ອານິສົງຂອງທັມ 4 ປະການ

ພິກຂຸທັງຫຼາຍ ! ທັມ ໔ ປະການນີ້
ອັນບຸກຄົນຈະເຣີນແລ້ວ ຝຶກໃຫ້ຫຼາຍແລ້ວ
ຍ່ອມເປັນໄປເພື່ອເຮັດໃຫ້ແຈ້ງຊຶ່ງໂສດາປັຕຕິຜົລ.

ທັມ ໔ ປະການ ແນວໃດໜໍ ? ໔ ປະການຄື : -
ການຄົບສັຕບຸຣຸສ ໑,
ການຟັງພຣະສັດທັມ ໑,
ການຮິ່ນຕອງໃນໃຈໂດຍລະອຽດຮອບຄອບ ໑,
ການປະຕິບັຕທັມສົມຄວນແກ່ທັມ ໑.

ພິກຂຸທັງຫຼາຍ ! ທັມ ໔ ປະການນີ້ແລ
ອັນບຸກຄົນຈະເຣີນແລ້ວ ຝຶກໃຫ້ຫຼາຍແລ້ວ
ຍ່ອມເປັນໄປເພື່ອເຮັດໃຫ້ແຈ້ງຊຶ່ງໂສດາປັຕຕິຜົລ.
ພິກຂຸທັງຫຼາຍ ! ທັມ ໔ ປະການນີ້
ອັນບຸກຄົນຈະເຣີນແລ້ວ ຝຶກໃຫ້ຫຼາຍແລ້ວ
ຍ່ອມເປັນໄປເພື່ອເຮັດໃຫ້ແຈ້ງຊຶ່ງສະກະທາຄາມິຜົລ....
... ຍ່ອມເປັນໄປເພື່ອເຮັດໃຫ້ແຈ້ງຊຶ່ງອະນາຄາມິຜົລ....
... ຍ່ອມເປັນໄປເພື່ອເຮັດໃຫ້ແຈ້ງຊຶ່ງອະຫັນຕະຜົລ....
... ຍ່ອມເປັນໄປເພື່ອໄດ້ປັນຍາ (ປັນຍາປະຕິລາພາຍະ) ....
... ຍ່ອມເປັນໄປເພື່ອຄວາມຈະເຣີນແຫ່ງປັນຍາ
(ປັນາຍາວຸຕທິຍາ) ... .
... ຍ່ອມເປັນໄປເພື່ອຄວາມໄພບູນແຫ່ງປັນຍາ
(ປັນຍາເວປຸລລາຍະ) ... .
... ຍ່ອມເປັນໄປເພື່ອຄວາມເປັນຜູ້ມີປັນຍາໃຫຍ່
(ມະຫາປັນຍະຕາຍະ) ... .
... ຍ່ອມເປັນໄປເພື່ອຄວາມເປັນຜູ້ມີປັນຍາແໜ້ນໜາ
(ປຸຖຸປັນຍະຕາຍະ) ... .
... ຍ່ອມເປັນໄປເພື່ອຄວາມເປັນຜູ້ມີປັນຍາໄພບູນ
(ວິປຸລະປັນຍະຕາຍະ)... .
... ຍ່ອມເປັນໄປເພື່ອຄວາມເປັນຜູ້ມີປັນຍາເລິກ
(ຄັມພີຣະປັນຍະຕາຍະ) ... .
... ຍ່ອມເປັນໄປເພື່ອຄວາມເປັນຜູ້ມີປັນຍາປະມານບໍ່ໄດ້
(ອັປປະມັຕຕະປັນຍະຕາຍະ) ... .
... ຍ່ອມເປັນໄປເພື່ອຄວາມເປັນຜູ້ມີປັນຍາ
ທຽມດັ່ງແຜ່ນດິນ (ພູຣິປັນຍະຕາຍະ) ... .
... ຍ່ອມເປັນໄປເພື່ອຄວາມເປັນຜູ້ມີປັນຍາຫຼາຍ
(ປັນຍາພາຫຸລລາຍະ) ... .
... ຍ່ອມເປັນໄປເພື່ອຄວາມເປັນຜູ້ມີປັນຍາໄວ
(ສີຄະປັນຍະຕາຍະ) ... .
... ຍ່ອມເປັນໄປເພື່ອຄວາມເປັນຜູ້ມີປັນຍາເບົາ
(ລະຫຸປັນຍະຕາຍະ) ... .
... ຍ່ອມເປັນໄປເພື່ອຄວາມເປັນຜູ້ມີປັນຍາລ່າເລີງ
(ຫາສະປັນຍະຕາຍະ) ... .
... ຍ່ອມເປັນໄປເພື່ອຄວາມເປັນຜູ້ມີປັນຍາສຽບແຫຼມ (ໄວ)
(ຊະວະນະປັນຍະຕາຍະ) ... .
... ຍ່ອມເປັນໄປເພື່ອຄວາມເປັນຜູ້ມີປັນຍາຄົມ
(ຕິກຂະປັນຍະຕາຍະ) ... .
ພິກຂຸທັງຫຼາຍ ! ທັມ ໔ ປະການນີ້
ອັນບຸກຄົນຈະເຣີນແລ້ວ ຝຶກໃຫ້ຫຼາຍແລ້ວ
ຍ່ອມເປັນໄປເພື່ອຄວາມເປັນຜູ້ມີປັນຍາເປັນເຄື່ອງ ເຈາະແທງກິເລສ (ນິບເພທິກະປັັນຍະຕາຍະ).

ທັມ ໔ ປະການ ແນວໃດໜໍ ?
໔ ປະການ ຄື: -
ການຄົບສັຕບຸຣຸສ ໑,
ການຟັງພຣະສັດທັມ ໑,
ການຮິ່ນຕອງໄວ້ໃນໃຈໂດຍລະອຽດ ໑,
ການປະຕິບັຕທັມສົມຄວນແກ່ທັມ ໑.

ພິກຂຸທັງຫຼາຍ ! ທັມ ໔ ປະການນີ້ແລ
ອັນບຸກຄົນຈະເຣີນແລ້ວ ຝຶກໃຫ້ຫຼາຍແລ້ວ
ຍ່ອມເປັນໄປເພື່ອຄວາມເປັນຜູ້ມີປັນຍາເປັນເຄື່ອງ ເຈາະແທງກິເລສ.

- ບາລີ ມຫາວາຣ. ສັງ. ໑໙/໕໑໖/໑໖໓໔.