ພຣະສູດ 
ຖືກໃຈ 
ປື້ມ 
Video 
ປະຕິທິນ 
ພຣະທັມ 
ຕິດຕໍ່ ອະຣິຍະໂລກຸດຕະຣະທັມສໍາລັບຄົນທຸກຄົນທຸກວັນນະ
ທໍາໃນເບື້ອງຕົ້ນ
“ພຣະໂຄດົມຜູ້ຈະເຣີນ ! ພຣາມທັງຫຼາຍ ຍ່ອມບັນຍັຕຊັບ ສີ່ປະການ ຄືບັນຍັຕຊັບ ປະຈໍາໂຕຂອງພຣາມ ບັນຍັຕຊັບປະຈໍາໂຕຂອງກະສັດ ບັນຍັຕຊັບປະຈໍາໂຕຂອງແພດ ບັນຍັຕຊັບປະຈໍາໂຕຂອງສູດ.
ພຣະໂຄດົມຜູ້ຈະເຣີນ ! ໃນຊັບສີ່ປະການນັ້ນ ພວກພຣາມບັນຍັຕ ການພິກຂາຈາຣວ່າເປັນຊັບປະຈໍາໂຕ ຂອງພວກພຣາມ ຖ້າພວກພຣາມ ດູໝິ່ນການພິກຂາຈາຣ ຊຶ່ງເປັນຊັບປະຈໍາໂຕ ຂອງຕົນເສຍ ໄປເຮັດກິດນອກໜ້າທີ່ຂອງຕົນ ເຂົາກໍຈະເປັນເໝືອນເດັກລ້ຽງງົວ ທ່ຽວລັກຂອງຂອງຜູ້ອື່ນຢູ່. ພຣະໂຄດົມຜູ້ຈະເຣີນ ! ນີ້ແຫຼະ ພວກພຣາມ ບັນຍັຕຊັບປະຈໍາໂຕ ສໍາລັບພຣາມ.
ພຣະໂຄດົມຜູ້ຈະເຣີນ ! ໃນຊັບສີ່ປະການນັ້ນ ພວກພຣາມບັນຍັຕ ຄັນສອນ ແລະມັດແຫ່ງລູກສອນ ວ່າເປັນຊັບປະຈໍາໂຕ ຂອງພວກກະສັດ ຖ້າພວກກະສັດ ດູໝິ່ນຄັນສອນ ແລະມັດແຫ່ງລູກສອນ ຊຶ່ງເປັນຊັບປະຈໍາໂຕຂອງຕົນເສຍ ໄປເຮັດກິດນອກໜ້າທີ່ຂອງຕົນ ເຂົາກໍຈະເປັນເໝືອນເດັກລ້ຽງງົວ ທ່ຽວລັກຂອງຂອງຜູ້ອື່ນຢູ່. ພຣະໂຄດົມຜູ້ຈະເຣີນ ! ນີ້ແຫຼະພວກພຣາມບັນຍັຕ ຊັບປະຈໍາໂຕ ສໍາລັບກະສັດ.
ພຣະໂຄດົມຜູ້ຈະເຣີນ ! ໃນຊັບສີ່ປະການນັ້ນ ພວກພຣາມບັນຍັຕ ກະສິກັມ ແລະໂຄຣັກຂະກັມ ວ່າເປັນຊັບປະຈໍາໂຕ ຂອງພວກແພດ ຖ້າພວກແພດດູໝິ່ນກະສິກັມ ແລະໂຄຣັກຂະກັມ ຊຶ່ງເປັນຊັບປະຈໍາໂຕ ຂອງຕົນເສຍ ໄປເຮັດກິດນອກໜ້າທີ່ຂອງຕົນ ເຂົາກໍຈະເປັນເໝືອນເດັກລ້ຽງງົວ ທ່ຽວລັກຂອງຂອງຜູ້ອື່ນຢູ່, ພຣະໂຄດົມຜູ້ຈະເຣີນ ! ນີ້ແຫຼະ ພວກພຣາມບັນຍັຕ ຊັບປະຈໍາໂຕ ສໍາລັບແພດ.
ພຣະໂຄດົມຜູ້ຈະເຣີນ ! ໃນຊັບສີ່ປະການນັ້ນ ພວກພຣາມບັນຍັຕ ຫາບ (ຄຸ) ແລະໄມ້ຄານ ວ່າເປັນຊັບປະຈໍາໂຕ ຂອງພວກສູດ ຖ້າພວກສູດ ດູໝິ່ນຫາບ (ຄຸ) ແລະໄມ້ຄານ ຊຶ່ງເປັນຊັບປະຈໍາໂຕ ຂອງຕົນເສຍໄປເຮັດກິດນອກໜ້າທີ່ຂອງຕົນ ເຂົາກໍຈະເປັນເໝືອນເດັກລ້ຽງງົວ ທ່ຽວລັກຂອງຂອງຜູ້ອື່ນຢູ່. ພຣະໂຄດົມຜູ້ຈະເຣີນ ! ນີ້ແຫຼະ ພວກພຣາມບັນຍັຕ ຊັບປະຈໍາໂຕສໍາລັບສູດ.
