໄຄເທົາ (ຂອງສົກກະປົກ) ນີ້ເຮົາເອີ້ນວ່າ ສັງເສທະຊະກໍາເນີດ.


ສາຣີບຸດ ! ໂອປະປາຕິກະກໍາເນີດ ເປັນແນວໃດໜໍ ?
ເທວະດາ ສັຕນາຣົກ ມະນຸດບາງຈໍາພວກ ແລະເປຕບາງຈໍາພວກ ນີ້ເຮົາເອີ້ນວ່າ ໂອປະປາຕິກະກໍາເນີດ.

ສາຣີບຸດ ! ເຫລົ່ານແລ ກໍາເນີດ 4 ປະການ.

- ບາລີ ມູ. ມ. ໑໒/໑໔໖/໑໖໙.