ທຳສຳລັບສະຕີເມື່ອອອກເຮືອນ

ເທົ່າທັງຫຼາຍພຶງສຶກສາແນວນີ້ວ່າ ມານະດາບິດາຂອງສາມີທີ່ເປັນຜູ້ປາຖະໜາປະໂຍດ ຫວັງຄວາມເກື້ອກູນອະນຸເຄາະດ້ວຍຄວາມເອັນດູ ເຮົາທັງຫຼາຍຈັກຕື່ນກ່ອນທ່ານ ນອນທີຫຼັງທ່ານ ຄອຍຮັບໃຊ້ທ່ານ ປະພຶດເປັນທີ່ພໍໃຈທ່ານ ເວົ້າຄຳເປັນທີ່ຮັກຕໍ່ທ່ານ

ຊົນເຫຼົ່າໃດເປັນທີ່ເຄົາລົບຂອງສາມີ ຄື ມານະດາ ບິດາ ຫຼືສະມະນະພາຫະມະນ ເຮົາທັງຫຼາຍ ຈັກສັກກາລະ ເຄົາລົບ ນັບຖື ບູຊາ ເມື່ອທ່ານມາຮອດທີ່ກໍຈັກຕ້ອນຮັບດ້ວຍທີ່ນັ່ງຫຼືນ້ຳ

ການງານພາຍໃນເຮືອນຂອງສາມີ ເຊັ່ນການເຮັດຂົນສັດ ຫຼືການເຮັດຜ້າ ເຮົາທັງຫຼາຍຈັກເປັນຜູ້ຂະຍັນບໍ່ຂີ້ຄ້ານໃນການງານນັ້ນ ຈັກປະກອບດ້ວຍປັນຍາເຄື່ອງພິຈາລະນາອັນເປັນອຸບາຍໃນການງານນັ້ນ ອາດເຮັດ ອາດຈັດ

ເຮົາທັງຫຼາຍຈັກຮູ້ການງານທີ່ອັນໂຕຊົນພາຍໃນເຮືອນຂອງສາມີ ຄື ຂ້າ ຄົນໃຊ້ ຫຼືກຳມະກອນເຮັດແລ້ວ ວ່າເຮັດແລ້ວ ທີ່ຍັງບໍ່ໄດ້ເຮັດ ວ່າຍັງບໍ່ໄດ້ເຮັດ ຈັກຮູ້ຄົນປ່ວຍໄຂ້ວ່າມີກຳລັງຫຼືບໍ່ມີກຳລັງ ແລະຈັກແບ່ງຂອງເຄືອງຂອງບໍລິໂພກໃຫ້ຕາມເຫດທີ່ຄວນ

ເຮົາທັງຫຼາຍຈັກຍັງຊັບສົມບັດ ເຂົ້າເປືອກ ເງິນ ຫຼືຄຳທີ່ສາມີຫາມາໄດ້ ໃຫ້ຄົງຢູ່ ດ້ວຍການຮັກສາ ຄຸ້ມຄອງ ຈັກບໍ່ເປັນນັກລ້ຽງການພະນັນ ບໍ່ເປັນໂຈນ ບໍ່ເປັນນັກດື່ມ ບໍ່ຜະລາຍຊັບສົມບັດໃຫ້ພິນາດ

ມາຕຸຄາມຜູ້ປະກອບດ້ວຍທຳ 5 ປະການນີ້ແລ ເມື່ອຕາຍໄປແລ້ວ ຍ່ອມເຂົ້າຮອດຄວາມເປັນສະຫາຍເທວະດາເຫຼົ່າມະນາປະກາຍິກາ

ສຸພາບສະຕີຜູ້ມີປີຊາ ຍ່ອມບໍ່ດູຫມິ່ນສາມີຜູ້ຫມັ່ນພຽນ ຂວນຂວາຍ ຢູ່ເປັນນິດ ລ້ຽງຕົນຢູ່ທຸກເມື່ອ ໃຫ້ຄວາມປາຖະໜາທັງປວງ ບໍ່ເຮັດສາມີໃຫ້ຂຸ່ນເຄືອງ ດ້ວຍປະພຶດສະແດງຄວາມຫິງຫວງສາມີ ແລະຍ່ອມບູຊາຜູ້ທີ່ເຄົາລົບທັງປວງຂອງສາມີ ເປັນຜູ້ຂະຍັນ ບໍ່ຂີ້ຄ້ານ ສົງເຄາະຄົນຂ້າງຄຽງຂອງສາມີ ປະພຶດເປັນທີ່ພໍໃຈຂອງສາມີ ຮັກສາຊັບສົມບັດທີ່ສາມີຫາມາໄດ້ ນາລີໃດຍ່ອມປະພຶດຕາມຄວາມພໍໃຈຂອງສາມີແນວນີ້ ນາລີນັ້ນຍ່ອມເຂົ້າຮອດຄວາມເປັນເທວະດາເຫຼົ່າມະນາປະກາຍິກາ