ອະວິຊາ ຂອງຜູ້ເຖິງຊຶ່ງອະວິຊາ

“ຂ້າແຕ່ພຣະອົງຄ໌ຜູ້ຈະເຣີນ ! ທີ່ຮຽກກັນວ່າ ‘ອະວິຊຊາ-ອະວິຊຊາ’ ດັ່ງນີ້ນັ້ນ ເປັນແນວໃດ ? ແລະດ້ວຍເຫຕພຽງເທົ່າໃດ ບຸຄຄົລຈຶ່ງຊື່ວ່າ ເປັນຜູ້ເຖິງຊຶ່ງ ອະວິຊຊາ ? ຂ້ານ້ອຍ !”

ພິກຂຸ ! ໃນກໍລະນີນີ້ ປຸຖຸຊົນຜູ້ບໍ່ມີການສະດັບ ບໍ່ຮູ້ແຈ່ມແຈ້ງຕາມເປັນຈິງ ຊຶ່ງຮູບ ເວທະນາ ສັນຍາ ສັງຂາຣ ວິນຍານ ອັນມີຄວາມກໍ່ຂຶ້ນເປັນທັມມະດາ ວ່າ“ເປັນສິ່ງທີ່ມີຄວາມກໍ່ຂຶ້ນເປັນທັມມະດາ” ດັ່ງນີ້; ບໍ່ຮູ້ແຈ່ມແຈ້ງຕາມເປັນຈິງ ຊຶ່ງຮູບເວທະນາ ສັນຍາ ສັງຂາຣ ວິນຍານ ອັນມີຄວາມເສື່ອມໄປເປັນທັມມະດາ ວ່າ “ເປັນສິ່ງທີ່ມີຄວາມເສື່ອມໄປເປັນທັມມະດາ” ດັ່ງນີ້; ບໍ່ຮູ້ແຈ່ມແຈ້ງຕາມເປັນຈິງຊຶ່ງຮູບ ເວທະນາ ສັນຍາ ສັງຂາຣ ວິນຍານ ອັນມີທັງຄວາມກໍ່ຂຶ້ນແລະຄວາມເສື່ອມໄປເປັນທັມມະດາ ວ່າ “ເປັນສິ່ງທີ່ມີຄວາມກໍ່ຂຶ້ນແລະຄວາມເສື່ອມໄປເປັນທັມມະດາ” ດັ່ງນີ້. ພິກຂຸ ! ຄວາມບໍ່ຮູ້ນີ້ ເຮົາເອີ້ນວ່າ ອະວິຊຊາ; ແລະບຸຄຄົລຊື່ວ່າ ເປັນຜູ້ເຖິງຊຶ່ງ ອະວິຊຊາ ຍ່ອມມີໄດ້ດ້ວຍເຫຕ ມີປະມານເທົ່ານີ້ແລ.

- ຂັນທະ. ສັງ. ໑໗໒໐໙/໓໒໐.