ພວກພຣາມບັນຍັຕ ຊັບສີ່ປະການເຫຼົ່ານີ້; ໃນກໍລະນີນີ້ ພຣະໂຄດົມຜູ້ຈະເຣີນ ກ່າວແນວໃດ ?
ພຣາມ ! ໂລກທັງປວງ ຍອມຮັບຮູ້ ການບັນຍັຕເຊັ່ນນັ້ນ ຂອງພຣາມ ທັງຫຼາຍ ວ່າຄົນທັງຫຼາຍ ຈົ່ງບັນຍັຕຊັບ ທັງສີ່ຢ່າງເຫຼົ່ານີ້ເທາະ ດັ່ງນີ້ຫຼື ?
“ຂໍ້ນັ້ນ ຫາບໍ່ໄດ້ ພຣະໂຄດົມຜູ້ຈະເຣີນ !”
ພຣາມ ! ຂໍ້ນີ້ປຽບເໝືອນຄົນຍາກຈົນ ເຂັນໃຈ ໄຮ້ຊັບບມີຢູ່ ຄົນພວກໜຶ່ງແຂວນຊີ້ນ (ທີ່ຮ້ອຍໄວ້ເປັນພູດໆ) ສະແດງແກ່ເຂົາ ຜູ້ບໍ່ປາຖນາໂດຍກ່າວວ່າ “ບຸຣຸສຜູ້ຈະເຣີນ ! ຊີ້ນນີ້ໜ້າກິນ ແຕ່ຕ້ອງໃຊ້ມູນຄ່າ” ດັ່ງນີ້ ນີ້ເຊັ່ນໃດ; ພຣາມເອີຍ ! ພຣາມທັງຫຼາຍ ບໍ່ໄດ້ຮັບການຮັບຮູ້ ຂອງສະມະນະພຣາມທັງຫຼາຍແລ້ວ ກໍມາບັນຍັຕຊັບທັງຫຼາຍ ສີ່ເຫຼົ່ານັ້ນ ກໍເຊັ່ນນັ້ນ.
ພຣາມ ! ເຮົາບັນຍັຕ ໂລກຸຕຕະຣະທັມ ອັນປະເສີດວ່າ ເປັນຊັບປະຈໍາໂຕ ສໍາລັບຄົນ.
- ມ. ມ. ໑໓/໖໑໔-໖໑໕/໖໖໕-໖໖໖.
ພຣະໂຄດົມຜູ້ຈະເຣີນ ! ໃນຊັບສີ່ປະການນັ້ນ ພວກພຣາມບັນຍັຕ ການພິກຂາຈາຣວ່າເປັນຊັບປະຈໍາໂຕ ຂອງພວກພຣາມ ຖ້າພວກພຣາມ ດູໝິ່ນການພິກຂາຈາຣ ຊຶ່ງເປັນຊັບປະຈໍາໂຕ ຂອງຕົນເສຍ ໄປເຮັດກິດນອກໜ້າທີ່ຂອງຕົນ ເຂົາກໍຈະເປັນເໝືອນເດັກລ້ຽງງົວ ທ່ຽວລັກຂອງຂອງຜູ້ອື່ນຢູ່. ພຣະໂຄດົມຜູ້ຈະເຣີນ ! ນີ້ແຫຼະ ພວກພຣາມ ບັນຍັຕຊັບປະຈໍາໂຕ ສໍາລັບພຣາມ.
ພຣະໂຄດົມຜູ້ຈະເຣີນ ! ໃນຊັບສີ່ປະການນັ້ນ ພວກພຣາມບັນຍັຕ ຄັນສອນ ແລະມັດແຫ່ງລູກສອນ ວ່າເປັນຊັບປະຈໍາໂຕ ຂອງພວກກະສັດ ຖ້າພວກກະສັດ ດູໝິ່ນຄັນສອນ ແລະມັດແຫ່ງລູກສອນ ຊຶ່ງເປັນຊັບປະຈໍາໂຕຂອງຕົນເສຍ ໄປເຮັດກິດນອກໜ້າທີ່ຂອງຕົນ ເຂົາກໍຈະເປັນເໝືອນເດັກລ້ຽງງົວ ທ່ຽວລັກຂອງຂອງຜູ້ອື່ນຢູ່. ພຣະໂຄດົມຜູ້ຈະເຣີນ ! ນີ້ແຫຼະພວກພຣາມບັນຍັຕ ຊັບປະຈໍາໂຕ ສໍາລັບກະສັດ.
