ຂັນ 5 ເປັນທີ່ຕັ້ງແຫ່ງສັງໂຍດ

ພິກຂຸ ທ.! ເຮົາຈະສະແດງ ສິ່ງຊຶ່ງເປັນທີ່ຕັ້ງແຫ່ງສັນໂຍຊະນະ (ສັນໂຍຊະນິຍະທັມມະ) ແລະໂຕສັນໂຍຊະນະ. ພວກເຈົ້າທັງຫຼາຍ ຈົ່ງຟັງຂໍ້ນັ້ນ.

ພິກຂຸ ທ.! ສິ່ງຊຶ່ງເປັນທີ່ຕັ້ງແຫ່ງສັງໂຍດ ເປັນແນວໃດ ? ແລະ ຕົວສັງໂຍດ ເປັນແນວໃດໜໍ ?

ພິກຂຸ ທ.! ຮູບ (ກາຍ) ເປັນສິ່ງຊຶ່ງເປັນທີ່ຕັ້ງແຫ່ງສັງໂຍດ . ສັນທະຣາຄະ (ຄວາມກໍາໜັດເພາະພໍໃຈ) ໃດ ເຂົ້າໄປມີຢູ່ໃນຮູບນັ້ນ ສັນທະຣາຄະນັ້ນ ຄືຕົວສັງໂຍດໃນຮູບນັ້ນ;

ພິກຂຸ ທ.! ເວທະນາ ເປັນສິ່ງຊຶ່ງເປັນທີ່ຕັ້ງແຫ່ງສັງໂຍດ , ສັນທະຣາຄະໃດເຂົ້າໄປມີຢູ່ ໃນເວທະນານັ້ນ ສັນທະຣາຄະນັ້ນ ຄືຕົວສັງໂຍດ ໃນເວທະນານັ້ນ;

ພິກຂຸ ທ.! ສັນຍາ ເປັນສິ່ງຊຶ່ງເປັນທີ່ຕັ້ງແຫ່ງສັງໂຍດ , ສັນທະຣາຄະໃດ ເຂົ້າໄປມີຢູ່ ໃນສັນຍານັ້ນ ສັນທະຣາຄະນັ້ນ ຄືຕົວສັງໂຍດ ໃນສັນຍານັ້ນ;

ພິກຂຸ ທ.! ສັງຂານທັງຫຼາຍ ເປັນສິ່ງຊຶ່ງເປັນທີ່ຕັ້ງແຫ່ງສັງໂຍດ , ສັນທະຣາຄະໃດເຂົ້າໄປມີຢູ່ ໃນສັງຂານທັງຫຼາຍເຫຼົ່ານັ້ນ ສັນທະຣາຄະນັ້ນ ຄືຕົວສັງໂຍດ ໃນສັງຂານທັງຫຼາຍເຫຼົ່ານັ້ນ;

ພິກຂຸ ທ.! ວິນຍານ ເປັນສິ່ງຊຶ່ງເປັນທີ່ຕັ້ງແຫ່ງສັງໂຍດ , ສັນທະຣາຄະໃດເຂົ້າໄປມີຢູ່ໃນວິນຍານນັ້ນ ສັນທະຣາຄະນັ້ນ ຄືຕົວສັງໂຍດ ໃນວິນຍານນັ້ນ.

ພິກຂຸ ທ.! ຂັນເຫຼົ່ານີ້ ເອີ້ນວ່າ ສິ່ງຊຶ່ງເປັນທີ່ຕັ້ງແຫ່ງສັງໂຍດ ; ສັນທະຣາຄະ ນີ້ ເອີ້ນວ່າ ຕົວສັງໂຍດ ແລ.

- ຂັນທະ. ສັງ. ໑໗/໒໐໒/໓໐໘.