ພຣະໂຄດົມຜູ້ຈະເຣີນ ! ໃນຊັບສີ່ປະການນັ້ນ ພວກພຣາມບັນຍັຕ ກະສິກັມ ແລະໂຄຣັກຂະກັມ ວ່າເປັນຊັບປະຈໍາໂຕ ຂອງພວກແພດ ຖ້າພວກແພດດູໝິ່ນກະສິກັມ ແລະໂຄຣັກຂະກັມ ຊຶ່ງເປັນຊັບປະຈໍາໂຕ ຂອງຕົນເສຍ ໄປເຮັດກິດນອກໜ້າທີ່ຂອງຕົນ ເຂົາກໍຈະເປັນເໝືອນເດັກລ້ຽງງົວ ທ່ຽວລັກຂອງຂອງຜູ້ອື່ນຢູ່, ພຣະໂຄດົມຜູ້ຈະເຣີນ ! ນີ້ແຫຼະ ພວກພຣາມບັນຍັຕ ຊັບປະຈໍາໂຕ ສໍາລັບແພດ.
ພຣະໂຄດົມຜູ້ຈະເຣີນ ! ໃນຊັບສີ່ປະການນັ້ນ ພວກພຣາມບັນຍັຕ ຫາບ (ຄຸ) ແລະໄມ້ຄານ ວ່າເປັນຊັບປະຈໍາໂຕ ຂອງພວກສູດ ຖ້າພວກສູດ ດູໝິ່ນຫາບ (ຄຸ) ແລະໄມ້ຄານ ຊຶ່ງເປັນຊັບປະຈໍາໂຕ ຂອງຕົນເສຍໄປເຮັດກິດນອກໜ້າທີ່ຂອງຕົນ ເຂົາກໍຈະເປັນເໝືອນເດັກລ້ຽງງົວ ທ່ຽວລັກຂອງຂອງຜູ້ອື່ນຢູ່. ພຣະໂຄດົມຜູ້ຈະເຣີນ ! ນີ້ແຫຼະ ພວກພຣາມບັນຍັຕ ຊັບປະຈໍາໂຕສໍາລັບສູດ.
ພວກພຣາມບັນຍັຕ ຊັບສີ່ປະການເຫຼົ່ານີ້; ໃນກໍລະນີນີ້ ພຣະໂຄດົມຜູ້ຈະເຣີນ ກ່າວແນວໃດ ?
ພຣາມ ! ໂລກທັງປວງ ຍອມຮັບຮູ້ ການບັນຍັຕເຊັ່ນນັ້ນ ຂອງພຣາມ ທັງຫຼາຍ ວ່າຄົນທັງຫຼາຍ ຈົ່ງບັນຍັຕຊັບ ທັງສີ່ຢ່າງເຫຼົ່ານີ້ເທາະ ດັ່ງນີ້ຫຼື ?
“ຂໍ້ນັ້ນ ຫາບໍ່ໄດ້ ພຣະໂຄດົມຜູ້ຈະເຣີນ !”
ພຣາມ ! ຂໍ້ນີ້ປຽບເໝືອນຄົນຍາກຈົນ ເຂັນໃຈ ໄຮ້ຊັບບມີຢູ່ ຄົນພວກໜຶ່ງແຂວນຊີ້ນ (ທີ່ຮ້ອຍໄວ້ເປັນພູດໆ) ສະແດງແກ່ເຂົາ ຜູ້ບໍ່ປາຖນາໂດຍກ່າວວ່າ “ບຸຣຸສຜູ້ຈະເຣີນ ! ຊີ້ນນີ້ໜ້າກິນ ແຕ່ຕ້ອງໃຊ້ມູນຄ່າ” ດັ່ງນີ້ ນີ້ເຊັ່ນໃດ; ພຣາມເອີຍ ! ພຣາມທັງຫຼາຍ ບໍ່ໄດ້ຮັບການຮັບຮູ້ ຂອງສະມະນະພຣາມທັງຫຼາຍແລ້ວ ກໍມາບັນຍັຕຊັບທັງຫຼາຍ ສີ່ເຫຼົ່ານັ້ນ ກໍເຊັ່ນນັ້ນ.
ພຣາມ ! ເຮົາບັນຍັຕ ໂລກຸຕຕະຣະທັມ ອັນປະເສີດວ່າ ເປັນຊັບປະຈໍາໂຕ ສໍາລັບຄົນ.
- ມ. ມ. ໑໓/໖໑໔-໖໑໕/໖໖໕-໖໖໖.